17/06/2026
🇮🇸 Gleðilega þjóðhátíð 🇮🇸
Í dag, 17. júní, fögnum við lýðræðinu, sjálfstæðinu og þeim réttindum sem forfeður okkar og formæður börðust fyrir. Höldum áfram að berjast fyrir almannahagsmunum og segjum já 29.ágúst.
Við Íslendingar stöndum nú á tímamótum og fram undan eru mikilvægar ákvarðanir um framtíð landsins.
Ísland missir ekki sjálfstæði sitt við inngöngu í Evrópusambandið. Það sem breytist er hvernig við tökum þátt í mótun þeirra reglna og ákvarðana sem hafa áhrif á okkur. Í dag innleiðum við stóran hluta evrópsks regluverks án þess að eiga sæti við borðið. Með aðild fengjum við formlega rödd og atkvæði í þeirri sameiginlegu ákvarðanatöku.
Þann 29. ágúst eigum við að ganga stolt til kosninga og nýta lýðræðislegan rétt okkar. Að segja já er ekki skuldbinding um inngöngu. Já er heimild til íslenskra stjórnvalda til að hefja viðræður og kanna hvaða kjör standa Íslandi til boða. Aðeins að loknum samningaviðræðum mun þjóðin sjálf fá að taka endanlega ákvörðun.
Lýðræði byggist á því að þora að horfa fram á veginn, skoða valkosti af opnum huga, afla upplýsinga og kjósa stolt fyrir bjartari framtíð Íslands.
🎉🇮🇸🎈 Gleðilegan 17. júní og njótum þess að fagna lýðræðinu með því að þora og taka þátt í því.
