Progetu Sa Lìngua Oi - Ufìtziu Lìngua Sarda Sìnnia

01/09/2026

Oi si cunsillaus de castiai sa primu puntada de "Paràulas".
Sa Professora Giulia Murgia si chistionat de s'evolutzioni de sa lìngua sarda e s'operadori Danilo Melis de is ufìtzius de sa lìngua sarda, intervistau de s'operadori nostu, Francesco Cappai.

Norabonas a Francesco po custu traballu nou!

~A

cun Tore Cubeddu

01/09/2026

Cabudanni est arribau.
Custu fueddu ndi benit de su latinu caput - anni,
eus a nai sa conca de s’annu e duncas s’incumentzu de s’annu.
Su calendàriu bizantinu faiat cumentzai s'annu in custu mesi e in Sardìnnia est abarrau custu nòmini.

Fintzas po is traballadoris in su sartu s'annu acabàt in su mesi de Austu e torràt a cumentzai in su mesi de Caput-anni.

Ddu ligeus in sa Carta de Logu:
"Item ordinamus qui nexuna persone non deppiat nen poçat pone fogu infini ad passadu sa festa de Santa Maria, qui est a dies octo de capudanni".

Non si depiat ponni fogu in su sartu finsas a s’8 de custu mesi, candu afestànt Santa Maria. Apustis podiant abruxai su chi fiat bèciu po torrai a su nou e gosai de is frutus de su traballu de totu s'annu.

Po custu mesi eus scioberau difatis unu strexu chi fiat pruschetotu imperau po nci ponni lori, sèminis etc.
Su ziru est unu strexu diferenti de is atrus chi eus biu: torraus gràtzias a Chiara Lai, sa fotografa, po su traballu chi at fatu po tirai custa (e is atras, ma pruschetotu custa) fotografia!
Non parit ma est unu strexu mannu e artu diaderus, assimbillat casi a una brùnnia po s'olia.

Po dda serrai, ddu scieus ca s'annu incumentzat in su mesi de Gennàrgiu ma po is pipius, is professoris e is maistus sa scola cumentzat imoi, s'annu cumentzat imoi e totu su chi fiat bèciu torrat a nou. Si podeus cunsillai de bivi custu mesi cun su prexu de is cumentzus, "abruxendi" is pensamentus lègius cun sa spera de unu Cabudanni mellus.

31/08/2026

Pipias e pipius,
Ddu scieus ca dda festis abetendi! S'8 de su mesi de Cabudanni torrat sa cassa a su scruxoxu literària! 🪎📚

Ocannu nci iat at essi una novidadi: cuatru mammas o babbus chi bolint giogai si podint assentai po si spassiai cun nosu e agiudai totu is cricas de giogu!

Coidai a s'assentai scriendi una mail a [email protected].

S'abetaus!

Biblioteca Sinnai 💝

28/08/2026

Saludi!
Si faeus sciri ca s'Ufìtziu at a essi serrau:
- lunis su 31 de austu
- martis su 1 de cabudanni

Si bieus mèrcuris! Bonu acabbu de cida a totus 📚

28/08/2026

Cras a is 12:25, Rai 1!

24/08/2026

In custas diis, in sa cresiedda chi s'agatat a giai tres chilòmetrus de sa bidda de Sìnnia, in mesu a matas de olias secularis, is sinniesus ant afestau Sant'Alleni.

Oi si boleus fai intendi is gòcius dedicaus a custa Santa. Depeus torrai gràtzias a su comitau, a Pierluigi Farci, a Maurizio Boassa e a s'Arrodia chi s'ant permìtiu de tirai custu vìdeo, fotografias e una registratzioni chi eus a ponni in su canale YouTube de s'Ufìtziu.

Su comitau invitat totus a sa torrada de sa Santa, chi at a essi oi pustis de sa missa in sa crèsia de Sant'Alleni de is 7 e mesu.

22/08/2026

In sa retza circaus sempri de chistionai de Sìnnia, de avalorai sa lìngua e is traditzionis nostas.

Oi perou non fait a chistionai de bellesa sceti. Oi depeus e boleus nai e scriri ca sa violèntzia est de cundennai in dònnia manera e cun calisisiat lìngua.

Oi Solanas e Sìnnia prangint po Michela.
Su Comunu invitat totus is ufìtzius, is atividadis e sa genti a su dolu de sa bidda.

S'interru at a essi oi in Solanas in sa crèsia de sa Madonna de sa Fidi, a is 10 e mesu.

04/08/2026

Austu, mesi de soli e de mari, mesi de festas e mesi po si pasiai. Ddu sciiant is arromanus antigus puru: nci fiant difatis is feriae Augusti, eus a nai s'assèliu de Augustu, s'imperadori. S'etimologia latina de custu mesi dda agataus finsas in sa lìngua sarda.

Cun custu mesi acabant is fotografias fatas "in serie": eus biu sa pallinedda, su pallini, su canisteddu de manixu e imoi su canisteddu bonu. Ddu eus giai nau, su canisteddu fiat su strexu cun su prus diàmetru mannu. Si cunsillaus de torrai agoa po biri is diferèntzias intra custus strexus, pruschetotu castiendi su canisteddu de manixu e su canisteddu bonu. Cussu bonu ddu imperànt po bellesa, po is festas, po ponni is durcis...

Custu in sa fotografia est antigu, e tropu bellu. ☀️

03/08/2026

Su mesi de Austu est arribau ma nosu si boleus amostai calincunu de is atòbius sinniesus de su mesi de Argiolas! ♥️

In sa bibrioteca non funt amancaus is momentus totus impari: cun is pipius po is laboratòrius impari a is bibriotecàrias, cun is mannus po sa crica de is librus e po una bella abisita ghiada a s'archìviu stòricu e a sa bibrioteca, cun sa collaboratzioni de su MuA e de su CAS de Sìnnia.

Custu mesi eus arregordau finsas totu is fèminas gràtzias a su festival "Il colore rosa". In sa bibrioteca e in su MuA, gràtzias a s'organizatzioni de sa cumpàngia Effimero Meraviglioso de Sìnnia, nci funt stètias presentadas de librus, atividadis, cumèdias, cantadas... po sa bidda nosta est de importu mannu arregordai grandu scritoras e artistas ma finsas is fèminas pagu famadas chi bivint e traballant dònnia dì po unu mundu diferenti e is mamas, is sorris, is fillas chi bolint artziai sa boxi contras a sa violèntzia.

Argiolas est finsas su mesi de sa festa patronali de Sìnnia e duncas nci est stètia sa festa de Santa Bràbara, religiosa e tzivili.

Nosu de s'Ufìtziu circaus de si contai su traballu nostu, de apariciai atòbius bellus e diferentis po is mannus e po is pipius.

E bosàterus teneis calincunu consillu de si donai? Ita si iat a praxi a biri in sa retza e a bivi in sa bibrioteca?

Si intendeus cras poi su strexu de su mesi de Austu!