Fiskistofa

07/06/2026

11/05/2026

Vorfundur Fiskistofu og Landhelgisgæslu Íslands fór fram í síðustu viku ⚓️

Á fundinum var farið yfir helstu sameiginlegu verkefni stofnananna og áherslur í eftirlitsstarfi. Meðal annars var rætt um:

🎣eftirlit með lax- og silungsveiði,
🛥️strandveiðar og,
🌊sjóeftirlit.

Fundir Fiskistofu og Landhelgisgæslu Íslands gegna mikilvægu hlutverki í samráði og samvinnu stofnananna. Við á Fiskistofu erum þakklát fyrir það góða og trausta samstarf sem hefur þróast í gegnum árin.

Landhelgisgæsla Íslands fagnar 100 ára afmæli sínu á árinu og af því tilefni hvetjum við áhugasama til að kynna sér helstu atburði í sögu stofnunarinnar í tímalínu á vef hennar.
Hlekkur í fyrsta kommenti 👇

05/05/2026

Þörf áminning frá Slysavarnafélagið Landsbjörg í upphafi strandveiða⚓️🛟

17/04/2026

Umsóknarfresti fyrir strandveiðileyfi er lokið ✅🛥️

Þegar þetta er skrifað hafa 792 leyfi verið veitt og 49 umsóknir enn í vinnslu 👏

Gengið hefur vel að vinna úr umsóknum en þau leyfi sem enn eru í vinnslu snúast að mestu um vöntun á staðfestingu á haffæri 🛟⚓️

Kerfið okkar sækir upplýsingarnar sjálfvirkt til Samgöngustofu sem getur haft áhrif á afgreiðslutíma ef upplýsingarnar liggja ekki fyrir.

Listi yfir veitt leyfi er aðgengilegur á gagnasíðum Fiskistofu og svo fá útgerðaraðilar auðvitað leyfið sent í stafræna pósthólfið á Ísland.is 📩

Hlekk á lista veittra leyfa má finna í fyrstu athugasemd 👇

09/04/2026

Breyting á reglugerð um strandveiðar 👌🛥️

Helstu breytingar eru:
⚓️hægt er að sækja um þótt skilyrði um haffærisskírteini séu ekki uppfyllt.
⚓️síðasti umsóknardagur er 15. apríl 2026.

Eflaust létta þessar breytingar lundina hjá einhverjum og því um að gera að skella inn umsókn fyrir lok 15. apríl og setja sig í gírinn fyrir komandi vertíð 🐟

Nánar má lesa um málið í tilkynningu á vef Fiskistofu og í frétt frá Innviðaráðuneytið á vef Stjórnarráðsins, hlekki má finna í kommentum ℹ️👇

24/03/2026

Lífið er grásleppa🐠

Margir grásleppusjómenn bíða spenntir eftir niðurstöðu marsralls Hafró þar sem niðurstöður geta aukið heildar veiðiheimildir í grásleppu 🤞

Hafró hefur nú birt frétt á síðu sinni þar sem kemur fram að rallinu sé að ljúka og von sé á niðurstöðu þess strax eftir páska 🔜

Við hvetjum því áhugasama að fylgjast með og lesa fréttina frá Hafró sem má finna í hlekk í fyrstu athugasemd 😉

19/03/2026

Fiskistofa tók þátt í starfamessu nú sem endranær. 👊Nemendum í 9. og 10. bekk í var boðið upp á að sækja sameiginlega starfskynningu, eða Starfamessu, í Háskólanum á Akureyri. Þar eru kynnt fyrir nemendum þau störf sem unnin eru innan fyrirtækja og stofnanna og hvaða færni eða menntun þarf til þess að vinna störfin. Það voru margir mættir í messu og mjög gaman, eins og sjá má á upplitinu á okkar fólki 😀, að taka á móti bæði nemendum og kennurum og gefa þeim smá innsýn inn í hvað við erum að gera á Fiskistofu.

27/02/2026

Sunnudagur til sælu og auðvitað líka til að sækja um strandveiðileyfi 👌🛥️

Sunnudaginn 1. mars næstkomandi verður opnað fyrir umsóknir um strandveiðileyfi.

Því er um að gera að koma sér í gírinn og athuga hvort allt sé ekki klárt fyrir komandi vertíð🐟

Nokkur atriði sem vert er að hafa í huga áður en sótt er um:

⚓️Skip þarf að vera skráð fiskiskip í skipaskrá Samgöngustofu.
⚓️Eingöngu er hægt að sækja um fyrir skip sem eru með haffæri.
⚓️Ekki er hægt að breyta veiðisvæði eftir að leyfi er gefið út.
⚓️Eignarhald eiganda og útgerðar skips verður að liggja fyrir
⚓️sá einstaklingur sem ætlar að róa skipinu:
✔️þarf að eiga meira en 50% í skipinu.
✔️þarf að eiga meira en 50% í þeim lögaðila sem á skipið sem sótt er um leyfi fyrir.

Frá mánudeginum 2. mars verðum við til taks fyrir umsækjendur og
við minnum á að umsóknarfrestur er rúmur eða til og með 14. apríl 😉

Allar nánari upplýsingar um skilyrði fyrir strandveiðileyfi ásamt hlekk á umsóknargáttina má finna í grein um strandveiðileyfi á vef Fiskistofu, hlekkur í fyrstur athugasemd ⤵️

10/02/2026

Ertu metnaðarfullur forritari❓

Þá ert þú mögulega aðilinn sem við erum að leita að í fullt starf á Akureyri 🙂

Allar nánari upplýsingar um hvað þarf til að verða partur af frábærum hóp forritara Fiskistofu, er að finna í auglýsingunni okkar á Starfatorgi ℹ️

Sæktu um fyrir 20. febrúar, hlekkur í fyrstu athugasemd 😉👇