بەڕێوەبەرایەتی بەرەنگاربوونەوەی توندوتیژی دژى ئافرەتان و خێزان - سلێمانى

30/08/2026

لە یاسای بەرەنگاربوونەوەی توندوتیژیی خێزانی لە هەرێمی کوردستان
(یاسای ژمارە ٨ی ساڵی ٢٠١١) دا هاتووە کە:

هاوسەرگیریی بەزۆر، هاوسەرگیری ژن بە ژن (شغار)، منداڵ بە شودان و بە شوودان لەجیاتی خوێن بە تاوانی توندوتیژیی خێزانی ناسێندراون
بەپێی ماددەی ٧ لەم یاسایە سزای ئەنجامدانی ئەم کردارانە بەم شێوەیەی خوارەوەیە:

• سزای بەندکردن: بۆ ماوەیەک کە لە ٦ مانگ کەمتر نەبێت و لە ٣ ساڵ زیاتر نەبێت.

• سزای دارایی (پێبژاردن): بە بڕێک کە لە ١,٠٠٠,٠٠٠ (یەک ملیۆن) دینار کەمتر نەبێت و لە ٥,٠٠٠,٠٠٠ (پێنج ملیۆن) دینار زیاتر نەبێت یاخود بە یەکێک لەم دوو سزایە.

ڕاگەیاندن‌و پەیوەندییەكانی بەڕێوەبەرایەتی بەرەنگاربوونەوەی توندوتیژی دژی ئافرەتان‌و خێزان/سلێمانی

27/08/2026

رێکارەکانی تۆمارکردنی سکاڵا لە دادگای توندوتیژی خێزانیی

26/08/2026

یاسای بەرەنگاربوونەوەی توندوتیژی خێزانی بە خوێندكارانی کۆلێجی یاسا دەناسێنرێت

ئەمڕۆ چوار شەممە (26/8/2026) لەهۆڵی (شەهید نەقیب محمد) لەبارەگای بەڕێوەبەرایەتی بەرەنگاربوونەوەی توندوتیژی دژی ئافرەتان‌و خێزان سیمینارێك لەسەر (یاسای بەرەنگاربوونەوەی توندوتیژی خێزانی‌و ناساندنی هێڵی گەرمی (119)) بۆ بەشێك لەخوێندكارانی قۆناغەكانی ( ١ تا ٥ )ی کۆلێجی یاساو دەرچووانی ساز كرد.
بەپێشكەشكردنی وتەیەك لەلایەن (عقیدی مافپەروەر/ محمد عبدالرحیم عباس) بەڕێوەبەری بەڕێوەبەرایەتی سیمینارەكە دەستیپێكرد.
پاشان ناساندنی بەڕێوەبەرایەتی‌و كارەكانی‌و هیڵی گەرمی (119) ‌و لیژنەی ئاشتەوایی‌و كارەكانی لەلایەن (رائد/ ڕاز فریا عوسمان) لێپرسراوی ڕاگەیاندن‌و پەیوەندییەكانی بەڕێوەبەرایەتی باسی لێوە كرا.
دواتر یاساناس (پشدەر ڕەشید ئەمین) لێپرسراوی ئاشتەوایی لەبەشی ڕاوێژكاری خێزانی‌ زۆر بەووردی باسی لەتوندوتیژی‌و جۆرەكانی‌و تیۆرەكانی‌و یاسای ژمارە (8) ساڵی (2011)ی بەرەنگاربوونەوەی توندوتیژی خێزانی كرد، هەروەها رایگەیاند "لیژنەكانی ئاشتەوایی كە لەتوێژەرانی دەروونی‌و كۆمەڵایەتی‌و یاسایی پێكدێن‌و ڕۆڵی گرنگ‌و باشیان هەیە لەڕێكخستنەوەی خێزان‌و پاراسنتیان‌و هەڵنەوەشانەوەیان.
سیمینارەکە بەپرسیارو وەڵامی خوێندكاران كۆتایی هات وپاشان لە نزیکەوە بەبەشی ڕاوێژکاری خێزانی ئاشنسکران..
ئەم سیمینارە لەچوارچێوەی بەرنامەی كاری خولێكی (٤) هەفتەییە بۆ خوێندكارەكان كە لەلایەن (ئەنجومەنی یاسای خوێنكارانی كوردستان ) و بەهاوكاری ڕێكخراوی (هاوشاریانی سلیمانی) ئەنجام دەدرێت كە چەند بەرێوەبەرایەتییەك دەگرێـتەوەو لەناویاندا بەڕێوەبەرایەتی بەرەنگاربوونەوەی توندوتیژی دژی ئافرەتان خێزانی تێدایە.

ڕاگەیاندن‌و پەیوەندییەكانی بەڕێوەبەرایەتی بەرەنگاربوونەوەی توندوتیژی دژی ئافرەتان‌و خێزان/سلێمانی.

25/08/2026

بِسْمِ اللَّـهِ الرَّحْمَـٰنِ الرَّحِيمِ
"وَمَا أَرْسَلْنَاكَ إِلَّا رَحْمَةً لِّلْعَالَمِينَ"
بەبۆنەی ‌‎یادی لە دایکبوونی پێشەوای مرۆڤایەتی و سەروەرمان ‌‎پێغەمبەر(محمد) ﷺ پیرۆزبایی لەتەواوی موسلمانانی کوردستان و موسلمانانی جیهان دەکەین. ..

بەڕێوەبەرایەتی بەرەنگاربوونەوەی توندوتیژی دژی ئافرەتان‌و خێزان- سلێمانی

23/08/2026

پرسە نـــــــــــــامە

دڵگرانین بەكۆچی دوایی(زەینەب فەرەج محمد)
دایکی هەردوو کارمەندی بەڕێوەبەرایەتیمان (رپ٤/ شێنێ عبداللە ، رپ٦ / شێوە عبداللە ) ..
داواكارین لەخوای گەورە كۆچكردوو بەبەهەشتی بەرین شاد بكات‌و سەبوری بەخێزان‌و كەس‌وكار‌و بنەماڵەكەی بدات .

٨/٢٤ یەکەم رۆژی پرسەکەیەتی لە(مزگەوتی شێخ عوسمانی سیرێ)ە لە گەڕەکی گۆیژە لە شاری سلێمانی ، پرسەی ژنان لەماڵی کۆچکردووە لەگەڕەکی هەوارەبەرزە .

إنا لله وإنا الیه راجعون

23/08/2026

سوپاس و پێزانین پێشکەش بەبەڕێوەبەرایەتی بەرەنگاربوونەوەی توندوتیژی سلێمانی کرا

ئەمڕۆ یەكشەممە ٢٠٢٦/٨/٢٣ عقیدی مافپەروەر/ محمد عبدالرحیم عباس بەڕێوەبەری بەرەنگاربوونەوەی توندوتیژی دژی ئافرەتان‌و خێزان- سلێمانی پێشوازی لە پارێزەری ڕێکخراوی ژیارکرد، لە دیدارەکە سوپاس‌ و پێزانین بەبەڕێوەبەری بەرەنگاربوونەوەی توندوتیژی دژی ئافرەتان‌و خێزان- سلێمانی بەخشرا، لەپای هەماهەنگی‌ و هاوكاریی بەردەوامی بەڕێوەبەرایەتی لە پێدانی زانیاریی و هۆشیاریی بە بەشداربووانی خولی تایبەت لە ڕێكخراوی ژیاردا،بەئامانجی گەیاندنی هۆشیاریی زیاتر بۆ سەرجەم چین و توێژەکانی کۆمەڵگە.

ڕاگەیاندن‌و پەیوەندییەكانی بەڕێوەبەرایەتی بەرەنگاربوونەوەی توندوتیژی دژی ئافرەتان‌و خێزان/سلێمانی

22/08/2026

کێشە خێزانییەکان و شێوازی چارەسەر کردنیان لەهەرێمی کوردستاندا شرۆڤە دەکرێت

پاشنیوەڕۆی ئەمڕۆ شەممە (٢٠٢٦/٨/٢٢) له هۆڵی ئینستتوتی مەستورە بەڕێوەبەرایەتی بەرەنگاربوونەوەی توندوتیژی دژی ئافرەتان و خێزان بەهاوبەشی لەگەڵ ڕێکخراوی ئینستتوتی مەستورە بۆ زانستە دەروونی و کۆمەڵایەتییەکان سیمینارێکی لەسەر ( کێشە خێزانییەکان و شێوازەکانی چارەسەرکردنی لەهەرێمی کوردستان) بۆ ژمارەیەک لە ڕێنماییکارانی دەروونی و کۆمەڵایەتی و مامۆستای زانکۆ ساز کرد.
لەسیمینارەکەدا (عەقید/هێمن عبدالقادر) لێپرسراوی بەشی ڕاوێژکاری خێزانی لە بەڕێوەبەراتی بەووردی تیشکی خستە سەر گرفتە خێزانییەکان و هۆیەکانی و ڕێگاکانی چارەسەرکردنی لە کۆمەڵگەی کوردیدا.
بەگۆڕینەوەی ڕاو بۆچوون و پێشنیار لەنێوان ئامادە بوواندا سیمینارەکە کۆتایی هات و ماوەی دوو کاتژمێری خایاند.
ڕاگەیاندن و پەیوەندییەکانی بەڕێوەبەرایەتی بەرەنگاربوونەوەی توندوتیژی دژی ئافرەتان وخێزان/سلێمانی.

19/08/2026

12/08/2026

هەوڵ‌و ماندوبون‌و دڵسۆزیی دەتگەیەنێتە پلەی بەرزی خزمەتكردن

ئەمڕۆ ١٢/٨/٢٠٢٦ (عەقیدی مافپەروەر/محمدعبدالرحیم عباس) بەڕێوەبەری بەڕێوەبەرایەتی بەرەنگاربوونەوەی توندوتیژی دژی ئافرەتان‌و خێزان بەیاوەری لێپرسراوی نوسینگەكانی ناوشار‌و بەشێك لە ئەفسەرانی بەڕێوەبەرایەتی سەردانی هەردوو بەڕێوەبەرایەتی (رەگەزنامەی سلێمانی) ‌و بەڕێوەبەرایەتی (پۆلیس)ی سلێمانیان كرد.
مەبەستی سەردانەكە پیرۆزباییكردن بوولەهەریەكە لە (عمید/زوڵفان غەریب ) وەك بەڕێوەبەری نوێی بەڕێوەبەرایەتیی رەگەزنامەی سلێمانی‌و(عمید/ هێمن کمال نوری ) وەك بەڕێوەبەری پۆلیسی سلێمانی هیوای بەردەوامیان بۆ خواستن هەروەك چۆن لە پێشودا بەو پەڕی چالاكی‌و توانایان شوێن دەست‌و جێگەیانی دیار بووە لە خزمەتكردنی هاونیشتیمانیان،پۆستی نوێیان ببێتە هاوكار‌و خزمەتی زیاتری هاووڵاتیان.

ڕاگەیاندن‌و پەیوەندییەكانی بەڕێوەبەرایەتی بەرەنگاربوونەوەی توندوتیژی دژی ئافرەتان‌و خێزان /سلێمانی

10/08/2026

توندوتیژی خێزانیی بەرامبەر منداڵان

کاتێک توندوتیژی خێزانیی بەرامبەر منداڵان بەکاردەهێنن بە ناوی خۆشەویستی، پەروەردەکردن، یان دوورخستنەوەیان لە هەڵە ئەنجام دەدرێت، دەرئەنجامی پێچەوانە و وێرانکەری دەبێت. باوان زۆرجار بێئاگان لەوەی لێدان و توندوتیژی، ڕێگەی پەروەردەکردن نین، بەڵکو هۆکاری تێکدانی بارودۆخی دەروونی و جەستەیی منداڵەکەیانن.
​کاریگەرییە خراپەکانی توندوتیژی لەسەر منداڵ
​لاوازبوونی کەسایەتی: توندوتیژی باوەڕبەخۆبوون لەناودەبات، منداڵ دەکاتە کەسێکی بێبڕوا بە تواناکانی خۆی و وا دەکات لە داهاتوودا نەتوانێت پشت بەخۆی ببەستێت یان پەیوەندی کۆمەڵایەتی تەندروست دروست بکات.
​تێکچوونی دەروونی و جەستەیی: منداڵی توندوتیژی بەرامبەر کراو، بەردەوام لە ترس و دڵڕاوکێدا دەژێت. ئەمەش کاریگەری ڕاستەوخۆی دەبێت لەسەر تێکچوونی خەو، کەمبوونەوەی ئارەزووی خواردن، و دابەزینی ئاستی تێگەیشتن.
​فێربوونی ڕەفتاری توندوتیژانە: منداڵان بەپێی بینیەکانیان فێر دەبن. کاتێک دەبینن گەورەکان توندوتیژی بەکاردێنن، وا تێدەگەن کە هێز ڕێگەی سەرەکییە بۆ دەستکەوتنی ماف و چارەسەرکردنی کێشەکان، بەمەش بۆ خۆشیان دەبنە کەسێکی توندوتیژ.
​لەبری بەکارهێنانی سزادانی جەستەیی و زەبر.. پەیامی ئامۆژگاری، گفتوگۆی ئارام، و ڕێنماییکردنی دروست باشترین ڕێگەن بۆ تێگەیشتن لە هەڵەکانی منداڵ. بەم شێوازە نەک هەر ڕێز و متمانە لە نێوان باوان و منداڵدا دروست دەبێت، بەڵکو خێزانێکی ئارام و کۆمەڵگەیەکی تەندروستیش بەرهەمدێت.

ڕاگەیاندن‌و پەیوەندییەكانی بەڕێوەبەرایەتی بەرەنگاربوونەوەی توندوتیژی دژی ئافرەتان‌و خێزان/سلێمانی