30/07/2026
ئەمڕۆ، دڵڤان عمر بەڕێوەبەری گشتی وەبەرهێنانی سۆران، بەشداری لە مەراسیمی بەرزڕاگرتنی یادی ٤٣ ساڵەی جێنۆسایدی بارزانییەکاندا کرد.
مەراسیمەکە بە ئامادەبوونی نوێنەری بەڕێز مەلا مصطفى بارزانی، بەڕێز سیروان حسکۆ میرخان بەرپرسی نووسینگەی جەنابیان، بەرهەڤی ژمارەیەکی بەرچاو لە بەرپرسانی حزبی و حکومی، کەسایەتییە دیارەکانی ناوچەکە و بنەماڵەی سەربەرزی شەهیدان بەڕێوەچوو.
ئەم یاد ڕاگرتنە، وەبیرخستنەوەی یەکێک لە ڕەشترین تاوان و کارەساتە گەورەکانی مێژووی گەلی کوردە، کە تێیدا ڕژێمی دیکتاتۆری پێشووی بەعس تاوانێکی جێنۆسایدی دڕندانەی دژ بە ٨٠٠٠ هاووڵاتی و مرۆڤی
بێتاوانی بارزانی ئاڵۆز و ئەنجامدا.
لە پەراوێزی ئەم یادەدا، بەڕێوەبەرایەتی گشتی وەبەرهێنانی سۆران دووپاتی کردەوە لەسەر گرنگیی پاراستنی یاد و مێژووی پڕ لە قوربانیدانی شەهیدان و چەسپاندنی ڕۆحی نیشتمانپەروەری. هەروەها پشتگیری تەواوی خۆی بۆ هەموو ئەو هەوڵانە دەربڕی کە کار بۆ پاراستنی ڕاستییە مێژووییەکان و بەهێزکردنی هۆشیاریی نەتەوەیی دەکەن.
سەری ڕێز و نەوازش بۆ گیانی پاکی شەهیدانی جێنۆسایدی بارزانییەکان و سەرجەم شەهیدانی ڕێگای ئازادیی کوردستان دەچەمێنین؛ دروود بۆ بنەماڵە خۆڕاگر و سەربەرزەکانیان.
