Seltjarnarnesbær

17/08/2026

VILTU AUKASTARF OG VINNA MEÐ BÖRNUM Í VETUR?
Nú er lag að sækja um skemmtilegt aukastarf fyrir veturinn en frístundaheimilið Skjólið óskar eftir starfsfólki, 18 ára og eldri í starf stuðningfulltrúa og frístundaleiðbeinanda. Um er að ræða hlustastarf með börnum að skóla loknum, tvo til fimm eftirmiðdaga í viku (frá kl. 13:00-16:30). Umsóknarfrestur er til og með 31. ágús nk. Sjá nánar: https://www.seltjarnarnes.is/is/ibuar/frettir/starfsfolk-i-skjolid-fristund-oskast-hlutastorf-4

12/08/2026

Þúsundir mættu á Seltjarnarnes til að fylgjast með sólmyrkvanum í dag. Seltirningar og fólk af öllum þjóðernum hreinlega streymdu að vestursvæðunum og kom sér fyrir við strandlengjuna allt frá Snoppu og út á golfvöll. Fjölmenni var við Ráðagerði, Nesstofu og Náttúruhúsið sem og á Valhúsahæð, í Bakkagarði, heimahúsum og víðar á Nesinu. Upplifunin þegar að almyrkvinn skall á var algjörlega mögnuð og stemningin engu lík. Dauðaþögn, gæsahúð, andvörp, óp og mikið klapp þegar að birti á ný. Allt gekk eins og best var á kosið enda viðbúnaður mikill til að undirbúa þennan einstaka atburð sem best. Fólk naut þessa náttúruundurs í blíðskaparveðri á Nesinu þó að skýin hafi því miður hulið sólina og tunglið á þessum stórmerkilega degi. Sjónarspilið var afar áhrifaríkt engu að síður og eitthvað sem lifir í minningu þeirra sem upplifðu. Hér má sjá myndir sem teknar voru við strandlengjuna hjá Gróttu og Seltjörn í dag þar sem að, þrátt fyrir spennu í loftinu, fólk slakaði á, spjallaði, naut náttúrunnar og útsýnisins á meðan beðið var. Margir með öflugar myndavélar og ýmsir með stóla, teppi, piknik box og hvað eina. MAGNAÐUR DAGUR 12. ÁGÚST 2026 🌞🌖🌗🌑🌒🌓🌔🌞

12/08/2026

12/08/2026

Kæru íbúar, þá er komið að því að almyrkvi á sólu gangi yfir hjá okkur í dag 12. ágúst. Þrátt fyrir mikla óvissu í aðdragandanum þá er búið að undirbúa allt eins og hægt er. Áætlunum verður fylgt en þær eru unnar í víðu samráði við lögreglu, almannavarnir, stjórnvöld og sveitarfélög á höfuðborgarsvæðinu og eru gerðar í öryggisskyni.

Veðrið er okkur því miður ekki hliðhollt í dag en eins og Stjörnu-Sævar sagði á fyrirlestrinum á bókasafninu á mánudaginn þá verður upplifunin varðandi almyrkvann engu að síður einstök því það verður skyndilegt myrkur, fuglarnir þagna og það kólnar í veðri í nokkrar mínútur. Seltirningar eru því eindregið hvattir til að fylgjast með þessu náttúruundri og njóta sem best heiman frá sér eða á góðum söfnunarsvæðum eins og við Gróttu, á golfvellinum og Valhúsahæð.

Hér eru praktískar upplýsingarnar til áminningar um fyrirkomulagið á Seltjarnarnesi en ítarlegri upplýsingar eru á vef bæjarins: https://www.seltjarnarnes.is/is/ibuar/frettir/almyrkvi-a-solu-12-agust-2026
👉 Götulokanir verða frá kl. 15:00-19:00 (stytt ef aðstæður leyfa)
👉 Suðurströnd við Vivaldi völlinn og út á golfvöll.
👉 Norðurströnd við Lindarbraut og út að Gróttu.
👉 Íbúar Sævargörðum, Sefgörðum, Bygggörðum, Hrólfskálavör og Steinavör hafa fengið bréf á heimili sín varðandi fyrirkomulag að komast til síns heima á lokunartímanum.
👉 Hægt að keyra frá Lindarbraut inn í götur og hverfi út frá henni og sömu leið til baka.
👉 Björgunarsveitin Ársæll stendur vaktina á lokunarpóstunum ásamt því að starfsmenn þjónustumiðstöðvar verða víða við gæslu.
👉 Lögreglan verður með lögregluvakt á Seltjarnarnesi auk þess sem sjúkraflutningabíll verður á staðnum.
👉 Landvörður frá Náttúruverndarstofnun verður staðsettur við Vestursvæðin.
👉 Ráðagerði og veitingastaður Nesklúbbsins verða með veitingasölu og meiri viðbúnað.
👉 Salerni eru við bílastæðið hjá Gróttu og Bakkatjörn, við gulu vörðuna á golfvellinum og á Valhúsahæð.
👉 Öll götuljós hafa verið afvirkjuð á Seltjarnarnesi þegar að almyrkvinn gengur í garð.
👉 Hvetjum íbúa og fyrirtæki til að slökkva á ljósum hjá sér til að draga úr ljósmengun og að upplifunin verði sem allra mest.
👉 Billboard auglýsingaskiltin í strætóskýlum telja niður í almyrkvann.
👉 Hafið sólmyrkvagleraugu tið að vernda augun ef að það mun rofa til og sjást til sólar. Gleraugun skal nota þegar horft er til sólar í deildarmyrkvanum, taka þau af þegar að almyrkvinn gengur yfir og setja upp aftur þegar deildarmyrkvinn tekur aftur við.

NJÓTIÐ ÞESSARAR EINSTÖKU STUNDAR SEM ALLRA BEST Í DAG 🌖🌗🌘🌑🌒🌓🌔

Seltirningar eru í einstakri stöðu til að upplifa þennan sjaldgæfa náttúruviðburð hér heima á Nesinu því miðvikudaginn 12. ágúst nk. almyrkvi á sólu verður

11/08/2026

Auglýsing frá Gróttu með góðu tækifæri fyrir Seltirninga en Grótta auglýsir eftir húsvörðum í fullt starf, kvöld og helgarvinnu. Starfið er fjölbreytt en helstu verkefni eru:
• Almenn húsvarsla
• Þjónusta við iðkendur, gesti og félagsmenn Gróttu
• Létt þrif
• Önnur tilfallandi verkefni
Viðkomandi þarf að vera góður í mannlegum samskiptum og gott er að vera handlaginn. Reynsla af húsvarðarstörfum er kostur en þó ekki nauðsyn. Við hvetjum sérstaklega Gróttufólk og Nesbúa til þess að sækja um. Störf sem henta bæði námsfólki sem og þeim sem eru að leita eftir fullu starfi.
Allar umsóknir sendast á framkvæmdarstjóra ([email protected])


https://grotta.is/almennt/ithrottafelagid-grotta-auglysir-eftir-husvordum/

11/08/2026

Það var þétt setið í Gallerí Gróttu á Bókasafn Seltjarnarness í gær á frábærum fyrirlestri og spjalli Sævars Helga um Sólmyrkvann og allt heila ferlið sem verður á morgun 12. ágúst. Sævar sagði skemmtilega frá og var með mikinn fróðleik og myndefni sem vakti áhuga gesta enda mikið spurt og spjallað. Það verður gaman að upplifa þennan einstaka viðburð hvernig sem viðrar. Á vefsvæðinu https://solmyrkvi2026.is/ er hægt að kynna sér margvíslegar upplýsingar um það sem er í vændum. 🌖🌗🌘🌑🌒🌔

04/08/2026

Sólmyrkvagleraugu fyrir leik- og grunnskólabörn í boði Seltjarnarnesbæjar vegna Almyrkvans 2026.
Til að börn á Seltjarnarnesi geti upplifað Almyrkvann, þann einstaka atburð þann 12. ágúst nk., á öruggan hátt ætlar Seltjarnarnesbær gefa öllum börnum á leik- og grunnskólaaldri með lögheilmili á Seltjarnarnesi, örugg og vottuð sólmyrkvagleraugu til að vernda augun. Sólmyrkvagleraugun má nálgast í afgreiðslunni á Bókasafni Seltjarnarness næstu daga og eru foreldrar og forráðamenn hvattir til að gera það tímanlega.

Það er nauðsynlegt fyrir alla að nota örugg og vottuð sólmyrkvagleraugu til að fylgjast með almyrkvanum. Örugg sólmyrkvagleraugu eru með sérstökum síum sem draga úr hættulegri útfjólublárri og innrauðri geislun sem vernda augun. Aðeins á meðan almyrkvi stendur yfir, þegar tunglið hylur sólina að fullu, er öruggt að taka þau af í stutta stund. Setjið þau aftur upp um leið og einhver hluti sólarinnar verður sýnilegur.

Á bókasafninu má nálgast örugg og vottuð sólmyrkvagleraugu sem Seltjarnarnesbær ætlar að gefa leik- og grunnskólabörnum með lögheimili á Seltjarnarnesi til

04/08/2026

ALMYRKVI 2026 nálgast en hann verður miðvikudaginn 12. ágúst nk. Seltirningar eiga því láni að fagna að vera í einstakri stöðu til að upplifa þennan sjaldgæfa náttúruviðburð hér heima á Nesinu en almyrkvinn verður sýnilegur hvað lengst á Seltjarnarnesi af öllu höfuðborgarsvæðinu eða í allt að 1,08 mínútu.

Hvetjum bæjarbúa til að kynna sér vel upplýsingar sem komnar eru inn á heimasíðu bæjarins um almyrkvann og öryggismál þennan dag hér á Seltjarnarnesi en þar verða allar helstu upplýsingar sem snúa að nærumhverfinu okkar. Enn fremur eru greinargóðar upplýsingar á opinberri upplýsingagátt stjórnvalda á https://island.is/v/almyrkvi-2026 og á fræðslugátt Sævars Helga stjörnusérsfræðings https://solmyrkvi2026.is/almyrkvi-a-solu-2026.

HEIMA ER BEST að fylgjast með ALMYRKVANUM 2026.

https://www.seltjarnarnes.is/is/ibuar/frettir/almyrkvi-a-solu-12-agust-2026

Seltirningar eru í einstakri stöðu til að upplifa þennan sjaldgæfa náttúruviðburð hér heima á Nesinu því miðvikudaginn 12. ágúst nk. almyrkvi á sólu verður