Glerárskóli

Glerárskóli Þetta er fésbókarsíða Glerárskóla, sem miðlar upplýsingum af heimasíðu skólans.

Þriðjudaginn 9. júní fóru fram skólaslit og útskrift 10. bekkjar í Glerárskóla.Nemendur á yngsta- og miðstigi komu saman...
11/06/2026

Þriðjudaginn 9. júní fóru fram skólaslit og útskrift 10. bekkjar í Glerárskóla.

Nemendur á yngsta- og miðstigi komu saman til skólaslita um morguninn í blíðskaparveðri. Hrafnhildur Guðjónsdóttir, deildarstjóri og staðgengill skólastjóra, stýrði athöfninni og ræddi meðal annars um mikilvægi lesturs, góðra samskipta og þess að leggja sig ávallt fram við að gera sitt besta. Að loknum skólaslitum fóru nemendur til umsjónarkennara sinna ásamt foreldrum og forráðamönnum þar sem þeir fengu afhentan vitnisburð skólaársins.

Skólaslit unglingastigs og útskrift 10. bekkinga fóru fram í Glerárkirkju síðdegis. Eyrún Skúladóttir skólastjóri fór yfir liðið skólaár og sagði frá því faglega og metnaðarfulla starfi sem fram fer innan veggja Glerárskóla á hverjum degi.

Fannar Breki Kárason, sem útskrifaðist úr Glerárskóla fyrir fimm árum, flutti ávarp þar sem hann hvatti útskriftarnema til þrautseigju og ræddi mikilvægi þess að halda áfram, prófa sig áfram og læra af reynslunni.

Fyrir hönd útskriftarnema fluttu Ísabella Jóhannsdóttir, Una Björk Viðarsdóttir og Hrafn Leví Þórðarson ávarp þar sem þau rifjuðu upp skólagöngu síðustu tíu ára á skemmtilegan og líflegan hátt. Þá ávörpuðu Arna Ýr Guðmundsdóttir og Ragnar Logi Búason, umsjónarkennarar 10. bekkjar, útskriftarhópinn við mikla kátínu og gleði viðstaddra.

Við skólaslitin voru veittar viðurkenningar fyrir góðan námsárangur. Elva Ósk Jónsdóttir og Maísól Anna Kristínardóttir Guðmundsdóttir hlutu viðurkenningu fyrir bestan námsárangur í 8. bekk, Sara Millý Heiðarsdóttir fyrir bestan námsárangur í 9. bekk og Jökull Máni Kárason og Una Björk Viðarsdóttir fyrir bestan námsárangur í 10. bekk. Amanda Sól Davíðsdóttir hlaut viðurkenningu frá danska sendiráðinu fyrir framúrskarandi árangur í dönsku.

Ísabella Jóhannsdóttir hlaut viðurkenningu frá Foreldrafélagi Glerárskóla fyrir að vera góður félagi. Verðlaunin eru veitt árlega nemanda sem stuðlar að samkennd, virðingu og umhyggju í samskiptum við aðra. Viðurkenningu fyrir framúrskarandi störf í þágu félagsmála hlaut Hrafn Leví Þórðarson.

Í ár voru Sölluverðlaunin veitt í fyrsta sinn. Þau eru veitt nemendum sem skara fram úr fyrir gott viðmót, kurteisi, góða umgengni og almenna góðmennsku. Að þessu sinni hlutu Alvilda Guðrún Ólafsdóttir og Sveinn Ármann Lárusson verðlaunin.

Útskrift nemenda er ávallt stór áfangi og mikilvæg tímamót. Við horfum stolt á þann árangur sem nemendur okkar hafa náð og þökkum þeim fyrir samfylgdina í gegnum árin.

08/06/2026

Skólaslit í Glerárskóla fara fram þriðjudaginn 9. júní 2026. Nemendur mæta á mismunandi tímum eftir bekkjum og hefst sumarfrí að loknum skólaslitum.

Nemendur í 1.–7. bekk mæta í heimastofur þar sem umsjónarkennarar taka á móti þeim. Þaðan verður gengið í röð í íþróttasal eða út í gryfjuna austan við skólann, eftir því sem veður leyfir, þar sem formleg skólaslit fara fram. Að athöfn lokinni fara nemendur aftur í heimastofur þar sem vitnisburður er afhentur.

Skólaslit 8.–10. bekkjar verða í Glerárkirkju sama dag kl. 17:00. Að lokinni athöfn er 10. bekk, ásamt forráðamönnum og starfsfólki, boðið í kaffi og kökur í safnaðarheimili kirkjunnar.

Tímasetningar skólaslita:
Kl. 8:15 – 1.–4. bekkur
Kl. 9:15 – 5.–7. bekkur
Kl. 17:00 – 8.–10. bekkur

Í Glerárskóla hefur verið unnið ötullega að umhverfismálum síðustu ár og þeirri vegferð verður haldið áfram. Umhverfismá...
05/06/2026

Í Glerárskóla hefur verið unnið ötullega að umhverfismálum síðustu ár og þeirri vegferð verður haldið áfram. Umhverfismál eru mikilvægur hluti af skólastarfinu og grænfánaverkefnið styður við það starf. Skólinn hefur flaggað Grænfánanum frá 12. september 2008 og síðastliðinn þriðjudag fengum við fánann afhentan í áttunda sinn við hátíðlega athöfn. Að afhendingu lokinni var haldinn söngsalur þar sem 10. bekkur stýrði söng og skapaði góða stemningu.

Dagana 3. og 4. júní fóru fram þemadagar í skólanum. Þemað að þessu sinni var lýðheilsa og umhverfismál sem tengist einstaklega vel einkunnarorðum skólans: hugur, hönd og heilbrigði. Nemendur unnu fjölbreytt verkefni sem ýttu undir hreyfingu, sköpun, samvinnu og umhverfisvitund. Verkefnin voru unnin vítt og breitt um skólann og skólalóðina auk þess sem ein stöðin var í nærumhverfi skólans, Kvenfélagslundinum. Meðal verkefna sem nemendur unnu voru:

Endurnýja tröppur niður í Kvenfélagslund
- Poppa yfir eldi
- Jóga og slökun
- Endurnýja umhverfissáttmála skólans
- Loftslagsbingó
- Búa til blómapotta úr mjólkurfernum
- Mála útileiki og listaverk á gangstéttina
- Ljósmyndasamkeppni

Þemadagarnir tókust afar vel og nemendur sýndu mikinn áhuga og gleði.

Næstu daga verður líf og fjör í skólanum því miðvikudaginn 3. júní og fimmtudaginn 4. júní fara fram þemadagar. Kennsla ...
02/06/2026

Næstu daga verður líf og fjör í skólanum því miðvikudaginn 3. júní og fimmtudaginn 4. júní fara fram þemadagar. Kennsla stendur frá kl. 8:15–12:00 en gæsla er fyrir nemendur í 1.–4. bekk til kl. 13:15. Eftir það tekur Frístund við hjá þeim sem þar eru skráðir.

Þema daganna að þessu sinni er Lýðheilsa og umhverfi. Nemendur vinna saman í hópum eftir stigum: 1.–4. bekkur, 5.–7. bekkur og 8.–10. bekkur. Verkefnin eru fjölbreytt og fara fram bæði inni og úti. Við minnum því á að nemendur þurfa að klæða sig eftir veðri. List- og verkgreinakennarar skólans hafa séð um utanumhald þemadaganna og má búast við skapandi og fræðandi verkefnum sem efla lykilhæfni nemenda.

Föstudagurinn 5. júní og mánudagurinn 8. júní eru uppbrotsdagar. Þá vinna nemendur að fjölbreyttum verkefnum, aðallega utandyra, sem styrkja samvinnu, samskipti og hugmyndaauðgi. Þessir tveir dagar eru til kl. 13:15 og að þeim loknum tekur Frístund við hjá skráðum nemendum.

Grunnskólamót UFA.Síðasta vika var sannkölluð íþróttavika hjá nemendum okkar í 4.–7. bekk en þau tóku þátt í frjálsíþrót...
02/06/2026

Grunnskólamót UFA.

Síðasta vika var sannkölluð íþróttavika hjá nemendum okkar í 4.–7. bekk en þau tóku þátt í frjálsíþróttamóti á vegum Ungmennafélags Akureyrar þar sem keppt var við nemendur úr öðrum skólum á Akureyri. Keppt var í spretthlaupi, langstökki, boðhlaupi og reipitogi.

Mótið var bæði einstaklings- og liðakeppni. Nemendur í 4. bekk tóku þátt í sínu fyrsta móti og stóðu sig afar vel. Þau sigruðu í liðakeppninni og ríkti mikil gleði í hópnum yfir þeim árangri. Nemendur í 5.-7. bekk náðu einnig góðum árangri í ýmsum greinum. Tíu efstu keppendurnir í hverri grein fengu viðurkenningarskjal og boð um að æfa frítt með UFA í einn mánuð.

Vorhátíð Glerárskóla og Foreldrafélags Glerárskóla verður haldin á morgun, föstudaginn 29. maí, kl. 11:30 – 13:00. Í boð...
28/05/2026

Vorhátíð Glerárskóla og Foreldrafélags Glerárskóla verður haldin á morgun, föstudaginn 29. maí, kl. 11:30 – 13:00. Í boði verður að taka þátt í alls kyns skemmtun s.s. andlitsmálningu, krítarteikningu, fullt af skemmtilegum leikjum og þrautum, sápukúlugerð og pílukasti svo eitthvað sé nefnt. Grillaðar verða pylsur og boðið upp á ís í eftirrétt.

Foreldrar og forráðamenn nemenda eru hvattir til að koma gangandi eða hjólandi þar sem takmörkuð bílastæði eru við skólann.

Krakkarnir í 6. bekk eru Glerárskólameistarar í lestri skólaárið 2025–2026.Lestur er ein mikilvægasta undirstaða náms og...
27/05/2026

Krakkarnir í 6. bekk eru Glerárskólameistarar í lestri skólaárið 2025–2026.

Lestur er ein mikilvægasta undirstaða náms og þroska barna. Með góðri lestrarfærni efla nemendur m.a. orðaforða sinn, lesskilning og ímyndunarafl auk þess sem lestur styrkir sjálfstæði og sjálfstraust í námi. Í Glerárskóla leggjum við mikla áherslu á að hvetja nemendur til lesturs og gerum lestri hátt undir höfði í daglegu skólastarfi.

Hefð er fyrir því að halda reglulega lestrarátök í skólanum og er einu slíku nú nýlokið. Að þessu sinni stóð átakið yfir í heilan mánuð þar sem bekkir skólans kepptu sín á milli um að lesa í sem flestar mínútur. Nemendur skráðu lestrartíma sinn bæði heima og í skóla og sýndu mörg þeirra einstaklega mikinn dugnað og áhuga á lestri.

Að þessu sinni voru það nemendur í 6. bekk sem báru sigur úr býtum. Hver nemandi í 6. bekk las að meðaltali í um 811 mínútur á meðan lestrarátakið stóð yfir sem er frábær árangur. Krakkarnir í 6. bekk eru því Glerárskólameistarar í lestri skólaárið 2025–2026 en með sigrinum vörðu þau titilinn því þau stóðu einnig uppi sem sigurvegarar á síðasta skólaári.

Við óskum 6. bekk innilega til hamingju með glæsilegan árangur og þökkum öllum nemendum fyrir þátttökuna og þann metnað sem þau sýndu í lestrinum.

22/05/2026

𝐌𝐣𝐨̈𝐠 𝐥𝐨̈𝐧𝐠 𝐡𝐞𝐥𝐠𝐢 𝐟𝐫𝐚𝐦 𝐮𝐧𝐝𝐚𝐧 – 𝐬𝐤𝐨́𝐥𝐢 𝐧æ𝐬𝐭 𝐚́ miðvik𝐮𝐝𝐚𝐠𝐢𝐧𝐧

Hvítasunnuhelgin er framundan og á mánudaginn er annar í hvítasunnu og þá er skólafrí. Síðan kemur skipulagsdagur hjá starfsólkinu á þriðjudaginn. Við mætum því glöð og kát í skólann miðvikudaginn 27. maí.

Á morgun, fimmtudaginn 13. maí, er skólafrí en þá er uppstigningardagur. Við fögnum frídeginum en ef til vill vita ekki ...
13/05/2026

Á morgun, fimmtudaginn 13. maí, er skólafrí en þá er uppstigningardagur. Við fögnum frídeginum en ef til vill vita ekki allir hvað þetta undarlega orð „uppstigningardagur“ merkir.
Daginn ber ávallt upp á fimmtudag og er 40 dögum eftir páskadag og markar enda á þeim tíma sem Jesú spígsporaði á jörðunni eftir upprisuna á páskadag. Þetta langa orð sem mörgum finnst erfitt að bera fram og skilja merkir að stíga upp, í merkingunni að stíga upp til himna.
Í mörgum málum, meðal annars í dönsku sem nemendur Glerárskóla læra, er orðið mun gegnsærra og skiljanlegra. Meðan við segjum uppstigningardagur segja Danir einfaldlega himmelfartsdag, eða himnafarardagur sem mörgum finnst betra en orðið sem við notum.
En það er sem sagt frí á morgun og við skulum öll njóta þess. Við sjáumst síðan á föstudaginn.

𝙆𝙤𝙡𝙡𝙪𝙧𝙞𝙣𝙣 𝙨𝙠𝙞𝙥𝙩𝙞𝙧 𝙤̈𝙡𝙡𝙪 𝙢𝙖́𝙡𝙞Það hjólar enginn án þess að vera með hjálm, er það nokkuð? Hjálmurinn verndar höfuðið og g...
08/05/2026

𝙆𝙤𝙡𝙡𝙪𝙧𝙞𝙣𝙣 𝙨𝙠𝙞𝙥𝙩𝙞𝙧 𝙤̈𝙡𝙡𝙪 𝙢𝙖́𝙡𝙞
Það hjólar enginn án þess að vera með hjálm, er það nokkuð? Hjálmurinn verndar höfuðið og getur hreinlega bjargað lífi okkar.
Þetta vitum við og krakkarnir í fyrsta bekk fengu í vikunni kennslu um mikilvægi hjálmsins og hvernig á að stilla hann. Í heimsókn komu félagar í Kiwanisklúbbnum Kaldbaki færandi hendi. Hver og einn nemandi fékk splunkunýjan og flottan hjálm sem krakkarnir ætla alltaf að nota þegar þeir fara út að hjóla.
Á meðfylgjandi mynd má sjá krakkana hampa hjálmunum sínum.

Address

V/Höfðahlíð
Akureyri
603

Telephone

461 2666

Website

Alerts

Be the first to know and let us send you an email when Glerárskóli posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Glerárskóli:

Shortcuts

Share

Category