Náttúrufræðistofnun

20/08/2026

Starfsfólk Náttúrufræðistofnunar hefur unnið að margvíslegum rannsóknum í sumar, meðal annars leitað að uppruna elsta einis Íslands.

Starfsfólk Náttúrufræðistofnunar vann í sumar að rannsóknum á eini víðs vegar um landið. Verkefnið nefnist Elsti einir Íslands – uppruni, stofnbygging og vernd og er styrkt af rannsóknarsjóði Vegagerðarinnar.

13/08/2026

Niðurstöður fyrstu rannsóknar sinnar tegundar á Íslandi gefa ítarlega mynd af sveppagróum sem berast með lofti á landinu.

Niðurstöður nýrrar rannsóknar gefa í fyrsta sinn ítarlega mynd af sveppagróum sem berast með lofti á Íslandi. Loft var vaktað á Akureyri frá apríl til september 2024 og fundust í því 35 mismunandi gerðir sveppagróa.

11/08/2026

Ætlar þú að fylgjast með sólmyrkvanum? Taktu eftir því hvort breytingar verða á lífríkinu þegar myrkrið skellur á í þessa stuttu stund. Hætta fuglarnir að syngja? Byrja þeir aftur að syngja þegar birtir og hljómar söngurinn eins og fyrir almyrkvann? Rannsóknir benda til þess að breytingar verði á hegðun fugla við sólmyrkva, sjá t.d. https://www.nature.com/articles/s41598-025-94901-6
Ljósmynd af skógarþresti, Björn G. Arnarsson

31/07/2026

Náttúrufræðistofnun hefur verið samþykkt sem sendiherra Copernicus og er þar með fyrsta stofnunin á Íslandi sem hlýtur þá viðurkenningu innan EU Space Networks. Sem sendiherra Copernicus mun Náttúrufræðistofnun kynna þau gögn og þá þjónustu sem í boði eru, aðstoða notendur við að finna viðeigandi upplýsingar og styðja stofnanir og fyrirtæki sem vilja nýta fjarkönnunargögn í starfsemi sinni.

Náttúrufræðistofnun hefur verið samþykkt sem sendiherra Copernicus og er þar með fyrsta stofnunin á Íslandi sem hlýtur þá viðurkenningu innan EU Space Networks.

24/07/2026

🌿 Fyrsta sumarið í felti í verkefninu Mýralíf

Eftir mikinn undirbúning er vettvangsvinna hafin í Mýralífi (Peatland LIFEline), umfangsmiklu samstarfsverkefni um endurheimt votlendis á Íslandi.

Í sumar safna sérfræðingar grunngögnum um ástand þeirra svæða sem fyrirhugað er að endurheimta á næstu árum. Náttúrufræðistofnun leiðir vöktunarhluta verkefnisins og annast meðal annars vöktun á plöntum, vistgerðum og fuglum.

Í frétt á vef Mýralífs er sagt frá fyrstu skrefunum í vettvangsvinnunni og því hvernig vöktunin mun nýtast til að meta áhrif endurheimtarinnar á komandi árum.

(Peatland LIFEline) er umfangsmikið verkefni sem miðar að endurheimt votlendis og líffræðilegrar fjölbreytni á Íslandi.

23/07/2026

Ný rannsókn sem birt hefur verið í vísindaritinu Catena varpar nýju ljósi á uppruna og þróun Nautárdalsjökuls á Tröllaskaga.

Meðal höfunda er Skafti Brynjólfsson, jarðfræðingur hjá Náttúrufræðistofnun.

Ný rannsókn sem birt hefur verið í vísindaritinu Catena varpar nýju ljósi á uppruna og þróun Nautárdalsjökuls á Tröllaskaga.

22/07/2026

🌱 Myndasamkeppni Mýralífs – „Líf í mýri“

Lumar þú á ljósmynd, myndbandi eða hljóðupptöku sem fangar lífið í íslensku votlendi? Komdu við í mýri í sumar og athugaðu hvað þú finnur!

Mýralíf býður almenningi – áhugaljósmyndurum, náttúruunnendum og fagfólki – að taka þátt í myndasamkeppni til að vekja athygli á einstöku lífríki votlendis á Íslandi.

Þemað í ár: Líf í mýri

Þrír flokkar:

📷 Ljósmyndir
🎥 Myndbönd
🎧 Hljóð

Til að taka þátt, sendu efnið á [email protected] ásamt:

• nafni,
• titli verks,
• staðsetningu,
• og stuttri lýsingu á efninu.

📅 Skilafrestur er til 30. september 2026.

22/07/2026

Í sumar birtist grein í tímaritinu Journal of Chemical Ecology sem fjallar um hvernig innrauð litrófsgreining (FTIR) getur nýst til að greina hvaða plöntur og plöntuhluta rjúpur éta.

Ólafur K. Nielsen fuglafræðingur hjá Náttúrufræðistofnun er meðal höfunda greinarinnar.

Rannsókn sem birtist nýverið í tímaritinu Journal of Chemical Ecology sýnir að innrauð litrófsgreining (FTIR) getur nýst vel til að greina hvaða plöntur og plöntuhluta rjúpur éta.