Umbót í Reykjanesbæ

27/02/2026

Umbót var stofnuð með það að markmiði að standa vörð um heimilin í Reykjanesbæ.
Frá upphafi höfum við talað fyrir ábyrgum fjármálum, lægri álögum, skynsemi í skipulagsmálum, auknu íbúalýðræði og skýrri og ábyrgri stefnu í útlendingamálum.
Rekstur og uppbygging nýs framboðs er krefjandi verkefni og síðustu ár hafa verið bæði lærdómsrík og vinnusöm. Við teljum Reykjanesbæ standa á krossgötum og að breiðari samstaða sé nauðsynleg til að tryggja nauðsynlegar breytingar og nýtt sóknarskeið.
Fulltrúar Umbótar hafa því ákveðið að ganga til liðs við Sjálfstæðisflokkinn og erum við mjög spennt fyrir framtíðinni.
Við hlökkum til áframhaldandi vinnu og að taka þátt í nýju sóknarskeiði í Reykjanesbæ.
Áfram Reykjanesbær!

23/01/2026

Á síðasta bæjarstjórnarfundi var húsnæðisáætlun Reykjanesbær 2026–2035 tekin til fyrri umræðu.
Umbót og Sjálfstæðisflokkurinn studdu ekki áætlunina í þessari mynd.

Við í Umbót teljum að húsnæðisáætlunin sé gagnleg sem greining á stöðu mála og að ákveðin atriði hafi batnað frá fyrri áætlunum. Þrátt fyrir það er framkvæmd áætlunarinnar enn óljós, sérstaklega þegar kemur að því hvernig markmið eiga að verða að raunverulegum aðgerðum.
Tenging húsnæðisuppbyggingar við uppbyggingu innviða er veik, þrátt fyrir að ljóst sé að samgöngur, skólar og önnur grunnþjónusta þurfi að þróast í takt við íbúðauppbyggingu. Þá er fjölbreytni í íbúðagerðum ekki tryggð í framkvæmd, þótt hún sé nefnd í stefnumörkun.
Þegar vísað er til skýrari verkfæra, ábyrgðar og eftirfylgni er ekki verið að kalla eftir nýrri stefnu, heldur að markmið áætlunarinnar verði bundin skýrari forsendum í framkvæmd, meðal annars með því að gera tengingu við innviðauppbyggingu og kröfur um fjölbreytni í íbúðagerðum að raunverulegum hluta ákvarðanatöku, tímasetninga og eftirfylgni. Án slíks er hætta á að áætlunin verði fyrst og fremst lýsandi en ekki stýrandi.
Umbót hefur ítrekað bent á mikilvægi þess að húsnæðisuppbygging sé fjölbreytt og fari í takt við uppbyggingu innviða. Þrátt fyrir ákveðnar umbætur teljum við að þau sjónarmið séu enn ekki nægilega tryggð í framkvæmd.

21/01/2026

Af hverju mótmælti Umbót breytingu á deiliskipulagi Dalshverfis?
Í fundargerð Umhverfis-og skipulagsráðs frá 16 janúar var samþykkt breyting á Deiluskipulagi, 2 áfanga sem gengur á græn og opin svæði. Þrátt fyrir að ferlið var formlega rétt tel ég rök meirihlutns ekki réttlæta slíka skerðingu. Græn svæði eiga að vera meðvitaður hluti af skipulagi Reykjanesbæjar ekki varasjóður sem gengið er á þegar þrýstingur skapast á uppbyggingu. Umbót g*t því ekki samþykkt þessa ákvörðun og lagði fram eftirfarandi bókun.

Umbót telur rétt að bregðast sérstaklega við mótbókun meirihluta Umhverfis- og skipulagsráðs vegna breytingar á deiliskipulagi Dalshverfis, annars áfanga.
Umbót hafnar þeirri fullyrðingu, sem sett er fram í mótbókuninni, að hér sé um réttlætanlegt eða tímabært undantekningartilvik að ræða vegna aukinnar eftirspurnar eftir einbýlis- og parhúsalóðum í kjölfar jarðhræringa í Grindavík. Jarðhræringar og eldgos þar, urðu fyrir um þremur árum og því stenst ekki að vísa nú, löngu síðar til þeirra sem rökstuðnings fyrir því að ganga á græn og opin svæði.
Hefði raunverulegur vilji staðið til að bregðast við þeirri stöðu með markvissum hætti, með úthlutun einbýlis- og parhúsalóða, hefði slíkt átt að gerast strax í upphafi. Þá hefði jafnframt verið eðlilegt að slíkar lóðir hefðu fyrst og fremst verið úthlutaðar íbúum Grindavíkur. Sú leið var ekki farin og því er ekki hægt að nota þessar aðstæður nú sem rök.
Umbót lagði þá leið til á sínum tíma, en sú leið náði ekki fram að ganga. Í framhaldinu var farin önnur leið, sem felur í sér skerðingu grænna og opinna svæða, sem Umbót getur ekki tekið undir.
Umbót telur jafnframt ekki fullnægjandi rök að engar athugasemdir hafi borist við auglýst deiliskipulag. Skortur á athugasemdum jafngildir ekki samþykki fyrir skerðingu grænna og opinna svæða, né leysir það skipulagsyfirvöld undan ábyrgð sinni á að fylgja eigin yfirlýstum markmiðum um vernd slíkra svæða.
Græn svæði í skipulagi Reykjanesbæjar eru ekki tilfallandi né sett inn sem varasjóður sem ganga megi á þegar þrýstingur skapast á uppbyggingu. Þau eru meðvitaður hluti af heildarsýn um búsetugæði, lýðheilsu og sjálfbæra þróun. Með þessari ákvörðun er verið að veikja þá grundvallarhugmynd skipulags að tryggja jafnvægi milli byggðar og opinna svæða, sem Umbót telur ranga og í ósamræmi við markmið skipulags. Við munum því ekki samþykkja þennan lið í fundargerðinni.

Margrét Þórarinsdóttir.

16/11/2025

Staðan í leikskólamálum hjá okkur hér í Reykjanesbæ er óboðleg. Við í Umbót höfum ítrekað bent á og komið með bókanir á bæjarstjórnarfundum. Við verðum líka að efla dagforeldrak­erfið sem raunhæfan valkost fyrir foreldra sérstaklega á meðan biðlistarnir eru svona langir. Börnin okkar eiga betra skilið.

Samþykkt var á síðasta fundi menntaráðs Reykjanesbæjar að gerð verði heildarúttekt á stöðu leikskólamála í samanburði við sambærileg sveitarfélög. Segja fulltrúar minnihlutans að eins og staðan á biðlistum virðist vera bendi til að hún sé verri en í Reykjavík. Greint...

23/10/2025

Bókun oddvita Umbótar, Margrétar Þórarinsdóttur

Margrét Þórarinsdóttir, bæjarfulltrúi Umbótar í Reykjanesbæ, lagði fram bókun á fundi bæjarstjórnar 7. október þar sem flokkurinn kallar eftir tafarlausum úrbótum á göngu- og hjólatengingum við verslunar- og þjónustusvæðið á Fitjum. Í bókuninni segir að tengingarnar s....

13/10/2025

DALSHVERFI

Umbót stendur vörð um græn svæði bæjarins.
Það er óábyrg stjórnsýsla að fórna grænum svæðum íbúa í skammtímahagsmunum.

Á fundi bæjarstjórnar þann 7. október 2025 lögðum við fram eftirfarandi bókun:

Dalshverfi annar áfangi – breyting á deiliskipulagi

Umbót mótmælir harðlega þeirri stefnu meirihlutans að ganga sífellt á græn svæði bæjarins til að mæta eftirspurn eftir lóðum. Nú á enn á ný að skerða grænt svæði í Dalshverfi, rétt eins og áður var reynt í hverfinu, þar sem við í Umbót mótmæltum harðlega og bókuðum sérstaklega gegn því á fundi bæjarstjórnar þann 17. desember 2024. Sú afstaða stendur óbreytt.

Við teljum að þessi nálgun sé ekki aðeins slæm hugsun heldur skipulagsslys af hálfu meirihlutans, Framsóknar, Samfylkingar og Beinnar leiðar. Hún sýnir skýrt að meirihlutinn skortir bæði vilja og getu til að vinna skipulagsmál með framtíðarsýn.

Græn svæði eru lífsgæði sem íbúar eiga rétt á.
Þau eru forsenda margra sem fjárfestu í húsnæði sínu í góðri trú um að græn svæði yrðu áfram til staðar í nærumhverfinu. Í stað þess að efla þau til útivistar og samfélagslegrar notkunar er þeim fórnað af meirihlutanum.

Umbót krefst þess að horfið verði frá þessari skammtímahugsun og að farið verði í ábyrga og framsýna skipulagsvinnu sem tryggir bæði fjölbreytt framboð lóða og vernd grænna svæða sem skipta íbúa miklu máli.

Margrét Þórarinsdóttir Umbót

20/09/2025

Þegar handbært fé bæjarsjóðs stendur í 0 kr.
i lok júní er ljóst ao fjármálastýring
Reykjanesbæjar er í algjöru óefni. Þetta er
ekki lítið misræmi heldur skýrt merki um
stjórnleysi í rekstri Reykjanesbæjar.
Við í minnihlutanum höfum ítrekað bent á að
Fjármálastýring Reykjanesbajar sé á
villigötum en meirihlutinn Samfylkinginn,
Framsókn og Bein Leið kýs að loka augunum.
Þetta eru ekki bara tölur á blaði, þetta er framtið bæjarins okkar, þjónustan við íbúa og
traustið sem við eigum að geta treyst á.
Tími er kominn til að axla ábyrgð, hætta óráðsíu og forgangsraða í þágu íbúa Reykjanesbæjar.

Sjálfstæðisflokkurinn í Reykjanesbæ og Umbót telja óábyrgt í ljósi fjárhagsstöðu Reykjanesbæjar að ráða í stöðu sviðsstjóra menningar- og þjónustusviðs.

17/09/2025

Bæjarfulltrúi Umbótar í Reykjanesbæ er síður en svo ánægð með þá ákvörðun Kadeco að fella ekki niður byggingaréttargjöld vegna fyrirhugaðrar uppbyggingar Brynju leigufélags við Grænásbraut í Ásbrúarhverfi í Reykjanesbæ, en til stóð tað byggja sjö íbúða raðhús s...

10/09/2025

Nú hefur bæjarstjórn Reykjanesbæjar samþykkt allt að 4 milljarða króna lán úr Lánasjóði sveitarfélaga til að ljúka viðhaldsvinnu við Holtaskóla, Myllubakkaskóla og leikskólann Drekadal, auk þess að greiða niður skammtímalán sem hafa verið tekin árið 2025. Þetta er stór ákvörðun með þýðingu fyrir bæjarfjármálin.
Við í minnihlutanum höfum lagt fram bókun þar sem við undirstrikum mikilvægi skýrleika, forgangsröðunar og ábyrgðar í slíkum verkefnum. „Ég hvet ykkur til að kynna ykkur sameiginlega bókun minnihlutans þar sem við bendum á það sem betur má fara og leggjum áherslu á ábyrg fjármálastjórn og forgangsröðun sem þjónar hagsmunum bæjarbúa.“

Bæjarstjórn Reykjanesbæjar samþykkti á fundi sínum 2. september að taka allt að fjögurra milljarða króna lán hjá Lánasjóði sveitarfélaga. Lánsféð verður nýtt til að fjármagna framkvæmdir við leikskólann í Drekadal og áframhaldandi endurbætur á Myllubakkaskóla og Holta...

27/08/2025

http://www.sudurnes.net/frettir/lagdi-fram-hardorda-bokun-vegna-fyrirhugadrar-uppbyggingar-vid-vikingaheima/

Minnisblað vegna erindis Funabergs fasteignafélags ehf. varðandi samstarf um uppbyggingu við Víkingaheima var lagt fram á funi umhverfis- og skipulagsráðs Reykjanesbæjar á dögunum, eftir að bæjarráð hafði vísað skipulagshluta málsins til ráðsins til umsagnar. Innihald minnisbla....

24/08/2025

Ég er eiginlega orðlaus yfir meirhluta bæjarráðs, Samfylkingunni , Framsókn og Beinni leið að samþykkja sama erindi sem var lagt fyrir aftur og aftur, fram þrátt fyrir að því hafi þegar verið hafnað með skýrum rökstuðningi hjá Umhverfis og skipulagsráði. Þetta er grafalvarlegt mál sem grefur undan trúverðugleika meirihlutans og sýnir hversu mikilvægt er að standa vörð um gagnsæi og vandaða stjórnsýslu.
Við í Umbót lögðum fram eftirfarandi bókun vegna endurtekinnar beiðni um lóðarstækkun við Víkingaheima.
Við teljum það óásættanlegt að sama erindi sé lagt aftur fyrir Umhveris og skipulagsráð eftir að því hefur þegar verið hafnað, án þess að nokkuð hafi breyst.
Við ítrekum að ráðstöfun á einu verðmætasta byggingarsvæði sveitarfélagsins verði aðeins framkvæmt með opnu og gagnsæju útboðsferli sem þjónar almannahagsmunum ekki sérhagsmunum eins vertaka.

Umhverfis og skipulagsráð 22. ágúst 2025.

Liður 2 – Uppbygging við Víkingaheima.

Umbót ítrekar fyrri afstöðu sína frá 357. fundi ráðsins þann 7. febrúar 2025, þar sem beiðni Funabergs fasteignafélags um lóðarstækkun við Víkingaheima var hafnað á grundvelli þess að svæðið er skilgreint sem opið svæði samkvæmt aðalskipulagi bæjarins.

Við teljum óásættanlegt að sama erindi sé nú lagt fyrir ráðið á ný, eftir að því var hafnað, án þess að forsendur hafi breyst eða ný gögn bæst við. Málið hefur þegar verið afgreitt með skýrri niðurstöðu og ekki er tilefni til endurtekinnar meðferðar. Að reyna að koma málinu í gegn með því að fara í gegnum bæjarráð er hvorki gagnsætt né í samræmi við vandaða stjórnsýslu og grefur undan trúverðugleika ráðsins.

Umbót ítrekar jafnframt bókun sína á fundi bæjarráðs 7. ágúst 2025, þar sem lögð var áhersla á að ráðstöfun á einu verðmætasta byggingarsvæði sveitarfélagsins verði aðeins framkvæmd með opnu og gagnsæju útboðsferli sem tryggir jafnræði, faglega meðferð og þjónar almannahagsmunum en ekki sérhagsmunum eins verktaka.

Umbót hafnar því alfarið að fallist verði á þessa tillögu.

Gunnar Felix Rúnarsson