03/08/2026
🟡سەرۆک بارزانی پێشوازی ل سەرۆکێ کۆمەلا دادگەرییا کوردستانێ کر.
🔸ل ڕۆژا دووشەمبێ ٣ێ تەباخی ٢٠٢٦ ل هەولێرێ، ڕێزدار سەرۆک مەسعود بارزانی پێشوازی ل بەرێز عەلی باپیر سەرۆکێ کۆمەلا دادگەرییا کوردستانێ و شاندەکێ مەکتەبا سیاسی یا کۆمەلێ کر.
🔸د کۆمبوونێ دا، رێزدار سەرۆک بارزانی و بەرێز عەلی باپیر تەکەز ل سەر پاراستنا قەوارەیێ هەرێما کوردستانێ، دویرئێخستنا هەرێمێ ژ ئاڵۆزیێن دەڤەرێ و گرنگیا تەبایی و سازانا دناڤبەرا لایەنێن سیاسی وەک بەرپرسیارییەتیەکا گشتی و ئەرکەکێ ل پێشینە کرن.
🔸هەروەسا د تەوەرەکێ دی یێ کۆمبوونێ دا، هەردوولایان دانوستاندن ل سەر ڕێکارێن چارەسەرکرنا قەیرانێن مووچەی، بهایێ سووتەمەنیێ و باشترکرنا بارودۆخێ ژیارا هەڤوەلاتییان کرن، ل دوماهیێ ژی دوپاتی ل سەر گەشەپێدانا زێدەتر یا پەیوەندییێن دناڤبەرا پارتی دیموکراتی کوردستان و کۆمەلا دادگەریێ هاتە کرن.
