Brunavarnir Suðurnesja

13/08/2026

Í september höldum við áfram að senda starfsmenn á atvinnukafaranámskeið og að þessu sinni verða þrír starfsmenn frá okkur sem hefja námið.

Undanfarið hafa staðið yfir markvissar æfingar og undirbúningur, þar sem meðal annars hefur farið fram kynning á búnaði og köfun æfð til að undirbúa hópinn sem best fyrir námið.

Hér má sjá myndir frá æfingu sem haldin var við Kleifarvatn síðastliðinn þriðjudag 🤿

10/08/2026

Vekjum athygli á þessum breytingum sem verða á miðvikudaginn vegna Sólmyrkvans☀️🚒🚑🚓

ALMYRKVI Á SÓLU – 12. ÁGÚST | MIKILVÆGAR UPPLÝSINGAR
Miðvikudaginn 12. ágúst verður almyrkvi á sólu og búist er við miklum fjölda fólks á Reykjanesi.

🚔 Aukinn viðbúnaður
Lögreglan á Suðurnesjum, björgunarsveitir, Brunavarnir Suðurnesja, Slökkvilið Grindavíkur og Heilbrigðisstofnun Suðurnesja verða með aukinn viðbúnað. Aðgerðastjórn verður virkjuð í Reykjanesbæ og þrjár vettvangsstjórnir starfræktar.
🏠 Almyrkvinn sést vel úr þéttbýli
Það er ekki nauðsynlegt að fara langt til að njóta almyrkvans. Hann sést vel frá heimilum í þéttbýli á Reykjanesi.
Sveitarfélögin hafa komið upp safnstöðum á völdum stöðum. Upplýsingar um safnstaði, viðburði og bílastæði má finna á heimasíðum sveitarfélaganna og á visitreykjanes.is.
🚶‍♀️🚲 Við hvetjum fólk til að ganga eða hjóla á safnstaði innan þéttbýlis þar sem því verður við komið.
🚗 Ef þú ætlar að ferðast
• Farðu snemma af stað.
• Gerðu ráð fyrir miklum umferðartöfum og lengri ferðatíma.
• Vertu viðbúin/viðbúinn því að þurfa að dvelja lengur en áætlað var.
• Hafðu mat og drykk meðferðis.
• Ef þú þarft reglulega lyfjagjöf, hafðu næg lyf meðferðis.
⛔ EKKI leggja á vegum eða vegöxlum
Ökutæki sem lagt er þannig að það hindri umferð eða skapi hættu verður fjarlægt á kostnað eiganda.
🚧 Sérstakar umferðartakmarkanir
• Garðskagavegur/Stafnesvegur (45): Einstefna frá Nesvegi/Hafnarvegi til norðurs í átt að Sandgerði.
• Vatnsleysustrandarvegur (420): Einstefna frá Vogum til austurs í átt að Kúagerði.
• Bláalónsvegur: Lokað fyrir umferð.
• Skagabraut að Garðskagavita: Einstefna að Garðskaga og til baka um Útgarðsveg að golfskálanum í Sandgerði.
✈️ Keflavíkurflugvöllur
Farþegar sem eiga flug frá Keflavíkurflugvelli eru hvattir til að mæta tímanlega og gera ráð fyrir töfum.
Þeir sem koma til landsins eru beðnir um að sýna þolinmæði vegna mögulegs umferðarálags á Reykjanesi.
📱 GSM-samband
Mikið álag getur orðið á farsímakerfinu, sérstaklega utan þéttbýlis.
🆘 NEYÐARNÚMER: 112
Ef ekki næst í 112 má reyna varanúmer Neyðarlínunnar: 599 0112.
👓 MUNIÐ EFTIR SÓLMYRKVAGLERAUGUM
Notið ávallt viðurkennd sólmyrkvagleraugu þegar horft er beint til sólar. Venjuleg sólgleraugu veita ekki nægilega vörn.
🌑 Skipuleggjum daginn vel – förum varlega og komum heil heim.
Nánari upplýsingar um safnstaði, bílastæði, viðburði og skipulag má finna á:
visitreykjanes.is
solmyrkvi2026.is

05/08/2026

Júlí var viðburðaríkur mánuður hjá Brunavörnum Suðurnesja. Starfsfólk okkar sinnti fjölmörgum útköllum, bæði í sjúkraflutningum og slökkviliði. Við þökkum öllum fyrir traustið og óskum ykkur áfram góðs sumars. ☀️🚑🚒

20/07/2026

Á dögunum fengum við afhentan nýjan Can-Am Traxter 6x6, sem er sérstaklega hugsaður fyrir verkefni tengd gróðureldum og öðrum útköllum þar sem torfærur geta reynst krefjandi.

Tækið kemur í stað sexhjóls sem hefur þjónað okkur vel undanfarin ár og er mikilvæg viðbót við búnað slökkviliðsins. Með aukinni burðargetu, betri torfærugetu og góðri aðstöðu fyrir búnað mun það styrkja viðbragðsgetu okkar þegar mest á reynir.

Við viljum jafnframt þakka Fjöltak fyrir glæsilegar og vandaðar merkingar á tækinu.

18/07/2026

Klukkan 21:59 í gærkvöldi barst okkur tilkynning um eld í fiskmarkaði í Sandgerði. Við komu á vettvang lagði dökkur reykur úr húsinu og var mikill reykur innandyra. Greiðlega gekk að komast inn í húsnæðið, þar sem í ljós kom að kviknað hafði í rafmagnstöflu. Eldurinn var ekki mikill og tókst fljótt að ráða niðurlögum hans.

Reykræsting hússins reyndist tímafrek vegna mikils reyks og lauk aðgerðum slökkviliðs klukkan 23:47.

Meðfylgjandi myndir eru frá vettvangi.

03/07/2026

Hér kemur tölfræði frá júní mánuði 🚑🚒

27/06/2026

Yfir sumartímann eru starfsmenn í hlutastarfi á bakvakt frá föstudegi til sunnudagskvölds. Þeir sinna stuðningi við vaktina og mæta á slökkvistöðina á laugardögum, þar sem haldin er sameiginleg æfing.

Æfing þessa mánaðar felst í endurlífgun og yfirferð á gámabílnum okkar.

Meðfylgjandi myndir voru teknar á æfingunni í dag.

25/06/2026

Töluverður erill var hjá dagvaktinni í gær.

Klukkan 11:36 barst tilkynning um upphreinsiverkefni á Reykjanesbraut þar sem umfang vettvangsins var um 50 metrar.

Klukkan 18:14 barst síðan tilkynning um umferðarslys á Garðskagavegi. Þar ók bifreið á kyrrstæða bifreið sem var staðsett í vegkanti og endaði akandi bifreiðin út í móa.

Einn var í akandi bifreiðinni og var viðkomandi fluttur á Heilbrigðisstofnun Suðurnesja til skoðunar.

Alls sinnti dagvaktin 10 útköllum yfir daginn.

17/06/2026

Gleðilegan þjóðhátíðardag 🇮🇸

A-vaktin okkar stendur vaktina í dag 🚒🚑

Njótið dagsins 🎉

03/06/2026

Tölfræði frá maí mánuði er komin 🚒🚑🌞