Bókasafn Reykjanesbæjar

13/06/2026

🌀 Hannaðu þína eigin rellu! 🌀

Vantar þig og krakkana skemmtilega samveru í upphafi vikunnar? Mánudaginn 15. júní ætlum við að breyta Aðalsafninu í skapandi rellu-verkstæði!

Hvenær: Mánudaginn 15. júní kl. 15:30 - 17:30

Fyrir hverja: Öll skapandi börn í fylgd með fullorðnum.

Verð: Algerlega ókeypis og allt efni á staðnum!

Leyfðu ímyndunaraflinu að ráða för og búðu til litríka rellu sem snýst í vindinum. Við hlökkum til að sjá ykkur – öll velkomin! 🎨✨

12/06/2026

Dreymir þig um að byrja með eigið hlaðvarp?

Við höfum opnað dyrnar að glænýju hljóðveri! Nú getur þú látið gamlan (eða nýjan) draum rætast og tekið upp þitt eigið hlaðvarp með fullkomnum hljóðmixer og tveimur hágæða hljóðnemum.

Það eina sem þú þarft að gera er að mæta með hugmyndina – það er nóg pláss fyrir gest eða spjalltvíeyki.

12/06/2026

Hefur þú lesið í baðkari, inni í bíl, úti á trampólíni eða inni í skáp með vasaljósi?

Sumarlesturinn okkar er farinn í loftið og þátttökuseðlar eru til reiðu á bókasafninu!

Verkefnið er svo tvíþætt. Annars vegar að lesa á fimm ólíkum geimstöðvum og merkja við alla staðina og hins vegar að hjálpa geimförunum að leysa stafarugl með orðum sem tengjast geimnum.

Munið að skrá nafn og símanúmer og skila inn seðlinum því það verður dregið úr heppnum þátttakendum – veglegir vinningar í boði.

Gangi ykkur vel og megi lesturinn ná nýjum hæðum í sumar!

11/06/2026

Dreymir þig um að byrja með eigið hlaðvarp?

Við höfum opnað dyrnar að glænýju hljóðveri! Nú getur þú látið gamlan (eða nýjan) draum rætast og tekið upp þitt eigið hlaðvarp með fullkomnum hljóðmixer og tveimur hágæða hljóðnemum.

Það eina sem þú þarft að gera er að mæta með hugmyndina – það er nóg pláss fyrir gest eða spjalltvíeyki.

Hóaðu í okkur og við komum ykkur af stað. Síðan er bara að tengja tölvuna, ýta á upptöku og láta gamminn geisa. Svo einfalt er það að verða næsti hlaðvarpssnillingurinn!

10/06/2026

NÝTT Á SAFNINU 📚📖

Að stíga inn í einn þekktasta bókmenntaheim sögunnar!

Áhrifamikil og djörf endursköpun á skáldsögunni frægu 1984 eftir George Orwell þar sem varpað er ljósi á líf kvenna í Eyjaálfu.

Hér beinist sjónarhornið að Júlíu, einni dularfyllstu persónu 1984. Kæfandi veruleiki Eyjaálfu lifnar við á nýjan og óhugnanlegan hátt og afhjúpar það sem þarf til að lifa af undir stöðugu eftirliti Stóra bróður.

Mögnuð skáldsaga sem býður jafnframt upp á nýja sýn á hið sígilda verk Orwells. Söndru Newman tekst að virða frumtextann en á sama tíma að gagnrýna karlmiðað sjónarhorn hans.

Bókin er dökkt, grípandi og afar áhrifaríkt verk og skyldulesning fyrir alla aðdáendur Orwells og þá sem hafa gaman af vandaðri dystópíu (framtíðartryllum).

09/06/2026

Almyrkvinn bíður ekki eftir þér! Vertu klár með sólmyrkvagleraugu í tæka tíð. 😎

Fást í afgreiðslunni fyrir 600 krónur.

Total eclipse coming soon!

Solar eclipse glasses available for purchase at the library.
Available at the front desk, price: 600 ISK.

07/06/2026

Hvað er svona merkilegt við almyrkva á sólu?

Svarið við því færðu á þriðjudaginn kl. 19.30 😉🌞

Vertu með allt á hreinu þegar myrkrið skellur á!

06/06/2026

„Þetta verður stysta, fallegasta, eftirminnilegasta nótt ævinnar.“

Sævar í skemmtilegu viðtali á RÚV um sólmyrkvann – það vill svo vel til að hann ætlar að fræða okkur um þetta náttúrufyrirbæri á Sólmyrkvakvöldi á þriðjudaginn kl. 19.30.

Sævar Helgi hefur elt almyrkva á sólu víða um heim og veit þess vegna hve vel þarf að skipuleggja slíka viðburði. Hann stefndi á nám í Bandaríkjunum þegar lífið greip inn í og breytti um kúrs. Hann sér ekki eftir því og hefur helgað sig fræðslu.

05/06/2026

Allt sem þú þarft að vita um almyrkvann áður en myrkið skellur á!
Spennandi sólmyrkvakvöld með Stjörnu-Sævari á þriðjudaginn kl. 19.30