Fjármála- og efnahagsráðuneytið

04/07/2026

Í mati Scope Ratings er bent á að helstu styrkleikar íslenska hagkerfisins séu háar tekjur á mann í alþjóðlegum samanburði, tiltölulega lágar og lækkandi skuldir hins opinbera, trúverðug ríkisfjármálastefna og sterk skuldbinding stjórnvalda til ábyrgrar ríkisfjármálastjórnar.

Scope Ratings hefur veitt ríkissjóði Íslands lánshæfiseinkunnina AA- í innlendri og erlendri mynt með stöðugum horfum.

01/07/2026

Nýtt innviðafélag sem fjármálaráðherra hefur komið á fót nefnist Göng og brú ohf. Markmið félagsins er að flýta fyrir þjóðhagslega mikilvægum samgönguframkvæmdum, skapa farveg fyrir stöðuga fjármögnun slíkra verkefna og tryggja hagkvæma, faglega og skilvirka verkefnastjórn við undirbúning og framkvæmd þeirra

Í samræmi við lög um innviðafélag, sem samþykkt voru á Alþingi 18. júní sl., hefur fjármála- og efnahagsráðherra komið á fót hlutafélagi um fjármögnun og uppbyggingu mikilvægra samgöngumannvirkja.

30/06/2026

Niðurstöður OECD sýna að opinber þjónusta á Íslandi stendur sterkt: ánægja með dagleg samskipti er yfir 70%, upplýsingar eru aðgengilegar fyrir 78% svarenda og Ísland mælist yfir OECD-meðaltali í meirihluta mælinga um upplifun almennings af opinberum stofnunum.

Traust til stjórnvalda og opinberra stofnana hefur aukist hér á landi samkvæmt niðurstöðum nýrrar alþjóðlegrar könnunar OECD á trausti almennings til opinberra aðila.

24/06/2026

Nú má nálgast upptöku frá ráðstefnu um skýrslu sérfræðingahóps um valkosti Íslands í gjaldmiðlamálum með íslenskum texta. Þar má meðal annars sjá upptöku af kynningu Catherine L. Mann á skýrslunni en hún fór fyrir sérfræðingahópnum.

Hér má nálgast öll erindi ráðstefnunnar með íslenskum texta:
https://www.stjornarradid.is/efst-a-baugi/frettir/stok-frett/2026/06/24/Textud-myndbond-fra-radstefnu-um-valkosti-Islands-i-gjaldmidlamalum/

https://vimeo.com/1204000121

This is "2026-06-23_Gjaldmidlamal_03-Cathrine_EN_ISsub" by Stjórnarráð Íslands on Vimeo, the home for high quality videos and the people who love them.

19/06/2026

Esther Finnbogadóttir er fyrsta konan til að vera stjórnarformaður í Norræna fjárfestinabankanum (NIB). Þetta myndband var tekið í bankanum í vor en þar má sjá fyrrum stjórnarformenn bankans frá stofnun árið 1975. Esther hefur setið í stjórn bankans frá 2016 og var stjórnarformaður á árunum 2020-2022 og varaformaður 2018-2020. Gleðilegan kvenréttindadag!

19/06/2026

Lög um stofnun innviðafélags sem ætlað er að annast undirbúning, fjármögnun, uppbyggingu og rekstur mikilvægra samgöngumannvirkja voru samþykkt á Alþingi í gærkvöldi.

01/06/2026

Viltu öðlast nýja reynslu og byggja upp tengslanet á Norðurlöndum?

Opið er fyrir umsóknir fyrir árið 2026 um þátttöku í norrænum starfsmannaskiptum í gegnum NORUT verkefni norrænu ráðherranefndarinnar. Verkefnið gefur starfsfólki ríkisins tækifæri til að kynnast starfsemi systurstofnana á Norðurlöndum, deila þekkingu og fá nýjar hugmyndir sem nýtast í starfi.

📅 Umsóknarfrestur er til 26. júní.

29/05/2026

Skýrsla sérfræðingahóps um valkosti Íslands í gjaldmiðlamálum er komin út. Fjallað verður um efni skýrslunnar á ráðstefnu í Silfurbergi í Hörpu 2. júní næstkomandi. Dagskráin stendur yfir frá kl. 14-17. Ráðstefnan er öllum opin en skráning er nauðsynleg hér: https://docs.google.com/forms/d/e/1FAIpQLScGeYPpfdgJjrAT_OICrgPAvDuC8kkb7W7TCjTPB7j9DIQ2TA/viewform

29/05/2026

Fjármála- og efnahagsráðherra efnir til ráðstefnu í Hörpu 2. júní næstkomandi í tilefni af útgáfu skýrslu um valkosti Íslands í gjaldmiðlamálum. Skýrslan var unnin af hópi erlendra sérfræðinga og er henni ætlað að leggja grunn að upplýstri umræðu um framtíðarfyrirkomulag gjaldmiðlamála á Íslandi.

Ráðstefnan er öllum opin en skráning er nauðsynleg og stendur yfir hér: https://docs.google.com/forms/d/e/1FAIpQLScGeYPpfdgJjrAT_OICrgPAvDuC8kkb7W7TCjTPB7j9DIQ2TA/viewform

28/05/2026

Mikill áhugi fjárfesta á skuldabréfaútgáfu ríkissjóðs í síðustu viku — eftirspurn rúmlega tólfföld miðað við útgáfuna. Sterk staða Íslands á alþjóðamörkuðum endurspeglast í hagstæðari kjörum og breiðum hópi fjárfesta.