15/07/2019
🏳️⚧🏳️🌈👑الموسم الأول👑🏳️🌈🏳️⚧
✨الجزء التاسع و عشرين✨
بقيت كنقلب على وليد حتا لقيتو فواحد البلاصة حدا واحد المطعم gالس وحادر راسو ... حالتو مسكين ... درت على راسي القب وغطيتو بيه .... مشيت قربت ليه بهدوء حتا وصلت عندو .... وقفت حداه . مديت ليه ايدي . شافني بقا كيشوف فيا معرفنيش حيت داير القب وهو يحدر راسو تاني ... انا درت بحال ايلا غادي فحالي... بعدت عليه شويا ... وليد ناض وبقا كيشوف فيا .... وليد : علاء ؟؟؟!!! .... أنا بتاسمت حيدت عليا القب وضرت عندو ... منقولش ليكم الشعور ديالو ملي شافني . بغا يموت من الفرحة .. جا عندي كيجري عنقني .. حتا انا الفرحة ديالي كانت كبيرة . عنقتو حتا انا.... واااو على شعور.. حسيت بانني اسعد واحد فالدنيا حيت رجع ليا وليد... واحد الشويا هزني وبقا كيضور بيا بقوة الفرحة ... وليد : متخيلش شحال توحشتك وأخيرا رجعتي ليا ... انا : كون شتي أنا الحبيب ديالي ، سمحلي أنا لي تسببت ليك فهادشي ... وليد : لا لا اعمري متقولش هاكا على قبلك نصبر على كلشي . انا عنقتو .... وليد : ولكن دبا معندنا فين نمشيو .. انا : متخافش راه كلشي رجع ديالك وبسميتك ... وليد : واش بصح !!!؟؟؟ وماجد ؟ ... انا : المهم قصة طويلة حتا لدار ونعاود ليك ... وليد : اوك يلاه يلاه عرفتي فيا الموت ديال الجوع ... مشينا للدار انا مشيت نوجد الماكلة حيت الخداما كلهم ديال ماجد جريت عليهم ... أوليد مشا دوش ولبس حوايج جداد ... اححح كيحمق 😍😍😍 ... نزل عندي وgلسنا كناكلو ... وليد محبسش من البوسان هه ملي جينا وهو كيبوس فيا ... المهم gلسنا في الصالون وعاودت ليه كلشي ... وليد : صافي نسا عليا هادشي مبغيتش نفكر فيه دبا لي فات مات ... انا : عندك الحق خاصنا نحتافلو ... وليد : مكين لا احتفال لا والو خاصنا نتزوجو فأسرع وقت مقادش نصبر مزال .... انا : (بستو ففمو ) من بعد نفكرو فهادشي احبيبي يلاه نمشيو للشركة دبا راه كلشي توحشك ... وليد : اوك نمشي نبدل ... خرجنا من الدار ومشينا للشركة . الموضفون لي كانوا تما غير شافو وليد فرحو بزاف وجا كلشي كيسلم عليه ..... دوزنا النهار كامل في الشركة . بسيف راه توحش الخدمة فيها . انا بقيت غير حداه فالبيرو ديالو مرة مرة كنضحكو ونلعبو حتا وصل الليل ومشينا للدار .. دخلنا لقيت الخداما ديال وليد كلهم رجعو ورجعو الشكل ديال الدار كيف كان في اللول .... مشينا تعشينا . وتفرجنا ففيلم رومنسي . من بعد طلعنا دوشنا ومشينا لبيتو وتكينا فالناموسية ... وليد : ( ضمني فالحضن ديالو ) توحشتك بزااف ... انا : انا كتر منك .... وليد : انا لي كتر .... انا : لا انا لي كتر ... بقينا انا كتر لا انا لي كتر شديت مخدة وضربتو بيها . هزها وعاودني بيها ... بقينا كنضاربو بالمخاد واحد شويا شدني طيحني فالناموسية وبقا كيشوف فيا .. باسني وعاود شاف فيا وباسني تاني . حتا انا بستو وبقينا كنبوسو فبعضنا حتا وقع لي وقع 😍 ... نعسنا هاكاك حتا لصباح
🏳️⚧🏳️🌈👑الموسم الأول👑🏳️🌈🏳️⚧
✨الجزء الثلاثين و الأخير من الموسم الأول✨
فقنا معطلين بزاف . مع ديك 12 . وليد : حبيبي صباح الخير .. انا : صباح النور .. وليد : نعستي مزيان ؟؟ .. انا : علاه نت خليتيني ننعس 😒 .. وليد : وايلي علاش ؟ ... انا : الليل كامل وأنا غير كنشوف فيك .. وليد : ههه .. باسني ومشينا دوشنا مع بعضياتنا ونزلنا لقينا الفطور واجد . فطرنا مزيان ومشينا للشركة . كان عند وليد اجتماع . دخلت معاه وبقيت حداه حتا كمل الاجتماع ديالو . بقينا في الشركة مدة طويلة حتا ظلام علينا الحال . خرجنا تعشينا على برا . مشينا للدار طلعنا للبيت تكينا حدا بعضنا . واحد الشويا طاح عليا الضيم توحشت عائيلتي 😢 .. شافني وليد مقلق .. وليد : مالك احبيبي علاش مقلق .. انا : توحشت الأسرة ديالي 😢😢 .. وليد : صافي احياتي متقلقش ليا أنا غدا نديك تشوفهم ... انا : بصح ؟؟!!! ... وليد : ومالي غنكذب عليك ... طرت عنقتو وبقيت كنبوس فيه . انا : ولكن يقدرو يكونو باقين مقلقين مني .. وليد : نتا دير الصواب وسير شوفهم . المهم نعست في الحضن ديالو وأنا فرحان . فقنا في الصباح بكري فطرنا . خرجنا ركبنا فطوموبيل ومشينا . وصلنا نزلنا عند الباب ... بقيت متردد واحد شويا زعمت وانا نضق الباب ... خرج عصام شافني وهو يطير عليا . عصام : شيماء شيماء علاء رجع .. خرجات كتجري غير شافتني بدات كتبكي وجات عنقاتني. حتا انا بكيت معاها . شيماء : دخلو مرحبا بيكم . دخلت انا أوليد . وبقينا كنهضرو شحال . شيماء: اوا مغتعرفناش على هاد الشاب ... وليد : أنا وليد عندي 27 سنة وبصراحة انا هو حبيب علاء وكنبغيه بزاف . شيماء شافت فيا وهي تبتاسم . شيماء : الله اخليكم لبعضكم . انا : ( فرحت ).... حيت الاخت ديالي ديما كانت كتفهمني وباقا كتفهمني.... انا : فين هو بابا واش خدام ؟؟؟ شيماء غير سمعات كلمة بابا وهي تبدا تبكي ومشات طلعات لفوق... انا مفهمت والو... انا : عصام مالها شنو واقع ؟؟ ... عصام : ( حدر راسو ) بابا مات من بعد ما ماتت ماما بشهرين بسبب واحد المرض جاه فجأة.... انا : شنو !!!!!!!؟؟ .. وليد بقا فيه لحال بزاف... نضت مصدوم.... وليد : علاء مالك ؟... انا : سمحلي بغيت نبقا بوحدي.. مشيت للبالكو... واحد شويا بلا منحس بداو دموعي كيسيلو.... جا عندي وليد شافني فديك الحالة وهو يضمني ... وليد : شششش مكنستحملش نشوفك كتبكي قدامي .. انا : انا سباب فهادشي كامل انا سباب... وليد : متقولش هاكا احبيبي نت مدرتي والو معندك علاش تلوم راسك.. دبا انا معاك وفجنبك وغادي نتجاوزو هادشي ... ملي سمعت كلامو حسيت بالراحة... رجعنا للصالون.. شويا هبطات ختي .... شيماء : سمحو ليا مكنتش قاصدة نمشي ونخليكم... وليد : لا عادي ماشي موشكيل ... انا : ختي شنو باليك تسكنو معانا نتي وخويا عصام .؟ شفت فوليد ... انا : واش ممكن يسكنو معانا ؟؟ ... وليد : اكيد ممكن مرحبا بيهم... شيماء : لا لا بلاما نعذبوكم والله... وليد : مكين لا عذاب لا والو شرف كبير ليا تجيو تسكنو معانا..... فرحت بزاف..... هي هاديك تغدينا مجموعين من بعد مشينا للدار ومعايا الاخت والاخ دياولي ...
《 `` بعد مرور شهر ``》
ليوم أنا فرحان بزاف حيت وأخيرا وليد وانا رجعنا لبعضياتنا 😋 أوليت الشريك ديالو في الشركات كنمشيو بجوج ونرجعو بجوج والأسرة ديالي ولات ساكنا معايا .... معرفتش شنو غيوقع من هنا لقدام ولكن لي كيهمني هو أن وليد معايا وفجنبي وعمرني نبغي شي واحد من غيرو ❤❤ ................ ♡ #النهاية 💝💝
تقديرا منا لكم متابعي قصة ''لعبة القدر'' نهديكم اليوم جزءا إضافيا من قصتكم الذي يعتبر آخر جزء من قصة لعبة القدر لكاتبها Amir Salah.
قريبا الموسم الثاني من القصة.
