Sveitarfélagið Vogar

05/06/2026

🚶‍♀️🚶‍♂️🏊‍♂️🤽‍♂️
Kynnið ykkur frábæra heilsudagskrá sumarsins hér í Vogum ⬇️

04/06/2026

Frábær mæting á Bestar á Breytó 👭💪
Mikil ánægja ríkti á fræðslukvöldinu Bestar á Breytó sem haldið var í Álfagerði í Vogum þann 19. maí síðastliðinn. Kvöldið var samstarfsverkefni Sveitarfélagsins Voga, verkefnissins Saman í samfélagi, GeoSilica og Röggu Nagla og vakti mikla athygli meðal kvenna á Suðurnesjum.

Lesa alla fréttina hér ⬇️

Mikil ánægja ríkti á fræðslukvöldinu Bestar á Breytó sem haldið var í Álfagerði í Vogum þann 19. maí síðastliðinn. Kvöldið var samstarfsverkefni Sveitarfél

01/06/2026

17. júní verður haldinn hátíðlegur í Sveitarfélaginu Vogum 🇮🇸

27/05/2026

SamFest 2026 👫💫

Föstudagskvöldið 8. maí fóru tuttugu ungmenni frá Vogum á SamFest 2026 í Laugardalshöll. S*x starfsmenn fylgdu hópnum og var farið saman með rútu til og frá viðburðinum. Ferðin gekk mjög vel og hópurinn var til fyrirmyndar.

SamFest er einn stærsti viðburður félagsmiðstöðva á landinu en í ár mættu um 4.500 ungmenni frá 104 félagsmiðstöðvum. Viðburðurinn er tóbaks-, áfengis- og vímuefnalaus og mikil áhersla er lögð á öryggi, góða upplifun og skemmtun ungmenna.

Ungmennin okkar komu ánægð heim eftir vel heppnað og skemmtilegt kvöld 🙌

Meira um kvöldið hér ⬇️

Föstudagskvöldið 8. maí fóru tuttugu ungmenni frá Vogum á SamFest 2026 í Laugardalshöll. S*x starfsmenn fylgdu hópnum og var farið saman með rútu til og fr

22/05/2026

Íþróttamiðstöðin í Vogum með frábæra upptalningu á fjölbreyttum og heilsueflandi leiðum í sveitarfélaginu okkar 🤸‍♀️🤸‍♂️

Endilega kynnið ykkur málið 👇

Eins og síðustu dagar bera vitni um þá er sumarið loksins komið.
Þá er ekki úr vegi að minna íbúa og gesti á fallegu náttúruna og möguleikana til útvistar hér í Vogum og í kringum bæinn 🤸‍♀️

🏊 Sund sund sund. Fyrir okkur er augljósasti kosturinn að koma við í sundlauginni. Synda nokkrar ferðir (eða margar), njóta heitu pottanna og nýja saunaklefans á milli þess sem þið sólið ykkur á sólbekkjunum. Sundlaugin í Vogum er fræg (sáu þið ekki örugglega áramótaskaupið) og fólk kemur langt að til að njóta fegurstu aðstöðunnar og kyrrðarinnar 🥰

🚴 Þeir sem eiga hjól ættu að nýta góðar stundir til að hjóla inn Vatnsleysuströnd og út að Stapa og í áttina að Njarðvík. Það er líka hægt að hjóla að Reykjanesbraut og undir hringtorgið og fara meðfram brautinni utanvegar (þeir sem eru á góðum dekkjum þ.e.a.s.). Hefur þú hjólað hérna í kring og ertu með meðmæli að góðri hjólaleið?

🏃 Mikið er af göngustígum sem henta vel í gönguferðir og skokk. Vinsælt að fara í Háabjalla, labba meðfram Stapanum, fara inn á Strönd og þess vegna innanbæjar, enda fallegt bæjarstæði og mikið líf núna þegar það er orðið svo bjart allan daginn. Hvaða leið er þín uppáhalds?

👣 Aragerði er dásamlegur áningastaður inn í miðjum bænum, hvort sem það er fyrir gesti eða íbúa. Þar er hægt að sitja með krökkunum í lautarferð, grilla pylsur þegar það er barnaafmæli, fara í útileiki, sitja í kyrrðinni eða hvað sem er. Aparólan og hoppubelgurinn eru vinsæl leiktæki fyrir börnin en hefur fullorðan fólkið prufað? Hvað finnst þér skemmtilegast að gera í Aragerði?

⛰ Folfvöllurinn. Ekki má gleyma 9 holu folfvellinum sem er við íþróttamiðstöðina og Aragerði. Fljótlega verður hægt að leigja folfsett í íþróttamiðstöðinni (frá 1. júní) og hvetjum við öll til að koma og prufa.

⛳ Golfklúbbur Vatnsleysustrandar við Kálfatjörn er einn vinsælasti ferðamannastaður sveitarfélagsins. Glæsilegur 9 holu völlur og öll aðstaða til fyrirmyndar.

🏊 Saunagus og sjósund nýtur sífellt vaxandi vinsælda og er það nú stundað árið um kring hér í Vogum. Tilvalið að skoða heimasíðu Saunagus Reykjanes til að sjá hvort þau eru ekki með tíma sem hentar þér. Mælum svo sannarlega með.

Þetta er alls ekki tæmandi upptalning og hvetjum við ykkur til að setja í athugasemdir það sem ykkur finnst gaman að gera hér í Vogum og í kring yfir sumartímann 😃

15/05/2026

Götusópun í Vogum 18. maí 2026 🍃

Mánudaginn 18. maí nk. verða götur og gangstéttar í Vogunum sópaðar og til þess að það megi ganga sem best eru eigendur ökutækja vinsamlega beðnir um að reyna að leggja ekki á götunum þennan dag.

Mánudaginn 18. maí nk. verða götur og gangstéttar í Vogunum sópaðar og til þess að það megi ganga sem best eru eigendur ökutækja beðnir um að reyna að legg

13/05/2026

Opinn framboðsfundur 14. maí í Tjarnarsal 🗣️

Þeir fjórir listar sem eru í framboði í Sveitarfélaginu Vogum bjóða til opins framboðsfundar.

📅 Fimmtudagskvöld 14. maí 2026
⏰ Kl. 20:00
📍 Tjarnarsalur (við Stóru-Vogaskóla, Tjarnargötu 2)

Íbúar eru hvattir til að mæta!

13/05/2026

Ungmennaþing UNGVOG var haldið föstudaginn 24. apríl síðastliðinn 👫

Þingið var vel sótt en þar komu saman um 30 ungmenni frá 7.-10. bekk og 1. ári í framhaldsskóla til að ræða málefni sem skipta þau máli og fá tækifæri til að koma skoðunum sínum á framfæri.

Á þinginu voru flutt fjölbreytt og áhugaverð erindi sem snertu meðal annars þátttöku ungmenna, mikilvægi þess að tilheyra, aðgengi, áhrif skjánotkunar, líðan ungs fólks og menntun í barnvænu sveitarfélagi. Krakkarnir í ungmennaráði UNGVOG fluttu erindi, auk þess sem Hólmfríður, sviðsstjóri fjölskyldusviðs, og Sölvi frá UNICEF voru með erindi fyrir ungmennin.

Ungmennin tóku virkan þátt í umræðum, svöruðu spurningum og deildu hugmyndum sínum og upplifun. Mikilvægt er að skapa vettvang þar sem raddir ungmenna heyrast og þau fá tækifæri til að hafa áhrif á sitt nærumhverfi og samfélag.

Að loknu þinginu var boðið upp á pizzur og vængi frá Kim Yong Wings og fengu allir þátttakendur smá glaðning með sér heim. Dagurinn endaði svo á skemmtilegu sundlaugarpartýi í frábæru veðri, þar sem ungmennin áttu góða stund saman eftir vel heppnað þing.

Ungmennaþing UNGVOG var haldið föstudaginn 24. apríl síðastliðinn. Þingið var vel sótt en þar komu saman um 30 ungmenni frá 7.-10. bekk og 1. ári í framhal

12/05/2026

Sveitarstjórnarkosningar í Sveitarfélaginu Vogum 16. maí 2026

🔹Kjörfundur hefst kl. 10 og lýkur kl. 22. Kosið verður í Stóru-Vogaskóla, Tjarnargötu 2, gengið inn frá leikvelli.

🔹Kjósendur skulu framvísa persónuskilríkjum á kjörstað.

🔹Kjörskrá í Sveitarfélaginu Vogum vegna sveitarstjórnarkosninga liggur frammi á bæjarskrifstofum að Iðndal 2. Athugasemdir varðandi kjörskrá má gera til sveitarstjórnar fram á kjördag.

🔹Kosning utan kjörfundar
Ef kjósendur geta ekki kosið á kjördag er hægt að kjósa utan kjörfundar, hjá sýslumönnum eða erlendis.

Eftirfarandi framboðslistar bjóða fram í Sveitarfélaginu Vogum.