Sveitarfélagið Stykkishólmur

17/08/2026

Kjörfundur í Sveitarfélaginu Stykkishólmi vegna þjóðaratkvæðagreiðslu verður laugardaginn 29. ágúst 2026 í Grunnskólanum í Stykkishólmi, Borgarbraut 6.

Kjörfundur hefst kl. 10:00 og lýkur kl. 18:00.

Nánari upplýsingar er að finna í meðfylgjandi frétt 👇

Kjörfundur í Sveitarfélaginu Stykkishólmi vegna þjóðaratkvæðagreiðslu verður laugardaginn 29. ágúst 2026 í Grunnskólanum í Stykkishólmi, Borgarbraut 6. Kjö

14/08/2026

🇩🇰 Setning Danskra daga fer fram kl. 16:15 í Hólmgarðinum í dag.

🇩🇰 Dagskrá hátíðarinnar má sjá hér að neðan.

14/08/2026

ℹ️ Á vef sveitarfélagsins má lesa góða áminningu frá Forvarnarteymi Snæfellsness og lögreglunni á Vesturlandi varðandi ábyrgð foreldra og hættur sem stafa að eftirlitslausum unglingusamkomum á bæjarhátíðum og öðrum hátíðum.

Um helgina eru bæði Danskir dagar í Stykkishólmi og Iceland Eclipse á Hellissandi.

Hér að neðan  er áminning frá forvarnarteymi Snæfellsness og lögreglunni á Vesturlandi varðandi ábyrgð foreldra og hættur sem stafa að eftirlitslausum ungl

12/08/2026

🌑 Í dag, 12. ágúst, gefst einstakt tækifæri til að upplifa almyrkva á sólu í Stykkishólmi. Íbúar og gestir eru hvattir til að koma saman á íþróttavellinum og njóta þessarar mögnuðu náttúruupplifunar saman.

🕓 Deildarmyrkvi í Stykkishólmi hefst kl. 16:45. Almyrkvi hefst um klukkustund síðar og nær hámarki kl. 17:46. Almyrkvinn varir í um 1 mínútu og 28 sekúndur. Deildarmyrkva lýkur svo kl. 18:45.

🚗 Bílastæði eru við íþróttamiðstöðina, grunnskólann og tjaldsvæðið. Salerni eru á tjaldsvæðinu og í íþróttamiðstöðinni. Frá íþóttasvæðinu er einnig stutt í verslun og aðra þjónustu.

😎 Mikilvægt er að nota viðurkennd sólmyrkvagleraugu þegar fylgst er með myrkvanum og gæta fyllsta öryggis.

11/08/2026

ℹ️ Götulýsing í Stykkishólmi verður slökkt miðvikudaginn 12. ágúst á meðan almyrkvi á sólu stendur yfir.

🌑 Almyrkvinn stendur yfir í um 1 mínútu og 28 sekúndur frá Hólminum séð. Með því að slökkva á götulýsingunni er leitast við að draga úr birtu í bænum og skapa sem bestar aðstæður fyrir íbúa og gesti til að upplifa þennan einstaka náttúruviðburð.

😎 Íbúar sem vilja njóta myrkvans í sem mestu myrkri eru jafnframt hvattir til að huga að útilýsingu við heimili sín og slökkva á ljósum sem kunna að kvikna sjálfkrafa.

Götulýsing í Stykkishólmi verður slökkt miðvikudaginn 12. ágúst á meðan almyrkvi á sólu stendur yfir. Almyrkvinn verður sýnilegur í Stykkishólmi og stendur

06/08/2026

ℹ️ Næsta miðvikudag, þann 12. ágúst, verður almyrkvi á sólu sjáanlegur frá Íslandi í fyrsta sinn síðan 1954. Almyrkvinn mun vara einna lengst yst á Snæfellsnesi og má því búast við miklum fjölda fólks á svæðinu.

🚗 Vegagerðin hefur boðað vegalokanir og tímabundnar umferðarstýringar vegna þess mikla umferðarþunga sem búist er við. Gestir sem ferðast um Snæfellsnes ættu því að gera ráð fyrir lengri ferðatíma og hægri umferð.

🌑 Deildarmyrkvi í Stykkishólmi hefst kl. 16:45 en almyrkvi hefst klukkustund síðar og nær hámarki kl. 17:46, lengd almyrkvans séð frá Stykkishólmi er 1 mínúta og 28 sekúndur. Deildarmyrkva lýkur svo kl. 18:45.

🌞 Ljóst er að mikill fjöldi ferðamanna verður á Snæfellsnesi til að fylgjast með þessum einstaka náttúruatburði en erfitt er að leggja mat á hve margir ætla að fylgjast með frá Stykkishólmi. Áhugasömum er bent á að safnast saman á íþróttavellinum en þar kemst hæglega mikill fjöldi fólks fyrir, bæði í stúku og á vellinum sjálfum.

🅿️ Bílastæði eru við íþróttamiðstöð, grunnskóla og tjaldsvæði og salerni á tjaldsvæði og í íþróttamiðstöð. Einnig er þaðan stutt í verslun og þjónustu.

😎 Mikilvægt er að nota viðurkennd sólmyrkvagleraugu þegar fylgst er með myrkvanum og gæta fyllsta öryggis.

ℹ️ Allar helstu upplýsingar um sólmyrkvann, þar á meðal tímasetningar og upplýsingar um öryggi, má finna á https://solmyrkvi2026.is/

Þann 12. ágúst 2026 verður almyrkvi á sólu sjáanlegur frá Íslandi í fyrsta sinn síðan 1954. Almyrkvi á sér stað þegar tunglið gengur beint milli sólar og j

04/08/2026

👉 Hækusýning hefur verið sett upp á Frúarhól í þriðja sinn. Anna Sigríður Gunnarsdóttir stendur fyrir sýningunni ásamt höfundi, en hækurnar eru eftir Theodóru Gallant Helgason, og eru á ensku.

👍 Íbúar og gestir eru hvattir til að ganga með Frúarhólnum og lesa hækurnar sem settar hafa verið upp á nokkur skilti.

👇 Sjá nánar hér að neðan.

Hækusýning hefur verið sett upp á Frúarhól í þriðja sinn. Anna Sigríður Gunnarsdóttir stendur fyrir sýningunni en hækurnar eru eftir Theodóru Gallant Helga

29/07/2026

ℹ️ Í kjölfar brunans sem varð í dag viljum við biðla til foreldra og forráðamanna að ræða við börn sín og ungmenni um að halda sig fjarri brunastaðnum.

Þótt slökkvistarfi sé lokið getur enn leynst glóð í rústunum og hætta er á að hrunið geti úr þeim. Svæðið er því hættusamt og biðjum við alla að virða lokanir og fara ekki inn á svæðið.

Við þökkum íbúum fyrir skilninginn og samvinnuna.

27/07/2026

🏊‍♀️ Gestum Sundlaugar Stykkishólms gefst í dag færi á því að prufa hringabrynjusund.

☀️ Viðburður á vegum Eiríksstaða hefst í sundlauginni kl. 17 í dag, 27. júlí.

💦 Í Íslendingasögunum eru lýsingar á bardögum þar sem einstaklingar berjast á bátum á sjó en detta útbyrðis og þurfa að synda til að bjarga lífi sínu, eins og í Ólafs sögu Tryggvasonar, ellegar sökkva. Til að kynnast betur sögunum okkar efna skipuleggjendur viðburðarins til keppni milli sundlauga í hringabrynjusundi til að komast að því hversu erfitt er að synda "milli skipa" í hringabrynju eins og Ólafur Tryggvason - frá einum bakka grunnu laugarinnar yfir á hinn.

🏊‍♀️ Einnig verður hægt að prófa Grettis sund (þar sem keppendur synda með kyndil sem ekki má blotna) og Brákar sund (þar sem synt verður í fötum).

🥇 Sigurvegari keppninnar er sú sundlaug þar sem flestir ná að synda milli bakkanna í hverju sundi.

Í Íslendingasögunum eru lýsingar á bardögum þar sem einstaklingar berjast á bátum á sjó en detta útbyrðis og þurfa að synda til að bjarga lífi sínu, eins o

23/07/2026

👏 Breiðafjarðarferjan Baldur sneri heim í dag, fimmtudaginn 23. júlí, eftir að hafa sinnt siglingum milli Landeyjahafnar og Vestmannaeyja frá því í byrjun júní vegna bilunar í Herjólfi.

ℹ️ Frá og með morgundeginum, 24. júlí, hefjast svo reglubundnar ferjusiglingar milli Stykkishólms, Flateyjar og Brjánslækjar á ný.

⚓️ Ákvörðun innviðaráðherra um að færa Baldur til Vestmannaeyja var kynnt 2. júní eftir að önnur vél Herjólfs bilaði. Baldur hóf siglingar þar 8. júní, í þriðja sinn á skömmum tíma, til að tryggja samgöngur við Eyjar á meðan viðgerð stóð yfir. Á sama tíma tók farþegabáturinn Særún við siglingum til Flateyjar en engar siglingar voru yfir á Brjánslæk.

👇 Nánar um málið í fréttinni hér að neðan.

Breiðafjarðarferjan Baldur sneri heim í dag, fimmtudaginn 23. júlí, eftir að hafa sinnt siglingum milli Landeyjahafnar og Vestmannaeyja frá því í byrjun jú