Hjálparsveit skáta í Kópavogi

02/06/2026

Föstudaginn 29. maí sl. æfðu félagar Hjálparsveitar skáta í Kópavogi með flugdeild Landhelgisgæslunnar. Lagt var úr höfn í Kópavogi síðdegis og fór æfingin fram á sjó við fínar aðstæður.

Á æfingunni voru framkvæmdar alls 11 hífingar úr sjó, þar sem æfð voru samskipti, samhæfing og verklag við björgunaraðgerðir úr lofti og af sjó.

Við þökkum Landhelgisgæslunni kærlega fyrir samstarfið og dýrmæta æfingu sem eykur færni og viðbúnað allra þátttakenda.

20/05/2026

Þriðjudagskvöld eru vinnukvöld hjá HSSK

Í gær var sérstaklega fjölmennt vinnukvöld hjá okkur þegar um 40 félagar mættu á endurmenntun í fyrstu hjálp 👏 Það er dýrmætt að sjá þann kraft og áhuga sem býr í félagahópnum okkar.

Það var öryggis- og sjúkraráð sveitarinnar sem bauð upp á endurmenntunina og var tekin góð upprifjun í fyrstu hjálp.
Að auki voru allar sjúkratöskur sveitarinnar yfirfarnar og fengu félagar tækifæri til þess að handleika búnaðinn, kynna sér innihaldið betur og ræða notkun hans við mismunandi aðstæður.

Samhliða þessu var unnið í viðgerðum á bílum, verkefnum í bækistöð og ýmsu öðru sem þarf að sinna til að halda starfseminni gangandi.

Svona kvöld minna okkur á að öflugt sjálfboðaliðastarf Hjálparsveitar skáta í Kópavogi byggir á samheldni, þekkingu og dugnaði félaga 💪

04/04/2026

Síðastliðna helgi æfði hamfarahópur sveitarinnar snjóflóðarústabjörgun á Ísafirði undir leiðsögn félaga sveitarinnar í samstarfi björgunarsveitina Tinda í Hnífsdal.
Samtals tóku 30 félagar HSSK þátt í æfingunni. Aðstæður í aðdraganda æfingarinnar voru mjög krefjandi bæði vegna snjóflóðahættu á vestfjörðum og veðurs. Farið var af stað í nokkrum hópum, frá miðvikudegi og fram á föstudag. Vegna ófærðar á leiðinni vestur þurftu sumir hópar að lengja för sína um rúmlega 100 km til þess að krækja fram hjá lokunum í Bröttubrekku, Holtavörðuheiði og á Þröskuldum. Á Hólmavík fengu félagar inni hjá Björgunarsveitinni Dagrenningu. Voru fjölmargir vegfarendur aðstoðaðir í ófærðinni á leiðinni vestur.
Í heild tóku hátt í 60 manns og tveir snjóflóðaleitarhundar þátt í æfingunni og var helmingurinn frá einingum á norðanverðum vestfjörðum. Voru aðstæðurnar gríðarlega raunverulegar. Með í för var félagi HSSK nr. 170, Sigurður Ólafur Sigurðsson sem m.a. myndaði æfinguna sem var í undirbúningi í yfir hálft ár.

23/03/2026

Hjálparsveit skáta í Kópavogi sinnti gæslu í Bláfjallagöngunni um helgina við krefjandi aðstæður, þar sem snjókoma og misjafnt skyggni settu svip sinn á daginn. Sem betur fer komu engin alvarleg sjúkratengd verkefni upp, en gæslan reyndist engu að síður afar dýrmæt æfing.

Slíkar aðstæður gefa gott tækifæri til að þjálfa samskipti, skipulag og viðbragðsgetu, auk þess að efla reynslu í útiveru við alvöru vetraraðstæður. Einn bíll var aðstoðaður og dreginn úr festu.

Við erum þakklát fyrir tækifærið til að æfa okkur í raunverulegum aðstæðum og halda áfram að efla viðbragðsgetu sveitarinnar.

06/01/2026

🎇🎇🎇LOKADAGUR FLUGELDASÖLUNNAR🎇🎇🎇

Lokadagur flugeldasölunnar er í dag. Við verðum með opið í milli 15:00 og 20:00 á Bakkabraut og Tónahvarfi.

🎇 Þrettándasala 🎇

Þrettándasalan er opin hjá okkur í Björgunarmiðstöðinni, Tónahvarfi 8.
💥 laugardaginn 3. janúar frá 13-19
💥 Sunnudaginn 4 .janúar frá 13-19
💥 þriðjudaginn 6. janúar frá 15-20

Bakkabraut
💥Laugardaginn 3.janúar frá 13-19
💥Sunnudaginn 4.janúar frá 13-19
💥Þriðjudaginn 6.janúar frá 15-20

03/01/2026

🎇 Þrettándasala 🎇

Þrettándasalan er opin hjá okkur í Björgunarmiðstöðinni, Tónahvarfi 8.
💥 laugardaginn 3. janúar frá 13-19
💥 Sunnudaginn 4 .janúar frá 13-19
💥 þriðjudaginn 6. janúar frá 15-20

Bakkabraut
💥Laugardaginn 3.janúar frá 13-19
💥Sunnudaginn 4.janúar frá 13-19
💥Þriðjudaginn 6.janúar frá 15-20

01/01/2026

Við hvetjum alla til að fara með flugeldarusl í þar til gerða gáma sem komið hefur verið fyrir á eftirfarandi stöðum víðsvegar um Kópavog.

🌲 Kársnes: Við grenndargámastöð á Borgarholti
🌲 Digranes: Við grenndargámastöð við Íþróttahúsið Digranes
🌲 Smárahverfi: Við grenndargámastöð Kópavogsvelli
🌲 Linda- og Salahverfi: Í nágrenni við Salalaug
🌲 Kóra-, Þing- og Hvarfahverfi: Við grenndargámastöð Vallakór 8

31/12/2025

Nú höfum við lokað sölustöðum okkar 🎉

Við þökkum fyrir ómetanlegan stuðning á árinu og óskum Kópavogsbúum og landsmönnum öllum gleðilegs nýs árs ❤

Þrettándasalan verður opin 6.janúar frá 15:00-20:00 í Björgunarmiðstöðinni, Tónahvarfi 8.

Myndin er af flugeldasýningu HSSK þann 29. desember.