بەڕێوەبەرایەتی گشتی ڕۆشنبیری و هونەری سلێمانی

بەڕێوەبەرایەتی گشتی ڕۆشنبیری و هونەری سلێمانی Contact information, map and directions, contact form, opening hours, services, ratings, photos, videos and announcements from بەڕێوەبەرایەتی گشتی ڕۆشنبیری و هونەری سلێمانی, Government Official, As Sulaymaniyah.

محەمەد کوردۆ، نوێترین دیوانە شیعری خۆی بڵاوکردەوەئەمڕۆ 2026/9/5 لەهۆڵی نالی، ئوتێل ڕامادا ، دامەزراوەی کەریمی عەلەکە و د...
05/09/2026

محەمەد کوردۆ، نوێترین دیوانە شیعری خۆی بڵاوکردەوە

ئەمڕۆ 2026/9/5 لەهۆڵی نالی، ئوتێل ڕامادا ، دامەزراوەی کەریمی عەلەکە و دەزگای ڕۆشنبیری جەمال عیرفان کۆڕێکی ناساندنیان بۆ دیوانی (نازەنینێک هاتۆتە بەردەمی خەیاڵەکانم)ی محەمەد کوردۆ ڕێکخست.
لە کۆڕەکەدا کە ژمارەیەکی بەرچاو لە ڕۆشنبیران و شاعیران و هونەرمەندان و میوانان ئامادەی بوون، شاعیر سەرەتا وتەیەکی لەبارەی دیوانە شیعرییەکەی پێشکەش کرد و دواتر چەند شیعرێکی لە دیوانەکە خوێندەوە.

ئەمڕۆ 2026/9/5 لە زانکۆی سلێمانی، بەئامادەبوونی قوباد تاڵەبانیی جێگری سەرۆکی ئەنجومەنی وەزیرانی هەرێمی کوردستان، د.هەڤا...
05/09/2026

ئەمڕۆ 2026/9/5 لە زانکۆی سلێمانی، بەئامادەبوونی قوباد تاڵەبانیی جێگری سەرۆکی ئەنجومەنی وەزیرانی هەرێمی کوردستان، د.هەڤاڵ ئەبوبەکر پارێزگاری سلێمانی ، د.موحسین ئەدیب بەڕێوەبەری گشتی ڕۆشنبیری و هونەری سلێمانی و میوانێکی زۆر ، کۆنسێرتی ئۆرکێسترای سیمفۆنیی سلێمانی پێشکەش کرد ، کە بەڕابەرایەتیی مامۆستای هونەرمەند دکتۆر عەبدوڵا جەمال سەگرمە، بە پشتیوانیی و هەماهەنگیی زانکۆی سلێمانی و چەتری کولتوریی سلێمانی و پەیمانگای هونەرەجوانەکانی سلێمانی و دەزگای میدیایی کوردسات بەڕێوەچوو.

قوباد تاڵەبانی لەبارەی کۆنسێرتەکەوە رایگەیاند: زۆر سوپاس بۆ هونەرمەند و مامۆستای مەزن عەبدوڵا جەمال سەگرمە و هەموو هونەرمەندانی ئەندامی ئۆرکێسترای سیمفۆنی سلێمانی بۆ ئەو هونەرە نایاب و باڵایەی ئەمشەو پێشکەشیان کرد. کوردستان و سلێمانی تینووی هونەری باڵا و ڕەسەنن.

سبەی لە خزمەتاندا دەبین
04/09/2026

سبەی لە خزمەتاندا دەبین

رێوڕەسمی بەخشینى بڕوانامەی گینس بە زانکۆى سلێمانىئەمڕۆ پێنجشەممە، بە ئامادەبوونى جێگرى سەرۆکى هەرێمى کوردستان و بەرپرسى ...
03/09/2026

رێوڕەسمی بەخشینى بڕوانامەی گینس بە زانکۆى سلێمانى
ئەمڕۆ پێنجشەممە، بە ئامادەبوونى جێگرى سەرۆکى هەرێمى کوردستان و بەرپرسى نوسینگەى جێگرى سەرۆکوەزیران و وەزیرى خوێندنى باڵا و توێژینەوەى زانستى و پارێزگارى سلێمانى، د. موحسین ئەدیب بەڕێوەبەرى رۆشنبیری و هونەرى سلێمانى، مەراسیمى بەخشینى بڕوانامەی گینس بۆ ریکۆردە جیهانییەکان بە زانکۆی سلێمانی، بەڕێوەچوو.
خەڵاتەکە بەهۆى نووسینى ناوى زانکۆکە وەک (گەورەترین ڕستە بە شەش هەزار درەختى مۆرد) چووە کتێبى گینس، بۆ ژمارە پێوانەییە جیهانییەکان.
ئەم بڕوانامە جیهانییە دەستکەوتێکی گرنگە کەپێگەی زانکۆی سلێمانی لەبواری پاراستنی ژینگە و بەرەنگاربوونەوەی گۆڕانی کەشوهەوادا زیاتر دەناسێنێت. دکتۆر ئارام محەمەد، وەزیری خوێندنی باڵا و توێژینەوەی زانستی بەدەستهێنانی ریکۆردەکەی گینسی بە دەستکەوتێکى گەورە وەسفکرد.
هاوکات، دکتۆر هەڤاڵ ئەبوبەکر، پارێزگارى سلێمانى، رایگەیاند: سلێمانی لە زیاتر لە 10 سێکتەری جیاوازدا لە ڕیزبەندییە نێودەوڵەتییەکاندایە.
هەڤاڵ ئەبوبەکر ڕایگەیاند، تۆمارکردنی ناوی زانکۆی سلێمانی لە کتێبی گینس تەواوکەری ستراتیژی پارێزگاکەیە بۆ کەرتی ژینگە.
بەگوێرەی پۆلێنێکی زانکۆیەکی هۆڵەندی، سلێمانی وەک 13ـەمین کێڵگەی نموونەیی لەسەر ئاستی جیهان دیاریکراوە.

وەزیری ڕۆشنبیری و لاوان پرسەنامەیەک ئاراستەی شاعیری کورد لەتیف هەڵمەت دەکاتهەولێر، پێنجشەممە (3ـی ئەیلوولی 2026)حەمەی حە...
03/09/2026

وەزیری ڕۆشنبیری و لاوان پرسەنامەیەک ئاراستەی شاعیری کورد لەتیف هەڵمەت دەکات

هەولێر، پێنجشەممە (3ـی ئەیلوولی 2026)

حەمەی حەمەسەعید، وەزیری ڕۆشنبیری و لاوانی حکومەتی هەرێمی کوردستان، پرسەنامەیەکی ئاراستەی مامۆستا لەتیف هەڵمەتی شاعیر کرد، بە هۆی کۆچی دوایی خاتوو سورەیا شێخ عەلی، هاوسەری بەڕێزیانەوە.

دەقی پرسەنامە

بەڕێز: مامۆستا لەتیف هەڵمەت
بە داخ و پەژارەوە هەواڵی کۆچی دوایی خاتوو (سورەیا شێخ عەلی)ـی هاوسەری بەڕێزتانمان پێگەیشت، بەم بۆنە خەمناکەوە سەرەخۆشی لە بەڕێزتان و کەسوکار و خزم و دۆستانتان دەکەین و داواکارین لە خوای گەورە جێگەی کۆچکردوو بەهەشتی نەبڕاوە بێت و هاوبەشی خەمتانین.

حەمەی حەمەسەعید
وەزیری ڕۆشنبیری و لاوان
3ـی ئەیلوولی 2026

بەڕێوەبەرایەتى گشتى رۆشنبیری و هونەری سلێمانى رێز لە سێ فۆتۆگرافەر دەگرێتنیوەڕۆى ئەمڕۆ، سێشەممە، لە بەڕێوەبەرایەتى گشتى ...
01/09/2026

بەڕێوەبەرایەتى گشتى رۆشنبیری و هونەری سلێمانى رێز لە سێ فۆتۆگرافەر دەگرێت
نیوەڕۆى ئەمڕۆ، سێشەممە، لە بەڕێوەبەرایەتى گشتى رۆشنبیری و هونەرى سلێمانى، رێز لە هەوڵ و کارەکانى فۆتۆگرافەران (ناسیح عەلى خەیات - هاوکار ئەیوب رەزا - بەختیار عەلى) گیرا.
رێزلێگیرانەکە بە ئامادەبوونى دکتۆر موحسین ئەدیب، بەڕێوەبەرى گشتى بەڕێوەبەرایەتى رۆشنبیری و هونەرى سلێمانى و محەمەد کوردۆ، یاریدەدەرى بەڕێوەبەر و جەمال ساڵح، سەرۆکی کۆمەڵەی وێنەگرانی کوردستان و نیاز نورى، نەقیبى سەندیکاى هونەرمەندانى کوردستان و سەفین ئەنوەر، سەرۆکى لقى سلێمانى سەندیکاى هونەرمەندان، ئەنجامدرا.
دکتۆر موحسین، ئەدیب، لەبارەى خەڵاتى رێزلێنانەکەوە، بۆ ئەو فۆتۆگرافەرانە نوسیویەتى: ئێوە توانیویتانە بەردەوام و لە رێگەى کارى میدیایی و چاوى کامێراکانتانەوە، رەسەنایەتى سروشت و سیماى پڕ لە چیرۆکى خەڵکى کوردستان، بە شێوازێکى هونەرییانەى بەرز تۆمار بکەن، لە پاى ئەو خەمخۆرییەتان، بەڕێوەبەرایەتى رۆشنبیری و هونەرى سلێمانى، بە شانازییەوە رێزلێناتنان پێشکەش دەکات.
پاشان خەڵاتەکە لەلایەن هەریەک لە دکتۆر موحسین ئەدیب و محەمەد کوردۆ و جەمال ساڵح، پێشکەشى هەرسێ فۆتۆگرافەرەکە کران.

ڕۆژی 2026/8/30، محەمەد کوردۆ یاریدەدەری بەڕێوەبەری گشتی ڕۆشنبیری و هونەری سلێمانی لە هۆڵی تەلاری هونەر ئامادەی نمایشی شا...
31/08/2026

ڕۆژی 2026/8/30، محەمەد کوردۆ یاریدەدەری بەڕێوەبەری گشتی ڕۆشنبیری و هونەری سلێمانی لە هۆڵی تەلاری هونەر ئامادەی نمایشی شانۆیی (دکتۆر) بوو کە بەرهەمی چەتری کەلتوری سلێمانییە و لە ئامادەکردن و دەرهێنانی هونەرمەند یاداشت یوسفە و نواندنی چەند ئەکتەرێکی لاو و بە ئەزموونە.
لە کۆتایی نمایشەکەدا محەمەد کوردۆ پیرۆزبایی و دەستخۆشی لە ستافی شانۆییەکە کرد و هیوای بەردەوامی و سەرکەوتنی بۆ خواستن.

ئەمڕۆ 2026/8/29 لە چوارچێوەی کۆڕە فیکریی و ڕووناکبیرییەکانی خۆیدا، ڕێکخراوی ئازادبوون، بەئامادەبوونی محەمەد کوردۆ یاریدە...
29/08/2026

ئەمڕۆ 2026/8/29 لە چوارچێوەی کۆڕە فیکریی و ڕووناکبیرییەکانی خۆیدا، ڕێکخراوی ئازادبوون، بەئامادەبوونی محەمەد کوردۆ یاریدەدەری بەڕێوەبەری گشتی ڕۆشنبیری و هونەری سلێمانی و ژمارەیەک لە ڕۆشنبیر و هونەرمەند و میوانان، کۆڕێکی بەناونیشانی مرۆڤ و شوێن بۆ شاعیر و ڕووناکبیر و ئەندازیار تەیب جەبار بەڕێوەبرد.

27/08/2026

کۆتاییهاتنی خولی ئامادەکاریی وەرگرتنی فێرخوازان بۆ بەشی فیلمسازیی

خولی ئامادەکاریی وەرگرتنی فێرخوازان بۆ بەشی فیلمسازیی بە سەرکەوتوویی کۆتایی هاتخولی ئامادەکاریی وەرگرتنی فێرخوازان بۆ بە...
27/08/2026

خولی ئامادەکاریی وەرگرتنی فێرخوازان بۆ بەشی فیلمسازیی بە سەرکەوتوویی کۆتایی هات
خولی ئامادەکاریی وەرگرتنی فێرخوازان بۆ بەشی فیلمسازیی زانکۆی سلێمانی، کە لە کارگەی کولتووری سلێمانی دەستی پێکردبوو، ئەمڕۆ بە ئامادەبوونی د. موحسین ئەدیب، بەرێوەبەری گشتی ڕۆشنبیری و هونەری سلێمانی، جەبار محەمەد، بەرێوەبەری بەشی هونەری سینەما، نیاز نووری، نەقیبی سەندیکای هونەرمەندانی کوردستان، سەفین ئەنوەر، سەرۆکی لقی سلێمانی سەندیکای هونەرمەندان، و فێرخوازە بەشداربوەکان کۆتایی هات .
لە چوارچێوەی کۆتایی خولەکەدا، بۆ هەر یەکێک لە فێرخوازانی بەشدار، کتێبێکی تایبەت بە بواری سینەما بە ناونیشانی (سینەماو شوناس) نووسینی هەورزا محەمەد پێشکەش بە بەشداربووەکان کرا کە لەلایەن لقی سلێمانیی سەندیکای هونەرمەندانەوە بۆ فێرخوازان ئامادەکرابوو.
ئەم خولە بە ئامانجی ئامادەکردنی فێرخوازان بۆ پرۆسەی وەرگرتن و بەهێزکردنی تواناکانیان لە بواری فیلمسازی بەڕێوەچوو، وە لە ماوەی خولەکەدا کۆمەڵێک وانە و چالاکیی تایبەت بە بنەما و سەرەتاکانی فیلمسازی پێشکەشی فێرخوازان کرا.
خولی ئامادەکاری لەلایەن بەشی هونەری سینەمای بەرێوەبەرایەتی گشتی ڕۆشنبیری و هونەری سلێمانی، بە هەماهەنگی لەگەڵ بەشی فیلمسازیی زانکۆی سلێمانی و بە سەرپەرشتی هونەرمەند کاوان عەزیز بەڕێوەچوو.

Address

As Sulaymaniyah

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Sunday 09:00 - 17:00

Website

Alerts

Be the first to know and let us send you an email when بەڕێوەبەرایەتی گشتی ڕۆشنبیری و هونەری سلێمانی posts news and promotions. Your email address will not be used for any other purpose, and you can unsubscribe at any time.

Shortcuts

Share

Category