21/07/2026
Mercoledì sera, nonostante il diluvio, ci siamo divertiti insieme ai Vóla Bâs, che hanno costruito ed ideato un cruciverba tutto in dialetto Bibbianese! 😍
Grazie ai Vóla Bâs per l'impegno e la disponibilità che ci dimostrate sempre.
Vi lasciamo questa poesia, scritta da Giovanna Pellegri, che parla proprio del nostro territorio:
𝐁𝐈𝐁𝐈𝐀̂𝐍 𝐋’𝐄̀ 𝐔𝐍 𝐆𝐑𝐀̂𝐍 𝐁𝐈𝐁𝐈𝐀̂𝐍
Lâsa pur che al mond al déga
Mo Bibiân l’é un grân Bibiân
Se da Bêrch èt vée a Piasòla
Èt po’ mia saltèr Corniân.
Se la Fòssa l’é un po’ bâsa
Pròva andér a la Marmâsa
Se t’èt cât al Casél doppo la ferovia
Torna indrée che èt pòo perdèr la via.
Mia scordèr la Travaiòla
Montecarlo e al Trêi Tòrr
Tânta ginta c’la lavòra
Che in francèis âs dìs travâil
In sìmma al Ghièrd gh’é la rampéda
Vél la pèina ènca sgognèr
A Parigi gh’é la Senna, al Danùbi l’é blù
E ché a gh’é al Buraciòn e po’ più.
Gh’òm dal stâli pìni ed vâchi
E âs mènca mia i nimée
Gh’òm i prée con l’èrba mèdga
Al formèint e al formintòn
Gh’òm dal vìdi bèin curédi
Pr’al lambrùsc ed còl più bon
Gh’òm al rè di formaj, scarpasòn e persùt
Acsè sòm invidié dapertùt!!
Qui si suona il Battagliero
Inventée da Patasèin
Ricordòm Paolo Gandolfi
Che in t’al mònd l’è sté tra i ‘d mèj.
Parlòm mia di volontari
Che sân mia in doo’ ciapèr
Se t’èt cât intrighé o t’é zo’ ed morél
A gh’é seimpèr chi ât pòl jutêr.
Al paèis l’ha cambiée ghìgna
E som tût modernisé
Al teatèr, al palestri,
tanti scòli ed qualité
E’ sparì tûti al budghini
Gh’òm soquânt supermerché,
al merché l’é propria trìd, dù banchèt, mo’ as contintòm
ed fér dal ciac’ri tra nuétri dònn.
Al palâs dal Municépi
L’é un spetacòl da guardèr
Sia ded fòra che da dèinter
Angh’é gnìnt da critichèr,
E se ét vòo savèier la storia
Come, quando e ânca perché
Basta andèr in Biblioteca… a gh’é còl ca’ fa per te.
Et cât mia soltant di léber
O dal chèrti da studièr
A gh’é ânca di computers
Che i più zovèn e sèn drovèr.
Ma chi tìn su la barâca, l’é la pûra verité
Hin dòo grân brévi putèlli, sgâgi e pini ed qualité
Sèimper pronti a consigliéret con presiòs sugerimèint.
E fân tanti inisiatìvi per i grând e pri ragâss
Per fér vévèr la cultura o sol per divertimèint.
E alòra, in conclusiòn
E pròm dir con cunisiòn,
Che Bibiân l’ée un grân Bibiân
Basta sòl torès d’in ca’, basta sòl dérès ‘na mân.
Comune di Bibbiano
