تورکی شعرلر

13/02/2015

:(

10/02/2015

اویان ستارخان

تورک بالاسی فارس دانیشیر قیرجانیر
ائل اوباسین کتدی دئیرکن دانیر
من باخیرام قلبیم ائله اودلانیر
دای بو جهالت منی گتدی دارا
گور نه گلیر یالنیز آذربایجانا
قیزلاریمیز تورکو دیلی آر بیلیر
فارس بالاسین اؤزلرینه یار بیلیر
داش کلمی ایندی شیرین نار بیلیر
فارس سئویب قلبی اولوب غم خانا
گور نه گلیر یالنیز آذربایجانا

10/01/2015

آنا
داغلاردان اوجاآنام دنیزلردن درین سن
هر نه قدر قوجالسان باشقا گوزه ل گلین سن

ساچلاری آغلی قارا سنه قوربانام آنا
سن سیز قالدیم آوارا شیرین جاندان یخین سن

اولدوز کیمی پارلایان گونش کیمی اودلانان
آخار سولار تک آخان بوز ارازدان سرین سن

گوزلرین محنت باغی سینه ن بوتون غم داغی
ای شرافت بایراغی نه دن بءله حزین سن

10/01/2015

20/12/2014

چیله گجز مبارک اولسون

14/12/2014

هرگونوز عشقینن باشاگدسین

30/11/2014

21/11/2014

چاتارهیجران گئجه سی صبح وصاله گوزلیم
تلسیب سالما منی فكر و خیاله گوزلیم

درد هیجرانه دوشوب منده طبیب آختاریرام
نجه صیاد دوشرصیدغزاله گوزلیم

آیریلق قصه سی چوخدان یازیلیب آلنمزا
هیجر الیندن قاچارام آیری دیاره گوزلیم

21/11/2014

گئت گولوم گئت منه سن جان اولاسان ایستمیرم
عشوه لی سئوگیلی جانان اولاسان ایستمیرم

بیرده گوز یاشی توکوب کوئینه گلمم گوزلیم
گوروب احوالیمی خندان اولاسان ایستمیرم

بی وفالیقدا بوتون عالمه مشهور اولدون
سن اگر حورییی قیلمان اولاسان ایستمیرم

وورموسان سینه مه مین یاره کفایتدی منه
بو سینیق کونلومه درمان اولاسان ایستمیرم

بی وفاسن ، ده گلیم راضی اولنده سونرا
قبریم اوستینده نگهبان اولاسان ایستمیرم

پیس گونومده منی سالدون نظریندن گئتدین
یاخشی گونده منه مهمان اولاسان ایستمیرم

12/11/2014

parke honar tabriz 2014

11/11/2014

سن زولفونی آچ، توك اوزونه ، شانه سی مندن

زنجیری نشان وئر منه ، دیـــــوانه سی مندن

سن عاشقی یاندیرماقا ، من یانماقـــا مایــیل...

سن شمعینی گوستر، منه ، پروانه سی مندن

زولفون قدری ، عاشق اولان وار. سنه ای گل

سن سویله، اومجنونلاری ، افسانه سی مندن

سرمست گوزون، فتنه لبین ، نشئه لی باده

ایچدیرمنه ، اول بادنی – پیـــمانه سی مندن

سن ناز ایله گل كی ، صدفین، قیمتی آرتسین

كوزیاشی كیمی ،اینجیسی. دردانه سی،مندن

هردم گوتور،اوزدن. گوزه لیم، افعی لی زولفین

چك ظاهره، گنجینه نی – ویـــرانه سی مندن