27/05/2026
Heilsuleikskólinn Álfasteinn og Þelamerkurskóli hlutu á dögunum viðurkenningu Landverndar fyrir öflugt umhverfisstarf þegar Grænfáninn var afhentur skólunum við hátíðlega athöfn.
Heilsuleikskólinn Álfasteinn fékk Grænfánann afhentan í 9. sinn þann 21. maí á vorhátíð leikskólans. Guðrún Schmidt, fulltrúi Landverndar, afhenti fánann og flutti erindi fyrir börn, starfsfólk og aðra gesti hátíðarinnar. Þelamerkurskóli fékk Grænfánann afhentan í 5. sinn þann 10. apríl þar sem umhverfisráð skólans tók við fánanum þar sem þær Sigurlaug Arnardóttir og Borghildur Gunnarsdóttir frá Landvernd afhentu þeim hann.
Grænfáninn er alþjóðleg umhverfisviðurkenning sem staðfestir góðan ásetning og markvisst starf í þágu umhverfismála og sjálfbærni.
Grænfáninn er viðurkenning skólanna á sjálfbærni og umhverfisvitund
