26/08/2026
هۆشیاری کرێکاران و خاوەنکاران لە سەلامەتی پیشەیی
هۆشیاری کرێکاران و خاوەنکاران دەربارەی تەندروستی و سەلامەتی پیشەیی (ڕێنمایی ژمارە ١١ی ساڵی ٢٠٢٣).
وەزارەتی کار و کاروباری کۆمەڵایەتی هەرێمی کوردستان، ڕێنمایی ژمارە ١١ی ساڵی ٢٠٢٣ی تایبەت بە تەندروستی و سەلامەتیی پیشەیی لە ١٢ ماددەدا دەرکردووە.
ئامانجی ڕێنماییەکە پاراستنی سەلامەتی و پیشەیی و دابینکردنی پێداویستییەکانی بواری تەندروستیی پیشەییە بۆ کرێکاران.
لیژنەی پشکنینی کار بەرپرسیارە لە دیاریکردنی کەمتەرخەمی خاوەنکار لە دابینکردنی پێویستییەکانی کار و تەندروستی و سەلامەتی پیشەیی لەڕێگەی سەردانی پشکنین بۆ پڕۆژەکان.
وەزیر دەسەڵاتی هەیە بڕیاری داخستنی شوێنی کار یان ڕاگرتنی ئامێرێک بدات ئەگەر خاوەنکار پابەند نەبێت بە ڕێنماییەکان، تاوەکو کێشەکە چارەسەر دەکرێت.
ئەرکی و مافی کرێکار و خاوەنکار دیاری کراوە، بەگوێرەی قەبارەی کارگە و ژمارەی کرێکاران .
هەڵسەنگاندنی ژینگەیی لە شوێنی کاردا پێویستە، بۆ ئەوەی مەترسی لەسەر تەندروستی کرێکاران دروست نەبێت.
کرێکاران پێویستە پابەندبن و بەکارهێنانی
کەلوپەلی پاراستنی کەسی (کڵاو، دەستکێش، بۆتی سەلامەتی، عەینەکی پاراستن، ماسک...) لەگەڵ خۆیدا بێت و بەردەوام بەکاریبهێنێت لە کاتی کارکردندا.
فێربوونی دروستی بەکارهێنانی ئامێرەکانی پاراستنیان ڕاگەیاندنی هەر کەمی یان زیانێک بۆ سەرپەرشتیار.
ئاگاداری مەترسییەکانی شوێنی کار بێت و ڕایبگەیەنێت ئەگەر پێداویستییەکان کەم بوون.
خاوەنکار پێویستە
کەلوپەلی سەلامەتی پێویست بۆ هەموو کرێکاران دابین بکات.
ڕاهێنان و ئاگادارکردنەوە بۆ کرێکاران بکات دەربارەی مەترسییەکان و شێوازی بەکارهێنانی کەلوپەلی پاراستن.
شوێنی کار هەمیشە هەڵبسەنگێنێت بۆ دیاریکردنی مەترسییە ژینگەییەکان.
ڕاگەیاندنی بەڕێوەبەرایەتی گشتی کار و دەستەبەری کۆمەڵایەتی.
