Lögreglan á höfuðborgarsvæðinu hefur það sem meginmarkmið að auka öryggi og öryggistilfinningu þeirra sem búa, starfa og dvelja á höfuðborgarsvæðinu. Til þess að vinna að þessum markmiðum er lögð áhersla á nokkur lykilatriði, þar á meðal sýnilega löggæslu, hverfa- og grenndarlöggæslu, forvarnastarf í samvinnu við sveitarfélög, stofnanir, fyrirtæki, félagasamtök og einstaklinga, gæði og skilvirkni
við rannsóknir sakamála og öfluga upplýsingamiðlun. Innlegg eða athugasemdir á síðu lögreglunnar á höfuðborgarsvæðinu sem falla ekki að skilyrðum Facebook (sjá hér: www.facebook.com/terms.php?ref=pf) eða fela í sér meiðandi, niðrandi eða óviðeigandi ummæli um einstaklinga eða hópa, innihalda ásakanir um refsiverða háttsemi eða hvatningu til að fremja afbrot verður þegar í stað eytt. Innlegg sem sett eru inn af öðrum aðilum eru sett þar inn á ábyrgð viðkomandi einstaklings eða lögaðila. Myndir sem hér er að finna úr starfi lögreglunnar er ekki heimilt að birta í fjölmiðlum eða með öðrum sambærilegum hætti eða sambærilegum miðlum nema með leyfi LRH. VINSAMLEGAST LESIÐ ÞETTA ÁÐUR EN INNLEGG ER SETT Á SÍÐU LRH
1. HVERNIG ER UMSJÓN MEÐ ÞESSARI SÍÐU HÁTTAÐ? Vinsamlegast athugið að lögreglan á höfuðborgarsvæðinu fylgist ekki með þessari síðu eða innleggjum sem sett eru á hana allan sólarhringinn. Þeir sem sjá um uppfærslu hennar sinna því samhliða öðrum störfum innan lögreglunnar. Svör við spurningum eða ábendingum kalla oftar en ekki á nánari skoðun. Því er ekki hægt að tryggja að svör verði sett inn strax við spurningum sem settar eru inn á síðuna. Ef óskað er eftir skjótri aðstoð lögreglu skal undantekningarlaust hringja í 112 en sólarhringslöggæsla er á höfuðborgarsvæðinu alla daga ársins. Ef erindið er af öðrum toga, og þolir e.t.v. einhverja bið, vinsamlegast hafið samband við þjónustuver embættisins í síma 444-1000. Sömuleiðis er hægt að koma ábendingum á framfæri um hvaðeina með því að senda tölvupóst á netfangið [email protected]. Einnig má benda á fíkniefnasímann, 800-5005, þar sem gjaldfrjálst og nafnlaust er unnt að koma á framfæri ábendingum um fíkniefnamál.
2. Vinsamlegast athugið að Facebook er ekki rétti staðurinn til að setja inn upplýsingar um tiltekin brot, tiltekin mál, grunsemdir um afbrot eða brotamenn eða kvartanir, til dæmis kvartanir um störf tiltekinna starfsmanna lögreglu. Síðuna má ekki nota sem tilkynningasíðu um tapað/fundið eða stolna muni. Slíkum hlutum er rétt að koma á framfæri við lögreglu í gegnum síma, með bréfi eða tölvupósti eða með því að mæta á lögreglustöð á þínu svæði eða sveitarfélagi. Hér eru upplýsingar um það hvernig best er að ná sambandi við lögregluna á höfuðborgarsvæðinu eftir tilefni hverju sinni: http://www.logreglan.is/anhaegri.asp?cat_id=1342
Ef þú vilt beina fyrirspurn til lögreglunnar í gegnum tölvupóst þá er unnt að gera það beint á lögregluvefnum, www.logreglan.is. Netfang lögreglustjóra er [email protected]
3. HVAR FINN ÉG MIKILVÆGAR UPPLÝSINGAR FRÁ LÖGREGLUNNI OG SAMSTARFSAÐILUM HENNAR?
Á lögregluvefnum er að finna margvíslegar upplýsingar um starfsemi lögreglunnar, forvarnir o.fl. Lögregluvefurinn er á slóðinni www.logreglan.is
Um forvarnir, fræðslu og viðbrögð við afbrotum má lesa nánar hér: http://www.logreglan.is/listar.asp?cat_id=8
Um forvarnir gegn innbrotum og þjófnuðum má lesa hér: http://www.logreglan.is/listar.asp?cat_id=245
Um forvarnir gegn brotum á netinu og örygga netnotkun má lesa hér: http://www.logreglan.is/listar.asp?cat_id=256
Upplýsingabæklingur fyrir þolendur afbrota:http://www.logreglan.is/upload/files/uppl.afbr.3b.pdf
Netöryggi: http://www.netoryggi.is/
Eftirlýst, stolin eða horfin ökutæki: http://www.logreglan.is/eftirlystokutaeki.asp
Forvarnir gegn fíkniefnum: http://www.logreglan.is/displayer.asp?cat_id=289
Afbrotatölfræði: http://www.logreglan.is/displayer.asp?cat_id=691
