Kurdistan Taxation

22/04/2026

ئەمڕۆ ڕێکەوتی 2026/4/22 لە مەراسیمێکی شایستەدا خەڵاتی ڕێزلێنانی ئەنجومەنی دادوەری بەخشرایە پۆلێک لە فەرمانبەرانی باج، لە پای دڵسۆزی و خەمخۆریان بۆ کار و پیشەکەیان کە بە ئەرکێکی تایبەت هەڵسابوون، لە مەراسیمەکەدا هەر یەک لە بەڕێزان بەڕێوەبەری گشتی باجەکان و خانووبەرەی میری (د. کەمال وەرتی) و نوێنەری دادگای ئاسایشی لێکۆڵینەوەی هەولێر (غەریب سەعید) هەستان بە پێشکەش کردنی خەڵاتی ڕێزلێنان بەسەر فەرمانبەران.
پاڵپشتی کردنی فەرمانبەری دڵسۆز و کارامە کۆڵەگەی بەهێز کردنی سیستمێکی پێشکەوتووی کارگێڕییە.

05/04/2026

بەمەبەستی بەسەر کردنەوەی فەرمانگەکانی باج ، ڕۆژی پێنج‎ شەممە ڕێکەوتی( ٢٠۲٦/٤/۲ )و ڕۆژی یەک شەممە ڕێکەوتی (۲٠۲٦/٤/٥)، (د.کمال وەرتی ) بەڕێوەبەری گشتی باجەکان و خانووبەرەی میری سەردانی هەر یەکە لە بەڕێوەبەرایەتیەکانی( باجی دەرامەتی هەولێر ١، باجی دەرامەتی هەولێر٢ ، باجی خانووبەرەی هەولێر۱، ۳،۲ )ی کرد..

‏‎لەنزیکەوە لە شێوازو میکانیزمی بەڕێوەچونی کاروباری هاووڵاتیان لەلایەک و باشتر کردنی خزمەت گوزاریەکان و چارەسەرکردنی کەم و کوڕی گرفتەکان دووپات کرایەوە،..

‏‎دواتر کۆمەڵێک هاووڵاتییان دواند، ئەوەی جێگای دڵخۆشی بوو ڕەزامەندی هاووڵاتیان بوو لە شێوازی مامەڵەو کارئاسانی فەرمانبەران بۆیان، بەو پێیەی کە خزمەتی هاووڵاتی ئەرکی سەر شانی هەموومانە....

هاوکات بەڕێز بەڕێوەبەری گشتی، بەهۆی دڵسۆزی و خەمخۆری فەرمانبەرانی باج لە ئەنجامدانی ئەرکەکانیان، دەستخۆشی و ڕێزو سوپاسی خۆی ئاراستەی فەرمانبەران کرد بۆ ئەوەی ببێتە مایەی هەنگاونانی باشتر لە کارەکانیاندا .

12/01/2026

لە درێژەی کارو چالاکیەکان ئەمڕۆ بە ئامادەبوونی بەرێز بەڕێوەبەری گشتی و بەڕێوەبەرەکانی بەڕێوەبەرایەتی گشتی، کۆبونەوەیەک لەگەڵ بەڕێوەبەرو سەرجەم فەرمانبەرانی هەردوو بەڕێوەبەرایەتی گەورە باجدەران و کۆمپانیاکان ئەنجام درا لە بەرێوەبەرایەتیەکەمان

لە کۆبونەوەکەدا زۆر بە ڕاشکاوی تیشک خرایە سەر:-

١-ڕێکخستنەوەی کاروبارەکانی باج و باشتر کردنی خزمەت گوزاریەکان و قەڵاچۆکردنی گەندەڵی .
٢-کەم کردنەوەی ڕۆتین و بەدیهێنانی دادپەروەری لە باجدان .
٣- بەهێزکردنی پرەنسیپ و بنەماکانی شەفافیەت .
٤-بەئەلیکترۆنی کردنی سیستەمی باج تەوەرێکی تری کۆبونەوەکە بوو.

دواتر ئالنگاری و بەربەستەکانی گەیشتن بەو ئامانجانە خرانە ڕوو.

لە کۆتایدا ڕۆڵ و کۆشش و دڵسۆزی و خۆڕاگری فەرمانبەرانی باج ستایش کرا.

11/01/2026

بە مەبەستی ڕاهێنانی فەرمانبەران بۆ ڕایی کردنی مامەڵەی هاووڵاتیان لە پڕۆسەی خەمڵاندنی گشتی ،بەڕێوەبەری گشتی کۆبونەوەیەکی ئەنجامدا لەگەڵ هەریەک لە
(بەڕێوەبەرایەتیەکانی باجی خانووبەرەی سلێمانی /١ ، ٢ ، هەڵەبجە ، گەرمیان ، ڕاپەرین )
لەو کۆبونەوەیەدا بەڕێوەبەری گشتی دەست خۆشی لە لیژنەکانی خەمڵاندن کرد سەبارەت بە ئەنجامدانی کارەکانیان ، تیشکی خستە سەر گرنگی پرۆسەکە.
دواتر هەڵساین بە ئەنجامدانی ڕاهێنان بۆ فەرمانبەرانی هەر (٥) بەڕێوەبەرایەتیەکە بە شێوەی تیۆری و پراکتیکی .

08/01/2026

‏‎لە پێناو بەرژەوەندی گشتی و پاراستنی مافی گەنجینەی هەرێم و کارئاسانی بۆ هاووڵاتیان و ڕایی کردنی ئیش و کارەکانیان وە هەروەها ڕێکخستنەوەی کارەکانی باج بە شێوەیەکی گشتی، ڕۆژی (پێنج شەممە) ڕێکەوتی (۲٠۲٦/۱/٨)لە هۆڵی (بەڕێوەبەرایەتی گشتی باجەکان و خانووبەرەی میری ) بەڕێز (د.کمال وەرتی) بەڕێوەبەری گشتی باجەکان و خانووبەرەی میری کۆبوونەوەی ئەنجامدا لەگەڵ (بەڕێوەبەرایەتی باجی دەرامەتی هەولێر۲،۱) بە مەبەستی خۆئامادەکردن بۆ ساڵی نوێ(۲٠۲٦)، تیشک خرا سەر چەندین تەوەر بە ئامانجی زیاتر باش کردنی ئیش و کارەکان.
کە ئەم تەوەرانەی خوارەوەی لە خۆ دەگرت :-

١- دڵسۆزی و دەستپاکی فەرمانبەران لە ئیش و کارەکانیان.
۲-بە سیستەم کردن و ئەلیکترۆنی کردنی بەڕێوەبەرایەتیەکانی باجی دەرامەت.
۳-کەمکردنەوەی ڕۆتین و ئاسانکاری بۆ هاووڵاتیان و ڕێزگرتنیان لەکاتی سەردانی کردنیان بۆ دام و دەزگاکانی باج.
٤- فەراهەم کردنی دادگەری لە باجدان بە جۆرێک کە هاوسەنگی بپارێزێت لە نێوان بەرژەوەندی گشتی و بەرژەوەندی هاووڵاتیان .

07/01/2026

‏‎لە پێناو بەرژەوەندی گشتی و پاراستنی مافی گەنجینەی هەرێم و کارئاسانی هاووڵاتیان لە ڕێکەوتی (۲٠۲٦/۱/۷)بەڕێوەبەری گشتی باجەکان و خانووبەرەی میری کۆبوونەوەی ئەنجامدا لەگەڵ بەڕێوەبەرایەتیەکانی باجی خانووبەرەی سنوری شاری هەولێر (بەڕێوەبەرایەتی باجی خانووبەرەی هەولێر/٣،٢،١،عەنکاوە) بە مەبەستی خۆئامادەکردن بۆ ساڵی نوێ، تیشک خرا سەرچەند تەوەرەیەک وەک لەخوارەوە خاڵبەندی کراون:-

‏‎١- کەمکردنی ڕۆتین و خێرا ڕایی کردنی مامەڵەی هاووڵاتیان لە سەرجەم فەرمانگەکان.
۲ـ تیشکی خستە سەر بە ئەلیکترۆنی کردنی باجی خانووبەرە و زەوی .
۳ـ ⁠لە تەوەرەیەکی تر باسی پلانی ساڵ کرا.
٤ـ فەراهەم کردنی دادپەروەری باجدان.
٥- دڵسۆزی و خەمخۆری و دەستپاکی فەرمانبەر لەکارەکانی لە کاتی ڕای کردنی کاری هاووڵاتیان .
٦ـ باشتر کردنی خزمەتگوزاریەکانی باج.

05/01/2026

31/10/2025

بەناوی خودای بەخشندە و میهرەبان
بەڕێزان لە خانەوادە و کەسوکاری کاک (صارم عباس توفیق) بەڕێوەبەری تەکنەلۆجیای زانیاری لە بەڕێوەبەراتی گشتی باجەکان و خانووبەرەی میری

بەدڵگرانیەکی زۆرەوە هەواڵی کۆچی دوایی
حاجیە( سامیە عوسمان) دایکی بەڕێزتانمان پێگەیشت.

پرسە و سەرەخۆشی ئاڕاستەی بەڕێزتان و خانەوادە و کەسوکار و دۆستانتان دەکەین،خۆمان بە هاوبەشی خەمتان دەزانین .

لە خودای گەورە داواکارین لەم کۆستەدا بە دڵنەوایی و ئارامی بەخشین بە بەڕێزتان و خانەوادە و کەسوکارتان بەسەر بکاتەوە و گیانی خوالێخۆشبوو بەر دلۆڤانی خۆی بخات و بە بەهەشتی
بەرینی شاد بکات.

پرسە: لە مزگەوتی (نانەکەلی) لە گەڕەکی ئازادی
ڕێکەوتی(۲٠۲٥/۱٠/۳۱) یەکەم ڕۆژی پرسەکەیە...

انا لله و انا إليه راجعون

‏‎بەڕێوەبەرایەتی گشتی باجەکان و خانووبەرەی میری

30/09/2025

لە بەڕێوەبەرایەتی گشتی باجەکان و خانووبەرەی میری پێشوازی کرا لە شاندێکی بەڕێوەبەرایەتی گشتی تۆمارکردنی کۆمپانیاکان

ڕۆژی دوو شەممە ، ۲٠۲٥/۹/۲۹ بەئامادەبوونی (هونەر محمد عثمان) بەڕێوەبەری باجی کۆمپانیاکان و (صارم عباس توفیق )بەڕێوەبەری تەکنەلۆجیای زانیاری پێشوازیان کرد لە شاندێکی بەڕێوەبەرایەتی گشتی کۆمپانیاکان کە شاندەکە پێکهاتبوون لە (كاظم مغديد برايم )بەڕێوەبەری تۆمارکردنی کۆمپانیا نیشتیمانیەکان و (رێبین علی عثمان )بەڕێوەبەری لقی
کۆمپانیا بیانیەکان.

لە کۆبوونەوە هاوبەشەکەدا بڕیاردرا بە مەبەستی وەرگرتنی کۆدی ئەسیکۆدا (الاسيكودا)ی کۆمپانیاکان لە دەستەی گومرگەکانی عێراقی فیدراڵ هەردوو بەڕێوەبەرایەتی گشتی ( باجەکان و خانووبەرەی میری و تۆمارکردنی کۆمپانیاکان ) ئاسانکاری بکەن بۆ کۆمپانیاکانی هەرێم و لەماوەی یەک رۆژ پشتگیریان پێ بدەن ، و هەردوو بەڕێوەبەرایەتی بەجیا نووسراوی پشتگیری دەکەن بۆ لایەنە پەیوەندیدارەکانی عێراقی فیدراڵ لەڕێگای نوێنەرایەتی حکومەتی هەرێمی کوردستان بە پێی ئەو بەڵگەنامانەی کە لە دۆسیەی کۆمپانیا بەردەست بێت.

25/06/2025

لە بەڕێوەبەرایەتی گشتی باجەکان و خانووبەرەی میری پێشوازی کرا لە شاندێکی ژووری بازرگانی هەولێر

ڕۆژی سێشەممە ، ۲٠۲٥/٦/۲٤ بەڕێز (د.کمال وەرتی )بەڕێوەبەری گشتی باجەکان وخانووبەرەی میری و بەئامادەبوونی (صارم عباس )بەڕێوەبەری تەکنەلۆجیای زانیاری و (بارزان کامیران )بەڕێوەبەری یاسای وهونەری و (هونەر محمد )بەڕێوەبەری باجی کۆمپانیاکان بەگەرمی پێشوازیان کرد لە شاندێکی ژووری بازرگانی وپیشەسازی هەولێر کە شاندەکە پێکهاتبوون لە هەر یەکە لە (کامەران سەڵاح باجگر)جێگری سەرۆکی ژووری بازرگانی و پیشەسازی هەولێر و(کامەران محەممەد ساڵح )ئەندامی ئەنجومەنی کارگێڕی ژوور و (د. سەڵاحەددین ئەحمەد )راوێژکار لە ژوور و (شڤان عەبدولرەحمان)ئەمینداری گشتی یەکێتی ژوورەکان.

شاندی ژوور چەند داواکاریەکیان تایبەت بە کارئاسانی بۆ بازرگانان، پیشەوەران و خاوەن کۆمپانیا و نوسینگەکانی تایبەت بە کڕین و فڕۆشتنی خانووبەرە و زەوی پێشکەش بە بەڕێوبەری گشتی کرد، د. کەمال وەرتی داواکاریەکانی قبوڵ کرد و ئامادەیی نیشاندا بۆ جێبەجێکردنی.

25/06/2025

درێژکردنەوەی ماوەی یاسایی باجدەران بۆ ماوەی (۱)مانگ لە بەرواری(۲٠۲٥/۷/۱) تاکو (۲٠۲٥/۷/۳۱) ، جگە لە باجی لێبڕینی ڕاستەوخۆی کارمەندانی کەرتی تایبەت.

16/03/2025

‏‎ئەمڕۆ ڕێکەوتی 2025/3/16 پێنج خولەک وەستاین بۆ گیانی قوربانیانی کیمیابارانی هەڵەبجە لە بەردەمی بەڕێوەبەرایەتیەکەمان بە ئامادەبوونی هەریەکە لە بەڕێزان : بەڕێوەبەری گشتی و جێگری بەڕێوەبەری گشتی و بەڕێوەبەران و فەرمانبەرانی بەڕێوەبەرایتیەکەمان.