قائیمقامیەتی قەزای هەریر

03/09/2026

دەشتی هەریر نیشتمانی برنج و خاکی مێژوو و بەرەکەت

دەشتی هەریر، لە تەمەنی باب و باپیرانمانەوە وەک خاکیی بەپیت و نیعمەتی ئاسمانی ناسراوە. ئەم ناوچەیەی هەرێمی کوردستان کە بە برنجە بێ وێناکەی ناوبانگی بە تەواوی ناوچەکەدا بڵاوبۆتەوە، بە دەست و پەنجەی زێڕینی جووتیارە ماندوونه‌ناسه‌کانی ژیاوە و بووەتە ناسنامەیەکی پیرۆزی کورده‌واری.

دوای ئەنجامدانی یەکەمین فیستیڤاڵی برنج و بەرهەمە خۆماڵییەکان لە ساڵی رابردوو بە شێوەیەکی سەرکەوتووانە ،بە شانازییەوە ڕایدەگەیەنین کە ئامادەکارییەکانمان دەستپێکردووە بۆ سازدانی "دووەمین فیستیڤاڵی برنج و بەرهەمە خۆماڵییەکانی قەزای هەریر"، کە بڕیارە لە سەرەتای مانگی تشرینی یەکەم (مانگی ۱۰ی ۲۰۲٦) بەڕێوەبچێت.

داوا لە تەواوی جووتیارانی دەستڕەنگین، خاوەن بەرهەمە سەرنجڕاکێشەکان، و بەهرەمەندانی قەزای هەریر دەکەین لە ئێستاوە دەست بە ئامادەکاری بکەن بۆ بەشداریکردن. ئەم فیستیڤاڵە تەنها خستنەڕووی بەرهەمەکان نییە، بەڵکو دەرفەتێکە بۆ ناساندنی زیاتری بەروبوومی ڕەسەنی ناوچەکە و گەیاندنی پەیامی خۆشەویستی، مروڤدۆستی و بەخشندەیی خەڵکی هەریر بە تەواوی شار و ناوچەکانی کوردستان.

سەرجەم ئەو بەڕێزانەی ئارەزووی بەشداریکردنیان هەیە و دەیانەوێت شوێنی تایبەتیان بۆ دابین بکرێت، دەتوانن لە ڕێگەی ئەم ژمارانەی خوارەوە پەیوەندیمان پێوە بکەن بۆ تۆمارکردنی ناوەکانیان:
۰۷٥۰٤٦۰۹٦۹۰
۰۷٥۰۷۹٤٥۳٨۷
۰۷٨٢٤۹٨٥٥۷٥
لیژنەی سەرپەرشتیاری فیستیڤاڵ
لەژێر چاودێری قائیمقامیەتی قەزای هەریر

22/07/2026

قەزای هەریر
ئەمڕۆ چوار شەممە
قائیمقامی قەزای هەریر/بەوەکالەت (شێروان جەلال بەگ) هاوڕێ لەگەڵ بەڕێوەبەری پەروەردەی شەقڵاوە بەشداربوون لە ڕادەست کردنی کاری نۆژەنکردنەوە چارەسەرکردنی بەشێک لە کەم وکورتیەکانی قوتابخانەکانی( ئا.باتاسی کچان، باخچەی منداڵانی هەریر،بێگرد،قەڵاتە سوور،ق.باتاسی بنەڕەتی،سەروەر(گۆڤند) ویاریگای ناوەندی وەرزش وڵاوان )کەبە پاڵپشتی دارایی ڕێکخراوی جودی بۆ کۆمەک و گەشە پێدان جێبەجێ دەکرێت ،لای خۆیەوە (شێروان جەلال بەگ) سوپاس و پێزانینی بەخشی بە ڕێکخراوی جودی و وە سەرۆکی ڕێکخراوی جودی(محمد هسام) ،وە سوپاسی هەر یەک لە بەڕێزان مامۆستا عبداللە بەڕێوەبەری سەنتەری ئۆتیزم و گروپی گەنجانی خۆبەخش لە باتاس کرا کەوا هاوکاروماندوو بوون بۆ بەجێ گەیاندنی ئەو پڕۆژەیە.....

ڕاگەیاندنی قائیمقامیەتی قەزای هەریر

15/06/2026

07/06/2026

ئەمڕۆ یەک شەممە
٢٠٢٦/٦/٧
قەزای هەریر/باتاس
لەسەر فەرمانی سەرۆکی حکومەتی هەرێمی کوردستان ڕێزدار (مەسرور بارزانی)لەدرێژەی پڕۆسەی پاککڕاگرتن وپاراستنی ژینگە بەئامادەبوونی بەرپرسانی ئەمنی وئیداری و حزبی دوو چاڵاکی بەڕێوەچوون ،چاندنی (٦٠)شەست داری توو ،وە بەرزکردنەوەی ئاڵای پیرۆزی کوردستان لەسەر ڕێگای گۆرستانی شێخ پیرباڵ لە لایان کاکە (شیڤان) کوڕی شەهید ئەمیر مام ساڵ ،بە سوپاسەوە هەردوو چاڵاکییەکە لە لایان گرووپی گەنجانی خۆبەخشی باتاس رێکخرابوون لێرەوە سوپاس ودەست خۆشیمان هەیە بۆیان...
ڕاگەیاندنی قائیمقامیەتی قەزای هەریر..

26/05/2026

لەسەر فەرمان و ڕاسپاردەی ڕێزدار(کاک مەسرور بارزانی)سەرۆکی حکومەتی هەرێمی کوردستان بەمەبەستی پاراستن و پاک ڕاگرتنی ژینگەو سەوزکردنی کوردستان ئەمرۆ کە هاوکاتە لەگەڵ (٢٦)ی گوڵان ساڵیادی هەڵگیرسانی شۆڕشی گوڵان هەڵساین بە هەڵمەتێکی دارچاندن کە خۆی دەبینیەوە لە (١٠٠)نەمام بەسوپاسەوەلەلایەن ڕێزدار(کاک علی حوسێن)ئەندامی مەکتەبی سیاسی و بەرپرسی مەکتەبی ڕێکخستنی پارێزگای سلێمانی-هەڵەبجە -ڕاپەرین دابین کرابون بە ئامادەبونی بەرپرسانی ئەمنی و حکومی سنوری قەزای هەریرو گەنجانی خۆبەخشی باتاس

ڕاگەیاندنی قائیمقامیەتی قەزای هەریر
٢٠٢٦/٥/٢٦

21/05/2026

لەدیوانی پارێزگای هەولێر ......
بەسەرپەرشتی وەزیری ناوخۆ ،کۆبوونەوەی لیژنەی باڵای" پاراستن و چاككردنی ژینگە" بۆ توندکردنی ڕێکارەکانی پاراستنی ژینگە و ڕێگریکردن لە زێدەڕۆیی بەڕێوەچوو

ئەمڕۆ پێنجشەممە 2026.5.21، بە سەرپەرشتی ڕێبەر ئەحمەد، وەزیری ناوخۆی حکومەتی هەرێمی کوردستان، و بە ئامادەبوونی ئومێد خۆشناو، پارێزگاری هەولێر و هەڵگورد شیخ نەجیب، سەرپەرشتیاری ئیدارەی سەربەخۆیی سۆران، کۆبوونەوەیەکی فراوان و گرنگی لیژنەی باڵای" پاراستن و چاككردنی ژینگە" لە دیوانی پارێزگادا بەڕێوەچوو. کۆبوونەوەکە بە ئامادەبوونی جێگری پارێزگار، سەرجەم قائیمقامەکان، بەڕێوەبەرە گشتییەکان، سەرۆکایەتی و بەرێوەبەرایەتی گشتیی شارەوانییەکان، فەرمانگەی ژینگە، و فەرماندەکانی پۆلیس، پۆلیسی دارستان و بەرگری شارستانی سنووری پارێزگای هەولێر و ئیدارەی سەربەخۆی سۆران سازکرا، بە ئامانجی داڕشتنی نەخشەڕێگەیەکی توند بۆ پاراستنی ژینگە و ڕێگریکردنی پێشوەختە لە هەر جۆرە زێدەڕۆیییەک بۆ سەر موڵکی گشتی.

لە سەرەتای کۆبوونەوەکەدا، وەزیری ناوخۆ ڕوونکردنەوەی پێشکەش بە ئامادەبووان کرد و ڕایگەیاند، جەنابی رێزدار مەسرور بارزانی، سەرۆکی حکومەتی هەرێمی کوردستان، بایەخێکی تایبەت و پێشینە بەم دوو پرسە ( پاراستنی ژینگە و بەرەنگاربوونەوەی زێدەڕۆیی ) دەدات، ئاماژەشی بەوەکرد کە سەرۆکی حکومەت لە نزیکەوە و بە شێوەیەکی مەیدانی چاودێری وردەکاری ڕێکارەکان دەکات و چاوەڕوانی ئەنجامی کاریگەر دەکات.

پاشان پوختەیەکی گشتگیری دەربارەی هەنگاوە گرنگەکانی حکومەتی هەرێمی کوردستان لە بواری پاراستنی ژینگە، ئاو، و هەوادا خستەڕوو. هاوکات بە ڕاشکاوی تیشکی خستە سەر ئەو ئاستەنگ و بەربەستانەی کە لەم ڕێگەیەدا دێنە پێشەوە و جەختی لەوە کردەوە کە جێبەجێکردنی سیاسەتی گشتی حکومەت، بەرپرسیاریەتییەکی هاوبەشە و پێویستی بە هەماهەنگییەکی بەهێزتر هەیە لە نێوان سەرجەم دامودەزگاکاندا، بە شێوەیەک کە پاڵپشت بێت بە جێبەجێکردنی یاسا و ڕێنماییەكانی ( پاراستن و چاککردنی ژینگە)، لەم چوارچێوەیەدا، وەزیری ناوخۆ فەرمانی کرد کە دەبێت ئاستی ئەم هەماهەنگییە بۆ بەرزترین ئاست بەرز بکرێتەوە و قائیمقام و بەڕێوەبەری ناحیەكان و بەرپرسانی دیكەی فەرمانگەكانی سنوورەكانیان بەرپرسیارن و دەبێت وەک یەک تیم كاربكەن بۆ پاراستنی ژینگە و بەدواداچوونی ڕۆژانە و بەردەوامیان هەبێت بۆ جێبەجێکردنی ڕێکارەکان.

هەروەها جەخت لەسەر ڕۆڵی سەرەکی و یەکلاکەرەوەی هۆشیاریی هاووڵاتییان کرایەوە لە سەرخستنی هەر ستراتیژێکی ژینگەییدا، ئاماژە بەوەشدرا کە یاسا و پڕۆژەکانی حکومەت بەبێ هاوکاری و هۆشیاریی کۆمەڵگە ناتوانن ئامانجە باڵاکانیان بپێکن، بۆیە گۆڕینی ڕەفتاری ڕۆژانەی تاک بەرامبەر بە سروشت، بەردی بناغەی پاراستنی ژینگەیە، لەو چوارچێوەیشەدا، کۆبوونەوەکە تیشکی خستە سەر چەند خاڵێکی سەرەکی بۆ بەرزکردنەوەی ئاستی هۆشیاریی گشتی، لەوانە پەروەردەی ژینگەیی و ڕەنگدانەوەی چەمکەکانی ژینگەپارێزی لە پڕۆگرامەکانی خوێندندا و هاوبەشیی میدیا و ڕێکخراوەکانی كۆمەڵگەی مەدەنی، ئەوە بێجگە لە بەرپرسیاریەتی هاولاتییان لە شوێنە گەشتیاری و گشتییەکاندا بۆ پاکڕاگرتنی هاوینەهەوارەکان، دارستانەکان، و سەیرانگاکانی کوردستان، وەک ئەرکێکی نیشتمانی و ئەخلاقی بۆ پاراستنی سیمای جوانی سروشتی كوردستان. بۆ ئەومەبەستەش سەرجەم لایەنەكان ڕاسپێردران، هەموو ڕێکارێکی تایبەت بگرنەبەر بۆ پاراستنی ژینگە و سزادانی هەر کەسێک کە سەرپێچی لە یاسا و ڕێنماییەکانی پاراستنی ژینگە دەکات و سروشتی کوردستان دەشێوێنێ.

لە تەوەرێکی تری کۆبوونەوەکەدا کە تایبەت بوو بە پرسی بەرەنگاربوونەوە و ڕێگریکردن لە زێدەڕۆیی، تیشک خرایە سەر هەوڵە مەیدانییەکانی تیمەکانی پارێزگا و شارەوانییەکان و کارەکانی ڕابردوویان بەرز نرخاێندرا، لەگەڵ ئەوەشدا ئاماژە بەوەدرا بۆ ڕێگركردن لە زێدەڕۆیی، ڕێکاری توند و یاسایی بەرامبەر هەموو ئەو كەس و لایەنانە بگیرێتەبەر كە سەرپێچی و زێدەڕۆیی دەكەنە سەر موڵكی گشتیی.

هاوکات بە توندی جەخت لەسەر بنەمای یەکسانی لەبەردەم یاسادا کرایەوە و بڕیار درا کە چاوپۆشی لە هیچ کەس و لایەنێک نەکرێت، بۆ ئەو مەبەستەش سەرجەم یەكە ئیدارییەكانی سنووری پارێزگای هەولێر و ئیدارەی سەربەخۆیی سۆران ڕاسپێردران ڕێکاری یاسایی توند و دەستبەجێ بەرامبەر هەر کەسێک و لایەنێك بگرنەبەر کە دوور لە یاسا و ڕێنماییە کارپێکراوەکان، هەوڵی داگیرکردن، شێواندن، یان زێدەڕۆیی بۆ سەر موڵک و ماڵی گشتیی دەوڵەت دەدات.

دواتر، تیشکی خرایەسەر کارنامەی لیژنەكانی قائیمقامیەت و ناحییەكانی سنووری ئیدارەی پارێزگای هەولێر و ئیدارەی سەربەخۆی سۆران، کە بەپێی یاسا بەرکارەکان و ڕێنماییە ژینگەییەکان دەسەڵاتییان پێدراوە، لێبڕاوانە کار بکەن بۆ ڕێگریکردن لە هەر جۆرە زێدەڕۆییەک بۆ سەر سروشت و موڵکی گشتی، و ڕووبەڕووبوونەوەی یاسایی ئەو سەرپێچیكارانەی زیان بە هاوسەنگیی ژینگەیی دەگەیەنن، بۆ ئەو مەبەستەش جەخت لە فەرمان و ڕاسپاردەی ڕاستەوخۆکانی جەنابی سەرۆکی حکومەتی هەرێمی کوردستان کرایەوە، کە پاراستنی ژینگە نابێت تەنیا لە چوارچێوەی هەڵمەتێكی کاتی و وەرزی کورت بکرێتەوە، بەڵکو ئەمە پڕۆسەیەکی بەردەوامی ڕۆژانە و درێژخایەنە کە پێویستی بە نەفسی درێژ و هەماهەنگیی هەمیشەیی نێوان دامەزراوەکانی حکومەت و هاووڵاتییان هەیە.

لەکۆتایی کۆبوونەوەکەشدا، دەرگا بۆ گفتوگۆی ئامادەبووان کرایەوە و بەشداربووان لە ڕوانگەی پسپۆڕی و بەرپرسیاریەتیی خۆیانەوە، کۆمەڵێک سەرنج، تێبینی و پێشنیازیان خستە ڕوو، دوای هەڵسەنگاندنی وردی سەرجەم پێشنیازەکان و بە مەبەستی وەرگێڕانی ڕاسپاردەکانی جەنابی سەرۆکی حکومەت بۆ هەنگاوی کرداری، کۆبوونەوەکە چەند بڕیارێکی گرنگ و پێویستی وەرگرت.

16/05/2026

پڕۆژەی دروستکردنی یاریگای چیمەنی دەستکردی هەریر دەستی پێکرد

پڕۆژەی دروستکردنی یاریگای چیمەنی دەستکردی (١١)یاریزانی لە قەزای هەریر لەسەر بودجەی نوسینگەی تایبەتی ڕێزدار (مەسرور بارزانی)سەرۆکی حکومەتی هەرێمی کوردستان بە بڕی(837,510,000)هەشت سەدو سی و حەوت ملیۆن و پێنج سەدو دە هەزار دینار دەستی بەکارەکانی کرد
شایەنی باسە پرۆژەکە لەلایەن کۆمپانیای(JMT)جێبەجێ دەکرێت

ڕاگەیاندنی قائیمقامیەتی قەزای هەریر
٢٠٢٦/٥/١٦

26/04/2026

ئـــــاگاداری .... بۆ کۆبۆنی غاز و نەوت
هەولێر ئاگاداری ئەو هاووڵاتیانە دەکاتەوە کــە ژیانــی هــاوسەرگیری(زواج) یان پێکهێناوە و بەڵام بەهۆی وەستانی مامەڵەی درووستکردنی فۆرمی خۆراکی سەربەخۆ نەیانتوانیوە ببنە خاوەنی فۆرمی خۆراکی سەربەخۆ ئەوا دەتوانن ببنە خاوەنی بەو مەرجانەی خوارەوە :
۱- فۆرمی خۆراکی ماڵی باوکی کوڕەکە ئەم بنکانەی خۆراک بێت :
[ #223 هەریرو باسرمە] دەگرێتەوە

۲- فۆڕمی خۆراکی ماڵی باوکی کوڕەکە هی ساڵی [2020 - 2021]ی هەولێر بێت و ( نسخە اصلی و فۆتۆکۆپی ) بەردەست بێت.
۳- بەڵگەنامەی هاسەرگیری ( عقد زواج ) هەبێت و ( نسخە اصلی ) و فۆتۆکۆپی بەردەست بێت .
٤ - کارتی نیشتمانی پیاوەکە ( نسخە اصلی و فۆتۆکۆپی ) بەردەست بێت.
٤ - فۆرمی خۆراک و کارتی نیشتمانی کوڕەکە لە پەڕێکی A4 کۆپی بکات .

تێبینی /
۱ - لە ڕۆژانی داهاتوو ئەو هاوڵاتیانەی بنکەی خۆراکییان لەسەرەوە نووسراوە دەتوانن سەردانی بەڕێوەبەرایەتی نەوت و کانزاکانی هەولێر بکەن .
۲ - پێویست ناکات هیچ هاوڵاتیەک سەردانی بەشی دارای قائیمقامیەتی قەزای هەریر بکات .

ناونیشانی بەڕێوەبەراتی نەوت و کانزاکان هەولێر - شەقامی ١٠٠ م -پشت بەڕێوەبەرایەتی حەج و عومرە .

بەرێوەبەرایەتی نەوت و کانزاکانی هەولێر

24/04/2026

ئەمڕۆ هەینی ٢٠٢٦/٤/٢٤
لە چوارچێوەی ئەو هەڵمەتە سێ ڕۆژییەی لە سەر فەرمان وڕاسپاردەی ڕێزدار(مەسرور بارزانی)سەرۆکی حکومەتی هەرێمی کوردستان بڕیاری لەسەر درابوو هەڵمەتێکی فراوانی پێدانی ڕێنمایی وپاککردنەوەی ژینگەی سەیرانگاکانی سنوری قەزای هەریر(شێخ توراب،قوڕەبەگ ،فەقییانە،لێواری زێی گەورە)بەڕێوەچوو بەئامادەبوونی بەرپرسانی حکومی وحزبی ومامۆستایانی ئاینی وژینگە پارێزان وگەنج وڵاوان وێڕای دەست خۆشی وسوپاس بۆ هەموو لاییەک بەهیواین گەشتیاران سروشت وجوانی کوردستان بپارێزن...

ڕاگەیاندنی قائیمقامیەتی قەزای هەریر

03/04/2026

ئاگاداری
لەم هەفتەیە بەهۆی کارکردنی تیمەکانی پڕۆژەی ڕووناکی لە بەرواری ٤/٤تاکو٤/١٠ لە کاتژمێر (٨)ی بەیانی تاکو (٥)ی ئێوارە لەسنوری قەزای هەریر سەرجەم فیدەرەکانی کارەبای نیشتیمانی دەکوژێنەوە..

راگەیاندنی قائیمقامیەتی قەزای هەریر