سەروکاتیا باژێرڤانیا تەناهی/رئاسة بلدية تناهي

01/09/2026

دەستپێکــــرنا کارێن قێرکرنا جادا ٦٠ مەتری ل تــــــــەناهیێ؛ گاڤەکا مەزن بۆ پێشئێخستنا خزمەتگوزارییێن باژێری
د چارچووڤێ پڕۆژێن ئاڤەدانکرنێ و پەرەپێدانا ژێرخانەیا خزمەتگوزارییان ل سنوورێ پارێزگەها دهۆکێ، ئەڤڕۆ ئێکشەمبی، ڕێکەفتى (٢٠٢٦/٨/٣٠)، کارێن قێرکرنا جادا ٦٠ مەتری ب شێوەیەکێ فەرمی و چالاک دەستپێکرن.
ئەڤ پڕۆژەیە ب گوژمەیێ (١٢,٥٨٦,٤٢٩,٩٧٥) دیناران دهێتە جێبەجێکرن ،درێژاهییا وێ (٤٣٠٠م)، قوناغا ئێکێ ژ دووریانا گوندێ فەڕەنسی2 دەستپێدکەت تا سێجێ ب درێژاهيیا (٣٠٠٠م) ، قوناغا دووێ ز دوريانا فه‌ره‌نسى2 تا جادا ٣٠م يا كێڤلا ب درێژااهيیا (١٣٠٠م) تێته جێبه جێكرن . و ماوەیێ جێبەجێکرنا وێ (٨٥٠) ڕۆژن. نوکە ژی کار ژلایێ کۆمپانیا (کاڤین گروپ) ڤە، ب دیفچوونا بەردەوام یا تیمێن مە یێن ئەندازیاری و ب پشتەڤانیا بودجەیا تایبەت، ب شێوەیەکێ لەز ل هەردوو سایدێن جاددێ بەردەوامە دا کو د دەمێ دیارکری دا بێتە تەمامکرن.
جهێ ئاماژەپێکرنێ یە، ئەڤ پڕۆژەیە ب سەرپەرشتییا ڕێڤەبەرییا گشتی یا باژێرڤانییان ل پارێزگەها دهۆکێ و سەرۆکاتییا باژێرڤانییا تەناهی بەردەوامە، و ب جهئینانا وێ دێ ئاسانکارییەکا بەرچاڤ بۆ هاتنوچوونا هاووڵاتییان دروست بیت و بارێ ترافیکێ ل دەڤەرێ هێتە کێمکرن.

13/08/2026

📢 ئەگەهداری بۆ وەلاتیێن بەرێز | سەرئێك زێدەكرنا ئاشكەرا (مزایدە)
​لێژنەیا فرۆتن و كرێكرنا موڵكێن دەولەتێ ل سەرۆكاتیا باژێرڤانیا تەناهی، سەرئێك زێدەكرنەكا ئاشكەرا رادگەهینیت ژ بۆ فرۆتنا سێ پارچێن ئەردی ل كەرتێ 43 كێڤلا:
​1️⃣ پارچە زەڤیا ژمارە (3793/1) - رووبەر: 210.7 م٢
2️⃣ پارچە زەڤیا ژمارە (3878/1) - رووبەر: 200 م٢
3️⃣ پارچە زەڤیا ژمارە (3785/1) - رووبەر: 200 م٢
​📝 مەرجێن پشكداریکرنێ:
هەر كەسێ بڤێت پشكدار بیت، دڤێت داخوازیا خۆ دگەل دابینکرنا (تەئمینات) كێمتر نەبیت ژ (20%) ژ بهایێ خەملاندنێ پێشکێشی سەرۆكاتیا باژێرڤانیا تەناهی بكەت.
​📅 ژڤانا سەرئێك زێدەكرنێ:
رۆژا 7/9/2026
⏱️ دەمژمێر: 12:00ـی نیڤرۆ
📍 جهـ: سەرۆكاتیا باژێرڤانیا تەناهی
​بو پتر زانیاریان، سەرەدانا سەرۆكاتیا باژێرڤانیا تەناهی بكەن.

10/08/2026

21/01/2026

سلاڤ ورێزگرتن. (بانگەوازی )
بوخەلکێ شەرەف مەندێ سنورێ ناحيا تەناهی ( سەنتەرێ ناحيێ - حەوشکا 1 و حەوشکا 2 و کێڤلا و ميتان وئەڤروستی و گوندێ فرنسی 2 وئاريا ستی و نەورو ستی و راميلاند و قەسارا و دولبا سەری ودولبا خارێ وهاجسنە وجومجيهان وبوسريان وگرفيل وباطرشێ وسەرتەنگێ وهەمی سنورێ ناحيا تەناهی )
ل ديف راسپاردێن بەرێز دکتور علی تتر پارێزگارێ دهەکێ ولجنا بلندا کوم کرنا هاريکاريان ل سنورێ قەزا سێمێلێ
ئەم ژی کەمپينا کوم کرنا هاريکاريان بو ( خوشک وبرايێت مە ل کوردستانا روژئاڤا ) ل سنورێ ناحيا تەناهی رادگەهينين وهەر سوباهی روژا پێنج شەمبی 22/1/2026 دێ لجنەک ل پێشوازيا وەرگرتنا هاريکاريێ هەوە بيت ژ دەم ژێر 10 سپێدێ هەتا دەم ژمێر 10 شەف ژ 221 هەتا 26/1
وجهێ کوم کرنا هاريکاريان ل سنورێ ناحيا تەناهی دێ مزگەفتا المؤمنين بيت ل سەنتەرێ ناحيا تەناهی ل نێزيک رێڤەبەريا ناحيا تەناهی
هيڤی خازين ژهەمی خەلکێ سنورێ ناحيا تەناهی ب گوند وکومەلگە ڤە دەستێ هاريکاريێ بو خوشک وبرايێ خو يێت روژ ئاڤا درێش کەن وبلا ئەم ژی وەکی ناحيا تەناهی ژڤێ هاريکاريێ بو روژ ئاڤا دبێ بەهر نەبين ودەستێ هاريکاريێ بو درێش کەين
جهێ هاتی دەست نيشان کرن بو خرڤەکرنا هاريکاريێت خەلکێ سنورێ ناحيا تەناهی
مزگەفتا المؤمنين ل سەنتەرێ ناحيا تەناهی
خودێ پشتەڤان وهاريکارێ مللەتێ مە بيت
شعبان خليل عبداللە
رێڤەبەرێ ناحيا تەناهی
21/1/2026

23/12/2025

جادێن پروژەکێ دی ل تەناهیێ هاتنە قێرکرن:
ئەڤرو روژا سێ شەمبی رێکەفتێ ٢٠٢٥/١٢/٢٣
دەست ب قێرکرنا جاديێن پروژێ(چێکرنا رێکێن نافخویی ل تەناهی کەرتێ 10 دلب ل تاخێ سەرهلدان) هاتە کرن بکوژمێ(289,306,000) دوو سەد وهەشتێ ونەهـ ملیون وسێ سەد وشەش هزار دینارا لسەر بودجا گەشەپێدانا هەرێما یا سالا 2024 وبسەرپەرشتیا رێڤەبەریا گشتی یا باژێرڤانیا ل پارێزگەها دهوکی و سەروکاتیا باژێرڤانیا تەناهی و بجهئینانا کومپانیا (دالانی).

14/12/2025

06/12/2025

ئەڤرو روژا شەمبیێ رێکەفتی ٢٠٢٥/١٢/٦
پشکا ژینگەهی وپشکا ئامیرەتا لسەروکاتیا باژێرڤانیا تەناهی رابون ب پاقژکرن وڤەکرنا چەند جها ژبو چارەسەرکرنا ئاریشا کومبونا ئاڤێ ژئەگەرێ باران بارینا .

04/12/2025

04/12/2025

پروژەکێ دی ل تەناهیێ بدوماهيك هات و جادؽن وێ هاتنە قێرکرن:
ئەڤرو روژا پێنج شەمبی رێکەفتێ ٢٠٢٥/١٢/٤
دەست ب قێرکرنا جاديێن پروژێ(تمامکرنا رێکێن نافخویی ل کەرتێ 10 دلب نێزیک زانکویا نەوروز)ل تەناهیێ هاتە کرن بکوژمێ(465,148,000) چار سەد وشێست وپێنج ملیون وسەد وچل وهەشت هزار وپێنج سەد دینارا لسەر بودجا فروتنا پارچە زەڤیا وبسەرپەرشتیا رێڤەبەریا گشتی یا باژێرڤانیا ل پارێزگەها دهوکی و سەروکاتیا باژێرڤانیا تەناهی و بجهئینانا کومپانیا (دالانی).