29/05/2026
Það er einstök tilfinning að sjá öflugt og frjálslynt Viðreisnarfólk taka nú sæti í meirihlutum í bæjarstjórnum víðs vegar um landið. Við í forystu Viðreisnar erum afar stolt af okkar fólki🧡
Í Reykjavík taka Bjorg Magnusdottir og Róbert Ragnarsson þátt í að leiða borgina áfram. Til að snúa Reykjavík við líkt og þau töluðu um í kosningabaráttunni. Það verður gott að fylgjast með þeim til að stíga inn af festu, taka til í rekstri Reykjavíkur og leggja áherslu á fólkið okkar og fjölskyldurnar.
Í Hafnarfirði taka þau Karólína Helga Símonardóttir og Árni Stefán Guðjónsson þátt í meirihluta og móta framtíð míns dásamlega heimabæjar. Í Mosfellsbæ tekur Gylfi Þór Þorsteinsson sæti í meirihluta og á Ísafirði verður Gylfi Ólafsson nýr bæjarstjóri.
Við í Viðreisn eigum sömuleiðis bæjarfulltrúa í Kópavogi - Maríu Ellen Steingrímsdóttur, Árborg - Heiðrúnu Kristmundsdóttur, Múlaþingi - Hólmfríði Rut Einarsdóttur og á Akranesi - Jón Guðna Guðmundsson. Þetta eru allt öflugir einstaklingar sem þora að hugsa stórt fyrir sín samfélög en líka hlusta, vinna saman og nálgast verkefnin af ábyrgð. Og gera það með gildi Viðreisnar að leiðarljósi: frjálslyndi, almannahag og jafnrétti.
Viðreisn er að setja sín mál skýrar á dagskrá um allt land. Mál sem snúast um betri þjónustu, ábyrg fjármál, tækifæri fyrir fjölskyldur og samfélag sem byggir á frelsi.
Viðreisn er í vexti vegna fólks sem er tilbúið að vinna saman, hlusta og láta verkin tala. Það fyllir okkur stolti og bjartsýni fyrir framtíðinni 🇮🇸
