کۆلێژی سەربازی زاخۆ

18/07/2026

چوو بەر دلۆڤانییا خودێ ، کارمەندێ کۆلیژا مە
ن ض د / ٦ ( أرشد مصطفى عمر)

ب ناڤێ ڕێزدار لیوا ( نەزیر عاسم ئاغا گۆران) ڕاگرێ کۆلیژا سەربازی یا زاخۆ، پرسە و سەرەخۆشیێن خۆ ئاراستەی خێزان و ماڵبات و کەس و کارێن خودێ ژێ ڕازی دكەین و ھەڤپشکێن خەما وانین. ژ خودایێ مەزن داخازکارین جھێ وی بکەتە بەھەشت و سەبر و ھەدارێ بدەتە خێزان و کەس وکارێن وی و دوماھیک خەم و نەخۆشییا وان بیت إن شاءاللە.

إنا للە وإنا إلیە راجعون

تازی دێ ل مزگەفتا ( ئادەم ) ل تاخێ بێدارێ بیت.

ڕاگەھاندنا کۆلیژا سەربازی یا زاخۆ

16/07/2026

ڕاگرێ کۆلیژا یا زاخۆ، مەڵەڤانگەهـ و هۆلا وەرزشی و لەشجوانییێ ل کۆلیژێ ڤەکرن

ب ئامادەبوون و چاڤدێرییا ڕێزدار لیوا (نەزیر عاسم ئاغا گۆران) ڕاگرێ کۆلیژا سەربازی یا زاخۆ، مەڵەڤانگەهـ و هۆلا وەرزشی ل کۆلیژێ هاتنە ڤەکرن، ئەڤەژی پشتی ب دوماهیک هاتنا کارێ سەخبێریکرن و نویژەنکرنا وان ژلایێ بالێ مەشقا جەستەیی و شەڕێن تایبەتڤە.

کارێن نویژەنکرنا مەڵەڤانگەهێ ب ڕەنگەکێ گشتی سەخبێریکرن و پاکژکرنا هەمی پشکێن وێ، دگەڵ دانان و کاراکرنا سیستەمێ پاکژکرن و زڤڕاندنا ئاڤێ، هەروەسا دانانا پەمپ و فلتەرێن تایبەت ب پارزنینا ئاڤێ ب مەرەما بەردەوامییا کارکرنا مەڵەڤانگەهێ ل دویف مەرج و ڕێنمایی یێن ساخلەمیێ و تەکنیکی یێن پێدڤی.

هەروەسا، هۆلا وەرزشی یا کۆلیژێ ژی ب تەمامی هاتە نویژەنکرن و ب چەندین جۆرێن ئامیر و کەرەستەیێن نوی یێن وەرزشی و لەشجوانییێ هاتە ئامادەکرن کو ژلایێ وەزارەتا پێشمەرگەی یا حکومەتا هەرێما کوردستانێـڤە هاتبوونە دابینکرن. ئەڤ پێنگاڤەژی ل چارچۆڤەیێ پشتەڤانی و گرنگیدانێ بوو بۆ بڵندکرنا ئاستێ لێهاتوویی و ئامادەسازییا جەستەیی ل کۆلیژا سەربازی.

سەخبێریکرن و نویژەنکرن و ڤەکرنا ڤان هەردوو پشکێن وەرزشی یێن گرنگ، پشکەکن ژ بزاڤ و گرنگیدانا بەردەوام یا ڕێزدار ڕاگرێ کۆلیژا سەربازی ژبۆ پەرەپێدانا ژێرخانا وەرزشی و جەستەیی، و دابینکرنا ژینگەهەکا گونجای بۆ بڵندکرنا ئاستێ شیانێن جەستەیی یێن ئەفسەر و پلەدار و قوتابییێن کۆلیژێ.

ڕاگەهاندنا کۆلیژا سەربازی یا زاخۆ

14/07/2026

ڕاگرێ کۆلیژا سەربازی یا زاخۆ، پێشوازی ل ئەفسەرێن کۆلیژێ کر ئەوێن پلەیێن وان هاتینە بڵندکرن

ئەڤڕۆ ڕۆژا سێ شەمبی، ڕێکەفتی 14 / 7 / 2026ـێ، د ڕێوڕەسمەکێدا، ڕێزدار لیوا (نەزیر عاسم ئاغا گۆران) ڕاگرێ کۆلیژا سەربازی یا زاخۆ، پێشوازی ل وان ئەفسەرێن کۆلیژێ کر ئەوێن د خشتەیێ تەمووزا 2026ـێ دا پلەیێن وان هاتینە بڵند کرن.

د وێ ڕێوڕەسمێدا کو هەرئێک ژ جێگرێ ڕاگرێ کۆلیژێ و هاریکارێ ڕاگری و فەرماندەیێن باڵ و بەتاڵیۆنێن کۆلیژێ ئامادە ببوون، جەنابێ ڕاگرێ کۆلیژێ خۆشحاڵییا خۆ دەربڕی و، پیرۆزبایی ل وان ئەفسەران کر و پەسنا ڕۆل و دڵسۆزییا وان کر د جێبەجێکرنا ئەرکێن واندا و هیڤییا سەرکەفتنێ بۆ خواست د کار و ئەرک و بەرپرسیاریەتییێن واندا.

ل دوماهیێ، پلەیێن نوی یێن وان ئەفسەران ژلایێ ڕاگرێ کۆلیژا سەربازیـڤە هاتنە گرێدان و هاتنە خەڵات کرن.

ڕاگەهاندنا کۆلیژا سەربازی یا زاخۆ
14 تەمووز 2026

01/07/2026

پەیجی کۆلێژی سەربازیی زاخۆ لە ئینستاگرام

5,153 Followers, 6 Following, 142 Posts - See Instagram photos and videos from ‎کۆلێژی سەربازی زاخۆ (سازگەی قارەمانان)‎ (.mil.col)

20/06/2026

پێگەی فەرمی لیوا نەزیر عاسم ئاغا گۆران؛ راگری کۆلێژی سەربازی زاخۆ

پێگەی فەرمی لیوا نەزیر عاسم ئاغا گۆران

20/06/2026

https://www.facebook.com/share/r/1BU1YUUZPj/?mibextid=wwXIfr

15/06/2026

08/06/2026

لیوا نەزیر عاسم ئاغا گۆران، راگرێ کۆلیژا سەربازی ل زاخۆ: کاک هەڵکەوت د ساڵێن کارکرا خوەدا پەیامنێرەکێ زیرەک، دلسۆز و راستگۆ بوو؛ هەردەم هەوڵددا ب ئەمانەتڤە زانیاریان بۆ مە ژ بەغدا ڤەگوهێزیت..