نوسینگەی سلێمانی بەرەنگاربونەوەی تاوانە ڕێکخراوەکان- Anti Organized Crimes

17/08/2026

بە بۆنەی بەرزبونەوەی پلەی ئەفسەری نوسینگەکەمان (هانا خوادا شکور) بەرپرسی (هۆبەی بەدواداچون) لە پلەی رائدی مافپەروەر بۆ پلەی مقدمی مافپەروەر. پیرۆزبایی بەڕێز (عمیدی مافپەروەر/ دارا فاروق نجار )بەڕێوەبەری بەڕێوەبەرایەتی بەرەنگاربونەوەی تاوانەڕێکخراوەکانی هەرێم لە لایەن بەڕێز (عقیدی دکتۆر/ ئاریان رشید شریف) بەڕێوەبەری نوسینگەی سلێمانی بەڕێوەبەرایەتی بەرەنگاربونەوەی تاوانەڕێکخراوەکان پێشکەش بە ئەفسەری ناوبراو کرا. بە ناوی بەڕێوەبەر و سەرجەم ئەفسەرو کارمەندانی نوسینگەکەمانەوە، گەرمترین پیرۆزبایی ئاڕاستە دەکەین و هیوادارین سەرکەوتنی زیاتر بەدەستبێنێ لە پلەی نوێیدا.

16/08/2026

لە بەرواری ١٣/٨/٢٠٢٦ ڕۆژی پێنج شەممە، ڕێکخراوی (سیید) بە پاڵپشتی حکومەتی فەرەنسا( سەنتەری قەیران و پشتیوانی)، ۆرکشۆپێکی یەک ڕۆژەیان ڕێکخست لە ژێر ناونیشانی ( وەڵام دانەوەی تاوانەکانی بازرگانیکردن بە مرۆڤ) لە هوتێل ڕۆتانا لە شاری سلێمانی. ۆرکشۆپەکە تایبەت بو بە ئەفسەرانی بەڕێوەبەرایەتی پۆلیسی پارێزگای سلێمانی.لە ۆرکشۆپەکە، چەندین مامۆستای پسپۆڕ لە بواری بەرەنگاربونەوەی بازرگانیکردن بە مرۆڤ بەشدار بون و وانەی جۆراو جۆریان پێشکەش کرد. لە ناو مامۆستایانی پسپۆڕی بواری بەرەنگاربونەوەی بازرگانی کردن بە مرۆڤ، عقیدی دکتۆر( ئاریان رشید شریف) بەڕێوەبەری نوسینگەی سلێمانی بەڕێوەبەرایەتی بەرەنگاربونەوەی تاوانە ڕێکخراوەکان، وانەیەکی تایبەتی پێشکەش کرد لە ژێر ناونیشانی( وەڵام دانەوەی حکومەتی هەرێمی کوردستان بۆ بازرگانی کردن بە مرۆڤ). پاش تەواو بونی سەرجەم وانەکان، بڕوانامە دابەش کرا بەسەر ئەفسەرانی بەشداربوو.

12/08/2026

لە بەرواری (١١-٨-٢٠٢٦) ڕۆژی سێ شەممە، ڕاوێژکار ( کریستا گرانرۆس) لە دەستەی ڕاوێژکاری یەکێتی ئەوروپا لە عێراق سەردانی (نوسینگەی سلێمانی بەرەنگاربونەوەی تاوانەڕێکخراوەکانی) کرد و لەلایەن (عقیدی دکتۆر/ ئاریان ڕشید شریف) بەڕێوەبەری نوسینگەو فسەران و کارمەندانی نوسینگەوە پێشوازی لێ کرا. دواتر کۆبونەوەیەک سازکرا بۆ تاوتوێکردنی چەندین بابەتی گرنگ و پەیوەندیدار بە ڕەوشی تاوانە ڕێکخراوەکان بەگشتی و بازرگانیکردن بە مرۆڤ بە تایبەتی و میکانیزمەکانی بەرەنگاربونەوەیان لە سنوری کاری نوسینگەکەمان لە پارێزگای سلێمانی. هەروەها بابەتی پەرەپێدانی پەیوەندی و ھەماھەنگی فەرمی و یاسایی لە نێوان هەرێم و بەغداد بۆ مەبەستی بەرەنگاربونەوەی تاوانە ڕێکخراوەکان باسی لێوە کرا.

30/07/2026

26/07/2026

لە بەرواری ٢٦/٧/٢٠٢٦ ڕۆژی یەک شەممە، تیمێک لە پارێزگای سلێمانی کە پێک هاتبون لە بەڕێزان ( لەنجە خان) لێپرسراوی (MRC) و کاک عامر وە هەروەها بەڕێز (مامۆستا نەژاد) لێپرسراوی تیمی ڕێکخراوی (SEED) لە سلێمانی سەردانی نوسینگەی سلێمانی بەڕێوەبەرایەتی بەرەنگاربونەوەی تاوانە ڕێکخراوەکانیان کرد و لە لایەن بەڕێز (عقیدی دکتۆر ئاریان رشید) بەڕێوەبەری نوسینگە و ( مقدم توانا فائق) ئەفسەری هۆبەی هۆشیاری پێشوازیان لێ کرا. دواتر کۆبونەوەیەک ساز کرا تایبەت بە ئامادەکاری بۆ یادی ڕۆژی جیهانی بەرەنگاربونەوەی بازرگانی کردن بە مرۆڤ. لە کۆبونەوەکەدا، بیرو ڕا ئاڵوگۆڕ کرا سەبارەت بە بەرنامەی کاری ڕۆژی یادەکە و خۆ ئامادە کردن بۆی.

01/06/2026

لە بەرواری ١\٦\٢٠٢٦ ڕۆژی دوو شەمە، تیمێک لە دەستەی سەربەخۆی مافی مرۆڤ/نوسینگەی مافی مرۆڤی سلێمانی بە سەرۆکایەتی بەڕێوەبەری نوسینگەی سلێمانی دەستەکە بەڕێز (صابر عبدالله کریم) و وەفدی یاوەری سەردانی نوسینگەکەمانیان کرد و لە لایەن بەڕێوەبەری نوسینگە بەڕێز (عقید ئاریان رشید شریف) و کۆمەڵێک لە ئەفسەرانی نوسینگەکەمانەوە پێشوازیان لێ کرا.
لە کۆبونەوەکەدا تیشک خرایە سەر چەند تەوەرێک کە هەر یەک لەمانەی لە خۆ گرت؛
ئاستەنگەکانی بەردەم لێکۆڵینەوە و دادگایی کردن لە دۆسیەکانی تایبەت بە تاوانە ڕێکخراوەکان،کێشەی کوردە ئاوارەکانی ووڵاتی لیبیا و کێشەکانی شێوازی هێنانی کرێکاری بیانی. پاشان گفتو گۆیەکی تێر و تەسەل کرا لەسەر دیاری کردنی کێشەکان و چارەسەرەکان،وە هەروەها بەڵێن درا بۆ هاوکاری و کاری پێکەوەیی زیاتر.

27/05/2026

جەژنی قوربان لە سەرجەم ھاونیشتمانیانی کورد بە گشتی و ئەفسەرو کارمەندانی نوسینگەی سلێمانی بەرەنگاربونەوەی تاوانە ڕێکخراوەکان بە تایبەتی پیرۆز دەکەم.
ھیوادارم ئەم جەژنە کۆتایی ناخۆشی و نەھامەتیەکان و سەرەتای ئاسودەیی و خۆشبەختیەکان بێت.

عقیدی دکتۆر
ئاریان ڕشید شریف
بەڕێوەبەری نوسینگەی سلێمانی
بەرەنگاربونەوەی تاوانە ڕێکخراوەکان

20/05/2026

دڵگرانین بە کۆچی دوایی باوکی کارمەندمان (ڕ.پ٣/ خلیل قادر محمد)
بەم بۆنە خەمناکەوە پرسەو سەرەخۆشی خۆمان ئاراستەی خانەوادەی بەڕێزیان دەکەین، داواکارین لە خودای گەورە کۆچکردو بە بەهەشتی بەرین شاد بکات و سەبرو ئارامیی به دۆست و ئازیزانی ببەخشێت.
بەیانی ڕێککەوتی (٢٠٢٦/٥/٢١) پرسەکەی لە هۆڵی (نیعمەت خان) بەڕێوەدەچێت.

30/11/2025

ئەمڕۆ یەک شەمە ڕێککەوتی (٢٠٢٥/١١/٣٠) (شێری تاڵەبانی) سەرۆکی (دامەزراوەی سیید) و بەڕێز (نەژاد حسێن) بەرپرسی نوسینگەی سلێمانی دامەزراوەی ناوبراوو ژمایەک لە ستافی دامەزراوەکە سەردانی نوسینگەکامانیان کرد، لەلایەن (عقیدی دکتۆر/ ئاریان ڕشید) بەڕێوەبەری نوسینگە و (رائد/ هانا خوادا) بەرپرسی هۆبەی بەدواداچون و بەڕێز (نقیب/ زانا نوری) بەرپرسی هۆبەی لێکۆڵینەوە پێشوازیان لێکرا.
ئامانجی سەردانەکە قسەکردن بوو دەربارەی ڕەوشی بازرگانیکردن بە مرۆڤ لە پارێزگای سلێمانی و میکانیزمەکانی بەرەنگاربونەوەی و دروستکردنی ھێڵی پەیوەندی و ھەماھەنگی بەھێز لە نێوان نوسینگەی سلێمانی بەرەنگاربونەوەی تاوانە ڕێکخراوەکان و دەزگاو دامەزراوە پەیوەندیدارەکان.
لە کۆتاییدا خاتوو شێری سوپاسی ھەوڵ و ماندوبونی بەڕێوەبەرو ئەفسەرو کارمەندانی نوسینگەکەمانی کرد لە پڕۆسەی بەرەنگاربونەوەی بازرگانیکردن بە مرۆڤ و ئامادەیی خۆیی و دامەزراوەکەی نیشاندا بۆ ھاوکاریکردن و پشتگیریکردنی نوسینگەکەمان لە پرسی تاوانە ڕئکخراوەکان بە گشتی و تاوانی بازرگانیکردن بە مرۆڤ بە ھەموو جۆرەکانیەوە بە تایبەتی

27/08/2025

ئەمڕۆ چوار شەمە ٢٧-٨-٢٠٢٥
بەڕێز عمید سالار بەڕێوەبەری بەڕێوەبەرایەتی پاسپۆرتی پارێزگای سلێمانی و بەڕێز کاک ئەمین لێپرسراوی کۆمیتەی ڕێکخستنی پۆلیس بەھاوڕێیەتی چەند ئەفسەرێک سەردانی بەڕێز عقید ئاریان بەڕێوەبەری نوسینگەی سلێمانی بەرەنگاربونەوەی تاوانە ڕێکخراوەکانیان کرد.
لە لایەن بەڕێز بەڕێوەبەری نوسینگەوە بە گەرمی پێشوازیان لێکراو دیدارێکیان ئەنجامدا کە تیایدا باسی کارو چالاکیەکانی نوسینگەی تاوانە ڕێکخراوەکان و جۆرەکانی تاوانی بازرگانیکردن بە مرۆڤ و میکانیزمەکانی بەرەنگاربونەوەیان کرا.