Á-listinn Rangárþingi ytra

06/06/2026

Frábærar fréttir af Rökkva Hljómi Kristjánssyni frá Hólum í Rangárþingi ytra, sem lauk búfræðiprófi með glæsilegum árangri, 9,41 í einkunn.
Rökkvi hlaut jafnframt viðurkenningar fyrir framúrskarandi árangur í náminu.

Innilega til hamingju, Rökkvi Hljómur! 👏🌾

Brautskráning Landbúnaðarháskóla Íslands fór fram í dag, 5. júní, á Hvanneyri við hátíðlega athöfn. Rökkvi Hljómur Kristjánsson rakaði til sín verðlaunum fyrir frábæran árangur, en hann lauk búfræðiprófi með glæsilega einkunn, 9,41.

05/06/2026

Nýji leikskólinn á Hellu tekur á sig mynd

Framkvæmdir við nýjan leikskóla á Hellu eru nú komnar á skrið. Eins og sjá má á myndinni er unnið að sökklum hússins þessa dagana, en byggingin verður reist á steyptum undirstöðum og forsteyptum einingum. Gert er ráð fyrir að vinnu við sökkla ljúki um miðjan júní.

Nýji leikskólinn verður 8 deilda með rými fyrir um 160 börn og aðstöðu fyrir 40–50 starfsmenn.

Á fundi Framkvæmda- og eignanefndar í mars síðastliðnum kom fram að Steypustöðin hefði átt lægsta tilboð í burðarvirki leikskólans, að fjárhæð 366.732.289 kr.

27/05/2026

Byggðarráð samþykkti samhljóða í dag að gefa út framkvæmdaleyfi vegna nýrrar vinnsluholu í Kaldárholti. Heitavatnskerfið hefur verið undir miklu álagi undanfarin ár, sérstaklega í kuldaköstum, og þörfin fyrir heitt vatn heldur áfram að aukast.

Ný hola í Kaldárholti er því mikilvægt skref til að styrkja hitaveituna, auka afhendingaröryggi og skapa betri forsendur fyrir áframhaldandi uppbyggingu á svæðinu.

Hitaveita Rangæinga var formlega stofnuð árið 1981 en Orkuveita Reykjavíkur keypti hana árið 2005. Fjórar vinnsluholur eru tengdar veitunni, tvær að Laugalandi í Holtum og tvær í Kaldárholti. Hitaveitan þjónar Ásahreppi, Hellu, Hvolsvelli, Gunnarsholti og
byggðum meðfram stofnæð veitunnar frá Kaldárholti.

Forðastaða Rangárveitu stendur mjög tæpt og hefur gert það í nokkur ár. Á síðustu árum hefur það gerst nokkrum sinnum að loka hefur þurft sundlaugum á veitusvæðinu vegna vatnsskorts í kuldaköstum og vísbendingar eru um að hlutar kerfisins hafi verið sveltir, þ.e. að þrýstingur hafi ekki verið nægur í kuldaköstum til að halda fullum hita á húsum þó að almennir notendur hafi ekki upplifað vatnsleysi.

Tvö gjörólík vinnslusvæði eru nýtt fyrir veituna, Laugaland og Kaldárholt. Laugaland er heitt (95 °C) en mjög tregt og þolir ekki mikið meiri vinnslu en um 20 l/s yfir árið. Jarðhitakerfið í Kaldárholti er aftur á móti umtalsvert kaldara eða um 65 °C en það er mjög gæft. Vegna þessa lága hitastigs er ekki æskilegt að auka aflgetu veitunnar með því að finna heitara vatn en það sem finna má í Kaldárholti. Í því skyni var boruð rannsóknarhola á Laugalandi árið 2025 en sú hola reyndist ekki gæf.

Þá stendur yfir jarðhitaleit á þremur svæðum í veitunni þar sem vonir standa til að finna megi heitara vatn Borholur í Kaldárholti, Rangárþingi ytra en í Kaldárholti. Þar sem þessar rannsóknir eru á byrjunarreit og óvíst um árangur er ný vinnsluhola í Kaldárholti eini „öruggi“ kosturinn til að bæta úr forðastöðu veitunnar.

22/05/2026

Áfram unnið að lágvöruverðsverslun á Hellu
---
Skipulags- og umferðarnefnd tók í gær fyrir tillögu að deiliskipulagi fyrir Faxaflatir 4 - þar sem komin er viljayfirlýsing um uppbyggingu og rekstur lágvöruverðsverslunar.

Nefndin hefur áður lagt skýra áherslu á að forsendur um slíkan rekstur eigi að koma fram í skipulagsskilmálum og að uppbygging á lóðinni verði sett fram með skýrum og raunhæfum hætti.

Í þeim gögnum sem lögð voru fyrir fund í gær telur nefndin að gera þurfi betur grein fyrir því hvernig tryggja eigi þessa uppbyggingu, auk þess sem kallað er eftir skýrari upplýsingum um áfangaskiptingu og tímasetningu framkvæmda.

Málinu er því vísað í skýrari farveg áður en lengra er haldið. Með því er verið að fylgja eftir fyrri ákvörðunum sveitarstjórnar og tryggja að málið verði unnið áfram á traustum grunni, með betri yfirsýn og auknum líkum á farsælli niðurstöðu fyrir íbúa sveitarfélagsins.

18/05/2026

Kærar þakkir til stjórnenda og starfsfólks Reykjagarðs sem komu færandi hendi á kjördag með úrvals kjúkling úr héraði.

Kjúklingurinn var í boði fyrir gesti og gangandi í kosningakaffi Á-listans og á kosningavöku um kvöldið og vakti mikla lukku.

Reykjagarður er stærsti einstaki atvinnurekandinn í Rangárþingi ytra og við hlökkum til áframhaldandi góðs samstarfs á komandi árum.

Á myndinni eru Björgvin Bjarnason, framleiðslustjóri kjötvinnslu á Hellu, Gísli Stefánsson, verk- og fagþróunarstjóri kjötvinnslu á Hellu, og Eggert Valur Guðmundsson, oddviti sveitarstjórnar Rangárþings ytra.

17/05/2026

Í sumar verður boðið upp á fjölbreytt leikjanámskeið á Hellu fyrir yngstu börn grunnskóla. Þar verður lögð áhersla á leiki, hreyfingu, sundferðir, útivist og skemmtileg verkefni í öruggu og lifandi umhverfi.

Námskeiðið hefst 8. júní, stendur yfir í fjórar vikur og skráning fer fram í Abler.

Nánari upplýsingar hér:

📅 Hefst 8. júní 2026🕘 Námskeið kl. 09:00–12:00🕑 Hægt að vera til kl. 14:00🧸 Gæsla í boði frá kl. 08:30📍 Hella📆 Námskeiðið stendur yfir í 4 vikur

17/05/2026

Takk fyrir traustið - áfram fyrir Rangárþing ytra
---
Á-listinn sigraði sveitarstjórnarkosningarnar í Rangárþingi ytra 2026, jók fylgi sitt og hélt hreinum meirihluta.

Við viljum fyrst og fremst þakka íbúum Rangárþings ytra fyrir það mikla traust sem listanum var sýnt. Við erum auðmjúk og þakklát fyrir niðurstöðuna. Á-listinn fékk endurnýjað umboð til að halda áfram á þeirri braut sem mörkuð hefur verið á undanförnum árum.

Þessi sigur vannst með góðri vinnu, samheldni, trú á verkefnið og einlægum vilja til að vinna fyrir íbúa sveitarfélagsins alls. Við viljum þakka öllum frambjóðendum Á-listans fyrir drengilega, öfluga og ómetanlega vinnu.

Við þökkum líka sérstaklega okkar vaxandi baklandi, stuðningsfólki og öllum þeim sem lögðu sitt af mörkum í kosningabaráttunni. Þetta skiptir öllu máli.

Við þökkum öðrum framboðum fyrir þeirra þátt og miklu baráttu. Við völdum að tala um málefnin, verkin og framtíðina - og íbúar tóku skýra afstöðu með slíkum vinnubrögðum.

Nú tekur við áframhaldandi vinna fyrir Rangárþing ytra. Við göngum til hennar af ábyrgð og auðmýkt.

Takk fyrir traustið.
Takk fyrir stuðninginn.
Áfram Á-listinn.

Áfram fyrir Rangárþing ytra.

16/05/2026

Verið hjartanlega velkomin í heimabakað á kosningaskrifstofunni okkar! 😍

16/05/2026

Góðan daginn kæru íbúar. Í dag göngum við til kosninga og veljum sveitarstjórn til næstu fjögurra ára. Við hvetjum alla íbúa Rangárþings ytra til að nýta kosningaréttinn - hann er dýrmætur og hvert atkvæði skiptir máli.

Á-listinn óskar eftir umboði til að halda áfram þeirri uppbyggingu sem hafin er, standa vörð um traustan rekstur og vinna áfram að góðu samfélagi fyrir alla íbúa.

Setjum X við Á í dag - Byggjum upp og bætum samfélagið 🇮🇸

15/05/2026

Á morgun göngum við til kosninga og veljum nýja sveitarstjórn til næstu fjögurra ára.

Á-listinn skilar sveitarfélaginu okkar í góðri stöðu inn í næsta kjörtímabil og við erum stolt af þeim verkum sem unnin hafa verið undanfarin ár.

Við viljum þakka öllum þeim sem við höfum hitt á undanförnum dögum og vikum kærlega fyrir góðar móttökur, málefnalegar spurningar og uppbyggileg samtöl.

Kosningakaffið okkar verður á kosningaskrifstofu Á-listans að Ægissíðu 4, í gömlu trésmiðjunni Rangá, frá kl. 10:00 á kjördag.

Öll hjartanlega velkomin í kaffi, kökur og gott spjall.

Setjum X við Á á kjördag ✊