01/09/2026
بەشداریی بەڕێوەبەری پۆلیسی هەولێر لە گفتوگۆی ستراتیژیی چاکسازیی پۆلیسی کوردستان.
بە سەرپەرشتی و ئامادەبوونی بەڕێز وەزیری ناوخۆ، گفتوگۆی ستراتیژیی سێ ڕۆژەی سەرکردە باڵاکانی وەزارەتی ناوخۆ، لەلایەن ئەکادیمیای سەرکردایەتی و بەڕێوەبردن و بە هەماهەنگی لەگەڵ دەستەی ڕاوێژکاریی یەکێتی ئەورووپا (EUAM) بەڕێوەچوو.
لە چوارچێوەی ئەم گفتوگۆیەدا، عمید کامل بەرزنجی، بەڕێوەبەری پۆلیسی هەولێر، لەگەڵ کۆمەڵێک لە سەرکردە باڵاکانی وەزارەتی ناوخۆ بەشدارییان کرد و گفتوگۆيەکی ورد لەبارەی قۆناغ و میکانزمەکانی جێبەجێکردنی پرۆسەی چاکسازی و نوێبوونەوە ی پۆلیس باسیان لێ وەکرا.
گفتوگۆکە بە ڕێڕەوێکی دیاریکراو، لە تێگەیشتنی هاوبەشی سەرکردەکانی پۆلیس و ئاراستەی چاکسازییەوە بۆ خاوەندارێتی و بەرپرسیارێتیی سەرکردایەتی و لەوێشەوە بۆ جێبەجێکردن بەڕێوەچوو،
ستراتیژیی چاکسازیی پۆلیسی کوردستان ٢٠٢٦–٢٠٣٠ پرۆژەیەکی نیشتمانی و خۆماڵیی وەزارەتی ناوخۆیە، کە EUAM بە ڕاوێژ و پشتگیریی پسپۆڕانە هاوکاریی پرۆسەکە دەکات.
#خزمەت
