Duhok Polytechnic University

24/06/2026

ئاگەهداری...
ئەو بەرێزێن نەشیان ئەکاونتی بۆ خۆ چێکەن بۆ پشکداریا ئەزموونا دیارکرنا ئاستێ زمانی ئینگلیزی (Placement Test) ئاگەهدار دکەین کو سیستەم دووبارە یێ هاتیە ڤەکرن بو پشکداران داکو ناڤێن خۆ تومار بکەن.
لەورا ئەوێ حەز هەبیت پشکدار بیت، پێتڤییە ب زویترین دەم ئەکاونتی چێکەت و هەمی زانیاریێن پێتڤی پڕ بکەت.

هەروەسا هەمی پشکدارێن بەرێز ئاگەهدار دکەین کو ڕوژا ئێک شەمبی ٢٨/٦/٢٠٢٦ دووماهیک ڕوژە بو بڕێنا پسوولێ.

دەم و جهێ بڕینا پسوولێ:
- سەنتەرێ زمان - ئاڤاهیێ کولیژا وپەیماگەها تەکنیکی کاڕگێری (زڕکا) (دەمژمێر ٤:٠٠ - ٧:٠٠)
- ڕوژا پێنج شەمبی بێهنڤەدانا فەرمییە.
- ئەو بەڕێزێن ئەکاونتێن وان هەتا نوکە نەهاتینە پەسەندکردن و کود بۆ وان نەهاتیە (پێتڤییە ب زویترین دەم بچنە ناڤ ئەکاونتێن خو داکو تێبینیان ببینن و کێم وکاسیان چارەسەرکەن و پشتی هنگی ئەکاونت دێ هێتە پەسەندکرن).
- پسوولە بو هیچ پشکدارەکی ناهێتە بڕین هەتا کو ئەکاونتی وی بهێتە پەسەندکرن.

سەنتەرێ زمان - زانکۆیا پۆلیتەکنیکی دهۆک

23/06/2026

زانکۆیا پۆلیتەکنیکی دهۆک پشکداری مەراسیمەکێ زانستی دبیت

​ب چاڤدێری و ئامادەبوونا "د. ئارام محمد قادر" وەزیرێ خواندنا بلند و ڤەکۆلینێن زانستی، مەراسیما هەلسەنگاندن و پێشڤەبرنا گۆڤارێن زانستیێن زانکۆیێن هەرێما کوردستانێ هاتە ئەنجامدان.

​د ڤێ چالاكیێ دا، شاندێ زانكۆیا پۆلیته‌كنیكی یا دهۆك ب سه‌رۆكاتیا "پ. هـ. د. یەمان سامی شەریف"، هاریكارێ سه‌رۆكا زانكۆیێ بۆ كاروبارێن زانستی و خواندنا بلند، و "پ. هـ. د. نژدڤان عبدالجواد ککو" سەرنڤیسەرێ گوڤارا داسنیا یا ئەندازیاری و ئینفورماتیک پشکداری تێدا کر.

​ئەڤ پشکدارییە ژچارچۆڤێ بزاڤێن بەردەوامێن زانکۆیێ یە، بۆ بلندکرنا ئاستێ گۆڤار و ڤەکۆلینێن زانستی و پێشڤەبرنا رەوشا ئەکادیمی ل هەرێما کوردستانێ.

​ #دهۆک #کوردستان

23/06/2026

بانگەوازیا پێشکێشکرنا ڤەکۆلینان (AISDW 2026) بۆ دووەمین کۆنفرانسێ نێڤدەولەتی یێ ژیرییا دەستکرد بۆ بەردەوامیێ د جیهانا پێشکەفتیدا (AISDW 2026)

زانکۆیا پۆلیتەکنیک دهۆک ب هەماهنگی دگەل هەر شەش زانکۆیێن هەڤپشکێن ناڤخۆیی و نێڤدەولەتی، دێ دووەمین کۆنفرانسێ نێڤدەولەتی یێ ژیرییا دەستکرد بۆ بەردەوامیێ د جیهانا پێشکەفتیدا ئەنجام دەن.

زانکۆیێن هەڤپشک:
* زانکۆیا ڕاپەڕین (مێڤاندارێ سەرەکی)
* زانکۆیا پۆلیتەکنیک دهۆک
* زانکۆیا ئاکرێ بۆ زانستێن کرداری
* زانکۆیا پۆلیتەکنیکی یا گەرمیان
* زانکۆیا هەولێر یا نێودەولەتی
* زانکۆیا سۆران
* زانکۆیا لوبنانی فەڕەنسی
* زانکۆیا تون ئۆن حسێن (UTHM) - مالیزی

پێزانینێن کۆنفرانسی:
ڕێکەفتی: ٣ و ٤ی تشرینا دووێ ٢٠٢٦
ناڤونیشان: زانکۆیا ڕاپەڕین، ڕانیە.

داخوازنامە بۆ ڤەکۆلەران: لیژنەیا زانستی یا کۆنفرانسی داخوازێ ژ مامۆستا، ڤەکۆلەر و قوتابیێن خواندنا بلند دکەت کە ڤەکۆلینێن خۆ یێن رەسەن د بیاڤێ ژیرییا دەستکرد و بەردەوامیێدا پێشکێش بکەن.

بۆ زانیارییێن پتر ل دۆر مەرج و دەمێن هنارتنا ڤەکۆلینان، سەرەدانا ڤی لایەنی بکەن:
🔗 https://aisdw26.uor.edu.krd/

20/06/2026

سەنتەرێ یەکسانیا جێندەری پشکداری د چالاکیا ئەنجومەنێ باڵا یێ خانمان و گەشەپێدانێ دا کر

ل ژێر دروشمێ "بیرئینانا جینۆسایدا ئێزدیان: ژ دانپێدانێ بەرەڤ چاکبونێ، دادپەروەریێ و چارەسەریێن بەردەوام" و ب هەلکەفتا “ڕۆژا جیهانی یا نەهێلانا توندوتیژیێ د دەمێ ناکوکیان دا، ب ئامادەبوونا "د. خانزاد ئەحمەد" ئەمیندارا گشتی یا ئەنجومەنێ باڵا یێ خانمان و گەشەپێدانێ، ئەڤرۆ ڕۆژا چوارشەمبی ڕێکەفتی ١٦ـی خزیرانا ٢٠٢٦ـێ، "شەهلا عیسا" ڕێڤەبەرا سەنتەرێ یەکسانیا جێندەری ل سەرۆکا زانکۆیا پۆلیتەکنیک دهۆک، پشکداری د چالاکیا ئەنجومەنێ باڵا یێ خانمان و گەشەپێدانێ ل حکومەتا هەرێما کوردستانێ دا کر، ئەڤ چالاکیە ب هەماهەنگی دگەل زانکۆیا دهۆک و ڕێکخراوا "تیرێژێن ڕۆژێ" بۆ گەشەپێدانا ژنان، ل سەنتەرێ کۆنفرانسان یێ زانکۆیا دهۆک هاتە ئەنجام دان.

20/06/2026

ئێکەمین کۆنفرانسێ نێڤدەولەتی یێ ژیرییا دەستکرد د ئەندازیاری و زانستێن کرداری دا (ICAIEAS2026) ب هەڤپشکی یا هەر پێنج زانکۆیێن پۆلیتەکنیک دهۆک، زانکۆیا زاخۆ، زانکۆیا شرنەخ، زانکۆیا سۆران و زانکۆیا ئاکرێ یا زانستین کرداری ڤە ل رێکەفتی 17و 18ێ حوزەیرانا سالا 2026ێ هاتە ئەنجامدان

18/06/2026

پەیڤا "پ. د. ئـــاری عـــادل" سەرۆکا زانکۆیا پۆلیتەکنیک دهۆک وەک نوینەرا هەر پێنج زانکۆیێن پشکدار ل ئێکەمین کۆنفرانسێ نێڤدەولەتی یێ ژیرییا دەستکرد د ئەندازیاری و زانستێن کرداری دا (ICAIEAS2026)

18/06/2026

18/06/2026

روژا دووێ یا ئێکەمین کۆنفرانسێ نێڤدەولەتی یێ ژیرییا دەستکرد د ئەندازیاری و زانستێن کرداری دا یێ دهێتە برێڤەبرن

17/06/2026

روژا ئێکێ یا ئێکەمین کۆنفرانسێ نێڤدەولەتی یێ ژیرییا دەستکرد د ئەندازیاری و زانستێن کرداری دا هاتە برێڤەبرن

​زاخۆ | راگەهاندنا زانکۆیێ

لژێر چاڤدێریا وەزارەتا خواندنا بلند و ڤەکۆلینێن زانستی یا هەرێما کوردستانێ و ب ئامادەبوونا نوینەرێ وەزیرێ خواندنا بلند و ڤەکولینێن زانستی و ژمارەکا سەرۆک زانکۆ و هاریکارێن سەرۆک زانکۆیان و راگرێن کولیژان و ڤەکۆلەر و ماموستایێن ناڤەندێن خواندنێ یێن هەرێما کوردستانێ و عێرقێ، ئەڤرۆ ڕۆژا چوار شەمبی ڕێکەفتی 17/6/2026ـێ روژا ئێکێ یا ئێکەمین کۆنفرانسێ نێڤدەولەتی یێ ژیرییا دەستکرد د ئەندازیاری و زانستێن کرداری دا (ICAIEAS2026) ل زانکۆیا زاخۆ سازکرن.

ئەڤ کونفرانسە ب هەڤپشکی یا هەر پێنج زانکۆیێن پۆلیتەکنیک دهۆک، زانکۆیا زاخۆ، زانکۆیا شرنەخ، زانکۆیا سۆران و زانکۆیا ئاکرێ یا زانستین کرداری ڤە هاتیە ڕێکخستن و دێ بۆ دەمێ دوو رۆژان بەردەوام بیت، هەر ژ رێکەڤتی 17هەتا 18ێ حوزەیرانا سالا 2026ێ.

کونفرانسی ب رێزگرتن ل سەر گیانێ شەهیدان دەستپێکر و دیڤدا پەیڤا زانکۆیێن هەڤپشک ژلایێ "پ. د. دیار عبدالکریم" سەرۆکێ زانکۆیا زاخۆ ڤە هاتە خواندن و گوت: ئارمانجا مە ئەڤان پێنج زانکۆیێن هەڤپشک ئەوە مفای ژ نویترین دەستکەفتێن زانستی وەرگرین، و ژیریا دەستکرد نە بتنێ مژارەکا تەکنولوجی و زانستی یە بەلکۆ دیارەیەکا شارستانی یە و دشێت رێرەوا مروڤایەتیێ بۆ دەهان سالێن بهێت بگوهریت، هەروەسا نوینەرێ زانکۆیێن هەڤپشک سوپاسیا حکومەتا هەرێما کوردستانێ و وەزارەتا خواندنا بلند و ڤەکولینێن زانستى و هەمى لایەنێن هاریکار کر ئەوێ کار بۆ سەرئێخستنا کونفرانسی کڕی.

ژلایەکێ دیڤە پەیڤا وەزارەتا خواندنا بلند یا هەرێما کوردستانێ ژلایێ (پ. د. امیر عبدالرحمن چالی) بریکارێ وەزارەتا خواندنا بلند ڤەکولینێن زانستی ڤە هاتە خواندن و دەستخوشى ل زانکۆیێن هەفپشک کڕ و گرنگیا ئەڤان جورە کونفرانسا ب پێنگاڤەکا باش دا زانین.

دیڤدا ​ڤیدیۆیەکا دۆکیۆمێنتاری ل سەر زانکۆیێن رێکخەرێن کۆنفرانسی ڤە هاتە نیشاندان و پاشی کورتەیەک ل دور کۆنفرانسی ژلایێ (پ. هـ. د. جاسم محەمەد عەبدۆ) ڤە هاتە پێشکێشکرن.

​پشتی رێورەسمێن ڤەکرنێ، پەیڤدارێن سەرەکیێن کونفرانسی (Keynote Speakers) بابەتێن خۆ پێشکێشکرن، کو پێکدهاتن ژ: ​پ. هـ. د. مەسعود، م. حەسەن ، ​پ. د. طارق، پ. رەشید، ​د. ئەرسەلان، ر. میرزا، ​پ. د. محەمەد، م. عانی (ب رێکا ئۆنلاین)، ​پ. هـ. د. مێڤان، ب. م. عەبدولرەزاق.

​ل دویماهیا رێورەسمان سوپاسنامە و رێزلێنان هاتنە بەلاڤکرن، و پشتی بێهنڤەدانا نیڤرۆ روونشتنێن تەکنیکی ل هولێن جودا جودا هاتنە پێشکێشکرن.

دهێتە چاڤەرێکرن سباهی رۆژا دووێ پێنج شەمبی، 18ێ حوزەیرانا 2026 رۆژا دوماهیێ ب روونشتنێن تەکنیکی ل دەمژمێر 10ێ سپێدێ دەستپێبکەن. و دێ رێورەسمێن بدویماهیک ئینانێ ب پێشکێشکرنا راسپاردەیێن کۆنفرانسی ل دەمژمێر 12 ژلایێ (پ. د. فرسەت حیتۆ عەبدولرەحمان) ڤە هێنە بڕێڤەبرن.

لینکێ وێنەیێن روژا ئێکێ
https://t.me/DUHOK_POLYTECHNIC_UNIVERSITY_DPU