Flokkur fólksins

20/08/2026

Viðtal 🔊 Hvernig verður nýja einkunnakerfið í grunnskólum útfært?

Ágúst Ólafur Ágústsson, aðstoðarmaður menntamálaráðherra, fór yfir breytingarnar í viðtali í Reykjavík síðdegis. Sjá hér fyrir neðan. ⬇

20/08/2026

Þennan vítahring þarf að rjúfa.

18/08/2026

Hvernig tryggjum við að börn og ungmenni geti ekki keypt áfengi á netinu? Aðeins í um sjö prósentum tilvika var óskað eftir skilríkjum þegar áfengi sem keypt hafði verið á netinu var afhent samkvæmt niðurstöðum úttektar sem unnin var fyrir embætti Landlæknis. Rafræn skilríki voru jafnframt aðeins notuð við kaup í 36 prósentum tilvika. Það er því ljóst að full ástæða er til að staldra við.

Í lögum eru sett skýr aldurstakmörk á áfengiskaupum til að vernda börn og ungmenni. Við verðum að geta treyst því að aldurstakmörk séu virt hvort sem áfengið er keypt í verslun eða á netinu.

Miklar umræður hafa staðið um sölu áfengis á netinu um árabil og sitt sýnist hverjum. Óháð þeirri umræðu ætti eitt að vera hafið yfir allan ágreining: Börn eiga ekki undir neinum kringumstæðum að geta keypt áfengi. Ekki í verslunum, ekki á netinu.

🔸Áhyggjuefni sem verður ekki hunsað
Í þættinum Fram undan á Rás 2 fyrir skemmstu vakti Sveinbjörn Kristjánsson, verkefnisstjóri og sérfræðingur í atferlisbreytingum hjá embætti Landlæknis, athygli á því að foreldrar hefðu nánast daglega samband vegna þess að börn kæmust yfir áfengi á netinu. Það undirstrikar að þetta er raunverulegt vandamál.

Þeir sem standa að netsölunni hafa fullyrt að aldursstaðfesting í netsölu sé örugg. Niðurstöður úttektarinnar gefa hins vegar tilefni til að kanna hvort það er raunin. Það er ekki hægt að sætta sig við glufur í kerfinu þegar börn eru annars vegar.

Þegar úttekt leiðir í ljós að framkvæmdin stenst ekki þær kröfur sem samfélagið gerir duga góð fyrirheit skammt. Það á ekki að stefna heilsu barna í hættu með ófullnægjandi eftirliti með aldurstakmörkum.

🔸Megum aldrei slaka á
Á undanförnum árum hefur verið lögð aukin áhersla á öryggi barna í stafrænum heimi. Í því samhengi hefur verið horft til áhrifa samfélagsmiðla, neteineltis og framboðs á efni sem getur haft skaðleg áhrif á börn. Sama ábyrgð hlýtur að gilda þegar kemur að sölu áfengis.

Ég geri mér grein fyrir að þróun rafrænna viðskipta verður ekki stöðvuð. Það breytir ekki þeirri skyldu okkar að tryggja að aldurstakmörkin virki í framkvæmd. Ef við ætlum að samþykkja netsölu á áfengi verðum við að geta svarað því hvernig tryggja megi að börn komist ekki fram hjá aldurstakmörkunum.

Það er verkefni seljenda, flutningsaðila og stjórnvalda að finna örugga leið. Það er skylda okkar að tryggja öryggi barna og að aldurstakmörk haldi þegar áfengi er selt á netinu.

- Kolbrún Áslaugar Baldursdóttir

17/08/2026

Bæjarhátíðirnar eru eitt það skemmtilegasta við íslenska sumarið ☀️

Ásthildur Lóa Þórsdóttir og Sigurður Helgi Pálmason nutu helgarinnar á Suðurlandi, þar sem hátíðir voru haldnar á Hellu, í Hveragerði og víðar.

Það er alltaf jafn gaman að hitta fólk, spjalla og finna þá einstöku stemningu sem skapast þegar bæjarfélögin blómstra.

15/08/2026

Vopnfirðingar, við minnum á opinn fund í hádeginu með Sigurjóni Þórðarsyni.

Kaupvangur, Vopnafirði - í dag kl. 12.00

Allir velkomnir!

Vopnfirðingar! Sigurjón Þórðarson verður með opinn fund í Kaupvangi, laugardaginn 15. ágúst kl. 12.00.

Endilega lítið við, hittið þingmanninn og takið þátt í samtali um það sem skiptir ykkur máli. Allir velkomnir!

14/08/2026

Nýtt hjúkrunarheimili við Skjólgarð á Höfn hefur verið vígt.

Þegar framkvæmdum lýkur verða þar 30 hjúkrunarrými og þrjú sjúkrarými, auk aðstöðu fyrir sjúkraþjálfun og dagdvöl. Þetta er mikilvæg uppbygging sem bætir aðstöðu eldra fólks og styrkir þjónustu í Hornafirði.

14/08/2026

Vopnfirðingar! Sigurjón Þórðarson verður með opinn fund í Kaupvangi, laugardaginn 15. ágúst kl. 12.00.

Endilega lítið við, hittið þingmanninn og takið þátt í samtali um það sem skiptir ykkur máli. Allir velkomnir!

14/08/2026

Kæru vinir. Við höldum áfram að tryggja eldra fólki öruggt skjól með uppbyggingu nýrra hjúkrunarheimila um allt land, meðal annars hér á Höfn í Hornafirði.

Við þurfum að standa vörð um blómlega byggð um allt land og halda áfram að efla hana. Hornfirðingar, takk fyrir hlýjar móttökur. Sólskinskveðjur frá Höfn ☀️

13/08/2026

Það er auðvelt að tengja fátækt barna við skort á mat, fatnaði eða húsnæði. En veruleikinn er oft annar. Fátækt birtist líka í litlum hversdagslegum aðstæðum þar sem sum börn geta ekki tekið þátt á sama hátt og önnur.

Sjá grein hér fyrir neðan 🔽

12/08/2026

Í dag lýkur stærstu strandveiðivertíð frá upphafi með glæsilegum árangri 📈

Veiðarnar hafa gengið afar vel og sókn aukist verulega síðustu daga. Meðalverð á þorski hefur jafnframt verið sérstaklega hátt og farið vel yfir 700 krónur á kíló á köflum.

Heildarþorskafli ársins nam 14.314 tonnum og hefur aldrei verið meiri í strandveiðum.