Progetu Sa lìngua chi contat

10/06/2026

📍𝐂o𝐦u𝐧u d𝐞 Ù𝐬s𝐚n𝐚

Labboratòrius de lìngua sarda in sa scola de Ùssana

🏫Me in is mesis de abrili e maju 2026 su Sportellu de sa lìngua sarda de Ùssana at apariciau 35 oras de atividadis in lìngua sarda in sa scola primària e de s’infàntzia de su Comunu de Ùssana.
🌻Eus chistionau, lìgiu contus, trabballau, cantau e giogau impari, in sardu!
🥰Gràtzias a is maistas, e pruschetotu a is pipias e is pipius, de is classis 1 A, 1 B, 2 A, 2 B, 3 A, 3 B, 4 A, 4 B de sa scola primaria e a totu is classis de sa scola de s’infàntzia.
👋A s’annu chi benit!

10/06/2026

📍𝐂o𝐦u𝐧u d𝐞 𝐌u𝐫i𝐬t𝐞n𝐢

𝗦𝘂 𝗖𝗼𝗺𝘂𝗻𝘂 𝗰𝘂𝗻𝘁𝘇𝗶𝗹𝗹𝗮𝘁 - 𝗽𝗿𝗲𝘃𝗲𝗻𝗶𝗺𝗲𝗻𝘁𝘂 𝗱𝗲 𝘀𝘂 𝗳𝗼𝗴𝘂 🔥

04/06/2026

📍𝐂o𝐦u𝐧u d𝐞 Ù𝐬s𝐚n𝐚

𝗔𝘃𝗶𝘀𝘂
𝗘𝗹𝗲𝘁𝘇𝗶𝗼𝗻𝗶𝘀 𝗮𝗺𝗺𝗶𝗻𝗶𝘀𝘁𝗿𝗮𝘁𝗶𝘃𝗮𝘀 𝗱𝗲 𝘀𝘂 𝟳 𝗲 𝟴 𝗱𝗲 𝗹𝗮̀𝗺𝗽𝗮𝗱𝗮𝘀: 𝗘𝗹𝗲𝘁𝗼𝗿𝗶𝘀 𝗔𝗜𝗥𝗘

Po is eletzionis de su 7 e 8 làmpadas 2026 is eletoris chi bivint a foras de Stadu iscritus a s’AIRE tenint su deretu a un’agiudu po is spesas fatas po andai in su Comunu de residèntzia de iscritzioni Aire po votai a is eletzionis in chistioni.

Su deretu a s’agiudu tocat a is disterraus chi bivint a foras de su Sadu, istritus a s’A.I.R.E. o chi tenint una protzedura de iscritzioni testificada de s’Ufìtziu Consolari de su Stadu de anca benint.
Non tenint su deretu a s’agiudu is eletoris chi s’agatant in logu de stràngia po studiai o po trabballai a tempus determinau chi non podint po lei portai sa residèntzia in un’àteru Stadu.
Su biàgiu s’at a dèpiri fai intra duus mesis de sa data de is eletzionis (arribbu a su Comunu sardu) e non prus a tardu de duus mesis s pustis (partèntzia po su Stadu èsteru).

S’agiudu est aparixau a is spesas de biàgiu fatas e a ònnia manera non at a pòdiri essi prus artu de € 250,00 po is eletoris de is Stadus europeus e de € 1.000,00 po is Stadus a foras de s’Europa, cunforma a sa Lei regionali n. 12 de su 23/05/2013, art. 4, comma 7.



***
SA LÌNGUA CHI CONTAT - Progetu finantziau cun su dinai de sa Regione Autònoma de Sardigna cunformas a sa L. 482/99 e a sa L.R. 22/2018

04/06/2026

📍𝐂o𝐦u𝐧u d𝐞 Ù𝐬s𝐚n𝐚

Sa crèsia de Santu Sadurru

04/06/2026

Comune di San Sperate - Biblio SanSperate Teca
Presentada de “L’intuito del corvo” de Marco Dettori
Santu Sparau (CA) - Bibblioteca "Anselmo Spiga"
5 de Làmpadas 2026, a is 6 de merí

Sighit sa rassígna “Cenàbara cun s’autori in bibblioteca”. S’úrtimu atóbiu, cun s’autori Antonio Boggio, est andau beni meda e duncas sa Bibblioteca “Anselmo Spiga” de Santu Sparau po cenàbara su 5 de Làmpadas, at cuncordau un’improvisada: sa presentada de “L’intuito del Corvo” de s’iscritori Marco Dettori.
S’autori, nàsciu in Casteddu in su 1982, chi bivit in Santu Sparau e giai in passau at partetzipau a is eventus de sa bibblioteca presentendi is àterus líburus chi at iscritu, rexonat de cust’òpera noa, “L’intuito del corvo”, impari a su bibbliotecàriu Paúlu Caboni e a Mauro Ibba.

Su romanzu, de genia groga, est ambientau in Casteddu in su 1990. Su protagonista, Martinez, un’imbistigadori chi est abarrau tzopu pustis chi ddi ant isparau, est una personi disamorada de sa vida e fintzas de su trabballu cosa sua. Una dí perou un’ómini béciu, arrimau in unu letu de ispidali, malàdiu a conca, ddi iscóviat unu segretu: at bociu un’ómini; perou, no s’arregordat a chini at mortu. Custa cunfessioni parit chene importu perunu, finas a candu a su béciu ddu agatant chene vida in su letu. A Martinez ddi tocat a imbistigai, ca immoi is bocimentus funt ddus: chini at a èssiri s’autori de custus delitus?

Cras a merí acostai·bosí a sa bibblioteca de Santu Sparau ca bos’abetat unu merí de cultura.

***
SA LÌNGUA CHI CONTAT - Progetu finantziau cun su dinai de sa Regione Autònoma de Sardigna cunformas a sa L. 482/99 e a sa L.R. 22/2018

04/06/2026

Comune di San Sperate
SU COMUNU CUNTZILLAT - Calendàriu Eventus de s’istadi

Su Comunu de Santu Sparau presentat su programma de is atóbius de istadiali. In sa Bidda – Museu is mesis imbenientis funt ricus de eventus culturalis, isportivus e fintzas traditzionalis.

MESI DE LÀMAPADAS
De su 3 a su 5: Fúbbalu in su saboni, in su tzentru isportivu.
Su 6: Batiari de sa sedda e “spritz party”, in Pratza Santu Giuanni.
De su 6 a su 28: A’ Ska 26 La Maschera, in su Museu de sa Terra crua.
Su 7: II Memorial Padre Raffaele, in is campus de bia Ciusa.
De su 8 a su 21: XVII Gara de Fúbbalu a cincu (Padri Redentoristi).
Dal 5 a su 20: Memorial “Ricordando Luciano”, in bia Algero.
Su 20: Sagra de is Malloreddus de Stua, in Pratza Gramsci.
De su 26 a su 27: Trofeu de sa birra, in bia Alghero.
De su 29 a su 11 de Argiolas: Trofeu de su Préssiu.

MESI DE ARGIOLAS
Su 4: Vivamagenta, in Pratza Santu Giuanni.
De su 8 a su 11: Playgraund Festival, in su Giardinu Megalíticu.
De su 15 a su 17: Afestamentu de su Patronu de Santu Sparau.
De su 19 a su 19: Sa de 63 Sagras de su Préssiu, in Pratza Gramsci.
Su 20: Torneu de Santa Suja, in su Tzentru Isportivu.
De su 29 a su 2 de Austu: Cuncambias Festival, in su bixinau Santu Giuanni.

MESI DE AUSTU
De su 29 a su 30: Su Maistu Mannu, in su Giardinu Megalíticu.

MESI DE CABUDANNI
Su 5: Curri Meli, in su Giardinu Megalíticu.
De su 5 a su 6: Sagra de su Meli (logu de s’eventu de isceberai).
De su 12 a su 13: Giogus de Bixinau, in su Giardinu Megalíticu.
De su 19 a su 20: Motor Fest – Shardana Taction 4x4 (Z.A.)
S’Amministratzioni de Santu Sparau torrat gràtzias a is assótzius, a is comitaus e a is volontàrius chi trabballant po cuncordai is eventus.
Marcai·bosí is datas de s’eventu e cumpartzei sa loncandina in is socials e a totu is personis chi connosceis.

***
SA LÌNGUA CHI CONTAT - Progetu finantziau cun su dinai de sa Regione Autònoma de Sardigna cunformas a sa L. 482/99 e a sa L.R. 22/2018

04/06/2026

Comune di San Sperate
S’ammosta “Oltre il mare”
Mércuris 27 e Cenàbara 29 de Maju 2026, e mércuris 3 de Làmpadas, in s’Àula de su Cuntzillu de su Comunu de Santu Sparau, is classis 2D e 2E de s’Istitutu Cumpresivu “Gràtzia Deledda” ant cuncordau s’ammosta “Oltre il mare”.
Is giòvunus istudiantis ant partetzipau a su progetu “Oltre il mare” e ant pótziu imparai no isceti a realizai òperas de arti, ma fintzas ca su mari est una prenda chi tocat a amparai. Cun s’agiudu de s’artista ispertu Giorgio Emanuele Mameli chi ddus at acumpangiaus, ant mudau linnixedda, gioga, croxu de cotza e àteru materiali de refudu, chi no serbit prus e chi s’agatat in s’areni de is plajas, in òperas de arti, contus e installatzionis chi a s’acabbu de su progetu ant donau vida a s’ammosta “Oltre il mare”.

Is piciocheddus de s’iscola, is maistas e maistus, e totu s’Amministratzioni de s’iscola ant arriciu cumplimentus mannus po ai donau a sa comunidadi intrea sa possibbilidadi de si gosai cust’ammosta chi est istétia fintzas unu percursu de acrescimentu, ecologia e bellesa.

Unas cantu fotografias de s’ammosta si podint biri in sa pàgina facebook de su Comunu de Santu Sparau a cust’acàpiu:
https://www.facebook.com/ComuneDiSanSperate/posts/pfbid08uv44btHJPwRuqCE7jbY7kzJ33cLNn4YgBVf8yopN44qViydUy6nQ9SJPjpzEMmbl

***
SA LÌNGUA CHI CONTAT - Progetu finantziau cun su dinai de sa Regione Autònoma de Sardigna cunformas a sa L. 482/99 e a sa L.R. 22/2018

04/06/2026

Comune di San Sperate
Maju ricu de prémius po is giòvunas de Santu Sparau

Custu mesi is giòvunus amantiosus de ballu de Santu Sparau ant bintu una bella pariga de prémius, donendi prexu mannu a totu sa tzitadinàntzia.
Difatis a Gioia Marongiu e Giulia Ottaviani, chi ant partetzipau sa primu borta a su cuncursu “6° Gran Prix Città di Follonica (Grosseto)”, ddis ant donau su Segundu Prémiu in sa setzioni “Disco Dance”.
A Sara Porcu, finalista in una gara de livellu artu in duas categorias, ddi ant donau su Segundu Prémiu in sa setzioni “Modern Contemporary” e su de Tres Prémius in sa setzioni “Jazz Dance”.
In finis, Diletta Marongiu, chi est sa primu borta chi partetzipat a unu cuncursu, a su “Sardinia International Dance Cup 2026” de Terranoa, in sa setzioni “Disco Dance” at bintu su Primu Prémiu.

Cumplimentus mannus a custas giòvunas baddadoras e fintzas a Luca Concas, Maistu de Ballu de sa palestra “Saint Gym”, po s’impignu e sa passioni chi ponit dogna dí in s’imparu a is giòvunus isportivus.
Po sa comunidadi de Santu Sparau unu bellu resurtau, chi ammostat su valori de su de trabballai impari, cun ispíritu de iscuadra, piessignu de su movimentu de su ballu locali.

In sa pàgina fb de su Comunu de Santu Sparau unas cantu fotografias de is baddadoras:
https://www.facebook.com/ComuneDiSanSperate/posts/pfbid0329WxMcviQm2Nkf1TMBf7JKhs6z4MmJEqYwFXwysF8vRLVX4Ddpt95y32VLXnwLhml

***
SA LÌNGUA CHI CONTAT - Progetu finantziau cun su dinai de sa Regione Autònoma de Sardigna cunformas a sa L. 482/99 e a sa L.R. 22/2018

04/06/2026

Iscritu beni est?
Cuntzillus po iscriri beni in Sardu.
(pt. 12)

***
SA LÌNGUA CHI CONTAT - Progetu finantziau cun su dinai de sa Regione Autònoma de
Sardigna cunformas a sa L. 482/99 e a sa L.R. 22/2018

04/06/2026