Á-listinn Rangárþingi ytra

21/08/2026

Vegna vinnu Landsnets við háspennuvirkið á Hellu verður rafmagnslaust í Rangárþingi Ytra aðfaranótt 25. ágúst 2026 frá kl 00:10 - 04:10. https://www.rarik.is/tilkynningar

20/08/2026

Bókun Húsakynna bs. vegna framkvæmda við Laugalandsskóla:

"Stjórn Húsakynna bs. fór yfir stöðu framkvæmda og viðhalds við eldra skólahúsnæði á Laugalandi.

Framkvæmdir við fyrsta áfanga endurbóta hafa reynst umfangsmeiri en upphaflegar áætlanir gerðu ráð fyrir og er fyrirséð að kostnaður við áfangann verði umfram fjárhagsáætlun. Við framkvæmd verksins hefur komið í ljós að ástand hússins var að ýmsu leyti verra en unnt var að sjá fyrir við gerð upphaflegrar kostnaðaráætlunar. Nauðsynlegt hefur því reynst að ráðast í viðbótarviðgerðir og endurbætur sem ekki voru hluti af upphaflegri verkáætlun en mikilvægt var að framkvæma samhliða verkinu.

Ljóst er að óska þarf eftir viðauka við fjárhagsáætlun til þess að mæta auknum kostnaði. Á næsta fundi stjórnar Húsakynna sem áætlaður er þriðjudaginn 8. september verður tekin fyrir uppfærð áætlun.

Um er að ræða fyrsta áfanga í fyrirhuguðum heildarendurbótum á húsnæðinu. Samhliða framkvæmdum hefur farið fram töluverð hönnunar- og undirbúningsvinna sem nýtist áfram við næstu áfanga og skapar betri forsendur fyrir kostnaðarmati og framkvæmd þeirra.

Stjórnin leggur áherslu á að reynslan af fyrsta áfanga verði nýtt við áframhaldandi undirbúning verkefnisins. Áður en ráðist verður í næstu áfanga verði lögð fram uppfærð heildaráætlun um framkvæmdir, áfangaskiptingu og kostnað, þar sem tekið verði mið af þeirri þekkingu á ástandi hússins sem nú liggur fyrir.

Stjórnin telur mikilvægt að nauðsynlegum endurbótum á húsnæðinu verði haldið áfram með skipulögðum hætti þannig að tryggt verði að húsnæðið uppfylli þær kröfur sem gerðar eru til starfseminnar til framtíðar."

18/08/2026

Var ekki gaman um helgina? 🤩

Töðugjöld 2026 fóru fram í Rangárþingi ytra dagana 11.–16. ágúst og óhætt er að segja að hátíðin hafi tekist með eindæmum vel. Veðrið lék við hátíðargesti alla dagana og góð þátttaka var í fjölbreyttri dagskrá víðs vegar um sveitarfélagið. Hátíðin hófst með...

18/08/2026

Sterkara utanumhald um skólamálin í samræmi við áherslur Á-listans

Reynir Jónsson hefur verið ráðinn verkefnastjóri fræðslumála hjá Odda bs. og tekur til starfa 1. september.

Fyrir sveitarstjórnarkosningarnar í vor lagði Á-listinn sérstaka áherslu á sterkt skólastarf og jöfn tækifæri fyrir börn. Þar lögðum við meðal annars áherslu á að hvert barn fengi þjónustu og kennslu miðað við sínar þarfir, öfluga stoðþjónustu og sérkennslu, öflugt faglegt starf og markvissa innleiðingu laga um farsæld barna.

Til þess að þær áherslur verði að veruleika þarf ekki aðeins gott skólahúsnæði heldur líka öflugt faglegt utanumhald. Markmiðið okkar er að skapa eins góða umgjörð og mögulegt er fyrir börnin okkar, starfsfólk skólanna og fjölskyldur í sveitarfélaginu.

Oddi bs. rekur leik- og grunnskóla með um 400 nemendum og rúmlega 140 starfsmönnum. Með nýju starfi verkefnastjóra fræðslumála er verið að styrkja stjórnun og samhæfingu skólamálanna, styðja betur við skólastjórnendur, efla gæðastarf og skapa meiri yfirsýn yfir þann mikilvæga málaflokk sem fræðslumálin eru.

Þetta er því eðlilegt næsta skref í þeirri uppbyggingu sem Á-listinn hefur lagt áherslu á, að góðar byggingar og öflugir innviðir fari saman við metnaðarfullt innra starf skólanna.

Við bjóðum Reyni velkominn til starfa og óskum honum velfarnaðar í mikilvægu verkefni.

Reynir Jónsson hefur verið ráðinn verkefnastjóri fræðslumála hjá Odda bs. og hefur hann störf 1. september næstkomandi.

12/08/2026

Fundur sveitarstjórnar í beinni útsendingu kl. 08:15.

08/08/2026

Rangárþing ytra flaggar regnbogafánanum í tilefni Hinsegin daga. 🏳️‍🌈

Með því vill sveitarfélagið sýna stuðning við fjölbreytileika, jafnrétti og það mikilvæga markmið að samfélagið okkar sé gott og öruggt fyrir alla - óháð kynhneigð, kynvitund, kyntjáningu eða kyneinkennum.

Gleðilega Hinsegin daga!

07/08/2026

Það er ánægjulegt að sjá þá bjartsýni og þann framkvæmdavilja sem nú ríkir í landbúnaði í Rangárþingi ytra. 🌱🐄

Skipulags- og umferðarnefnd hefur tekið fyrir áform um byggingu nýs 3.706 m² fjóss á Bjólu, þar sem gert er ráð fyrir mjög nútímalegum búnaði, meðal annars fjórum mjaltaróbotum og sjálfvirkum fóðrunarkerfum.

Slík fjárfesting er skýr vísbending um trú á framtíð landbúnaðarins og vilja til að byggja áfram upp öflugan rekstur í sveitum sveitarfélagsins.

Á-listinn hefur lagt áherslu á að skapa góð skilyrði fyrir atvinnuuppbyggingu, fjölbreytt störf og blómstrandi dreifbýli. Öflugur landbúnaður er þar lykilþáttur og skiptir miklu fyrir atvinnulíf, byggðafestu og samfélagið allt ✅

Við viljum áfram styðja við fólk sem þorir að fjárfesta, byggja upp og horfa fram á veginn í Rangárþingi ytra.

07/08/2026

Betra aðgengi að upplýsingum og aukið gagnsæi ✅

Í fundargerðum er nú hægt að smella á málsnúmer einstakra mála og sjá á einum stað sögu málsins, hvar það hefur áður verið tekið fyrir og hvernig því hefur verið fylgt eftir.

Einnig er hægt að vakta einstök málsnúmer og fá tilkynningu þegar viðkomandi mál kemur aftur til umfjöllunar á fundi. Þannig verður mun auðveldara fyrir íbúa og aðra hagsmunaaðila að fylgjast með þeim málum sem þeir hafa sérstakan áhuga á.

Á-listinn hefur lagt ríka áherslu á skýrt upplýsingaflæði, gott aðgengi að fundargögnum, aðgengilega heimasíðu og gagnsæja afgreiðslu erinda. Þessi nýjung er því enn eitt skrefið í þá átt að gera stjórnsýslu sveitarfélagsins opnari, aðgengilegri og auðveldari fyrir íbúa að fylgjast með.

31/07/2026

⚽ Tvö ný varamannaskýli komin á sinn stað!

Uppbyggingin við gervigrasvöllinn á Hellu heldur áfram. Tvö ný og vönduð varamannaskýli hafa nú verið sett niður við völlinn og bæta þau verulega aðstöðu leikmanna og þjálfara.

Uppbyggingunni við völlinn er ekki lokið - en þetta er enn eitt skrefið í áframhaldandi uppbyggingu innviða við völlinn. Unnið verður áfram markvisst að frágangi og frekari uppbyggingu svæðisins með það að markmiði að skapa fyrsta flokks aðstöðu fyrir iðkendur Knattspyrnufélag Rangæinga, þjálfara og gesti.

Hvert skref skiptir máli - og framtíðin er björt í Rangárþingi! 💪⚽

26/07/2026

Framkvæmdir hafa gengið vel og eru samkvæmt áætlun. Gert er ráð fyrir að byggingin verði fokheld fyrir áramót og að nýr leikskóli taki til starfa um áramótin 2027–2028. Meðfylgjandi myndir sýna uppsetningu fyrstu veggeininganna ásamt yfirlitsmyndum af framkvæmdasvæðinu.

Gert er ráð fyrir að nýr leikskóli taki til starfa um áramótin 2027-2028.