Björgunarsveitin Gerpir

24/07/2026

Norðvestanáttin ætlar aðeins að minna á sig á morgun, laugardag. Hún getur eins og við þekkjum orðið hviðótt hér í logninu.
Það væri rétt að huga að trampólínum, garðhúsgögnum og öðru lauslegu. Þar sem það hefur nú varla hreyft vind í þessum mánuði er líklegt að þessir hlutir séu útivið og ekki skjóli.

Eins er gott að passa vel upp á tjöld og annan útilegubúnað.

09/06/2026

Í júní á næsta ári er áætlað að nýtt björgunarskip leggist að bryggju hér í Neskaupstað.
Skipið er smíðað í Finnlandi og er smíði þess hafin. Björgunarskipið er afar vel búið til leitar og björgunar. Nýtt skip hefur aukinn ganghraða en það gengur um 30 mílur og er jafnframt með um 5 tonna dráttargetu. Skipið er númer 9 í nýsmíðaverkefni Landsbjargar en um er að ræða endurnýjun hringinn í kringum landið á 13 björgunarskipum. Ríkið fjármagnar helming kaupverðsins, Slysavarnafélagið Landsbjörg 25% og hlutur heimasvæðisins er 25%. Kaupverð alls er um 350 milljónir króna.

Allur ágóði af kaffisölu á sjómannadags og af sjómannadagsballi fer óskiptur á söfnunareikning fyrir nýju björgunarskipi, samtals um tvær milljónir króna.

Gerpir þakkar kærlega þeim sem að lögðu okkur lið og sérstaklega Síldarvinnslan hf. En Síldarvinnslan stóð straum af öllum kostnaði við sjómannadagsballið en Gerpir fékk allar tekjur af ballinu og rennur það eins og áður segir í nýtt björgunarskip.
Ef að áhugi er fyrir því að leggja söfnunni lið er bent á að hafa sambandi við okkur eða einnig er hægt að leggja beint inn á söfnunarreikning Björgunarbátasjóðs SVFÍ Neskaupstað. Félögin eru á almannaheillaskrá Skattsins og hægt er að sækja um skattaafslátt fyrir veitta styrki.
Kennitala: 491097-2139
Reikningsnúmer: 0133-15-009684

Við munum birta myndir fljótlega af nýsmíðinni.

07/06/2026

Gerpir þakkar öllum þeim sem kíktu við í sjómannadagskaffi og þeim sem lögðu okkur lið.

07/06/2026

Til hamingju með daginn sjómenn.
Minnum á sjómannadagskaffið okkar í húsnæði okkar að Nesgötu 4 í dag milli kl 1430 - 1800. Allur ágóði fer í endurnýjun á björgunarskipi sem að áætlað er að komi til okkar næsta sumar.
Eigið góðan dag.

06/06/2026

Í dag viðrar vel fyrir hópsiglingu flotans í Neskaupstað. Hópsigling hefst kl 10 og gott að vera mætt tímanlega.
Hugum að öryggi okkar sérstaklega þeirra yngstu og hvetjum alla krakka að vera í björgunarvestum. Í samvinnu við Síldarvinnslan hf. lánum við björgunarvesti á meðan að hópsiglingu stendur. Hægt er að nálgast vesti hjá björgunarsveitarfólki við skipin bæði út við bæjarbryggju og inn í höfn. Njótið dagsins.

05/06/2026

14/03/2026

Þessa dagana standa yfir úttektaræfingar Leitarhundar Slysavarnafélagsins Landsbjargar í Oddsskarði. Alls eru 17 leitarhundar sem taka þátt í æfingum og úttektum ásamt eigendum og þjálfurum sínum. Einnig eru tveir erlendir dómarar og þjálfarar sem að koma sérstaklega til landsins í þessa úttekt auk innlendra dómara frá félaginu. Að auki er fjöldinn allur af aðstoðarfólki frá Björgunarsveitinni og unglingadeildunum frá Gerpir og Brimrúnu sem að aðstoða.
Leitarhundar og þjálfarar þeirra þurfa að standast ákveðin viðmið í snjóflóðaleit til að geta flokkast sem snjóflóðaleitarhundur og er þetta liður í því.
Það eru þrjú prófsvæði og er svæðunum skipt eftir getu hundanna, A-B-C. Þetta fer þannig fram að líkt er eftir snjóflóði og sjálfboðaliðar eru grafnir í snjó (snjóhús), og þar á eftir er kallað í viðkomandi hundateymi og ath hvernig það stendur sig í að finna þá gröfnu.
Snjóflóðaleitarhundar eru mikilvægar bjargir í snjóflóðaleit og mikill fengur í að hafa aðgang að slíku á okkar svæði. Alls eru þrír snjóflóðaleitarhundar á Austfjörðum.

01/03/2026

Veðurviðvörun. Mánudaginn 2.mars hefur Veðurstofa Íslands gefið út gular og appelsínugular viðvaranir: Norðvestan stórhríð, 20-28 m/s, snjókoma með köflum og skafrenningur. Ekkert ferðaveður. Staðbundið foktjón mögulegt.

Í Norðfirði er þessi vindátt skeinuhætt, þannig að tryggið lausamuni utanhúss eða komið þeim í skjól. Þessu fylgir skafrenningur og snjókoma þannig að færð getur spillst. Fylgist með tilkynningum frá Fjarðabyggð varðandi skólahald - búið er að aflýsa skólaakstri.
Ferðalög á milli staða á Austurlandi geta orðið mjög erfið eða ómöguleg um eða uppúr hádegi og fram á þriðjudagsmorgun.

06/01/2026

Flugeldasalan okkar er opin til kl 18 í dag.
Þrettándabrenna kl 18 inn á sandi.

05/01/2026

Flugeldasalan okkar að Nesgötu 6 verður opin á þrettándanum 6.janúar á milli kl 14 og 18.

Vefverslunin er líka opin

Gleðilegt nýtt ár og takk fyrir stuðninginn!