Samfylkingin í Reykjanesbæ

14/05/2026

Við viljum búa í samfélagi þar sem allir fá raunveruleg tækifæri til þátttöku og virkni.

Samfylkingin í Reykjanesbæ ætlar að halda áfram að styrkja velferðarþjónustu bæjarins, skapa fleiri úrræði og tryggja að fleiri upplifi öryggi, virðingu og tækifæri í daglegu lífi.

Sterkt samfélag byggist á því að allir fái að taka þátt 🌹

14/05/2026

„Blokkastefna meirihlutans“ eru orð sem heyrast mikið þessa dagana.

Staðreyndin er hins vegar sú að Reykjanesbær er 25 þúsund manna samfélag og húsnæðisuppbygging þarf að taka mið af því sem fólk er í raun að leita að.

Í Reykjanesbæ er bæði verið að byggja upp fjölbýli og sérbýli. Það eru yfir 450 sérbýlislóðir í skipulagi og íbúðir tilbúnar til uppbyggingar. Þegar markaðurinn kallar eftir ákveðinni tegund húsnæðis þá er einfaldlega ábyrg stefna að hlusta á það.

14/05/2026

Opnun bókasafnsins í Hljómahöll var stórt skref fyrir samfélagið í Reykjanesbæ. Með verkefninu höfum við skapað lifandi samastað fyrir íbúa á öllum aldri þar sem menning, nám og félagslíf mætast undir sama þaki.

Verkefninu er hvergi nærri lokið. Við ætlum að nýta Hljómahöllina enn betur fyrir bæjarbúa og eru næstu skref að gera rými aðgengileg til bókunar til nám og verkefnavinnu og efla þannig aðstöðu til lærdóms.

13/05/2026

Á undanförnum árum hefur gríðarleg fjölgun orðið á íbúum Reykjanesbæjar og eru börn þar ekki undanskilin, en alls búa 7,6% allra barna á landinu í sveitarfélaginu.

Börn með sérþarfir eru um 14,5% barna í Reykjanesbæ og því ljóst að þjónustuálag sveitarfélagsins er verulega meira en víða annars staðar á landinu. Þörfin fyrir þjónustu hefur aukist hratt á undanförnum árum og kallar það á markviss viðbrögð.

13/05/2026

Markmið okkar er að opna Velferðarhús Reykjanesbæjar sem mun hýsa meðal annars skammtímavistun fyrir fötluð börn, eftirskólaúrræði, hópastarf og aðra þjónustu sem þarfir barnanna kalla á. Með því skapast tækifæri til að sameina mikilvæga þjónustu á einum stað, stytta biðlista og byggja upp sterkari stuðning við fjölskyldur í sveitarfélaginu.

Foreldrar og aðstandendur fatlaðra barna hafa lengi þurft að berjast fyrir þeirri þjónustu og þeim lífsgæðum sem ættu að vera sjálfsögð. Það hlýtur að vera sameiginlegt markmið okkar að tryggja að fötluð börn í samfélaginu fái þann stuðning og þau tækifæri sem þau eiga svo sannarlega rétt á.

Á undanförnum árum hefur gríðarleg fjölgun orðið á íbúum Reykjanesbæjar og eru börn þar ekki undanskilin, en alls búa 7,6% allra barna á landinu í sveitarfélaginu. Börn með sérþarfir eru um 14,5% barna í Reykjanesbæ og því ljóst að þjónustuálag sveitarfélagsins er ver...

13/05/2026

Undirritaður hefur setið nær óslitið í Atvinnu- og hafnaráði frá árinu 2009 og lengi vel var fjárhagsstaða hafnarinnar afar bágborin og til margra ára þurfti Reykjaneshöfn að taka lán til að fjármagna vaxtaafborganir af lánum sínum því ekki var fjárhagslegt bolmagn til að greiða af lánum.

Nú er hins vegar öldin önnur. Skuldastaða félagsins er farin úr 9 milljörðum í 1 milljarð og greiðum við af öllum okkar skuldum.

Framundan eru afar spennandi tímar með uppbyggingu í öllum okkar höfnum og nýrri Atvinnustefnu. Algjör viðsnúningur í rekstri er fagnaðarefni og ég mæli eindregið með því að íbúar kynni sér betur sögu hafnarinnar, hvert við erum komin og hvert við stefnum.

Á dögunum var samþykkt ný framtíðarsýn Reykjaneshafnar til ársins 2035. Þetta er í þriðja sinn sem Atvinnu- og hafnaráð Reykjanesbæjar, sem jafnframt er stjórn Reykjaneshafnar, gefur út framtíðarsýn í lok kjörtímabils til að skila sinni vinnu og sýn til nýrrar stjórnar sem...

13/05/2026

PUB QUIZ í kvöld, 13. maí kl. 20 á kosningaskrifstofu Samfylkingarinnar 🌹

Hlökkum til að sjá ykkur!

13/05/2026

Stór dagur í dag, fyrsta bygging Kísilversins rifin niður.
Áfram veginn fyrir nýrri framtíð í Helguvík 🌹

13/05/2026

Uppbygging íþróttamannvirkja í bænum okkar er hvergi nærri lokið. Með opnun Icemar hallarinnar tókum við stórt skref fyrir íþróttastarfið í Njarðvík og næst á dagskrá er uppbygging nýrrar fimleikahallar og fimm nýrra æfingavelli fyrir knattspyrnuna.

Við í Samfylkingunni viljum halda áfram að byggja upp aðstöðu sem styður við öflugt íþrótta- og tómsundastarf fyrir börnin okkar. Við ætlum að fjölga tómstundamiðstöðvum í hverfum bæjarins og styrkja rekstrargrundvöll íþróttafélaganna svo fleiri börn hafi tækifæri til að taka þátt, því börnin okkar eiga aðeins það besta skilið.

12/05/2026

Við hjá Samfylkingunni viljum þjónustu sem er einfaldari, aðgengilegri og í takt við fólkið sem þarf á henni að halda.

Með Velferðarhúsi Reykjanesbæjar ætlum við að sameina velferðarþjónustu á einn stað svo fólk fái betri yfirsýn og aukin stuðning 🌹