Björgunarsveitin Tindur

07/06/2026

Björgunarsveitin Tindur óskar sjómönnum og fjölskyldum þeirra til hamingju með daginn🚢⚓️🚨

19/03/2026

Aðalfundur!

Aðalfundur Björgunarsveitarinnar Tinds mun fara fram í húsnæði okkar að Námuvegi 2 þann 13. Apríl.
Boðið verður uppá veitingar fyrir fund klukkan 18:30 og fundur hefst 19:30.
Dagskrá fundarins er hefðbundinn aðalfundarstörf.

15/03/2026

🚨⚠️Förum varlega⚠️🚨

Óvissustig er enn í gildi á Norðurlandi vegna snjóflóðahættu og hafa þó nokkur flóð fallið síðasta sólarhringinn á norðanverðum Tröllaskaga.

Á Ólafsfirði hafa fallið flóð úr nyrstu giljunum í Ósbrekkufjalli og náð yfir veg norðan við hesthúsabyggðina. Eitt af þessum flóðum er bara rétt norðan við hesthúsabyggðina.

Því hefur verið tekin ákvörðun um að loka Kleifavegi frá gatnamótunum við Ólafsfjarðarveg og banna aðgengi að hesthúsunum nema undir eftirliti og í samstarfi við lögregluna. Unnið er að útfærslu á því með eigendum hesthúsa á svæðinu.

Á Siglufirði hafa fallið flóð bæði úr Strengsgili og Jörundarskál og leiddi leiðgarðurinn þau áfram niður í tjörnina sunnan við bæinn án þess að nokkuð tjón yrði líkt og honum er ætlað.

Á Siglufirði viljum við vekja sérstaka athygli á því að komi til þess að snjóflóð falli í sjó fram úr Skollaskál, sem er handan fjarðarins á móti byggðinni, gæti sjávargangur valdið ursla í höfninni á Siglufirði og jafnvel náð uppá land.

Hvetjum við því fólk til að vera ekki að óþörfu á og við bryggjukantana á Siglufirði kæmi til þess að þetta myndi gerast.

Af gefnu tilefni viljum við líka vekja athygli fjallaskíðafólks, sem og öðrum sem eru á ferðinni um fjalllendi á þessu svæði, á því að óvissustig er í gildi vegna snjóflóðahættu á Norðurlandi og mat Veðurstofunnar að mikil hætta sé á snjóflóðum á svæðinu. Allar nánari upplýsingar má finna um það á síðu hennar.
https://gottvedur.is/snjoflod/kort/?zoom=9.14&lat=66.1375&lng=-18.9408&avalancheId=61276&mapType=avalanche-registrations&mapType=avalanche

Mynd þessi er tekin á Kleifavegi nú í morgun af flóðinu sem náði þar yfir veg.

05/01/2026

Minnum á opnunartíma á morgun/þrettándanum frá 14-16‼️🎇

31/12/2025

Förum varlega‼️

Tilkynning vegna sinuhættu! ⚠⚠

Slökkviliðsstjórar á öllu Norðurlandi biðla til fólks að fara afar varlega með skotelda og opinn eld í dag, Gamlársdag. Afar þurrt er í veðri, gróður á svæðinu er mjög þurr og því hætta á að ef eldur kemst í sinu getur að breiðst hratt út.

Fólk er beðið um að kveikja ekki eld nærri sinu, kjarri og háu grasi og ekki vera með flugelda þar sem hætta er á að glóð úr þeim geti komið af stað sinubruna.

31/12/2025

🎊FLUGELDASÝNING🎊

Við ætlum að minna fólk á hina árlegu flugeldasýningu🥳. Brennan hefst klukkan 20:00 og flugeldasýning klukkan 20:30!

‼️Besta útsýnið frá brennunni‼️

Hlökkum til að sjá sem flesta‼️

31/12/2025

HUGUM AÐ ÖRYGGINU‼️

Flugeldagleraugu fyrir alla fjölskylduna fást hjá flugeldasölu björgunarsveitanna.

30/12/2025

‼️INNKÖLLUN Á "RAKETTUPAKKA 2" VEGNA GALLA‼️

Slysavarnafélaginu Landsbjörg bárust í kvöld ábendingar um að galli væri í einhverjum rakettum sem seldar hafa verið í Rakettupakka 2.
Við prófun kom í ljós að einhverjar þeirra sprungu of snemma.

Því hefur verið tekin sú ákvörðun um að taka Rakettupakka 2 úr sölu og kalla inn þá pakka sem hafa verið seldir.
Þau sem hafa keypt Rakettupakka 2 eru hvött til að koma með hann á næsta sölustað og skipta honum út fyrir aðra vöru.
Hægt verður að skipta út pakkanum á morgun, gamlársdag, þar til sölustaðir loka, sem og á opnunartíma fyrir þrettándann.

Slysavarnafélaginu Landsbjörg þykir miður að viðskiptavinir verði fyrir óþægindum vegna þessa, en öryggi okkar allra þarf alltaf að vera í fyrirrúmi.