https://www.facebook.com/458415847592940/

رێڤەبەریا بەرهنگاربوونا توندوتیژی دژی ئافرەتان و خێزان ل پارێزگەها دهوکێ

Home
Iraq
Duhok
رێڤەبەریا بەرهنگاربوونا توندوتیژی دژی ئافرەتان و خێزان ل پارێزگەها دهوکێ

پەیچێ فەرمی یێ رێڤه‌به‌ریا به‌رهنگاربوونا توندوتیژى دژى ئافره‌تان و خێزان ل پارێزگەها دهوکێ.

25/08/2026

پەیاما ڕێڤەبەرێ ڕێڤەبەریا مە بو یادا ژدایکبوونا پێغەمبەرێ خوشتڤی

ب هەڵکەفتا ژدایکبوونا پێغەمبەرێ خوشتڤی "محەمەد" (سڵاڤێن خۆدێ ل سەر بن)، گەرمترین پیرۆزباهی ئاراستەی موسڵمانێن جیهانێ، و گەلێ مە یێ خۆشتڤی ل هەرێما کوردستانێ دکەم.

ئەڤ بیرەوەریا پیرۆز دەرفەتەکا زێڕینە بۆ وەرگرتنا وانەیان ژ ژیانا پێغەمبەرێ مە، کو بەردەوام جەخت ل سەر دلۆڤانی، ڕێزگرتن و بەلاڤکرنا ئاشتی و تەباییێ د ناڤبەرا تاكێن جڤاکی دا دکر.

ژ خودایێ مەزن و دلۆڤان دخوازین ئەڤ هەڵکەفتە ببتە سەدەمێ ڤەکرنا دەرگەهێن خێر و خوشی، بەرەکەت و سەقامگێریێ بو مللەتێ مە.

عەمیدێ مافپەروەر
ولات صديق ابراهیم
ڕێڤەبەرێ ڕێڤەبەریا بەرهنگاربوونا توندوتیژی دژی ئافرەتان و خێزان ل پارێزگەها دهۆکێ

٢٥ی تەباخا ٢٠٢٦ێ

17/08/2026

ل ڕۆژا دووشەمبی، ڕێکەفتی ١٧ی تەباخا ٢٠٢٦ێ، بەڕێز عەمیدێ مافپەروەر ولات صديق ابراهیم، ڕێڤەبەرێ ڕێڤەبەریا بەرهنگاربوونا توندوتیژی دژی ئافرەتان و خێزان ل پارێزگەها دهۆکێ، پێشوازی ل کەسایەتیەکێ دیار یێ جڤاکی و شاندەکێ کولیژا یاسا یا زانکویا دهۆک کر.

د دیدارا ئێکێ دا، بەڕێز ڕێڤەبەرێ ڕێڤەبەریا مە پێشوازی ل کەسایەتیێ دیار یێ جڤاکی ل پارێزگەها دهۆکێ، بەڕێز شێخ نورەدین بریفکانی کر. د ڤێ دیدارێ دا، باس لسەر ڕۆڵ و ئەرکێن ڕێڤەبەریێ د بەرهنگاربوونا توندوتیژیێ دا، و جەخت ل سەر گرنگیا هۆشیارکرنا جڤاکی هاتە کرن.

پاشان پێشوازی ل بەڕێز پ. د. ئەڤین خالد عبدالرحمن، ڕاگرا کۆلیژا یاسا ل زانکۆیا دهۆکێ، و شاندێ دگەل دا کو پێکهاتبوو ژ بەرێز د. ئاری عارف، بەرپرسێ کلینیکا یاسا، و بەرێز پ.د. اسماعیل ئەبابەکر، ماموستا ل کولیژا ناڤهاتی و ڕاوێژکار ل بەشێ راوێژکاریاخێزانی-دهوک، هاتە کرن. د سەرەدانێ دا، دانوستاندن ل سەر بەرفرەهکرنا هەماهەنگی و کارێ هەڤپشک د ناڤبەرا هەردوو لایەنان دا هاتە کرن ب مەبەستا پێشکێشکرنا خزمەتگوزاریێن باشتر بۆ وەلاتیان، ب تایبەتی بۆ وان کەیسێن سەرەدانا بەشێ ڕاوێژکاریا خێزانی ل ڕێڤەبەریا مە دکەن ژبو وەرگرتنا راوێژکاریا یاسایی و دەروونی و جڤاکی.

13/08/2026

ل ڕۆژا پێنجشەمبی ڕێکەفتی ١٣ی تەباخا ٢٠٢٦ێ، بەڕێز عەمیدێ مافپەروەر ولات صديق ابراهیم، ڕێڤەبەرێ ڕێڤەبەریا بەرهنگاربوونا توندوتیژی دژی ئافرەتان و خێزان ل پارێزگەها دهۆکێ، پێشوازی ل بەڕێز پ.هـ.د. دلڤین میقداد، ڕێڤەبەرا سەنتەرێ شیرەتکاریا دەروونی و جڤاکی و خزمەتێن قوتابیان ل زانکویا دهۆک، و شاندێ دگەل دا کر. دڤێ سەرەدانێ دا، باس لسەر چەندین بابەتێن گرێدای ب بلندکرنا ئاستێ هوشیاریێ هاتەکرن ب تایبەتی دناڤا قوتابیێن زانکویێ دا. بەڕێز ڕێڤەبەرێ ڕێڤەبەریا مە ئامادەیی و پشتەڤانیا خو بو ئەنجامدانا هەر جورە چالاکیەکێ دیارکر ژپێخەمەت خزمەتکرنا قوتابیان و بەرژەوەندیا گشتی.

11/08/2026

چالاکیەکا هەڤپشک دناڤبەرا ڕێڤەبەریا مە و ڕێکخراوا (IFMSA) دهێتە ئەنجامدان

ل ڕۆژا سێشەمبی، ڕێکەفتی ١١ی تەباخا ٢٠٢٦ێ، ب سەرپەرشتیا بەڕێز عەمیدێ مافپەروەر ولات صديق ابراهیم، ڕێڤەبەرێ ڕێڤەبەریا بەرهنگاربوونا توندوتیژی دژی ئافرەتان و خێزان ل دهۆکێ، شاندەکێ هەڤپشک یێ ڕێڤەبەریا مە و فیدراسیۆنا نیڤدەولەتی یا کۆمەڵەیێن قوتابیێن پزیشکی (IFMSA) و ڕێکخراوا (Nujen)، سەرەدانا ڕێڤەبەریا چاکسازیا ئافرەت و سنێلان-دهۆک کر و ژ لایێ بەڕێز هەلات عبدالکریم، ڕێڤەبەرا چاکسازیێ، هاتنە پێشوازیکرن.

د چوارچۆڤەیا ڤێ سەرەدانێ دا، سمینارەکا هۆشیاریێ بۆ ئافرەت و سنێلێن ناڤ چاکسازیی دا، ژ لایێ بەڕێز عەقیدێ مافپەروەر فەلاح حسن جیان، بەرپرسێ بەشێ ڕاگەهاندن و پەیوەندیان، هاتە پێشکێشکرن. د سمینارێ دا ب تێڕووتەسەلی گەنگەشە ل سەر کار، ئەرک، و خزمەتگوزاریێن یاسایی و دەروونی و جڤاکی یێن ڕێڤەبەریا مە و نڤێسینگەهێن سەر ب وێ ڤە هاتەکرن. د تەوەرەکێ دیتر دا، ژلایێ قوتابیێن فیدراسیۆنا ناڤهاتی چەندین شیرەتێن گرێدای ب ساخلەمیێ ڤە پێشکێشی ئامادەبوویان هاتەکرن.

پاشان شاندێ هەڤپشک سەرەدانا سەنتەرێ نەوا یێ حەواندنا ئافرەتان کر و ژلایێ بەڕێز جوان طیب، ڕێڤەبەرا چاکسازیێ، ڤە ب گەرمی هاتنە پێشوازیکرن. دڤێ سەرەدانێ دا باس لسەر هەماهەنگیا دناڤبەرا ڕێڤەبەریا مە و فیدراسیۆنا نیڤدەولەتی یا کۆمەڵەیێن قوتابیێن پزیشکی (IFMSA).و سەنتەرێ ناڤهاتی دا هاتەکرن ژبو ئەنجامدانا چەندین چالاکیێن بلندکرنا ئاستێ هوشیاریا یاسایی، دەروونی و ساخلەمی.

09/08/2026

سمینارەک ل زانکۆیا جیهان دهێتە گێران

ل ڕۆژا ئێکشەمبی، ڕێکەفتی ٩ی تەباخا ٢٠٢٦ێ، د چوارچۆڤەیێ خولا "شیانێن یاسایا گشتگیر" دا کو ژ لایێ زانکۆیا جیهان - دهۆک ڤە دهێتە بڕێڤەبرن، بەڕێز (عەقیدێ مافپەروەر نیهاد عەلی محەمەد)، بەرپرسێ بەشێ کاروبارێن یاسایی ل ڕێڤەبەریا مە، سمینارەکا هۆشیاری و ئەکادیمی پێشکێش کر دەربارەی (یاسایا ژمارە ٨ یا ساڵا ٢٠١١ یا بەرهنگاربوونا توندوتیژیا خێزانی ل هەرێما کوردستانێ و چەوانیا بڕێڤەچوونا پڕۆسەیا ڤەکولینێ). ئارمانج ژ گێڕانا ڤێ سمینارێ بلندکرنا ئاستێ هوشیاریێ و شیانێن قوتابی و ڤەکۆلەڕێن کولیژا یاسا یا زانکۆیا ناڤهاتی بوو.

د سمینارێ دا، ناڤهاتی باس لسەر توندوتیژیا خێزانی د چوارچوڤێ یاسایا تایبەتمەند دا کر، هەروەسا ڕۆناهی ئێخستە سەر ڕۆڵێ سەرەکی یێ ڕێڤەبەریا مە وەکی دامەزراوەیا تایبەتمەند د وەرگرتنا کەیسێن گرێدای ب توندوتیژیا خێزانی، بڕێڤەبرنا پەڕێن ڤەکۆڵینێ ب شێوازەکێ یاسایی، و دابینکرنا پاراستنا پێدڤی بۆ خێزانان.

د پشکا دووماهیێ دا، دەرگەهێ دانوستاندن و پرسیاران بۆ بەشداربوویێن خولێ هاتە ڤەکرن، و جەخت ل سەر وێ چەندێ هاتە کرن کو بەردەوامیدان ب ڤان هەماهەنگیان د ناڤبەرا زانکۆیان و ڕێڤەبەریا مە دا، ڕۆڵەکێ بەرچاف دگێڕیت د بلنکرنا ئاستێ زانیاریێن یاسایی یێن قوتابی و تایبەتمەندان، و بەرقەرارکرنا ئارامیا خێزانی د جڤاکی دا.

06/08/2026

ڕێڤەبەرێ ڕێڤەبەریا مە کۆمبوونەک ئەنجامدا و ڕێزلێنان پێشکێشی ئەفسەرێن پلەبەرزبووی کر

ل ڕوژا پێنجشەمبی ڕێکەفتی ٦ی تەباخا ٢٠٢٦ێ، ب سەرپەرشتیا بەڕێز عەمیدێ مافپەروەر ولات صديق ابراهیم، ڕێڤەبەریا بەرهنگاربوونا توندوتیژی دژی ئافرەتان و خێزان ل دهۆکێ، کۆمبوونەک دگەل ئەفسەرێن ڤەکۆلینێ هاتە ئەنجامدان. د کۆمبوونێ دا، جەخت ل سەر خزمەتکرنا هاولاتیان ب باشترین شێواز هاتەکرن ژ پێخەمەت پاراستنا ئارامیا خێزانان و جڤاکی.

هەروەسان د ڕێوڕەسمەکێ تایبەت دا، ڕێڤەبەرێ ڕێڤەبەریا مە پیرۆزباهی و ڕێزلێنان پێشکێشی ئەفسەرێن پلەبەرزبووی کر، و دەستخۆشی ل ماندیبوون و دڵسۆزیا وان یا بەردەوام کر د ئەنجامدانا ئەرکێن وان یێن پیرۆز دا.

ل دووماهیێ، ڕێڤەبەری ڕێڤەبەریا مە هیڤیا سەرکەفتنا بەردەوام بۆ ئەفسەرێن پلەبەرزبووی خواست د کارێ وان دا.

03/08/2026

مێزگەردەکا زانستی ل زانکۆیا دهۆکێ دهێتە گێران

ل ڕۆژا دووشەمبی، ڕێکەفتی ٣ی تەباخا ٢٠٢٦ێ، ل هۆلا قوبەهان یا کۆڵێژا یاسا ل زانکۆیا دهۆکێ، سەنتەرێ ڤەکۆلینێت یاسایی و ڕامیاری مێزگەردەکا زانستی ل ژێر ناڤونیشان "ئاریشێن نەسبێ و ڕەگەزناما زارۆکێن بێ نەسب د ناڤبەرا شەرعیەتێ و یاسایێ دا" ساز کر.

ژ لایێ ڕێڤەبەریا بەرهنگاربوونا توندوتیژی دژی ئافرەتان و خێزان ل دهۆکێ، هەردوو ئەفسەرێن بەڕێز عەقیدێ مافپەروەر نیهاد عەلی محمد، بەرپرسێ بەشێ کاروبارێن یاسایی، و عەقید فەلاح حسن جیان، بەرپرسێ بەشێ ڕاگەهاندن و پەیوەندیان، بەشداری د ڤێ مێزگەردێ دا کر.

ڕێوڕەسم ب پەیڤا بخێرهاتنێ ژ لایێ بەڕێز پ. د. ئەڤین خالد، ڕاگەرا کۆڵێژا یاسا، دەستپێکر، و پاشان ب پێشکێشکرنا کورتەیەکێ ل دوور بابەتی ژ لایێ بەڕێز د. نشوان خالد صالح، ڕێڤەبەرێ سەنتەری، بەردەوام بوو. د کارنامەیا مێزگەردێ دا چەندین تەوەرێن زانستی و یاسایی هاتنە پێشکێشکرن، ژ وان ژی: "مەبەستێت شەرعی بۆ پاراستنا نەسبێ" ژ لایێ بەڕێز پ. د. إسماعیل ئەبابکر بامەرنی، ماموستایێ زانکویا دهۆک و ڕاوێژکار ل بەشێ ڕاوێژکاریا خێزانی-دهۆک، و "ئاریشێن ڕەگەزناما زارۆکێن بێ نەسب" ژ لایێ بەڕێز پ. د. عبدالله فاضل، جێگرێ ڕاگرێ کۆڵیژێ.

د پشکا دووماهیێ دا، دەرگەهێ دانوستاندنێ بۆ ئامادەبووان هاتە ڤەکرن؛ د ڤی چوارچۆڤەیی دا بەشداربووان و ئەفسەرێن ڕێڤەبەریا مە ب تێبینی و پێشنیارێن خۆ ڕۆڵ د زەنگینکرنا تەوەرێن مێزگەردێ دا گێڕا، و مێزگەرد ب خویندنا پێشنیار و ڕاسپاردەیێن زانستی ب دووماهی هات.

02/08/2026

تاقیکرنێن پلەبەرزکرنێ هاتنە ئەنجامدان

ل ڕوژا ئێکشەمبی ڕێکەفتی (٢٠٢٦/٨/٢)، ب ئامادەبوونا بەرێز د. عەلی تەتەر، پارێزگارێ دهۆكێ، عەمید سعد عبداللە، ڕێڤەبەرێ پولیسێن پارێزگەها دهۆکێ، عەمید رێبەر عبدالعزیز محمد طاهر، رێڤەبەرێ هاتن و چوونا دهۆکێ، و عەمیدێ مافپەروەر ولات صديق ابراهیم، رێڤەبەرێ رێڤەبەریا بەرهنگاربوونا توندوتیژی دژی ئافرەتان و خێزان ل پارێزگەها دهۆکێ، و چەندین ڕێڤەبەرێن ڕێڤەبەریێن دیتر تاقیکرنێن پلەبەرزکرنێ بو ئەفسەرێن ژ هەژی ل هولا بارەگایێ رێڤەبەریا هاتن و چوونا دهوکێ هاتنە ئەنجامدان.

بناڤێ رێڤەبەریا بەرهنگاربوونا توندوتیژی دژی ئافرەتان و خێزان ل پارێزگەها دهۆکێ داخازا سەرکەفتنێ بو هەمی ئەفسەرێن هێژا دکەین.

26/07/2026

وۆرکشۆپەک لدوور بڕیارا (١٣٢٥) یا جڤاتا ئاسایشا نیڤدەولەتی هاتە سازکرن

ل ڕوژا ئێکشەمبی، ڕێکەفتی ٢٦ی تیرمەها ٢٠٢٦ێ، ڕێکخراوا (لۆتۆس فلاوەر) وۆرکشوپەکا تایبەت لدوور بڕیارا (١٣٢٥) یا جڤاتا ئاسایشا نیڤدەولەتی ئەنجامدا. ئەڤ وۆرکشوپە ب بەشداریا نوێنەرێن ئافرەت ژ دەزگەهـ و ڕێڤەبەریێن جودا یێن حکومی ل دهۆکێ هاتە بڕێڤەبرن.

ژ ڕێڤەبەریا بەرهنگاربوونا توندوتیژی دژی ئافرەتان و خێزان ل پارێزگەها دهۆکێ، عەقید دلال تەتەر عەبدوللا بەرپرسا بەشێ پلاندانان، و موقەدم زیبا حسێن ئەحمەد، بەرپرسا بەشێ کارگێڕی و ژێدەرێن مرۆڤی، و خانم کەوسەر خەیرەدین، بەشداری د ڤی وۆرکشوپێ دا کر.

تەوەرێ سەرەکی یێ وۆرکشوپی گرێدایبوو ب باسکرنا "ڕۆڵێ دەزگەهێن حکومی د چاڤدێریکرن و دیڤچوونا جێبەجێکرنا بڕیارا ١٣٢٥ دا، دگەل پشتەڤانیکردنا ئافرەتێن سەرکردە". د دانوستاندنان دا، باس لسەر گرنگیا جێبەجێکرنا ڤێ بڕیارێ بۆ بهێزکرنا ڕۆڵێ ئافرەتان د بڕیاردانێ و پاراستنا ئاشتیێ دا هاتەکرن.

19/07/2026

سمینارەک بو فەرمانبەر و کارمەندان دهێتە سازکرن

ل ڕوژا ئێکشەمبی، ڕێکەفتی ١٩ی تیرمەها ٢٠٢٦ێ، ل بارەگایێ ڕێڤەبەریا بەرهنگاربوونا توندوتیژی دژی ئافرەتان و خێزان ل پارێزگەها دهۆکێ، سمینارەکا هوشیاریێ بو فەرمانبەر و کارمەندێن ڕێڤەبەریێ هاتە رێکخستن کو ژلایێ بەڕێز مقەدم زیبا حسێن ئەحمەد، بەرپرسا هوبا ئاراستەکرن و رێبەریکرنا مەعنەوی ل ڕێڤەبەریا مە، هاتە پێشکێشکرن.

سمینار ژ دوو تەوەرێن سەرەکی پێکهاتبوو، د تەوەرێ ئێکێ دا ب تێڕووتەسەلی باس ل سەر کار، ئەرک و بەرپرسیارەتیێن هوبا ئاراستەکرن و ڕێبەریکرنا مەعنەوی هاتە کرن.

تەوەرێ دوویێ گرێدایبوو ب شلوڤەکرنا گرنگیا بەرهنگاربوونا ماددەیێن هوشبەر و کارتێکرنا وان یا نەرێنی ل سەر جڤاکی. د ڤی چارچوڤەی دا، ڕولێ گرنگ و سەرەکی یێ کارمەندێن هێزێن ناڤخو د بەرهنگاربوونا ماددەیێن هوشبەر دا هاتە دیارکرن.

Address

Duhok

Telephone

+9647503409656

Website

facebook.com

Alerts

Be the first to know and let us send you an email when رێڤەبەریا بەرهنگاربوونا توندوتیژی دژی ئافرەتان و خێزان ل پارێزگەها دهوکێ posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to رێڤەبەریا بەرهنگاربوونا توندوتیژی دژی ئافرەتان و خێزان ل پارێزگەها دهوکێ:

Want your organization to be the top-listed Government Service in Duhok?