14/08/2026
Vilt þú vinna með okkur? 🎓
Veitingasala Félagsstofnunar stúdenta (FS) sér um veitingarekstur á háskólasvæðinu undir merkinu Háma og Kaffistofur stúdenta.
FS leitar að aðstoðarmanneskju í veitingasölu Hámu á Sögu til að sinna almennum verkefnum í eldhúsi Sögu, þjónusta viðskiptavini Hámu og sinna frágangi og uppvaski.
Helstu verkefni
- Afgreiðsla við kassa og almenn þjónusta við viðskiptavini.
- Uppvask og dagleg þrif og viðhald á hreinlæti í eldhúsi, veitingasölu, tækjum og búnaði.
- Móttaka, frágangur og áfylling á hráefnum og öðrum vörum eftir þörfum.
- Aðstoða við undirbúning á matvælum eftir þörfum og samkvæmt fyrirmælum kokks/yfirkokks og verklagsreglum Hámu.
- Fylgja verklagsreglum um matvælaöryggi og hollustuhætti og vinna samkvæmt innra eftirlitskerfi Hámu (HACCP).
- Önnur tilfallandi störf sem falla undir almenn störf í veitingasölu.
Taka þátt í fræðslu og þjálfun sem tengist starfinu.
Starfið hentar stúdentum við Háskóla Íslands einkar vel.
Um 40% starf er að ræða og æskilegt er að viðkomandi geti hafið störf í byrjun september.
Vinnutími: 11:30–14:30 alla virka daga.
Um tímabundið starf er að ræða og lýkur ráðningu í desember 2026. Möguleiki er á framlengingu frá janúar til maí 2027.
Menntunar- og hæfniskröfur
- Góð þjónustulund og jákvætt viðmót.
- Góð skipulagshæfni og geta til að vinna sjálfstætt og eftir fyrirmælum.
- Stundvísi og reglusemi.
- Snyrtimennska og rík hreinlætisvitund.
- Þekking á háskólasamfélaginu er kostur
- Góð tök á íslensku og ensku eru skilyrði.
- Hreint sakavottorð er skilyrði
Umsóknir skulu berast á [email protected]. Umsóknarfrestur er til og með 24. ágúst.
