بەرێوەبەرایەتی پۆلیسی دارستان و ژینگەی هەولێر

29/08/2026

بەردەوامبوونی هەوڵەکان بۆ کۆنترۆڵکردنی ئاگری چیای سەفین

بەشی پۆلیسی دارستان و ژینگەی شەقڵاوە،
بنکەی پۆلیسی دارستان و ژینگەی پیرمام بە هێزی پۆلیسی دارستان و ژینگە، لە دوای ئاگاداربوونەوە لە ئاگربوونێکی گەورە لە سنوری گوندی خۆران و قەراسینج، لە پشت چیای سەفین ، ئاگرەکە کەوتۆتەوە بە ئاراستەی سەری چیای سەفین بە هەماهەنگی و هەوڵدان بۆ کۆنترۆڵکردنی ئاگەرەکە .
تا ئێستا بەردەوامە. بەهۆی هەوڵە بەردەوامەکانی هێزەکانی پۆلیسی دارستان و ژینگە، توندی و بڵاوبوونەوەی ئاگەرەکە تا ڕادەیەک کەم بووەتەوە.

بەڵام، بەهۆی لێژیی زۆر و بەرزیی چیای سەفین و قورسایی جوگرافیایی ناوچەکە، گەیشتن بە هەموو شوێنەکانی ئاگەرەکە و کۆنترۆڵکردنی تەواوی بە ئاستەمێکی گەورە ڕووبەڕووە.

هەروەها، بەهۆی بوونی مەترسیی تەقینەوەی بۆمب و پاشماوە تەقەمەنییەکان لە ناوچەکە، هەموو هەنگاوەکان بە وریایی و لەسەر بنەمای پاراستنی سەلامەتی هێز و کارمەندان ئەنجام دەدرێن.

تا ئێستا هیچ زیانێکی گیانی تۆمار نەکراوە و هەوڵەکان بۆ سنووردارکردن و کۆنترۆڵکردنی ئاگەرەکە بەردەوامە.

بەشی پۆلیسی دارستان و ژینگەی شەقڵاوە
بۆ پاراستنی دارستان و ژینگە، هەمیشە لە مەیدانین.

راگەیاندنی
پۆلیسی دارستان و ژینگەی هەولێر
یەك شەممە ( ٣٠ / ٨ / ٢٠٢٦ )

24/08/2026

بەناوی یادی لەدایکبوونی پێغەمبەری مەزن ﷺ

بە بۆنەی یادی ١٢ی ڕەبیعی‌الأوەڵ، یادی لەدایکبوونی پێغەمبەری خۆشەویستی ئیسلام، حەزرەتی محەممەد ﷺ، بەڕێوەبەرایەتی پۆلیسی دارستان و ژینگەی هەولێر، پیرۆزبایی و ڕێز و خۆشحاڵی خۆی پێشکەش بە هەموو موسڵمانان و خەڵکی بەڕێزی هەرێمی کوردستان دەکات.

حەزرەتی محەممەد ﷺ لە ساڵی عام الفیل لە شاری مەککە لەدایک بوو. لە منداڵییەوە بە ڕاستگۆیی و پاکی وەک کەسایەتییەکی جێگەی متمانە ناسرا و پاش دابەزینی وەحی، بانگەوازی بۆ یەکتاپەرستی، دادپەروەری، ڕەحمەت، لێبوردەیی، پاراستنی ماف و ڕێزگرتن لە مرۆڤ و ژینگە کرد.

ژیانی پیرۆزی ئەو ﷺ نموونەیەکی بەرزی ئەخلاق و بەرپرسیارێتیی کۆمەڵایەتی بوو؛ هەروەها ڕەحمەت و میهرەبانی بەرامبەر بە مرۆڤ و ئاژەڵ و ژینگە، لە بنەما گرنگەکانی پەیامی ئیسلام بوو.

لە ئەم بۆنە پیرۆزەدا، بەڕێوەبەرایەتی پۆلیسی دارستان و ژینگەی هەولێر جەخت لەسەر گرنگی پاراستنی سروشت، دارستان، ئاژەڵان و سەرچاوە سروشتییەکان دەکاتەوە، چونکە پاراستنی ژینگە وەک بەشێک لە بەرپرسیارێتیی مرۆڤایەتی و کۆمەڵایەتی، پێویستی بە هاوکاری و هۆشیاریی هەمووان هەیە.

لە کۆتاییدا، ئەم یادە پیرۆزە بە گشتیی خەڵکی موسڵمان و بە تایبەتی خەڵکی بەڕێزی هەرێمی کوردستان پیرۆز دەکەین، و هیوادارین ئەم بۆنەیە ببێتە سەرچاوەی ئاشتی، ڕەحمەت، یەکڕیزی، خۆشەویستی و خزمەتکردنی مرۆڤ و ژینگە.

یادی لەدایکبوونی پێغەمبەر محەممەد ﷺ پیرۆز بێت.

راگەیاندنی
پۆلیسی دارستان و ژینگەی هەولێر
دووشەممە ( ٢٤ / ٨ / ٢٠٢٦ )

24/08/2026

لە سەردانیەکانی بەڕێوەبەرایەتی پۆلیسی دارستان و ژینگەی هەولێر
بۆ ژمارەیەك لە لایەن و دامەزراوە سیاسی و ناوچەییەکان

بە مەبەستی بەهێزکردنی پەیوەندییە دامەزراوەییەکان، هەماهەنگی و ئاڵوگۆڕی بۆچوون لەسەر بابەتەکانی پەیوەندیدار بە خزمەتگوزارییە گشتییەکان،
بەڕێز #عمیدی پۆلیس/فەرمان فەضل هادی، بەڕێوەبەری پۆلیسی دارستان و ژینگەی هەرێم، لەگەڵ بەرێز
#عقیدی پۆلیس/برزۆ تەحسین مولود، بەڕێوەبەری پۆلیسی دارستان و ژینگەی هەولێر و ژمارەیەك لە ئەفسەرانی بەڕێوەبەرایەتی،
سەردانی لقی ١٦ی پارتی دیموکراتی کوردستان ـ هەولێریان کرد.

لە ماوەی ئەم سەردانەدا، لەلایەن
بەڕێز #ئاری نانەکەلی، ئەندامی کۆمیتەی ناوەندی و بەرپرسی لقی ١٦ی هەولێری پارتی دیموکراتی کوردستان، پێشوازییەکی گەرم و بەڕێز لە شاندی بەڕێوەبەرایەتی کرا.

لە کۆبوونەوەکەدا، چەندین بابەتی گرنگ و پەیوەندیدار بە خزمەتکردنی هاووڵاتیان و باشترکردنی ئاستی هەماهەنگیی نێوان لایەنە پەیوەندیدارەکان تاوتوێ کران، هەروەها جەخت لەسەر گرنگیی هاوکاری و هەماهەنگیی دامەزراوەیی بۆ خزمەتکردنی بەرژەوەندیی گشتی کرا.

بەڕێز ئاری نانەکەلی باسی پشتگیری و هەماهەنگیی بەردەوامی خۆی بۆ گەیاندنی داواکارییەکانی هاووڵاتیان و هاوکاری لە پڕۆسەی خزمەتگوزاریی گشتی دەربڕی و ئاماژەی بەوە کرد کە بەردەوام هەوڵ دەدرێت ببنە فاکتەرێکی کاریگەر و پردێکی هەماهەنگی لە نێوان هاووڵاتیان و لایەنە خزمەتگوزارەکان.

لە کۆتایی سەردانەکەدا، شاندی بەڕێوەبەرایەتی پۆلیسی دارستان و ژینگەی هەولێر، سەردانی لێژنەی ناوچەی هێزی ناوخۆی نیشتیمانی کرد.

لەوێشدا، لەلایەن
#هەڤاڵ موفق پیرداود عەبدوک، بەرپرسی لێژنەی ناوچەی نیشتیمان ـ هێزی ناوخۆ، و ستافی ناوچەکە، پێشوازییەکی گەرم لە شاندی بەڕێوەبەرایەتی کرا.

لە کۆبوونەوەکەدا، بابەتە پەیوەندیدارەکان بە هەماهەنگی، هاوکاری و ڕێکخستنی کارە هاوبەشەکان، بە تایبەتی لە بواری پاراستنی دارستان و ژینگە و خزمەتکردنی بەرژەوەندیی گشتی، تاوتوێ و گفتوگۆیان لەسەر کرا.

بەڕێوەبەرایەتی پۆلیسی دارستان و ژینگەی هەولێر، لە چوارچێوەی ئەرک و بەرپرسیارێتییە یاسایی و پیشەییەکانی خۆی، بەردەوامە لە هەوڵدان بۆ بەهێزکردنی هەماهەنگی لەگەڵ هەموو لایەنە پەیوەندیدارەکان، بە مەبەستی پاراستنی سەرمایە سروشتییەکان، پاراستنی ژینگە و دابینکردنی خزمەتگوزارییەکی باشتر بۆ هاووڵاتیان.

ڕاگەیاندن
پۆلیسی دارستان و ژینگەی هەولێر
دووشەممە ( ٢٤ / ٨ / ٢٠٢٦ )

16/08/2026

پەیامێك بۆ پاراستنی ژینگە

فیصل فۆتۆگراف، دۆستی ژینگە، بە پەیامێکی کۆمیدی و تەنزئامێز، سەرنجی هاوڵاتیانی بۆ ئازادکردنی بالندەکان ڕاکێشا.

بالندە ژیانی لە ئاسمان و سروشتە، نەوەك لە قەفەسدا بژی.

ئەم پەیامە، لەگەڵ ئەوەی بە شێوەیەکی کۆمیدی و تەنزئامێز پێشکەش کراوە، پەیامێکی جوانی تێدایە: ئەگەر بالندەیەکتان لەلایەن کەسێکەوە پارێزراوە، با بە ئازادیی بیدەنەوە بە سروشت.

سوپاسی هەموو ئەو هاوڵاتییانە دەکەین کە دڵیان بۆ سروشت و گیانلەبەرەکان دەسوتێت و بە هەر کردارێکی تەنانەت بچووکیش بێت، بەشداری لە پاراستنی ژینگە دەکەن.

سروشت ماڵی هەموومانە؛ با بە یەکەوە بیپارێزین.

راگەیاندنی
پۆلیسی دارستان و ژینگەی هەولێر
یەك شەممە ( ١٦ / ٨ / ٢٠٢٦ )

15/08/2026

بەبۆنەی یادی پڕشکۆی ١٦ی ئاب

بەڕێوەبەرایەتی پۆلیسی دارستان و ژینگەی هەولێر، بە هەستی شانازی و ڕێزەوە، یادی پڕشکۆی ١٦ی ئاب، ساڵیادی دامەزراندنی پارتی دیموکراتی کوردستان ـ پارتی دایک ـ و هەروەها ساڵیادی لەدایکبوونی جەنابی سەرۆک مسعود بارزانی، بەڕێز دەگرێت و پیرۆزبایی لە هەموو خەڵکی کوردستان دەکات.

١٦ی ئاب ڕۆژێکی دیار و پڕمانایە لە مێژووی هاوچەرخی گەلی کورد، ڕۆژێک کە لە ساڵی ١٩٤٦دا پارتی دیموکراتی کوردستان دامەزرا، و لە هەمان ڕۆژدا جەنابی سەرۆک مسعود بارزانی لە شاری مەهاباد لەدایک بوو.

ئەم ڕۆژە لە بیر و یادەوەریی گەلی کوردستاندا تەنها ڕۆژێکی مێژوویی نییە، بەڵکو وێنەیەکە لە مێژوو، ناسنامە، خەبات، هیواداری و بەردەوامیی نەوەکان بۆ داهاتوویەکی باشتر.

لەو ڕۆژە مێژووییەدا، بە ڕێزەوە یادی ئەو کەسانە دەکەینەوە کە بە هەموو توانای خۆیان بۆ خزمەتکردنی گەل و نیشتمان هەوڵیان داوە و لە پێناو ئاوەدانی و سەقامگیریی کوردستاندا ڕۆڵیان گێڕاوە.

بەڕێوەبەرایەتی پۆلیسی دارستان و ژینگەی هەولێر، لە هەمان کاتدا جەخت لەوە دەکاتەوە کە پاراستنی خاک و سروشت، دارستان و سامانە سروشتییەکان، بەشێکی گرنگی خزمەتکردن بە نیشتمان و پاراستنی ماف و بەرژەوەندیی نەوەکانی ئێستە و داهاتووە.

ژینگە سامانی هاوبەشی هەموومانە و پاراستنی ئەو سامانە پێویستی بە هەستیاری، هاوکاری و بەرپرسیارێتیی هاوبەشی دامەزراوەکان و هاووڵاتیان هەیە. لەبەر ئەوە، پۆلیسی دارستان و ژینگە بەردەوام دەبێت لە هەوڵ و کارەکانی بۆ پاراستنی دارستانەکان، کەمکردنەوەی زیانە ژینگەییەکان و پاراستنی سەرچاوە سروشتییەکانی کوردستان.

بە هیوای ئەوەی ڕۆحی خزمەت و دڵسۆزی بۆ نیشتمان هەمیشە زیندوو بێت و هەموومان بە هاوکاری و هەستیاریی زیاتر بتوانین کوردستانێکی سەوزتر، پاکتر، ئارامتر و ئاودانتر بۆ نەوەکانی داهاتوو بەجێبهێڵین.

بەڕێوەبەرایەتی پۆلیسی دارستان و ژینگەی هەولێر، بەبۆنەی ئەم ڕۆژە مێژووییە، پیرۆزبایی و ڕێزی خۆی ئاراستەی هەموو خەڵکی کوردستان دەکات.

١٦ی ئاب پیرۆز بێت؛
بە هیوای کوردستانێکی سەوز، ئارام، ئاودان و ژینگەیەکی پاک و پارێزراو.

راگەیاندنی
پۆلیسی دارستان و ژینگەی هەولێر
یەك شەممە ( ١٦ / ٨ / ٢٠٢٦ )

14/08/2026

کۆنترۆڵکردنی ئاگربوونەوە لە بەرێوەبەرایەتی رەزگەری دارستان و پاوان
پڕۆژەی دارستان و پاوانی کەسنەزان

بە هۆی شۆرتی کارەبا، ئاگربوونەوەیەک لە ناو فەرمانگەی کشتوکاڵی کەسنەزان ڕوویدا.

لە ئەنجامی ئەم ڕووداوەدا، هیچ زیانێکی گیانی ڕوونەداوە.

لە دوای ئاگادارکردنەوە، مەفرەزەی بەشی پۆلیسی دارستان و ژینگەی دەشتی هەولێر دەستبەجێ گەیشتنە شوێنی ڕووداوەکە و بە هەوڵی بەردەوام، توانییان ئاگرەکە کۆنترۆڵ و تەواو بکوژێننەوە و ڕێگری لە فراوانبوونەوەی زیانەکە بکەن.

پۆلیسی دارستان و ژینگە بەردەوامە لە ئەرکەکانی پاراستنی ژینگە و سەلامەتی کۆمەڵگا، و لە هاوڵاتیانی بەڕێز داوا دەکات لە کاتی ڕوودانی ئاگربوونەوەدا بە خێرایی ئاگاداری لایەنە پەیوەندیدارەکان بکەن و لە نزیکبوونەوەی شوێنی ئاگرەکە خۆ بپارێزن.

پاراستنی ژینگە و سەلامەتی هاوڵاتیان، ئەرکی هەموومانە.

راگەیاندنی
پۆلیسی دارستان و ژینگەی هەولێر
هەینی ( ١٤ / ٨ / ٢٠٢٦ )

13/08/2026

05/08/2026

**دیمەنی دڵڕفێنی گەلی شێرانە، لە دێرەلوک ـ قەزای ئامێدی،
یەکێکە لە دیارترین و جوانترین هەوارگە سروشتییەکانی هەرێمی کوردستانە؛ شوێنێک کە بە ئاوە زلالەکان، سەوزایی دڵڕفێن و کەشوهەوای خۆشی ناسراوە و هەموو ساڵێک پێشوازی لە هەزاران گەشتیار دەکات.

بەڕێوەبەرایەتی پۆلیسی دارستان و ژینگەی هەولێر
گرنگییەکی تایبەت بە پاراستنی سامانی سروشتی و دارستانەکانی هەرێمی کوردستان دەدات، و بانگەواز لە هەموو هاوڵاتیان و گەشتیاران دەکات کە بە هەستی بەرپرسیارێتی نیشتمانی، لە پاک و پاراستنی شوێنە گەشتیارییە سروشتییەکان،
دوورکەوتنەوە لە فڕێدانی پاشماوە، ئاگرکردنەوەی بێ‌ڕێکخستن و هەر کردەوەیەک کە ببێتە هۆکاری پیسبوون یان زیانگەیاندن بە ژینگە، هاوکاری بکەن.

پاراستنی سروشت و ژینگە، پاراستنی سامانی نەتەوەیی و میراتی نەوەکانە؛ با هەموومان بە هاوکاری یەکتر، ئەم جوانییانە بپارێزین و بە پاکی و جوانی بۆ داهاتوو بپارێزرێن.

راگەیاندنی
بەرێوەبەرایەتی دارستان و ژینگەی هەولێر
چوارشەممە ( ٥ / ٨ / ٢٠٢٦ )

30/07/2026

ئەو وێنانەی خوارەوە تایبەتن بە ئاگرەکەی ناوچەی ڕێگای قوشتەپە–مەخمور، کە بووەتە هۆی زیانگەیاندن بە ژینگە و سامانی سروشتی.

لە ئێستادا، مەفرەزەی بنکەی پۆلیسی دارستان و ژینگەی قوشتەپە لە شوێنی ڕووداو ئامادەباشە و بە هاوکاری لەگەڵ تیمەکانی بەرگری شارستانی و ئاگرکوژێنەوە، بەردەوامە لە کۆنترۆڵکردن و سنووردارکردنی ئاگر، بۆ پاراستنی ژینگە و کەمکردنەوەی زیانەکانی.

هێزەکانی مەفرەزە هەروەها ڕێگری لە نزیکبوونەوەی هاوڵاتیان بۆ ناوچەی ئاگرەکە دەکەن، بۆ پاراستنی گیان و سەلامەتیان و ئاسانکردنی کاری تیمەکانی ئاگرکوژێنەوە. داوا لە هەموو هاوڵاتیان دەکرێت پابەند بن بە ڕێنمایی و هۆشدارییەکانی هێزە ئەمنی و خزمەتگوزارییەکان و لە کۆبوونەوە لە دەورووبەری شوێنی ڕووداو خۆیان بپارێزن.

شایانی باسە کە تا ئێستا ئاگرەکە هێشتا بەردەوامە، بۆیە قەبارەی زیانە ژینگەیی و ماددییەکان هێشتا بە شێوەی تەواو دیاری نەکراوە. دوای تەواوبوونی کاری کوژاندنەوە و هەڵسەنگاندنی شوێنی ڕووداو، زانیارییە فەرمییەکان لەبارەی ئاستی زیانەکان بڵاودەکرێنەوە.

راگەیاندنی
بەرێوەبەرایەتی پۆلیسی دارستان و ژینگەی هەولێر
پێنج شەممە ( ٣٠ / ٧ / ٢٠٢٦ )

15/07/2026

لە چوارچێوەی هەماهەنگی و هاوبەشی نێوان بەرێوەبەرایەتی پۆلیسی دارستان و ژینگەی هەولێر، شارەوانی هەولێر و ڕێکخراوی ئاڤیاری ژینگەیی، بەرنامەی ڕێزلێنان و پێزانینی پاڵپشتیوانانی پڕۆژەی «هەموومان ژینگەدۆست بین» بە ئامانجی بڵاوکردنەوەی هۆشیاری ژینگەیی و چەسپاندنی کەلتووری پاراستنی ژینگە بە سەرکەوتوویی ئەنجام درا

راگەیاندنی
پۆلیسی دارستان و ژینگەی هەولێر
چوارشەممە ( ١٥ / ٧ / ٢٠٢٦ )