Lyfjastofnun

13/08/2026

Verður þú vör/var við lyfjaskort í starfi þínu?

Þegar lyfjaskortur kemur upp er sem betur fer í flestum tilfellum hægt að leysa hann án aðkomu læknis þökk sé góðu samstarfi Lyfjastofnunar við markaðsleyfishafa, lyfjaheildsölur og heilbrigðisstarfsfólk. Þrátt fyrir þetta getur það komið fyrir að lyf skortir í einhvern tíma.
Mikilvægt er að Lyfjastofnun hafi upplýsingar um lyfjaskort svo unnt sé að grípa til aðgerða ef þarf til að lágmarka áhrif lyfjaskorts á lyfjanotendur eins og hægt er.

Lyfjastofnun hvetur starfsfólk apóteka sérstaklega til að tilkynna lyfjaskort í gegnum vef stofnunarinnar. Það er nafnlaust og tekur stutta stund. Tilkynningin fer beint til lyfjaskortsteymis okkar sem skoðar málið nánar og leitar úrræða sé þess þörf.

Takk fyrir að leggja þitt af mörkum við að draga úr áhrifum lyfjaskorts á lyfjanotendur.

12/08/2026

Hefur þú lent í að lyfið sem þú þarft sé ekki til? Þú getur hjálpað til með því að tilkynna skortinn nafnlaust til Lyfjastofnunar.

Þegar lyfjaskortur kemur upp er sem betur fer í flestum tilfellum hægt að leysa hann án aðkomu læknis þökk sé góðu samstarfi Lyfjastofnunar við markaðsleyfishafa, lyfjaheildsölur og heilbrigðisstarfsfólk. Þrátt fyrir þetta getur það komið fyrir að lyf skortir í einhvern tíma.

Með því að tilkynna lyfjaskort hjálpar þú til við að auka líkurnar á að hægt sé að finna úrræði.

Tilkynna: https://www.lyfjastofnun.is/lyf/lyfjaskortur/tilkynna-lyfjaskort/

11/08/2026

Lyfjastofnun lokar kl. 14:00 á morgun, miðvikudag, vegna sólmyrkva sem verður sýnilegur á Íslandi. Búist er við mikilli umferð á höfuðborgarsvæðinu og víðar þegar fólk heldur af stað til að fylgjast með þessum sögulega viðburði. Með þessu leggur stofnunin sitt af mörkum við að draga úr umferðarálagi og auðvelda viðbragðsaðilum að komast leiðar sinnar ef þörf krefur.

Öllum erindum sem berast eftir lokun verður svarað við fyrsta tækifæri.

10/08/2026

Velheppnuðum Hinsegin dögum nýlokið sem náðu hámarki með gleðigöngunni í miðborg Reykjavíkur. Til hamingju með þetta allt !

Lyfjastofnun fagnar margbreytileikanum og styður réttindabaráttu hinsegin fólks.
🩷🧡💛💚💙🩵💜

07/08/2026

Enn má minna á nokkur góð ráð um lyf sem þörf gæti verið fyrir í sumarfríinu.

Samantekt af vef Lyfjastofnunar.

Áður en lagt er af stað í ferðalag er mikilvægt að taka til nauðsynleg lyf fyrir þá fjölskyldumeðlimi sem á þurfa að halda. Gæta þess a magnið sé nægilegt þann tíma sem fríið varir, og síðar að lyfin þurfa að vera geymd við aðstæður sem rýra ekki gæði þeirra og v...

23/07/2026

Heilbrigðisráðherra og forstjóri Lyfjastofnunar birta sameiginlega grein á Vísi.

Ólögleg sala lyfja, sérstaklega í gegnum netið, virðist sífellt aukast og haldast í hendur við mikla og vaxandi eftirspurn. Henni er svarað af óprúttnum aðilum sem svífast einskis, en ljóst er að framleiðsla ólöglegra lyfja er vaxandi vandamál víða um heim.

23/07/2026

Frétt okkar um ólöglega peptíða hefur vakið athygli í fjölmiðlum í morgun. Greint er frá bæði á RÚV og Vísi.

Greining á ólöglegum peptíðum sem flutt hafa verið til landsins leiddi í ljós að í þeim voru mikil óhreinindi. Ómögulegt var að staðfesta að stór hluti sýnishornanna innihéldi virku lyfjaefnin sem þau voru sögð innihalda.

06/07/2026

Lyfjastofnun fagnar þeim umræðum sem hafa átt sér stað um rétta förgun lyfja undanfarið. Málefnið hefur verið okkur hugleikið undanfarin ár, sérstaklega frá því við fórum af stað með herferðina "Lyfjaskil - taktu til" árið 2017.

Af því tilefni birtum við hér aftur myndband með leiðbeiningum sem gætu hjálpað.

Hugsum um umhverfið og komum öllu sem getur innihaldið lyfjaleifar til förgunar á réttum stað!

25/06/2026

❗Eins og stendur virkar hlekkurinn á lyfjatexta miðlægt skráðra lyfja ekki á Sérlyfjaskrá. ❗

Unnið er hörðum höndum að því að lagfæra þessa villu svo að lyfjatextarnir verði aðgengilegir sem fyrst.

Á meðan ástandið varir er hægt að fletta lyfjunum sem um ræðir upp á heimasíðu Evrópsku lyfjastofnunarinnar. Leiðbeiningar um hvernig nálgast megi lyfjatextana þessa leið er að finna í fréttinni fyrir neðan.

👉 https://www.lyfjastofnun.is/frettir/lyfjatextar-midlaegt-skradra-lyfja-oadgengilegir-a-lyf-is/

23/06/2026

Upprifjun um lausasölulyf