05/09/2026
٣٠ ساڵ تێپەڕدەبێت بەسەر شەهیدبوونی فەرماندەی نەمر (فاروق جبار)دا
ن:حەیدەرمەنتک
(فاروق جەبار) ناوێکى دیارو ئاشنا بەپێشمەرگایەتى بە دیقەت لە کاروبارى ئیدارەو حکومەت لە کابینەى دووەم رۆڵ وپێگەى بۆخزمەتى هەژاران و لێقەوماوان زۆر بووە،ئەستێرەیەکى درەوشاوەى ناو یەکێتى نیشتمانى کوردستان بوو، پێشمەرگەیەک بەئاگا لە گۆرانکاریەکانى حزب وحکومەت و دەوروبەر،شەهید فاروق پێشمەرگەیەکى ئازاو ئیدارى بوو لەسەردەمى شاخ و چ لە سەردەمى شارو حکومرانى خۆماڵى کوردى ناوبراو لەمەکتەبى تایبەتى سەرۆکى حکومەت زۆرسەرکەوتوانە کارەکانى سەرشانى مەیسەر دەکرد،پیاوێکى قسەخۆش و رووخۆش وبەرێزبوو ، پەروەردەى خانەوادەیەکى دلسۆزو کوردپەروەربوو جگەلە خۆى چەندین ئەندامى خێزانەکەیان پێشمەرگە بوون، لەسەر کوردایەتى و یەکێتى نیشتمانى کوردستان هەورازو نشێوى زۆریان بینیوە .لە دواى ڕاپەرین ناوبراو شوێنى کارەکەى زۆر تایبەتمەندى تیابوو لەمەکتەبى تایبەتى سەرۆکى حکومەت، وەک پێشمەرگە دێرینەکان دەگێرنەوە : پیاوێکى خاکى بە هەستى شاخ هەلسوکەوتى دەکرد لەگەڵ ئەوکەسانەى بەشۆرش و پێشمەرگایەتى هیلاک و ماندووببوون، پیاوێک بە ئەتەکێت و رێزەوە سەیرى مراجح و هاوولاتیانى دەکرد، واتە کادرێکى هەلسوراو بەدیقەت بوە وەک ئەوەى لەشاخیش فەرماندەیەکى لێهاتوو بە هەیبەت بووە. جێگاى متمانەوباوەرى بەرێزکاک کۆسرەت بووە ..لەم بارەیەوەهەڤاڵ (برهان سەعید ێۆفى) پێشمەرگەى دێرین وپارتیزان ووتى :شەهید فاروق پێشمەرگەیەکى ئازاو دلسۆزو رووخۆش،ئەقلى کراوە لە ئیدارەدان،کادرێکى زۆر بەتوانابوو،هاوکارێکى زۆرباشى بەرێزکاک کۆسرەت بوو، لەبەرئەوەى زۆرنزیک بووین بەیەکەوە ئاگاداربووم زۆر کێشەو کەم وکوڕى هەبوو هەمووى چارەسەر دەکردبەبێ ئەوەى کاک کۆسرەت ئاگاداربێت،پەیوەندى من وکاکە فاروق لەساڵى 1991 زیاتر پتەوتر بووکاتێ ئامرلیواى تایبەت بووم هەموو رۆژێک بەیەکەوە بووین ، فارووق زۆر هۆشیاربووپیاوێکى زۆردەست پاک بووزۆر هاوکارى هەژاران بوو، هیچ رۆژێک نیە من فاروقم نەکەوێتە خەیالەوە ونیگەران نەبم چونکە کە شەهیدیش بوو (20) مەتر لەمن دوور بوو،بەشەهید بوونى فارووق بۆشایەکى گەورە کەوتە مەکتەبەکى کاک کۆسرەت تاکو ئێستا شوێنى پرنەکراوەتەوە. بەلام بەداخەوە لەشەرێکى نەخوازراو داسەپاوبەسەر یەکێتى نیشتمانى کوردستان لەپاراستنى هەولێر لە 5ـ9ـ1996 گەیشتە کاروانى نەمرانەوە ...هەزاران سلاو بۆ گیانى پاکى شەهید فاروق جبارو تێکراى شەهیدان.
ژیاننامەى شەهید فاروق جبار
———
ـ ناو: فاروق جبارکریم کاملا
ـ ناسراوبە : فاروق جبار
ـ تەمەن : 1965
ـ شوێنى لە دایک بوون: گەرەکى سێ تاقان ـ پارێزگاى هەولێر
ـ عەشیرەت : ئارى کوتک
ـ ئاستى خوێندن : ناوەندى
ـ بارى خێزان : خێزاندار
ـ ناوى خێزان: سعدیە برایم رحمان
ـ ناوى مندالەکان : باڤێ ـ بوێر ـ باسنێ
ـ ساڵى پەیوەندى بە رێکخستن : 1982 بە کۆمەلەى رەنجدەرانى کوردستان
ـ ساڵى پەیوەندى بەهێزى پێشمەرگەى کوردستان : 1984 بەتیپى (91) سفین
ـ دواتر درێژەى بە پێشمەرگایەتى داوە لە مەفرەزەى تایبەتى مەلبەندى (3) ى هەولێر.
ـ لە ژیانى پێشمەرگایەتى بەشدارى دەیان داستان و نەبەردى وشەرى دەستەویەخەى کردووە لەوانە : لە ساڵى 1985 بەشدارى شەرێکى دەستەویەخەى کردووە لە سماقولى ، شەرى دوومانگەى دۆلە رەقە ، شەرى داستانى رزگارى لە ساڵى 1987،داستانى 11رۆژەى سماقولى ـ بەنەباوێ ،چەندین چالاکى فەردى ومەفرەزەى ناوشاربۆ فراندنى ئەفسەروبەرپرسى ئەمنى رژێم لەساڵى 1987ـ زۆربەى شەرەکانى سنورى مەلبەندى 3ى هەولێر....
ـ لە راپەرین ناوبراو رۆڵى کاریگەرى هەبووە لە رزگارکردنى شارەکان هەر لەسنورى ئێران تا هەولێرو کەرکوکى قودسى کوردستان.
ـ لە دواى دروست بوونى حکومەتى هەرێمى کوردستان شەهید فاروق لێپرسراوى مەکتەبى تایبەتى سەرۆکى حکومەتى هەرێمى کوردستان بەرێزکاک کۆسرەت بووە.
ـ بەرپرسى یانەى وەرزشى برایەتى بووە ماوەیەک لە دواى راپەرین.
ـ رۆژو مانگ وساڵى شەهید بوون : 5ـ9ـ 1996
ـ شوێنى شەهید بوون : گوندى چەمرگە ـ نزیک قەزاى بنەسڵاوە
