كتێبخانەی ئەوقافی سلێمانی

كتێبخانەی ئەوقافی سلێمانی په‌یجی به‌ڕێوه‌به‌رایه‌تی کتێبخانه‌ی ئه‌وقافی سلێمانی مه‌رکه‌زی

کتێبخانەی ئەوقافی سلێمانی بەسەرچاوەی زانستی دەوڵەمەند دەکرێتلە هەڵوێستێکی پڕ بایەخی مەعریفی و بە مەبەستی بەرز ڕاگرتنی بە...
06/05/2026

کتێبخانەی ئەوقافی سلێمانی بەسەرچاوەی زانستی دەوڵەمەند دەکرێت

لە هەڵوێستێکی پڕ بایەخی مەعریفی و بە مەبەستی بەرز ڕاگرتنی بەهای زانست و دەوڵەمەندکردنی سەرچاوەکانی خوێندنەوە، مامۆستا ئەحمەد حوسێن، کۆمەڵێکی بەنرخ و دەگمەن لە کتێب، گۆڤار و ڕۆژنامە تایبەتەکانی کتێبخانەکەی خۆی پێشکەش بە بەڕێوەبەرایەتی کتێبخانەی ئەوقافی سلێمانی کرد.

لە بەرامبەر ئەم دەسپێشخەرییە و هەستکردن بە بەرپرسیارێتی بەرامبەر بە پەرەپێدانی کولتووری خوێندنەوە، خاتوو کەوسەر محەمەد، بەڕێوەبەری کتێبخانە، وێڕای پێشوازییەکی گەرم لە بەڕێزیان، سوپاس و پێزانینی قووڵی خۆی بۆ ئەم بەخشینە دەربڕی و ئاماژەی بەوە کرد کە ئەم جۆرە دەسپێشخەرییانە دەبنە هەوێنی گەشەکردنی زیاتری کاروانی زانست و خزمەتێکی گەورە بە نەوەکانی ئێستا و داهاتووی نیشتمانەکەمان دەگەیەنن.

پێدانی سوپاس و پێزانی بە چوار فەرمانبەری نمونەیی بەڕێوەبەرایەتیمان، لە پای خزمەت و کار و چالاکییەکانیان بۆ بەرەپێشبردنی ...
26/04/2026

پێدانی سوپاس و پێزانی بە چوار فەرمانبەری نمونەیی بەڕێوەبەرایەتیمان، لە پای خزمەت و کار و چالاکییەکانیان بۆ بەرەپێشبردنی کتێبخانە وەک ناوەندێکی گرنگی شار و خزمەتکردنی خوێنەران ، لەلایەن گروپی هونەری کوردستان.

پرسەنامەبە دڵێکی پڕ لە خەم و پەژارەوە، ماڵئاوایی لە هاوڕێ و خوشکی ئازیزمان (بەهرە مستەفا محەمەد عەزیز) فەرمانبەری کتێبخا...
21/02/2026

پرسەنامە
بە دڵێکی پڕ لە خەم و پەژارەوە، ماڵئاوایی لە هاوڕێ و خوشکی ئازیزمان (بەهرە مستەفا محەمەد عەزیز) فەرمانبەری کتێبخانە و هاوسەری فەرمانبەری بەڕێوەبەرایەتیمان (ئامانج محەمەد جەزا) دەکەین، کە فەرمانبەرێکی نموونەیی و دڵسۆزی بەڕێوەبەرایەتییەکەمان بوو.
کۆچکردوو تەنها هاوکار نەبوو، بەڵکو هاوڕێیەکی نزیکی هەموومان بوو؛ لە ماوەی ساڵانی خزمەتیدا لە کتێبخانەی ئەوقافی سلێمانی، بە دڵسۆزی، لێهاتوویی و ئەمانەتەوە کارەکانی ڕادەپەڕاند و شوێنپەنجەی لە خزمەتکردنی کتێب و خوێنەراندا بە ڕوونی دیارە.
کۆچی دوایی خاتوو (بەهرە) دوای ململانێیەکی سەخت لەگەڵ نەخۆشی، کەلێنێکی گەورەی لەناو دڵمان و لەناو کارەکەشماندا دروست کرد.
بەناوی بەڕێوەبەر و سەرجەم فەرمانبەرانی کتێبخانەی ئەوقافی سلێمانییەوە، پرسە و سەرەخۆشی خۆمان ئاراستەی هاوڕێی ئازیزمان کاکە(ئامانج محەمەد جەزا) و بنەماڵە و کەسوکاری کۆچکردوو دەکەین.
داواکارین لە خوای میهرەبان بە میهرەبانیی خۆی شادی بکات و جێگەی بەهەشت بێت، دانبەخۆداگرتن و دڵنەوایی بە منداڵەکانی و هاوسەرەکەی و هەموو لایەک ببەخشێت.

إنا لله وإنا إليه راجعون
بەڕێوەبەرایەتیی کتێبخانەی ئەوقافی سلێمانی

کتێبخانەی ئەوقافی سلێمانی کۆڕێکی زانستی و ڕووناکبیری ساز کردلە کتێبخانەی ئەوقافی سلێمانی و بە ئامادەبوونی بەڕێوەبەری گشت...
16/02/2026

کتێبخانەی ئەوقافی سلێمانی کۆڕێکی زانستی و ڕووناکبیری ساز کرد

لە کتێبخانەی ئەوقافی سلێمانی و بە ئامادەبوونی بەڕێوەبەری گشتیی ئەوقاف و کاروباری ئایینی، یاریدەدەری بەڕێوەبەری گشتی و ژمارەیەکی بەرچاو لە زانایانی ئایینی، نووسەران، مامۆستایانی زانکۆ و خوێنەردۆستان، کۆڕێکی زانستی بۆ ناساندن و خوێندنەوەی کتێبی «شێخ محەمەدی خاڵ؛ هەوڵە زانستی، ڕووناکبیری و بانگەوازییەکانی» بەڕێوەچوو.
لە کۆڕەکەدا، کەوسەر محەمەد، بەڕێوەبەری کتێبخانە، لە وتەیەکیدا بەخێرهاتنی ئامادەبووانی کرد و ڕایگەیاند: «ئامادەبوونی ئێوە لێرە، ئامادەبوونی میوان نییە، بەڵکوو شکۆی خاوەنماڵە؛ چونکە ئەم ناوەندە بە زانست، قەڵەم، خەمخۆری و پشتگیریی ئێوەوە دەژی.»
بەڕێوەبەری کتێبخانە وتیشی: «لێرە کۆبووینەتەوە نەک تەنیا بۆ ناساندنی پەرتووکێک، بەڵکوو بۆ بەسەرکردنەوەی مێژوویەک لە زانست و ڕووناکبیری، بەو پێیەی شێخ محەمەدی خاڵ ناسنامەیەکی زیندووی فەرهەنگ و زمانی کوردییە.»
لە بەشێکی تری مەراسیمەکەدا، مامۆستا عەتا پێنجوێنی کورتەیەکی لە وێستگە جیاجیاکانی ژیان، خزمەت و بەخششە زانستییەکانی شێخ محەمەدی خاڵ پێشکەش کرد.
دواتر مامۆستا و زانای ئایینی، نوری فارس حەمەخان، وەک هاوڕێ و کەسایەتییەکی نزیک لە شێخ محەمەدی خاڵ، بە وردی تیشکی خستەسەر ڕەهەندە شاراوەکانی کەسایەتیی شێخ، بەگێڕانەوەی چەندین بەسەرهاتی مێژوویی و تایبەت، ئامادەبووانی بردەوە نێو ژیانی پڕ لەتێکۆشانی شێخی زانا و، تیشکی خستە سەر ئەو تایبەتمەندییە دەگمەنانەی کە لە کار و ژیانی شێخدا هەبوون.
مامۆستا نوری فارس دەستخۆشییەکی زۆری لەکتێبخانەی ئەوقافی سلێمانی کرد بۆ ڕێکخستنی ئەم جۆرە چالاکییە زانستییانە کە دەبنە هۆی زیندووکردنەوەی ناوی گەورەپیاوانی کورد.

دواتر، کۆڕەکە لەلایەن نووسەر و توێژەر د. نصرالدین تۆفیق پێشکەش کرا؛ تێیدا بە وردی تیشک خرایە سەر کایە جیاوازەکانی ژیانی ئەم زانا و ئەدیبە پایەبەرزەی کورد و ئەو خزمەتە گەورانەی پێشکەشی کتێبخانەی کوردی و بواری زانست و ڕۆشنبیریی کردووە.

لە کۆتایی چالاکییەکەدا، ئامادەبووان بە سەرنج و دیدگاکانیان کۆڕەکەیان دەوڵەمەندتر کرد، کە ئەمەش نیشانەی زیندوویی ڕەوتی ڕۆشنبیرییە لە شارەکەمان و وەفادارییە بۆ مێژووی پڕشنگداری زانایانی کورد.

سلێمانی.. گەشتێک بەناو جیهانی زانستی و ڕووناکبیریی (شێخ محەمەدی خاڵ)بۆئەوەی لە نزیکەوە ئاشنای هەوڵە بێوێنەکانی ئەم زانا ...
13/02/2026

سلێمانی.. گەشتێک بەناو جیهانی زانستی و ڕووناکبیریی (شێخ محەمەدی خاڵ)

بۆئەوەی لە نزیکەوە ئاشنای هەوڵە بێوێنەکانی ئەم زانا گەورەیە بیت؛ کتێبخانەی ئەوقافی سلێمانی بانگهێشتی کۆڕێکی تایبەتت دەکات.

لە وێستگەیەکی نوێی چالاکییەکانماندا، پێکەوە گوێبیستی خوێندنەوەی خودی توێژەر (د. نصرالدین تۆفیق) دەبین بۆ نوێترین بەرهەمی، کە تێیدا کایە شاراوەکانی ژیانی شێخ محەمەدی خاڵ دەخاتە ڕوو.

لێکۆڵینەوە لە ژیان و بەرهەمەکانی شێخ محەمەدی خاڵ لە مێژووی هاوچەرخی ئێمەدا، تەنها گەڕانەوە نییە بۆ ڕابردوو، بەڵکو دۆزینەوەی ئەو کلیلە مەعریفییانەیە کە ناسنامەی ڕووناکبیریی کوردییان لەسەر بونیاد نراوە.

#سلێمانی #ڕۆشنبیری #کتێب

پشتیوانی بۆ پەرەپێدانی کتێبخانەی ئەوقاف دووپات دەکرێتەوەلەپێناو گرنگیدان بە سامانە نەتەوەییەکان و لەنزیکەوە ئاگاداربوون ...
05/02/2026

پشتیوانی بۆ پەرەپێدانی کتێبخانەی ئەوقاف دووپات دەکرێتەوە

لەپێناو گرنگیدان بە سامانە نەتەوەییەکان و لەنزیکەوە ئاگاداربوون لە پڕۆژە و پلانەکان، سەرپەرشتیاری مەڵبەندەکانی سلێمانی - چەمچەماڵی یەکێتی، سەردانێکی مەیدانی بۆ کتێبخانەی ئەوقافی سلێمانی ئەنجام دا وەک ناوەندێکی گرنگی زانستی و نیشتمانی، هاوکات ئامادەیی هەموو جۆرە هاوکارییەکیشی بۆ پێشخستنی ئەم ناوەندە دەربڕی.

ئەمڕۆ، (سەرکەوت زەکی) ئەندامی مەکتەبی سیاسیی یەکێتیی نیشتمانیی کوردستان و سەرپەرشتیاری مەڵبەندەکانی سلێمانی - چەمچەماڵ، سەردانی کتێبخانەی ئەوقافی سلێمانی کرد و لەلایەن (ئیدریس عەبدوڵڵا) جێگری بەڕێوەبەری گشتیی ئەوقاف و کاروباری ئایینیی پارێزگای سلێمانی و (کەوسەر محەمەد) بەڕێوەبەری کتێبخانەی ئەوقافی سلێمانی و ستافی کتێبخانەکەوە پێشوازی لێ کرا.

لە میانی سەردانەکەدا و دوای خستنەڕووی مێژوو و پێکهاتەی ئێستای کتێبخانەکە لەلایەن بەڕێوەبەری کتێبخانەوە، وەفدی میوان وێڕای دەربڕینی خۆشحاڵیان بۆ بەرەوپێشبردن و خزمەتەکانی کتێبخانەکە بۆ هەمووان و ستایشیکردنی دڵسۆزیی ستافەکە، پشتیوانیی خۆیان بۆ گەشەپێدان و بەردەوامیی ئەم ناوەندە دێرینەی شاری سلێمانی دووپات کردەوە.

کتێبخانەی ئەوقافی سلێمانی ڕێز لە دوو فەرمانبەری خانەنشینکراو دەگرێتبەڕێوەبەرایەتیی کتێبخانەی ئەوقافی سلێمانی، لە مەراسیم...
25/01/2026

کتێبخانەی ئەوقافی سلێمانی ڕێز لە دوو فەرمانبەری خانەنشینکراو دەگرێت

بەڕێوەبەرایەتیی کتێبخانەی ئەوقافی سلێمانی، لە مەراسیمێکی شایستە و تایبەتدا ڕێزلێنانی بۆ دوو فەرمانبەری دێرینی بەڕێوەبەرایەتییەکە سازکرد، ئەوەش دوای تەواوکردنی ساڵانی خزمەتی یاسایی و خانەنشینبوونیان.

مەراسیمەکە بە سەرپەرشتی خاتوو (کەوسەر محەمەد)، بەڕێوەبەری کتێبخانەی ئەوقاف و بە ئامادەبوونی ژمارەیەک لە فەرمانبەران بەڕێوەچوو. تێیدا وەک بەرزنرخاندنی هەوڵ و ماندووبوونیان لە ساڵانی ڕابردوودا، چەپکەگوڵی ڕێزلێنان و وەفا پێشکەش بە هەریەک لە (جوان جەلال) و (ڕێزان فەرەج ئەحمەد) کرا.

بەڕێوەبەرایەتیی کتێبخانەی ئەوقافی سلێمانی لە میانەی مەراسیمەکەدا ستایشی ڕۆڵ و دڵسۆزی ئەو دوو فەرمانبەرەی کرد کە ساڵانێکی زۆر تەمەنی خۆیان لەپێناو خزمەتکردن بە کتێبخانەکە تەرخان کردووە.

لە کۆتایی مەراسیمەکەشدا، وێڕای دەربڕینی سوپاسگوزاری، هیوای تەندروستییەکی باش و ژیانێکی ئاسوودە بۆ هەردوو فەرمانبەری خانەنشینکراو خوازرا لە قۆناغی نوێی ژیانیاندا.

ئەمڕۆ چاوەڕوانتانین لە پێشکەشکردنی پانێڵێک لە لایەن بەڕێزان پ.ی.حسێن حەسەن کەریم و کەوسەر محمد امین قادر و د.صباح بەرزنج...
05/10/2025

ئەمڕۆ چاوەڕوانتانین لە پێشکەشکردنی پانێڵێک لە لایەن بەڕێزان پ.ی.حسێن حەسەن کەریم و کەوسەر محمد امین قادر و د.صباح بەرزنجی و بەڕێوبەری پانێڵەکە خاتوو گوڵان نیروان بە ناونیشانی (کتێبخانەی ئەوقاف وەک کتێبخانەی دایک ) لە کاتژمێر ٤:٠٠ ی پاش نیوەڕۆ لە حەوتەمین پێشانگای نێودەوڵەتی سلێمانی بۆ کتێب.

Today we are waiting for you to present a panel entitled (Endowment Library as Mother Library) by Prof. Hussein Hassan Karim, Kawsar Mohammed Amin Qadir, Dr. Sabah Barzanji and the panel moderator Ms. Gulan Nirwan at 4:00 pm. At the 7th Sulaimani International Book Fair.

ننتظركم اليوم لتقديم ندوة بعنوان (المكتبة الوقفية المكتبة الأم) يقدمها الأستاذ الدكتور حسين حسن كريم، والأستاذة كوثر محمد أمين قادر، والدكتورة صباح برزنجي، ومديرة الندوة الأستاذة كولان نيروان في تمام الساعة الرابعة عصراً في الدورة السابعة لمعرض السليمانية الدولي للكتاب.

یەکەم ڕۆژی پێشانگا: کتێبخانەی ئەوقافی سلێمانی لە پێشوازیی خوێنەراندا...
03/10/2025

یەکەم ڕۆژی پێشانگا: کتێبخانەی ئەوقافی سلێمانی لە پێشوازیی خوێنەراندا...

Address

Sulaymaniyah
As Sulaymaniyah
46001

Website

Alerts

Be the first to know and let us send you an email when كتێبخانەی ئەوقافی سلێمانی posts news and promotions. Your email address will not be used for any other purpose, and you can unsubscribe at any time.

Shortcuts

Share

Category