https://www.facebook.com/101403032527735/

Progetu su sardu spainau

Casa
Italia
Cagliari
Progetu su sardu spainau

Su progetu SU SARDU SPAINAU est unu progetu, finantziau cun sa L. 482/99 e sa LR 22/2018, chi bit is

25/05/2023

Su comunu de Santu Perdu fait sciri:
Si fait sciri a is interessaus ca a s’acabu de maju eus a tenni un’atòbiu po presentai is logus scioberaus po fai su viàgiu de sa de tres edadis 2023, cuncordau intre A.T.ProLoco Villa San Pietro e Comunu de Santu Perdu ca s’at a fai in sa primu cida de su mesi de ladàmini. Depeus biri cantu personis adderint ma in dònnia manera ant a tenni prioridadi e unu contributu econòmicu da parti de su comunu is chi pigant parti cun edadi mìnima po is fèminas de 60 annus e po is òminis 65 annus, residentis in Santu Perdu.
Is logus scioberaus funt is afatantis, ma tocat cumprendi aundi andai:
Tour de sa Campània
Tour de sa Sicìlia
In su coru de s’Andalusia
Pellegrinàgiu in Fàtima e Santiago
Francu sa disponibilidadi de is postus, podint pigai parti fintzas àteras personis.
Ant a sighiri annoamentus apitzus de is atòbius in programa. Gràtzias.

24/05/2023

Su comunu de Santu Perdu fait sciri:
Eus incarrerau, sàbudu passau, su Cursu de Primu Interventu po is piciocus de sa Proloco Giòvunus de Santu Perdu cun s’agiudu de s’Assòtziu Bolontàrius de Protetzioni Civili Capoterra 2.0. Is atòbius s’ant a fai su sàbudu e tenint sa mira de formai piciocas e piciocus cumenti a “citadinus de su benidori”, a s’ètica e a su svilupu de su sensu cìvicu de agiudai is àterus, po ddis imparai ita fai e ita non fai candu nc’est emergèntzia.
Sa giorronada de su 7 de mayu, candu at a acabai sa formatzioni, s’at a fai, aberta a totus, sa giorronada amostadora cun interventus medas de sa Protetzioni Civili.
Po informatzionis de su cursu fait a imperai is ainas de s’A.T. Pro Loco Villa San Pietro
"Seminai in is pipius bideas bonas, poita mancai oi non ddas cumprendint, una dii ant a fintzas froriri"
𝑴. 𝑴𝒐𝒏𝒕𝒆𝒔𝒔𝒐𝒓𝒊

24/05/2023

Su comunu de Santu Perdu fait sciri:
ATÒBIUS DE ACOSTAMENTU A SU MUNDU DE SU BINU
Cincu atòbius po imparai a connosci su binu cun totus is sensus e gosai a prenu de custa esperèntzia sensoriali.
06 de abrili 2023 – SU TATU (innantis de essi binu)
13 de abrili 2023 – SA BISTA (coloris e sfumaduras)
27 de abrili 2023 – S’OLFATU (profumu in su càlixi)
11 de maju 2023 – SU GUSTU (is saboris de su binu)
18 de maju 2023 – S’OIDU (candu su binu est chistionada)
Anca est su Centru Culturali Cav. Spiga
Pratza Santu Perdu 09010 – Santu Perdu (CA)

24/05/2023

Su comunu de Santu Perdu fait sciri:
Nobas po pipius ALBERTO PELLAI:”IO GOMITOLO TU FILO”: Da sa pinna de Alberto Pellai, psicoterapèuta de s’edadi evolutiva famau meda, una stòria in rima bella diaderus po contai a is pipius e a is genidoris insoru su legàmini de istima e apicigu ca ddis aunit in su tempus e is cambiamentus suus.

24/05/2023

Su comunu de Santu Perdu fait sciri:
VERONICA RAIMO “NIENTE DI VERO”: In custu romanzu scialosu e feroci, Veronica Raimo aberrit unu tretu nou. Contat de sessu, de is legàminis, de is pèrditas, de si ndi pesai mannus, e in sa boxi sua curiosa, pitziosa, discrètia tzacarrat una bisioni sintzera e scàpia de una fèmina giòvona de oi. Duncas sa scumissa est bessia, rara meda, de curai is fertas arriendi. Bincidora de su Prèmiu Strega Giòvunus 2022.

24/05/2023

Su comunu de Santu Perdu fait sciri:
CONTASIRI ATIVIDADIS, FAINAS E BIDEAS PO SU SVILUPU DE SU BENIDORI DE SU PARCU!

Seus lòmpius a mitadi de su tretu partecipau "Camminiamo insieme nel Parco", promòviu da su Parcu Naturali Regionali de Gùturu Mannu, cun s’agiudu de sa dita Poliste Srl SB, cun mira a s’arregorta de is contributus e esperièntzias utilosas po fraigai su Programa de Svilupu Econòmicu e Sociali de su Parcu.

Arremonaus ca in sa prataforma dedicada piattaforma dedicata fait a contai is faina e is atividadis fatas aintru de su Parcu e proponni bideas po su sviluppu de su benidori de su parcu etotu. In sa prataforma fait a castiai e connosci is chi sa genti scriit (atividadis, propostas, consillus, fainas, ecc..) postus da chini pigat parti, po stimolai sa chistioni, sa connoscèntzia e su confrontu intre chini bivit su Parcu.

Totus seis invitaus a pigai parti, no ddoi funt làcanas!

Craca su butoni postu in bàsciu, sighi is inditus e contasiri ita fainas o ita iast a bolli fai po su svilupu e sa pesada de su Parcu Naturali Regionali de Gùturu Mannu!

Proponni e conta!

24/05/2023

Su comunu de Santu Perdu fait sciri:
SPORTELLU METROPOLITANU DE AGIUDU A IS CITADINUS PO S’IMPERU DE IS SERVÌTZIUS DIGITALIS DE SA PÙBLICA AMINISTRATZIONI

Si fait sciri ca sa Citadi Metropolitana de Casteddu at primitziau su Sportellu Metropolitanu nou de agiudu a is citadinus po s’imperu de is servìtzius digitalis de sa pùblica aministratzioni.

Cuatru giòvunus bolontàrius, aintru de su progetu de su Servìtziu Civili Digitali, ant a agiudai is citadinus in s’imperu de is servìtzius digitalis de sa Citadi Metropolitana, po fintzas a ativai e imperai is servìtzius digitalis online, cumenti su SPID, sa CARTA D’IDENTIDADI ELETRÒNICA (CIE), PAGOPA e S’ APP IO.

Su portallitu, postu anca est sa sei de s’Enti e cun intrada da s’arburada Francesco Ciusa, 21 e da sa bia Giudice Guglielmo in Casteddu, est abertu a su pùblicu su lunis, mèrcuris e cenàbara da is oras 09.00 a is oras 13.00 e is citadinus podint andai de personi, assentendusiri a su nùmeru 0704092272 o intreghendi una e-mail a s’indiritzu [email protected]

Su servìtziu est po is citadinus de su territòriu metropolitanu.

24/05/2023

Su comunu de Santu Perdu fait sciri:
AVISU PÙBLICU AFORTIADURA ASILU NIU PO PIPIUS INTRE 6 MESIS E 3 ANNUS, ANNU EDUCADORI 2022-2023

Si fait sciri ca gràtzias a sa Lei n. 432 de su 11.12.2016, art.1 coma 448/449 (Fundu Solidariedadi Comunali) s’Aministratzioni comunali de Santu Perdu at stabilèssiu de afortiai su servìtziu de Asilu Niu po is pipius residentis po ancora 5 postus po s’annu edicadori 2022/2023, lompendi a unu totali de 16 postus.

Is iscritzionis podint essi intregadas a partiri da su 25 de donniasanti 2022
Est prevìdia una contributzioni de s’umperadori a cunforma de su rèditu ISEE

Is dimandas podint essi intregadas a s’Ufìtziu Prìsia de su comunu de Santu Perdu in custas maneras:
- a manu anca est s’Ufìtziu Prìsia da su lunis a su cenàbara da is oras 11:00 a is oras 13:00
- via PEC a s’indiritzu: [email protected]
- via e-mail [email protected]
SU PAPERI EST A DISPONIMENTU A S’INTRADA DE SU COMUNU DE SANTU PERDU E FAIT A DDA SCARRIGAI A S’ACABU DE SA PÀGINA.

Po informatzionis apitzus de is servìtzius chistionai anca funt is Ufìcius de Servìtziu Sociali:
de su comunu de Santu Perdu in is diis de martis e giòbia da is oras 11:00 a is oras 13:00
de su comunu de P**a in is diis: lunis e cenàbara da is oras 11:00 a is oras 13:00 e su mèrcuris da is oras 15:30 a is oras 17:30

SU RESPONSÀBILI
DOTORA FERNANDA PRASCIOLU

24/05/2023

Su comunu de Santu Perdu fait sciri:
MATTEO BUSSOLA "IL ROSMARINO NON CAPISCE L'INVERNO": «A ita pentzat una fèmina candu, intzurdada da sa boxi de totus, cumprendit totu in unu de essi allupau sa pròpria?» Pagus cumenti Matteo Bussola sciint contai, in manera delicada e funduda, is contraditzionis me in is raportus umanus. Pagus sciint contai cun pudori su desìgiu e sa timoria nostra de èssiri diciosus.

23/05/2023

Su comunu de Santu Perdu fait sciri:
Chi tenis a coru s’amparu e s’amelloru de su turismu territoriali, chi ti praxint is fains e is manifestadas ca valorizant sa stòria, sa cultura, s’arti e is traditzionis de su territòriu nostru, chi tenis gana de ti impinniai in atividadis socialis de bolontariau e solidariedadi, chi ti bolis intendi intre amigus, intra a fai parti de sa truma nostra.
Sa Tèssera de su Sòciu Proloco est sa card ca t’at a fai intendi parti de su mundu Proloco e ca assigurat cumbentzionis e scontus in su territòriu natzionali intreu.
Po totus is informatzionis
https://www.prolocovillasanpietro.it/negozio/tessera-socio/

23/05/2023

Su comunu de Santu Perdu faghet ischire (LSC):
INTZENTIVOS.GOV.IT - S'IMPRESA IN UNU CLICK

Su portale Intzentivos.gov.it est unu motore de chirca pro promòvere su connoschimentu de is de su MISE cumpresu cuddos prevìdidos dae su , dedicados a chie cheret devènnere imprendidore, a is impresas noas e a cuddas giai ativas, a is lìberos professionistas, a Entes e istitutziones.

De s'home page, cun unu simple click, podes:

- seberare s'intzentivu prus dèchidu a is bisòngios tuos, sighende unu de is bator percursos ghiados;

- agatare is agiudos pro paràula crae;

- visualizare e aprofundire is medidas dedicadas a una particulare categoria;

- esplorare s'intreu catàlogu de is intzentivos aplichende is filtros prus dèchidos a is chircas tuas.

Pro ogni intzentivu seletzionadu at a èssere tando visualizada un'ischeda sintètica subra de s'operatividade de sa medida, cun totu is informatziones de minuda (es. ite est, a chie si girat, ite previdet).

As a agatare, in prus, is datas de serrada e abertura de is bandos, is indicos pro consultare sa modulistica netzessària e is riferimentos chi podent agiuare sa cumpiladura de sa pregonta.

Pro fatzilitare galu de prus sa cumprensione de is tèrmines prus tècnicos de is intzentivos propostos b'at su Glossario.

Andas subra de www.intzentivos.gov.it pro èssere imprendidore de su tuo benidore, realizare ideas e progetos, investire in cumpetitividade e avalorare su territòriu.

22/05/2023

Su comunu de Sarrocu fait sciri:
Sigheus a pigai provedimentus po s’amparu de su territòriu nostru e cumbati is refudus scabudaus.
Gràtzias a su traballu mannu de sa cumpangia barracellari e a s’agiudu profetosu de is Guàrdias Municipalis, seus arrennèscius a cassai is chi lassant is refudus sèmpiri in su matessi logu, fraighendi una discàrica a s’ària.
S’impìnniu nostru est cuddu de fai una polìtica de tolleràntzia zeru conca custas fainas contras a sa lei. Gràtzias a essi portau is santzionis a 600,00 èurus pentzaus de essi in su tretu giustu contra custa mala manera de fai.

Indirizzo

Citta Metropolitana
Cagliari
09010

Orario di apertura

08:30 - 17:00

Sito Web

facebook.com

Notifiche

Lasciando la tua email puoi essere il primo a sapere quando Progetu su sardu spainau pubblica notizie e promozioni. Il tuo indirizzo email non verrà utilizzato per nessun altro scopo e potrai annullare l'iscrizione in qualsiasi momento.