27/05/2026
𝐒𝐔 𝐂𝐎𝐌𝐔𝐍𝐔 𝐂𝐔𝐍𝐓𝐙𝐈𝐋𝐋𝐀𝐓
𝐌𝐮𝐫𝐢𝐬𝐭𝐞𝐧𝐢 𝐭𝐳𝐞̀𝐥𝐞𝐛𝐫𝐚𝐭 𝐬𝐮 𝐬𝐩𝐨𝐫𝐭: 𝐬𝐮 𝐂𝐨𝐧𝐬𝐢𝐥𝐥𝐮 𝐂𝐨𝐦𝐮𝐧𝐚𝐥𝐢 𝐚𝐫𝐫𝐞𝐜𝐨𝐧𝐧𝐨𝐬𝐜𝐢𝐭 𝐬’𝐢𝐦𝐩𝐨𝐫𝐭𝐮 𝐝𝐞 𝐢𝐬 𝐫𝐞𝐚𝐥𝐢𝐝𝐚𝐝𝐢𝐬 𝐬𝐩𝐨𝐫𝐭𝐢𝐯𝐚𝐬 𝐝𝐞 𝐬𝐮 𝐭𝐞𝐫𝐫𝐢𝐭𝐨̀𝐫𝐢𝐮.
Mèrcuris 27 maju a is 6 e mesu de merì, in s’aposentu de su Consillu de su Comunu de Muristeni, nc’at a essi unu momentu istitutzionali dedicau a su sport e a is protagonistas de sa comunidadi de Muristeni.
Seguite la pagina Progetu Sa lìngua chi contat 👏👏👏
perchè il progetto SA LÌNGUA CHI CONTAT è da sostenere e condividere.
📍𝐂o𝐦u𝐧u d𝐞 𝐌u𝐫i𝐬t𝐞n𝐢
𝐒𝐔 𝐂𝐎𝐌𝐔𝐍𝐔 𝐂𝐔𝐍𝐓𝐙𝐈𝐋𝐋𝐀𝐓
𝐌𝐮𝐫𝐢𝐬𝐭𝐞𝐧𝐢 𝐭𝐳𝐞̀𝐥𝐞𝐛𝐫𝐚𝐭 𝐬𝐮 𝐬𝐩𝐨𝐫𝐭:
𝐬𝐮 𝐂𝐨𝐧𝐬𝐢𝐥𝐥𝐮 𝐂𝐨𝐦𝐮𝐧𝐚𝐥𝐢 𝐚𝐫𝐫𝐞𝐜𝐨𝐧𝐧𝐨𝐬𝐜𝐢𝐭 𝐬’𝐢𝐦𝐩𝐨𝐫𝐭𝐮 𝐝𝐞 𝐢𝐬 𝐫𝐞𝐚𝐥𝐢𝐝𝐚𝐝𝐢𝐬 𝐬𝐩𝐨𝐫𝐭𝐢𝐯𝐚𝐬 𝐝𝐞 𝐬𝐮 𝐭𝐞𝐫𝐫𝐢𝐭𝐨̀𝐫𝐢𝐮.
Mèrcuris 27 maju a is 6 e mesu de merì, in s’aposentu de su Consillu de su Comunu de Muristeni, nc’at a essi unu momentu istitutzionali dedicau a su sport e a is protagonistas de sa comunidadi de Muristeni.
S’amministratzioni comunali, ghiada de sa Sìndiga Paola Ugas, at a atobiai e at a donai unu arreconnescimentu a su Monastir Volley e a s’ASD Monastir 1983 po is arresurtaus de importu mannu de custa stagioni sportiva, chi ant donau visibbilidadi a sa bidda a foras de su territòriu.
S’ideada at a essi un’ocasioni po tzelebrai totu su mundu sportivu de Muristeni: assòtzius, sotziedadis, tènnicus, volontàrius, famìllias e sportivus chi ònnia dì, cun su sport, agiudant s’acrescimentu sotziali, educativu e de comunidadi.
Po custu s’atòbiu est abertu a totu is tzitadinus e tzitadinas e a totu is realidadis sportivas de sa comunidadi nosta, cumpresu is assòtzius de bibicreta e mountain bike, is assòtzius de taekwondo, patinàgiu, baddu e totu is àteras atividadis chi donant vida a su sport in Muristeni.
Sa punna de s’Amministratzioni est marcai su balori de su sport po s’auniri e po si formai.
“Muristeni est bivendi una stagioni sportiva chi minescit de essi arregordada. A palas de is arresurtaus ddoi funt sacrifìtzius, ànimu, volontariau e un’acàpiu forti cun sa comunidadi. Tzelebrai su sport bolit nai tzelebrai Muristeni e totu is chi agiudant a dda fai prus aunida e bia”.
S’amministratzioni comunali cumbidat is tzitadinus, is giòvunus e is amantiosus a pigai parti a custu momentu de arreconnoscimentu colletivu dedicau a su sport de Muristeni.
SA LÌNGUA CHI CONTAT - Progetu finantziau cun su dinai de sa Regione Autònoma de Sardigna cunformas a sa L. 482/99 e a sa L.R. 22/2018
