کریم شکور محمد ناسراو بە (مەلاکەریم) ساڵی ١٩٦٦ لە ناحیەی نەوجولی سەر بە شارۆچکەی خورماتوو لەدایکبووە.
کاتێ خوێندکاری شەشی ئامادەیی دەبێ شانە رێکخستنەکەیان ئاشکرادەبێ و ناچار دەس لە خوێندن ھەڵدەگرێت و دەچێتە دەرەوە بۆشاخ دەبێت بە پێشمەرگە.
لە پرۆسەی ئەنفالدا خێزان و دوو منداڵ لەگەڵ پێنج خوشک و پێنج برا بێسەروشوێن و جینۆساید دەکرێن.
لە ساڵانی نەوەدەکان دووبارە دەگەرێتەوە بۆ خوێندن و شەشی ئامادەیی تەواودەکات، دواتر لەدوای روخانی رژێمی پێشووی بەعس کۆلێژی یاسا تەواو دەکات، دواتر لەساڵی ٢٠١٩ بروانامەی ماستەر بەدەسدەھێنێت و ئێستاش خوێندکاری دکتۆرایە لە یاسا.
لە ژیانی سیاسیدا زۆربەی پلەکانی رێکخستنی بریوە لە ئەندام کەرت و ئەندام پۆلەوە دەستی پێکردووە تا ساڵی ٢٠١٠ دەبێتە لێپرسراوی مەڵبەندی حەمرین، لە ساڵی ٢٠١٩ دەبێتە ئەندامی سەرکردایەتی(ی ن ک) و دووبارە وەک لێپرسراوی ھەمان مەڵبەند متمانە بەدەسدەھێنێتەوە. لە ھەڵبژاردنی ئۆکتۆبەری ٢٠٢١ متمانەی خەڵکی خورماتوو بەدەسدەھێنێت و دەبێتە ئەندامی ئەنجومەنی نوێنەرانی عێراق.
