16/04/2026
Socialistët e Italisë janë me qindra mijëra; qytetarë shqiptarë që në këto 30 vite emigrimi kanë jetuar dhe punuar me ndershmëri e sakrificë në çdo skaj të shtetit fqinj Itali.
Që në krye të herës, ne kemi qenë në ballë të luftës për mbrojtjen dhe promovimin e të drejtave legjitime të bashkëkombëtarëve tanë në mërgim.
Historia jonë e organizimit nis që në vitin 1999 si një strukturë unike funksionale në territorin italian, ndërsa në vitin 2004 arritëm njohjen statutore nga Selia Rozë me të drejta të barabarta si çdo strukturë tjetër e Partisë, brënda apo jashtë Shqipërisë.
Kemi punuar fort për një program gjithëpërfshirës për Diasporën, edhe atëherë kur gjendeshim nën trysninë e egër të persekutimit, si brenda ashtu edhe jashtë vendit.
Në vitin 2013, Partia Socialiste erdhi në pushtet, duke pasur si gur themeli edhe kontributin tonë të palodhur për çështjen e Diasporës dhe mërgatës shqiptare.
Sot, me plot bindje mund të shihni se:
• Edhe se në radhët tona kemi dhjetra specialist të mirfilltë. Asnjë socialist i Italisë nuk është përfshirë në administratën qendrore apo lokale;
• Asnjë socialist i Italisë nuk është dekoruar, ndonëse dekoratat i meritojmë me punë sakrifica dhe suksese të vazhdueshme;
• Në konsullatat tona, ne nuk kërkojmë privilegje – madje jemi të parët që refuzojmë çdo qasje klienteliste.
Ky realitet nuk është "i hidhur" për ne. Përkundrazi, është vullneti ynë krenar. Fakti që nuk kërkojmë poste, por vazhdojmë jetën me punë, tregon një pjekuri politike që e vret klientelizmin e rëndomtë. Kjo është ajo që ne e quajmë "Politika e Dinjitetit".
Ne jemi 100 herë më shumë opozitarë brenda forumeve tona sesa jashtë tyre. Është pikërisht ky debat, ky bashkëpunim dhe ky program yni që lindi dhe idenë dhe realizimin e Samitit të Diasporës.
Pa zërin tonë kritik, qeverisja do të rrezikonte vetëmjaftueshmërinë dhe shkëputjen nga realiteti i emigracionit shqiptar.
Pozitivizëm, dhe vetem promovim të progresit dhe suksesit, jo 'Ankesa' që disa media "kazani" apo individë me ftesë speciale për në Samit, ulërasin se "u janë mbyllur dyert"!
Ne socialistët e Italisë kemi një tjetër qëndrim:
1. Ne nuk presim lëmoshë, por kërkojmë respekt përmes punës.
2. Ne nuk presim ftesa apo dekorata (të cilat nuk i morëm as në këtë Samit, ndonëse ishte pjellë e punës tonë shumëvjçare në terren dhe me program).
3. Ne kemi qenë dhe mbetemi pozitivistë: për nè, kush është i zgjedhur me votë dhe mbyll dyert, nuk është politikan.
Ne nuk ankohemi për dyer të mbyllura. Ne jemi ura e fortë që mban peshën e sfidave të mërgatës sonë në itali pa pritur duartrokitje.
Por, nese në rrugëtimin tonë drejt të mirës së vendit dhe kauzës së Diasporës do të gjejmë dyer të mbyllura, ne nuk do të kthejmë kurrizin, nuk do të ulërasim nëpër samite apo media – ne jemi gati t'i thyejmë ato dyer dhe çdo barrierë tjetër.
Për ne!
Ideali qëndron mbi interesin.
Kjo është forca jonë.
Kjo është Dega PSSH Itali.
Mirëprita sot në Kuvendin e Shqipërisë tre përfaqësues të nderuar të diasporës tonë 🦅 në Emilia Romagna, Astrit Poti, Eva Baçi dhe Dorina Merdini. Mirënjohje për punën dhe kontributin e tyre për çështjet e komunitetit shqiptar në këtë Rajon. Në fillim qershori do të jemi sëbashku atje për një tjetër shkollë shqipe në Bologna🙏👏
