لقی بیست و دووی گەرمیان ـ پ. د. ك

01/09/2026

ئەمرۆ سێشەممە ١ـی ٩ـی ٢٠٢٦ لە بارەگای لق، بەڕێز (حسین کەلاری) بەرپرسی لق و هەڤاڵانی دەستەی کارگێری لق و بەرپرسی لیژنە ناوچەکان، پێشوازییان لەبەڕێز (د.سالار عوسمان) بەرپرسی بەشی ڕۆشنبیری و ڕاگەیاندن و پێگەیاندنی پارتی دیموکراتی کوردستان کرد کە بۆ بەشداری لە (١٣)هەمین ساڵیادی دامەزراندنی ڕادیۆی کازیوە سەردانی گەرمیانییان کرد و پێکەوە بەشداری ئەو یادکردنەوەیە بوون.

هەروەها پێشوازییان لە کۆمەڵەی داکۆکیکاری مافی کەسوکاری ئەنفالکراوان کرد کە بەمەبەستی پیرۆزبایی یادی ١٦ی ئاب سەردانی بارەگای لقیان کرد.

لە دانیشتنەکەدا بەڕێز بەرپرسی لق بەڵێنی پاڵپشتی و هاوکاریی تەواوی پارتی دیموکراتی کوردستان بۆ کەسوکاری ئەنفالکراوان دووپاتکردەوە. هەروەها جەختی لەوە کردەوە کە داکۆکیکردن لە مافە نەتەوەیی و نیشتیمانییەکانی خەڵکی کوردستان، بە تایبەتی مافەکانی کەسوکاری ئەنفالکراوان، بەشێکی سەرەکی لە بەرپرسیارێتی نیشتیمانییە، بۆیە داکۆکیکردن لە مافەکانیان، داکۆکیکردنە لە مێژوو، ناسنامە و مافە نەتەوەییەکانی گەلەکەمان.

لقی ٢٢ی گەرمیان (پ.د.ک)

30/08/2026

ئەمرۆ یەکشەممە ٣٠ـی ٨ـی ٢٠٢٦ بەڕێز (حسین کەلاری) بەرپرسی لق، بەیاوەری بەڕێز (وریا عەلی)کارگێری لق و بەرێز (سەرکەوت عەلی) بەرپرسی لیژنە ناوچەی ڕزگاری، لە شاری هەولێر سەردانی دەستەی وەبەرهێنانی هەرێمی کوردستانیان کرد و لەلایەن بەڕێز دکتۆر (محمد شوکری) سەرۆکی دەستە پێشوازییان لێکرا.

لە دانیشتنەکەدا بارودۆخی ناوچەی گەرمیان و پرۆژە وەبەرهێنەکانی ناوچەکە، هەروەها گرنگی پەرەپێدان و بەهێزکردنی بوارەکانی وەبەرهێنان لە گەرمیان، خرایە بەر باس و گفتوگۆ.

لقی ٢٢ی گەرمیان (پ.د.ک)

28/08/2026

ئەمرۆ هەینی ٢٨ـی ٨ـی ٢٠٢٦ شاندێکی لقی ٢٢ی گەرمیان، کە پێکهاتبوون لە بەڕێزان بەرپرسی بەشی پەیوەندییەکانی لق و بەرپرسی لیژنە ناوچەی گوڵان و هەڤاڵانی یاوەریان، لە یاریگای شێروانە بەشداری ئاهەنگی کۆتایی فیستیڤاڵی بەهاری قورئانیان کرد.

ئەم فیستیڤاڵە لەلایەن بەڕێوەبەرایەتی ئەوقافی گەرمیانەوە، بە مەبەستی پشتگیریکردن و هاندانی قوتابیان لە بوارەکانی خوێندنەوە و لەبەرکردنی قورئانی پیرۆز بۆ قوتابیانی گەرمیان و دەوروبەری ڕێکخرابوو. هیوای سەرکەوتن و بەردەوامییان بۆ هەموو قوتابیانی بەشداربوو خواست.

لقی ٢٢ی گەرمیان (پ.د.ک)

27/08/2026

ئەمرۆ پێنجشەممە ٢٧ـی ٨ـی ٢٠٢٦ بەڕێز (حسین کەلاری) بەرپرسی لق، سەردانی بارەگای دەڤەری یەکی پێشمەرگەی کوردستانی کرد و لەلایەن فەریقی سەربازی بەڕێز دکتۆر (نەجات عەلی) بە گەرمی پێشوازی لێکرا.

لە سەردانەکەدا بارودۆخی پێشمەرگەکانی گەرمیان لە یەکە سەربازییەکانی سەر بە دەڤەری یەک تاوتوێ کرا، و گفتوگۆ لەسەر چۆنیەتی خزمەتکردن و ئاراستەکردنی پێشمەرگەکان و ئەو ئەرک و بەرپرسیارییەی لەسەر شانیانە کرا.

لقی ٢٢ی گەرمیان (پ.د.ک)

25/08/2026

ئەمرۆ سێشەممە ٢٥ـی ٨ـی ٢٠٢٦ شاندێکی لقی ٢٢ی گەرمیان، کە پێکهاتبوون لە بەڕێزان بەرپرسی بەشی پەیوەندییەکانی لق و بەرپرسانی لیژنە ناوچەکانی (کەلار، گوڵان)، بە مەبەستی بەرزڕاگرتنی یادی لەدایکبوونی پێغەمبەری ئیسلام محەمەد (د.خ)، بەشدارییان لە ڕێوڕەسمێکی تایبەت کرد کە لە مزگەوتی گەورەی شاری کەلار بەڕێوەچوو.

لە ڕێوڕەسمەکەدا، چەندین بابەتی پەیوەست بە ژیان و ڕەوشتی پێغەمبەری ئیسلام و گرنگیی یادی لەدایکبوونی پێشەوای موسڵمانان، لە کەشێکی ئایینی و ڕۆحیدا پێشکەش کران.

لقی ٢٢ی گەرمیان (پ.د.ک)

24/08/2026

پەیامی سەرۆک بارزانی بۆ یادی لەدایکبوونی پێغەمبەری ئیسلام (جەژنی مەولود)

بەناوی خودای بەخشندە و میهرەبان

بە بۆنەی هاتنەوەی یادی لەدایکبوونی پێغەمبەری مەزن حەزرەتی محەممەد (دروودی خوای لەسەر بێت) و جەژنی مەولوود، گەرمترین پیرۆزبایی لە سەرجەم موسڵمانانی کوردستان و عێراق و هەموو جیهان دەکەم.

لە خودای مەزن داواکارم لەو بۆنە پیرۆزەدا دەرگەی ڕەحمەت و بەرەکەتی خۆی بۆ خەڵکی کوردستان و عێراق و هەموو مرۆڤایەتی بکاتەوە. هیوادارم ئەو بۆنە پیرۆزە ئاشتی و ئارامی و خێر و خۆشی و دادپەروەری بۆ ناوچەکەمان و هەموو جیهان بەدی بهێنێت.

والسلام علیکم و رحمةالله وبركاته

مسعود بارزانی

11ی رەبیعولئەولی 1448ی کۆچی
24ی ئابی 2026

24/08/2026

23/08/2026

بەناوی خودای گەورە و میهرەبان
بۆ/ خانەوادەی خوالێخۆشبوو (تەیبە مەحمود عەبدە)

بەداخ و پەژارەیەکی زۆرەوە هەواڵی کۆچی دوایی خێزانی خوالێیخۆشبوو حاجی باقی تیلەکۆیی، خاتوو ( تەیبە مەحمود عەبدە)مان پێگەشت.

بەم بۆنە خەمناکەوە پرسە و سەرەخۆشی ئاڕاستەی بنەماڵە بەڕێزەکەیان دەکەین و داواکارین خوای گەورە ئارامی بە ئێوە و خانەوادە و دۆستانتان ببەخشێت و جێگای کۆچکردوو بەهەشتی بەرین بێت.
‏‏‎إِنَّا لِلَّهِ وَإِنَّا إِلَيْهِ رَاجِعُونَ

لقی ٢٢ـی گەرمیان (پ.د.ك)

22/08/2026

بەناوی خودای گەورە و میهرەبان
بۆ/ خانەوادەی خوالێخۆشبوو (فریشتە حمە ئەحمەد).

بەداخ و پەژارەیەکی زۆرەوە هەواڵی کۆچی دوایی خێزانی هەڤاڵ بورهان دێوانە محمد ساڵح هۆرێنی، خاتوو(فریشتە حمە ئەحمەد)مان پێگەشت.

بەم بۆنە خەمناکەوە پرسە و سەرەخۆشی ئاڕاستەی بنەماڵە بەڕێزەکەیان دەکەین و داواکارین خوای گەورە ئارامی بە ئێوە و خانەوادە و دۆستانتان ببەخشێت و جێگای کۆچکردوو بەهەشتی بەرین بێت.
‏‏‎إِنَّا لِلَّهِ وَإِنَّا إِلَيْهِ رَاجِعُونَ

لقی ٢٢ـی گەرمیان (پ.د.ك)

20/08/2026

ئەمرۆ پێنجشەممە ٢٠ـی ٨ـی ٢٠٢٦ لە درێژەی سەردان و بەسەرکردنەوەکانی لق، بەڕێز (حسین کەلاری) بەرپرسی لق و هەڤاڵانی دەستەی کارگێری لق و بەرپرسی لیژنە ناوچەی ڕزگاری، سەردانی بەڕێز کاک (محمد عەزیز) ناسراو بە محمد عەزیز شورتە و بەرێز (حاجی عەلی عەبدللە)و ژمارەیەکی بەرچاوی خزمانی بەرلوتی کرد کە دانیشتووی شاری هەولێرن.

ئەم سەردانانە بە مەبەستی بەسەرکردنەوە، هەواڵپرسین و زانینی دۆخی تەندروستی و بارودۆخی خێزانەکان ئەنجامدرا.

لقی ٢٢ی گەرمیان (پ.د.ک)