YGR News (2026)

19/12/2025

◆ గెలుపోటములను స్ఫూర్తిగా తీసుకోవాలి : ప్రిన్స్ వహాబ్

◆ అన్నదానం చేసిన అన్వర్ బాష
౼౼౼౼౼౼౼౼౼౼౼౼౼
#ఎమ్మిగనూరు : క్రీడల్లో గెలుపోటములను స్ఫూర్తిగా తీసుకుంటే జీవితంలో ఏదైనా సాధించొచ్చని ప్రిన్స్ స్వచ్చంద సేవ సమితి అధ్యక్షుడు, ఏఆర్ స్పోర్ట్స్ అధినేత వహాబ్ తెలిపారు. ఎమ్మిగనూరు పట్టణంలోని స్థానిక జునియర్ కళాశాల క్రీడామైదానంలో కర్నూలు జిల్లా జనరల్ సెక్రెటరీ వనకలదిన్నే వెంకటేష్ ఆధ్వర్యంలో శుక్రవారం జరిగిన జిల్లాస్థాయి కబడ్డీ అసోసియేషన్ మీట్ పురుషులు మరియు మహిళల కబడ్డీ సెలెక్షన్స్ పోటీలను #ప్రిన్స్_వహాబ్, ప్రభుత్వ ఉన్నత పాఠశాల ఇంచార్జ్ హెడ్ మాస్టర్ నాగభూషణం లు కలిసి పోటీలను ప్రారంభించారు. అనంతరం క్రీడాకారులను పరిచయం చేసుకొని శుభాకాంక్షలు తెలియజేశారు. బైలుప్పల అన్వర్ బాష అన్నదానం చేశారు. వక్తలు ఆయనను అభినందించారు. ఈ కార్యక్రమంలో అసోసియేషన్ జనరల్ సెక్రటరీ వి.వేంకటేశ్, శ్రీకాంత్, పియిటి, పిడి లు ఉప్పర వెంకటేశ్వర్లు, నరసింహారాజు, శిరీష, హేమలత, వీణ, నసరుల్లాబేగ్, హారిక, సీనియర్ క్రీడాకారుడు రామకృష్ణ, రామంజినేయులు, గుడికల్ వెంకటేష్, రాము, విస్వేశ్వరఆచారి తదితరులు పాల్గొన్నారు.

17/01/2025

ఎమ్మిగనూరు జాతర - 2025

01/01/2025

🎂 మంచితనానికి మారుపేరు...మానవత్వానికి మరోపేరు...ఎన్నో ఏళ్లుగా తన సొంత నిధులతో పేద విద్యార్థులకు, అనాధ పిల్లలకు, అన్నార్తులకు, క్రీడాకారులకు, వృద్ధులకు తనకు తోచిన ఆర్థిక సహాయం అందిస్తున్న ప్రిన్స్ వహాబ్ గారికి హృదయపూర్వక జన్మదిన శుభాకాంక్షలు. .💐💐💐💐

Bhai 🎂🫶🎂

• YGR_News •

28/12/2024

• పవర్‌ లిఫ్టింగ్‌ పోటీలో మెరిసిన ఎస్ఎన్ఎస్ స్కూల్ విద్యార్థి వలి
-------------------
#ఎమ్మిగనూరు : రాష్ట్రస్థాయి అండర్-17 స్కూల్ గేమ్స్ ఫెడరేషన్ పవర్ లిఫ్టింగ్ ఛాంపియన్ షిప్ పోటీలో #విజయవాడ #కృష్ణలంకా గవర్నమెంట్ జూనియర్ కళాశాల మైదానంలో ఇటీవల జరిగిన పోటీలో ఎమ్మిగనూరు పట్టణానికి చెందిన ఎస్ఎన్ఎస్ జిల్లా పరిషత్ హైస్కూల్ విద్యార్థి కెఎండి.వలి 74 కేజీల విభాగంలో సత్తా చాటి కాంస్య పథకం సాధించాడు. ఈసందర్బంగా శనివారం పాఠశాలలో ఏర్పాటు చేసిన అభినందన సభలో ప్రధానోపాధ్యాయులు కె.శోభ రాష్ట్ర స్థాయిలో సత్తా చాటిన 9వ తరగతి విద్యార్థి వలి ని అభినందించారు. పోటీ ఎన్నికకు కృషి చేసినటువంటి పిఇటి అస్లాం ను ప్రత్యేకంగా కొనియాడారు. అనంతరం ఆమె మాట్లాడుతూ..క్రీడలతో పాటు చదువులో రాణిస్తే ఉన్నతమైన స్థానానికి చేరుకుంటారన్నారు. ఈ కార్యక్రమంలో ఉపాధ్యాయులు హరికృష్ణ, మోహన్, యాదవ్, రామాంజనేయులు, పిఇటి ఎండి.అస్లాం లు పాల్గొన్నారు.

◆ ◆

13/11/2024

• ఎమ్మిగనూరు నూతన సిఐ గా బాధ్యతలు స్వీకరించిన శ్రీనివాసులు

• అసాంఘిక కార్యకలాపాలకు పాల్పడే వారిపై కఠిన చర్యలు తీసుకుంటామని హెచ్చరించారు.

• ప్రజలు ఎలాంటి సమస్యలు ఉన్న నేరుగా తనను సంప్రదించవచ్చని చెప్పారు.

• ప్రజలతో మమేకమై ఫ్రెండ్లీ పోలీస్‌ వ్యవస్థను కాపాడుతానన్నారు. చట్ట విరుద్ధంగా కార్యకలాపాలు నిర్వహించే వారిపై కఠిన చర్యలు తప్పవన్నారు

• •

13/11/2024

• పేదింటి బిడ్డ ఫుట్బాల్ ఆటలో మెరికల్
• జాతీయ స్థాయి పోటీలకు ఎంపికైన ఈశ్వర్
-----------------
#ఎమ్మిగనూరు : పట్టణానికి చెందిన ఇంద్రానగర్ వాసి పేదింటి బిడ్డ ఈశ్వర్ ఇటీవల గుంటూరు జిల్లా సత్తెనపల్లిలో అండర్-19 ఎస్జిఎఫ్ రాష్ట్రస్థాయి ఫుట్బాల్ ఛాంపియన్ షిప్ పోటీలో మెరికల్లాంటి ఆటను కనబరిచి సత్తా చాటాడు, దీంతో డిసెంబర్ మొదటి వారం మణిపూర్ లో జరిగే జాతీయస్థాయి ఫుట్బాల్ పోటీలకు ఎంపికయ్యాడు, పట్టణంలోని దీక్షా కాలేజీలో ఇంటర్ రెండవ సంవత్సరం చదువుతున్న ఈశ్వర్ ను విద్యార్థులు, సిబ్బంది, పట్టణ క్రీడాకారులు అభినందించారు, అయితే ఈశ్వర్ తల్లిదండ్రులు నాగరాజు-లక్ష్మి లు పొట్టకూటి కోసం కూలి నాలి చేసుకుని జీవనం సాగిస్తున్నారు, క్రీడాకారుడు ఈశ్వర్ మాట్లాడుతూ మాది రెక్కాడితే కానీ డొక్కాడని కుటుంబం అయినా మా తల్లిదండ్రులు నన్ను చదివిస్తున్నారు క్రీడలను ప్రోత్సహిస్తున్నారన్నారు, ఎన్ని ఇబ్బందులు ఎదురైనా ఆడటం మానలేదన్నారు, నాకు వెన్నంటి ప్రోత్సహిస్తున్న కోచ్ మాబుసాబ్, పిఈటి నరసింహారాజు, వై ఎఫ్ సి సభ్యులు సర్తాజ్, సుభాన్ ల కఠోర శ్రమ, ఆటలోని మెలుకువలను నేర్పించారన్నారు,

• •

12/11/2024

• జాతీయస్థాయి ఫుట్బాల్ పోటీలకు ఎంపికైన ఎమ్మిగనూరు క్రీడాకారుడు అభిరామ్ రాజ్
• తండ్రి కోచింగ్ లో సత్తా చాటిన విద్యార్థి
--------------
ఎమ్మిగనూరు : పట్టుదల ఉంటే ఏదైనా సాధించవచ్చునని ఎమ్మిగనూరు పట్టణానికి చెందిన వడ్డే అభి రామ్ రాజ్ ఇటీవల గుంటూరు జిల్లా సత్తెనపల్లిలో జరిగిన రాష్ట్రస్థాయి అండర్ - 19 ఫుట్బాల్ పోటీలో సత్తాచాటి తన వ్యక్తిగత ఆటను కనబరచి జాతీయస్థాయి పోటీలకు ఎంపిక అయ్యాడు, ఈ పోటీలు డిసెంబర్ నెల మొదటి వారం మణిపూర్ రాష్ట్రం ఇంపాల్ నగరంలో జరిగే జాతీయస్థాయి పోటీలకు ఎంపికవ్వడం పట్ల పట్టణ ప్రజలు క్రీడాకారులు హర్షించారు, ఈసందర్భంగా క్రీడాకారుడు అభిరాంరాజ్ మాట్లాడుతూ తన విజయానికి తోడ్పాటు అందించిన కోచ్ మాబు సాబ్ తో పాటు నా తండ్రి నరసింహరాజు కు ప్రత్యేక కృతజ్ఞతలు తెలిపారు, తన తండ్రి వద్ద ఫుట్బాల్ ఆటలో ఓనమాలు నేర్చుకున్నానని తన విజయానికి కారణాలను వెల్లడించాడు

• •

12/11/2024

• ప్రభుత్వ పాఠశాల విద్యార్థులకు స్టీల్ ప్లేట్లు పంపిణీ
• మానవసేవయే మాధవసేవ : నాగేంద్ర కుమార్
--------------
ఎమ్మిగనూరు/నందవరం : మండలం లోని కనకవీరుడు గ్రామం జిల్లా పరిషత్ ఉన్నత పాఠశాల విద్యార్థుల కొరకు దాదాపు 35 వేల రూపాయలు విలువచేసే 400 స్టీల్ ప్లేట్లను అదే పాఠశాలలో గణితం ఉపాధ్యాయుడిగా పనిచేస్తున్న నాగేంద్ర కుమార్ విద్యార్థుల కొరకు ఉచితంగా అందజేయడం జరిగింది, ఈ సందర్భంగా మంగళవారం పాఠశాలలో ఏర్పాటు చేసిన కార్యక్రమంలో ప్రధానోపాధ్యాయురాలు గౌరమ్మ చేతుల మీదుగా స్టీల్ ప్లేట్లను పాఠశాలకు అందజేశారు, అనంతరం ఆమె మాట్లాడుతూ దానగుణం చాలా గొప్పదని డబ్బులు ఉండగానే సరిపోదు అని సేవ చేసే మనసు ఉండాలని నాగేంద్ర కుమార్ సేవలను కొనియాడారు ఈ సందర్భంగా గణితం ఉపాధ్యాయుడు నాగేంద్ర కుమార్ మాట్లాడుతూ మానవసేవయే మాధవసేవ దృక్పథంతో పేద విద్యార్థులకు సేవ చేస్తున్నామని తెలిపారు ఈ కార్యక్రమంలో పాఠశాల సిబ్బంది ప్రకాష్,శివశంకర్,రామాంజినేయులు,వెంకటేష్,రామ్,నాగరాజు, మీనాక్షి, ఈరన్న,రాజశేఖర్, దవళేశ్వరి తదితరులు పాల్గొన్నారు

• •

15/09/2024

ప్రిన్స్ స్వచ్ఛంద సేవా సమితి అధ్యక్షుడు, సోషల్ మీడియా ద్వారా వార్తలను అందిస్తున్న వైజిఆర్ న్యూస్ అడ్మిన్ అయిన దూదేకుల వహాబ్ అలియాస్ ప్రిన్స్ వహాబ్ గత 26 సంవత్సరాలుగా తాను చేస్తున్న సేవా కార్యక్రమాల గూర్చి స్పెషల్ ఎడిషన్ నందు ప్రచురించారు

మానవతావాది మదర్ థెరిస్సా మరియు హీరో మహేష్ బాబు ను స్ఫూర్తిగా తీసుకొని ఇప్పటికే అనాధలకు, పేదలకు, క్రీడాకారులకు తమ వంతు సహాయం చేశారు

భవిష్యత్తులో మరిన్ని సేవా కార్యక్రమాలు చేయాలని ఆ అల్లా ఆశీస్సులు మీకు మెండుగా ఉండాలని భగవంతున్ని కోరుకుంటున్నాము 🙏

Good Job Brother

#సేవ #సేవాకార్యక్రమం #స్వచ్ఛందసేవాసమితి #ఎమ్మిగనూరు

• •

02/08/2024

• శ్రీశైలం డ్యాం లేటెస్ట్ డ్రోన్ విజువల్స్.. వాటి వివరాలు

♦శ్రీశైలం జలాశయం ఇన్‌ఫ్లో 4.65 లక్షల క్యూసెక్కులు*

♦ ఔట్‌ ఫ్లో 4.91 లక్షల క్యూసెక్కులు

♦ జలాశయం 10 గేట్లు ఎత్తి నీటి విడుదల

♦ శ్రీశైలం జలాశయం గరిష్ఠ నీటిమట్టం 885 అడుగులు

♦ ప్రస్తుత నీటిమట్టం 883.8 అడుగులు

♦ గరిష్ఠ నీటినిల్వ 215.8 టీఎంసీలు

♦ ప్రస్తుత నీటినిల్వ 208.7 టీఎంసీలు

✒️:

• •

01/08/2024

• హోమియోపతి పరీక్షల్లో సత్తా చాటిన ఎమ్మిగనూరు సర్ల కావ్యశ్రీ
• అభినందించిన తల్లిదండ్రులు స్థానికులు
----------------
#ఎమ్మిగనూరు : ఇటీవల జరిగిన ఆల్ ఇండియా పీజీ ఆయుష్ హోమియోపతి పీజీ పరీక్షల్లో ఎమ్మిగనూరు పట్టణానికి చెందిన సర్ల కావ్యశ్రీ సత్తా చాటడంతో తల్లిదండ్రులతో పాటు స్థానిక ప్రజలు హర్షించారు. గురువారం పట్టణంలోని హెచ్.బి.ఎస్ కాలనీలో గల విజ్ఞాన్ ఇంగ్లీష్ మీడియం పాఠశాలలో అభినందన సభ ఏర్పాటు చేశారు. ఈ సందర్భంగా హోమియోపతి పీజీ పరీక్షల్లో సత్తా చాటి ఆల్ ఇండియా స్థాయిలో 119 ర్యాంకును సాధించి ఏపీ స్టేట్ లో టాపర్ గా నిలవడంతో కావ్యశ్రీ ని తల్లితండ్రులు మోహన్, ఉషాపరిమళ తో పాటు కుటుంబ సభ్యులు అభినందించారు. అనంతరం వారు మాట్లాడుతూ.. కావ్యశ్రీ టెన్త్ ఇంటర్లో టాపర్ గా నిలవడమే కాకుండా నీట్ [UG] ద్వార బయర్ ఇన్స్టిట్యూట్ ఆఫ్ మెడికల్ సైన్స్ విభాగంలో శంషాబాద్ జిమ్స్ యూనివర్సిటీలో టాపర్ గా నిలిచిందన్నారు. భవిష్యత్తులో మరిన్ని విజయాలు సాధిస్తూ ఎదగాలని కోరారు. కార్యక్రమంలో కుటుంబ సభ్యులు సూర్యబాబు, రాధ, తదితరులు పాల్గొన్నారు.

• •

29/07/2024

• పియిటి, పిడి ల ప్రెసిడెంట్ గా బజారప్ప కార్యదర్శిగా రవీంద్ర లు ఎన్నిక
• రాష్ట్ర జిల్లా నాయకులు ఎపి.రెడ్డి, శ్రీనాథ్, పుల్లన్న, రాజారాంమోహన్ ఆధ్వర్యంలో ఎన్నిక
• ఎన్నికైన పియిటి లకు ఘన సన్మానం
--------------
#ఎమ్మిగనూరు : ఏపి స్కూల్ అసిస్టెంట్ ఎమ్మిగనూరు జోన్ పిఈటి అసోసియేషన్ ను పట్టణంలోని స్థానిక జిల్లా పరిషత్ ఉన్నత పాఠశాల వీవర్స్ కాలనీ నందు ఎన్నుకోవడం జరిగిందని రాష్ట్ర పియిటి ల సంఘం నాయకులు అబ్జర్వర్ గా వ్యవహరించిన ఎం.రాజారాంమ్మోహన్ తెలిపారు. ఈ సందర్భంగా ఏర్పాటుచేసిన అభినందన సభలో ప్రెసిడెంట్ గా ఎన్నికైన వీవర్స్ కాలనీ పాఠశాలకు చెందిన పిడి బజారప్ప, జనరల్ సెక్రటరీగా సూగురు జిల్లా పరిషత్ హైస్కూల్ చెందిన పిడి రవీంద్ర, ఉపాధ్యాక్షులు గా దైవందిన్నె జిల్లా పరిషత్ హైస్కూల్ కు చెందిన పిడి రామన్న, జాయింట్ సెక్రటరీ గా కోటేకల్ ఉమాపతి, ట్రెజరర్ గా కనకవీడు ఈ.ఈరన్న, ఆర్గనైజింగ్ సెక్రటరీ గా వర్కూర్ కృష్ణ లను ఎన్నుకున్నారు. అనంతరం వీరిని రాష్ట్ర నాయకులచే శాలువా కప్పి పూలమాలలతో ఘనంగా సత్కరించారు. పిఈటి ల సంఘానికి మంచి పేరు సంపాదించి భవిష్యత్తులో మరింత ఉన్నత పదవులు సంపాదించాలని ఆకాంక్షించారు. కార్యక్రమంలో పిడి లు లతీఫ్, రాజశేఖర్, బసవరాజు, బబ్లూ, మహిళా పిఈటి లు శిరీష, నాగేశ్వరి, రాజేశ్వరి, ప్రశాంతి, కల్యాణి తదితరులు పాల్గొన్నారు.

• •

YGR News

19/12/2025

17/01/2025

01/01/2025

28/12/2024

13/11/2024

13/11/2024

12/11/2024

12/11/2024

15/09/2024

02/08/2024

01/08/2024

29/07/2024

Address

Telephone

Website

Alerts

Contact The Organization

Shortcuts

Share