Framfaralistinn í Flóahreppi

23/05/2026

Takk fyrir stuðninginn kæru kjósendur!

Við lögðum áherslu á skýr málefni og samtal við íbúa í aðdraganda kosninga - það viljum við gera áfram næstu 4 árin!

Við erum alltaf opin fyrir samtali og àbendingum enda viljum við gera gott samfélag enn betra!

☀️💚 Framtíðin er í Flóahreppi 💙☀️

17/05/2026

Kæru kjósendur!

Við þökkum kærlega fyrir stuðninginn.

Kjörsóknin var góð og niðurstöður afgerandi.

Við höfum mjög skýrt umboð kjósenda til að vinna áfram að því að gera Flóahrepp að enn betra sveitarfélagi fyrir okkur öll.

Við erum þakklàt og tilbúin í verkefnið!

17/05/2026

Við erum klàr í verkefnið!

I-listinn, Framfaralistinn, vann stórsigur í kosningunum í Flóahreppi. I-listinn fékk 76,8% atkvæða og fjóra menn kjörna, bætti við sig einu manni á kostnað T-listans, sem fékk 23,2% atkvæða og ein…

16/05/2026

Við treystum á ykkar stuðning í dag!

Settu X við I

Saman byggjum við upp enn betra samfélag

Framtíðin er í Flóahreppi

16/05/2026

Kjörstaður er í Félagslundi kl. 9:00-20:00 í dag

Settu X við I

15/05/2026

Við lok kjörtímabils kemur ýmislegt upp í hugann og í okkar tilfelli ber þakklæti þar hæst. Það er ánægjulegt að horfa yfir kjörtímabilið sem er að ljúka og rifja upp hve mikið hefur verið unnið og mörgum spennandi verkefnum komið af stað, eru í vinnslu þessa dagana og standa sum yfir langt inn í næsta kjörtímabil.

Rekstur sveitarfélagsins stendur traustum fótum, fjárhagur er góður og íbúar fà almennt góða nærþjónustu.

Nefndarfólki þökkum við fyrir þeirra góðu störf sem gegna mikilvægum hlekk í stjórnun sveitarfélagsins. Þeirra störf vilja gjarnan gleymast en mikilvægt er að á bakvið framboðin séu fólk sem sé tilbúið að aðstoða kjörnu fulltrúana við störf sín með setu í nefndum.

Við viljum þakka öllu starfsfólki sveitarfélagsins fyrir sín mikilvægu störf í þágu samfélagsins.

Við erum þakklát og stolt af unga fólkinu okkar sem er okkur til mikils sóma allsstaðar þar sem þau koma fram, taka þátt og lyfta merki okkar Flóamanna hátt svo eftir er tekið á landsvísu.

Að lokum viljum við þakka öllum íbúum fyrir þeirra framlag við að gera gott samfélag enn betra en besta leiðin til þess er að eiga milliliðalaus samtöl og heiðarleg skoðanaskipti.

Það eru màlefnin sem skipta öllu máli og höfum við lagt àherslu à komandi kjörtímabil í aðdraganda kosninga. Við finnum sterkan meðbyr og ànægju á meðal þeirra fjölmörgu íbúa sem við höfum hitt og átt samtöl við síðustu vikurnar.

Við óskum ykkur öllum góðrar helgar sem verður viðburðarík í okkar öfluga sveitarfélagi þar sem sveitarstjórnarkosningar og hátíðin okkar Fjör í Flóa fara vel saman og allt kemur til með að iða af lífi.

Með von um stuðning og áframhaldandi uppbyggileg og góð samskipti!

Með vinsemd og virðingu,

Árni Eiríksson, oddviti og frambjóðandi í 1. sæti Framfaralistans
Hulda Kristjánsdóttir, sveitarstjóri og frambjóðandi í 2. sæti Framfaralistans
Walter Fannar Kristjánsson, sveitarstjórnarmaður og frambjóðandi í 3. sæti Framfaralistans

15/05/2026

Deilum hér aftur góðri grein frà Hrafnhildi í Hólshúsum en hún sinnir þessa dagana því mikilvæga hlutverki að sinna yngsta íbúa Flóahrepps sem fæddist þann 11. maí 🥰

14/05/2026

Sigurjón með neglu 💪

Rödd unga fólksins með gríðarlegan metnað fyrir okkar góða sveitarfélagi!

ÞEIR SKORA SEM ÞORA

Nú styttist í sveitarstjórnarkosningar. Ég fæ að kjósa í fyrsta sinn og hlakka til að mæta á kjörstað.

Ég hef búið í Flóanum frá fæðingu, og nú þegar uppvaxtarárin eru að baki og fullorðinsárin framundan er virkilega skemmtilegt að líta í baksýnisspegilinn og sjá hvað við erum heppin sem höfum alist upp hér í Flóahreppi.

Flóaskóli - okkar stolt
Flóaskóli er eitthvað sem við getum öll verið stolt af. Þegar ég var í 10. bekk hugsaði ég mikið um hvað það yrði spennandi að fara í fjölbrautaskólann á Selfossi, en þegar þangað var komið var andinn aldrei alveg sá sami og í Flóaskóla. Margir fyrrverandi nemendur skólans geta eflaust tekið undir að þeir sakni hans að einhverju leyti. Þetta birtist t.a.m. í því að þónokkrir af mínum gömlu samnemendum starfa þar í dag og enn fleiri hafa komið þar við á starfsferli sínum.

Ungmennafélagið Þjótandi - sterkt og öflugt
Ungmennafélagið Þjótandi er annað sem við getum verið sérstaklega stolt af. Félagið heldur eða tekur virkan þátt í fjölmörgum viðburðum í sveitarfélaginu og býður upp á íþróttaæfingar fyrir börn 7 ára og eldri, bæði sumar og vetur. Nýverið byrjaði félagið með íþróttaskóla fyrir leikskólabörn og einnig voru settar af stað æfingar fyrir fullorðna, 18 ára og eldri, í nýja salnum í Þingborg. Það að hafa svona sterkt ungmennafélag er ómetanlegt. Börn og ungmenni fá fjölmörg tækifæri til að hittast og rækta vinasambönd og stuðla að heilbrigðum lífsstíl í leiðinni. Núverandi sveitarstjórn bætti í samstarfssamninginn til Þjótanda á núverandi kjörtímabili og ég hvet næstu sveitastjórn til að halda áfram á sömu braut.

Byggjum á sterkum stoðum
Á næstu árum er mikilvægt að passa upp á okkar sterkustu stoðir. Framundan er fólksfjölgun og þá er mikilvægt að hafa innviði til staðar. Núverandi sveitarstjórn hefur staðið sig vel í þessum efnum og stækkun á Flóaskóla hefst og lýkur á kjörtímabilinu og skipulagsvinna fyrir stækkun á Krakkaborg er einnig hafin.

Samgöngur
Fyrir ungan kjósanda eins og mig, sem nýtir ekki mikla þjónustu sveitarfélagsins – enda barnlaus og enn í foreldrahúsum – skipta samgöngur miklu máli. Ég, líkt og margir aðrir, sæki nám, vinnu og hluta af íþróttaiðkun minni á Selfoss. Þar sem uppbygging og viðhald vega er á ábyrgð Vegagerðarinnar er svigrúm sveitarfélagsins til beinna aðgerða takmarkað. Því er mikilvægt að leggja áherslu á góð samskipti og samstarf við Vegagerðina. Góðar fréttir bárust nýlega um að Önundarholtsvegur verði byggður upp og klæddur, með verklokum síðsumars. Það verður algjör bylting fyrir samgöngur í Flóahreppi og vonandi er þetta bara byrjunin á uppbyggingu tengivega í hreppnum.

Það hefur verið mjög skemmtilegt og upplýsandi að fá að taka þátt í málefnavinnu Framfaralistans og ég hlakka til að vinna áfram að sem flestum verkefnum innan sveitarfélagsins. Ég vil að lokum hvetja allt unga fólkið í hreppnum til að mæta vel á kjörstað því við ættum öll að láta okkur kosningarnar varða og taka þannig þátt í því góða samfélagi sem hefur alið okkur upp. Þeir skora sem þora.

Sigurjón Reynisson
Skipar 8. sæti á Framfaralistanum í Flóahreppi